أفضل طريق من الدمام إلى الصمان

[هايبر]

تكفون أبي أطلع من الدمام إلى الرفيعه وبي أفضل طريق يوصلني و يكون مختصر والله الله في الوصف الواضح .

[winchester]

مرحبـا ومسهلا أخوي هايبر أفضل طريق تروح لنعيريه وبعدها مفرق قريه العليا يسار قبل السعيريه ثم الى الرفيعه هذا أفضل طريق مسفلت

بالنسبه قطوع صحراء فيه كهرباء من الشرقيه الى القصيم تحت الانشـاء يتجه غرب يمر بشويه ثم الرفيعه 80كيلو يمين
الطريق يطلع من بين الصرار والونان لكن ماأنصحك فيه طريق غير مسفلت


دمـت بود

[هايبر]

أخوي وينشستر, مشكور على الوصف والله يوفقك دنيا وآخره

[winchester]

الله يجزاك خير على الرحب والسعه

دمـت بود

[جبل حبشي]

أذا ما عندك مشكلة مع الطريق الصحراوي ,فيه طريق مختصر جدا بس يبي واحد ماهو مستعجل يعني علي الراحة ,,
ردمية شركة الكهرباء تطلع قريب من كوبري الجبيل أبوحدرية من عند محطة كهرباء الفاضلي ,,الطريق من ناحية مطناج ومطبات ما فيه ,مقاول شركة الكهرباء لازال يشتغل يعمل عملية مسح للردمية وتقريبا خلص جزء كبير منها ,بس أنه حاط كل 5كيلومتر تسكيره من الرمال يعني تأخذ يمين أو يسار عنها وتمشي ,,أنا قبل شهر تقريبا جيت معها وما فيها أي مشاكل ,,
الردمية بعد ما تقطع طريق الصرار النعيرية تجيبك علي طريق شوية الرفيعة تأخذ يمين حوالي 30كيلومتر أو أقل..