المساعد الشخصي الرقمي

مشاهدة النسخة كاملة : تكفون الي عنده واسطه او حل مع ابو جميل في Fj؟؟؟؟؟


pharamazar
26/02/2008, 11:26 PM
اخواني شاري FJ من اربع اشهر وأكتشفت قبل شهرين انه يوجد فرق في وزن الرفرف وراجعة الوكاله وقالي المهندس انه يحتاج وزن تعال يوم فاضي واوزنه في ساعتين فقط ؟ وانشغلة ورحت قبل 3 ايام اوزنه واتفاجئ بوجود عفطه داخليه ( بدون صدمه ) في الرفرف لا يعرف سببها وصداء اسفل السياره وتم عمل تقرير وطلب الموافقه لي تغير الكنداسه ورش و إزالة الصدى وحل مشكله الرفرف ولا كن المفاجئه ان طلب المهندس رفض؟ والسبب يقولون اين العميل من خمسة شهور ؟ ولماذا سكت كل هذه المده ؟؟؟
تكفون وش الحل؟؟؟؟؟؟؟؟؟؟
pharamazar
26/02/2008, 11:54 PM
علي فكره ان شاء الله بكر انزل الصور .
pharamazar
27/02/2008, 12:50 AM
يأخوان هل معهم حق ام لا ؟ ويش الحل
taag1
27/02/2008, 01:12 AM
اللي عند الله مايضيع وكل امرك لله سبحانه وان شاء الله يسهلها
الساهر2003
27/02/2008, 01:12 AM
اخوي انت دافع فلوس في السيارة مو معطينكيها ببلاش مالهم منه انت بكيفك تجيهم متى ما بغيت وبعض الناس ما ينفع معه الا عين الذيب وممكن فيه ناس توها تكتشف الخلل لا يعقل ان العميل سيكتشف الخلل في ايام معدودة بعد شراء السيارة
لا تخليهم ابد وش شغلهم ورواتبهم من فلوسك طلع روحهم وداوم عندهم وادخل على اطول شنب فيهم وعطه عالمك وعلمك لا تعطيه صغيرهم
الله ييسر امرك اخوي والله يعينك عليهم والعزايم معها غنايم وهونها تهون لا تكبرها ثم تبرد انت ما تسوى على صحتك تكتمها برد على قلبك وطب في بطونهم
مع اطيب تحية لك
راكان المطيري
27/02/2008, 01:23 AM
الله يقلع ابو جميل ماكلنا اكل لا وبعد ماتمشي امورك عندهم الا بواسطه

اخوي ماضاع حق وراه طلاب يعني اشغلهم رحلهم كل يوم والا شوري عليك بع الجيب ترا الراحه تنشرا شرا

نصيحه للأخوان كلهم الي يبي موتر تويوتا وخاصه الجيوب وش حدكم على ابو جميل والامارات فاتحه بابها ابو جميل الي يشري شي من عنده ينغبن غبن
pharamazar
27/02/2008, 01:25 AM
اخواني هل الصدى مشمول في الضمان ؟
بكره ان شاء الله انا مغرس عند مدير المنطقه الغربيه من 9 صباحا .واشف وش قوله بعد......
هبيس
27/02/2008, 01:46 AM
سو عليهم شكوى في وزارة التجاره وكبر الموضوع

وفيه حل ثاني أتصل بالمدير الاقليمي ((أظنه في دبي)) وهو يضبطك ويحوس خامسهم
alkongrs
27/02/2008, 01:52 AM
ادخل عليهم وسو فوضى ودق على عبد الطيف جميل وكلم المدير الي بجدة
pharamazar
27/02/2008, 02:07 AM
الله يجزاكم خير
التعـ King ـديل
27/02/2008, 02:26 AM
اخوي يالغلا الوكالات كذا كل ماكبرت الموضوع كبرت في نظرهم وكل ماصغرته صغرت بنظرهم

زي ماقالو الشباب شب العين الحمرا عليهم وانطل الموتر عند بابهم يايصلحونه ولا يرجعون فلوسك

انا اعرف واحد مشتري لاند جديد 2008 وخرب القير عليه سوو فيها انهم مب مصلحينه عاد راعي

الموتر شايب وقف الموتر على مدخل الورشه لاسياره تدخل ولا سياره تطلع موتره ب 240 الف

قالو بنغير القير قالهم لا ابي فلوسي ولا وموتر جديد غيره
التعـ King ـديل
27/02/2008, 02:27 AM
على فكره عطوه موتر جديد وموتره ماشي 7000
pharamazar
27/02/2008, 08:32 PM
ابشركم قابلت اليوم مدير مكب نائب عبداللطيف جميل وشبيت فيه وتغيرر رفضهم الي قبول فوري بس طلب شرط كتابة اقرار مني بان هذا الاصلاحات مساعده منهم وليس اجبار وان الصداء غير مشمول في الضمان وبعدها سوف يدخلون السيارة الصيانه ؟
هل اكتب لهم الاقرار ام لا ؟
الربذي
27/02/2008, 08:53 PM
اخي صاحب الرساله شف توقيعك على ان الصداء ليس مشمول معناته انك رايح تدفع مبلغ وقدره ولا ماراح يسلمونك السياره حتى تدفع المبلغ ارفض وقلهم لو اني مغطس الموتر بماء ماراح يصدي بهالسرع وشلون ونا على فكره هل انت بالرياض طبعا مستحيل تصدي السياره بالرياض الا بعد عشرات السنين معناه ان الصداء من وهو في المصنع واذا ابلشتهم ورجيتهم وحست جدهم السابع والرابع طعشش رايح يقولون انت موقع على انه لايشمله الضمان
ابوريان
27/02/2008, 09:04 PM
ابشركم قابلت اليوم مدير مكب نائب عبداللطيف جميل وشبيت فيه وتغيرر رفضهم الي قبول فوري بس طلب شرط كتابة اقرار مني بان هذا الاصلاحات مساعده منهم وليس اجبار وان الصداء غير مشمول في الضمان وبعدها سوف يدخلون السيارة الصيانه ؟
هل اكتب لهم الاقرار ام لا ؟

الله يعينك أخوي
أنا من وجهة نظري لا توقع على الإقرار لأنك بعد التوقيع يبون يمسكونك الباب . عليك بالإتصال بالشركة باليابان وتوضح لهم المشكلة وضع عنوانك وإن شاء الله يتصلون عليك وهذا رابط الشركة


http://www.toyota.com/
متصفح مكشات
27/02/2008, 10:29 PM
اعوذ بالله وش فيكم يااخوان تحرظون وتشيشون الرجال ...

بكرة يسوي مشكلة مامكلها الا هو وانتم بتطلعون منها ...

سبحان الله محد قال اجهم بالحسنى واذا مانفع جرب العصبية ...
alkongrs
28/02/2008, 02:39 AM
اخوي يالغلا الوكالات كذا كل ماكبرت الموضوع كبرت في نظرهم وكل ماصغرته صغرت بنظرهم

زي ماقالو الشباب شب العين الحمرا عليهم وانطل الموتر عند بابهم يايصلحونه ولا يرجعون فلوسك

انا اعرف واحد مشتري لاند جديد 2008 وخرب القير عليه سوو فيها انهم مب مصلحينه عاد راعي

الموتر شايب وقف الموتر على مدخل الورشه لاسياره تدخل ولا سياره تطلع موتره ب 240 الف

قالو بنغير القير قالهم لا ابي فلوسي ولا وموتر جديد غيره

ياحبيل الشايب والله ما يصلحلهم الى الشياااااااااااااااااااااااااااااااااب :) استقعادين:D
alkongrs
28/02/2008, 02:42 AM
اعوذ بالله وش فيكم يااخوان تحرظون وتشيشون الرجال ...

بكرة يسوي مشكلة مامكلها الا هو وانتم بتطلعون منها ...

سبحان الله محد قال اجهم بالحسنى واذا مانفع جرب العصبية ...

اخوي مكشات اذاجيتهم بالطيب يبي يعيون جميع الوكالات الى اذاكانت عندك فتامين واو...........

وذا عطيتهم العين الحمرا يصلحون الي انت تبيه :D

لاتزعل من:)
الوسم
28/02/2008, 03:16 AM
أييييييييييييييييييييه

الله يعيييييينك عليهم

أنا وياهم على ونة في الدفرنس ثلاثة أشهر!!!! والأعذار 000 حدث ولا حرج :

المهندس اللي مستلم السياره مشغول بسيارات غيرك ؟!؟!؟

المهندس اللي 00000 رايح للفرع الثاني يشوف سيارات ثانيه ؟؟؟؟

المهندس 000000 رايح يودي يجيب عياله من المدارس ؟؟

المهندس 0000 ما أدري وينهو فيييييييييه 0000 الله يكرم السامع والقاريء ؟؟؟

حمر عينك ثم خضرها ثم صفرها ألييييين تعجز 000 وعسااااااااااك تاخذ بعض حقك ؟؟

وآآآآآخر شيء قالوا غيرنا الكارونه وطلعت الونه بعد شهرين بالتمااااااااااااااام

وإلى هالحين كمل أربعمية ألف ولا خالف علي وأختفت بعد فتره
pharamazar
28/02/2008, 03:25 AM
الله يجزاكم خير علي فزعتكمم .
بس ودي اعرف هل الصداء غير مشمول في الضمان تويوتا من جد ؟
shababi
28/02/2008, 07:31 AM
لا توقع وارسل ايميل او فاكس لفرع تويوتا الاقليمي في دبي وحط Cc نسخه للشركة الام في اليابان ما ينفع مع الوكلاء بشكل عام غير هالحل وبتشوف بكرة نائب جميل يدور عليك
البدر1
28/02/2008, 02:28 PM
افضل اشتكهم علي حماية المستهلك
النحيف
28/02/2008, 09:39 PM
شف أخوي :
فيه رقم للشكاوي بموقع شركة عبد اللطيف جميل ولا تكتفي باشي هذا كلم مدير الوكالة بجدة وقل أني كلمت الصيانة ولا فيه أي تجاوب وعطه أسماء الأشخاص اللي قابلوك وردوك أو ما تجاوبوا معك بالشكل الصحيح ، ونوه أن مثل الأشخاص يسيؤون لسمعة الشركة ، وإذا مافيه تجاوب لوح بنشر المشكلة في الصحف المحلية والشكوى عند حماية المستهلك ، ولا يغرك حسن المنطق أوالوعود.
والله يعينك .....
aldhna1
28/02/2008, 10:19 PM
ما اقول الله يعين المستهلك في هذا البلد : جميع الانظمه ضده
pharamazar
28/02/2008, 10:41 PM
افضل اشتكهم علي حماية المستهلك
هذا استبعده تماما لانهم في ايجازه مفتوحه؟
بس يأخوان اهم سؤال هل الصداء غير مشمول في ضمان تويوتا ؟ ولإذا كان نعم اي الدليل ؟