المساعد الشخصي الرقمي

مشاهدة النسخة كاملة : ايهم افضل معارض الشفا او النسيم؟؟


استشاري
27/02/2008, 03:41 PM
السلام عليكم
ان شاء الله ناوي اشتري سياره جيب جديد وكاله باترول سفاري رقم اثنين او لاند جي او جي اكس 6 اسطوانات، مشورتكم اخواني
و اي افضل اسعار معارض الشفا او معارض النسيم بالرياض؟؟
الاستخدام داخل المدينه و طلعات بريه و سفر مسافات طويله ثلاث الى اربع مرات بالسنه
saad.saud
27/02/2008, 04:31 PM
السوق كبير مهوب معرض أواثنين... كانك بتشري مستعمل لفهن كلهن وقارن السعر مع النظافة والمواصفات والله يوفقك
.أبوعبدالرحمن
27/02/2008, 07:00 PM
اذا بشتري مستعمل فالله يعينك على لف السوقين ( الشفا ، النسيم )


واذا بتشتري جديد فأنصحك تروح من بعد المغرب ونازل لانك تبدأ تمر المعارض وانت في السيارة
واذا لقيت جديد لبق واذا ما لقيت امش وترى سعر الجديد تختلف اسعارها وبعض الاحيان تلقى الفرق
اكثر من عشرة الاف ريال في بعض الاحيان والله يرزقك باللي يسرك
Black VTC
27/02/2008, 08:42 PM
ما ازيد على كلام الشباب الا انك اذا بغيت تشتري سيارة جديدة من المعارض ادرس مواصفات السيارة زين لان المعرض يبي يروج للسلعة ويبي يقولك فل كامل واذا شريت و بديت تشوف الفرق بين موترك و بعض المواتر من نفس الصنف تلقى اختلافات كثيرة ...

فمثلاً يقول لك المعرض يفرق هالموتر عن الافضل منه بس الريموت والريموت سعره بالغرابي بـــ200 ريال فليش تدفع 2000 عشان هالفرق ... وبعد ما تشوف المواصفات زين تلقى الفرق الريموت و مكيف اللمس و الايرباقات و الخ الخ الخ ...

واتمنى لك التوفيق مقدماً
علي عليوه
27/02/2008, 10:38 PM
أنصحك تشتري من معارض غير معارض الرياض

فمثلا القصيم يفرق من 1000 الى 2500 ريال أحيانا

أنا سعرت الهايلوكس 2008 بالرياض وطلع فرق عن معارض الزلفي 1000 ريال فما بالك بالقصيم

وإلا جدة وإلا أبها أو الشرقية صدقني كانت الفكرة إن الرياض أرخص وطلع العكس صحيح ويمكنك التأكد بنفسك

وبالتلفون وأنت تقهوى الشاهي بالاستراحة ..

خذ رقم الجويسر بالبدايع واسأل عن أسعار التويوتا وقارنها بالقحطاني بالنسيم والشيباني بالشفاء

063320316
معلم 1
28/02/2008, 01:51 AM
بلاش النسيم
آمري يا كامري
28/02/2008, 02:09 PM
الصراحه يا أخي الشفاء من ناحية الشراء أفضل
واثق الخطوة
28/02/2008, 07:12 PM
اشتر من الشفا........... وبيع في النسيم

هي معلومة قديمة قالها لي شريطي

والله يوفقك أخوي
بواسامه
28/02/2008, 07:22 PM
الجديد لا تتعدى معرض نجد
ارخص الموجوووووووووووووووووووود في الجديد
بواردي الدلم
02/03/2008, 11:07 PM
فعلا اشتر في الشفاء وبع في النسيم ( بس للمستعمل )

بس مادامك دافع دافع في الجديد اعتقد البازعي افضل من ابو جميل بيك
العضيلي
03/03/2008, 01:02 PM
الجديد لا تتعدى معرض نجد
ارخص الموجوووووووووووووووووووود في الجديد


من تجربة في شراء GXR 2007 كلام الأخ أبو اسامـــــــــــــــــــة عين الصواب .. خذ لفتين على كم معرض وشف معرض نجد في نهاية المعارض من جهة الجنوب بعد الإشارة .. يفرقون من خمسة إلى عشرة آلاف ريال ..
مقلع الرمث
03/03/2008, 01:19 PM
ااانا اقول رح لم نجد اخبر عنده اسعار اكويسه عن الباترول المعرض بالنسيم الي بوسط السوق وليس الي بوله الشارع الغربي حق الدوران تحصله بالنص وعنهم تايوتا ولاند وكل شي واتوقع هم ارخص شي بالسوق لاكن تأكد وتحصل عندهم شي فيه اسم يكون طايح من سعره اشوي واسف على الاطاله
صقر أمه 506
03/03/2008, 03:48 PM
النسيم
مافيه شك ولا ريب
ابو العطاء
03/03/2008, 05:01 PM
اشتر من معارض الشفاء والبيع بمعارض النسيم
أو العكس
اشتر من معارض النسيم والبيع بمعارض الشفاء
لأن الشريطي له دخل في رفع قيمة السيارة واذا عرف السيارة وصاحبها مره فلن يزود السعر في المره الثانيه وقد يطرح من السعر لانها لم تباع في المره الاولى
مع تحيات : شريطي متقاعد
z a n h o r
03/03/2008, 10:36 PM
الجديد لا تتعدى معرض نجد
ارخص الموجوووووووووووووووووووود في الجديد



خبرك قديم يالغالي ..

من اول هو ارخص المعارض وفيه فرق 2000 واكثر بعض المرات

الحين نفسه نفس المعارض وبعض المرات اغلى

هي نصيحه عامه قبل لا تشتري السياره من اي مكان كان

مر الوكاله اول شي واعرف اسعارهم ثم رح للمعارض وشف اسعارهم

قبل فتره رحت سعرة سياره عند الجميح ثم طلعت سعرتها عند العيسى ثم سعرتها بالمعارض طلع علي ارخص من سعر المعارض بحدود 2000

وحنا ماخذين ان المعارض ارخص من الوكاله

الاف جي سعره الفل بالوكاله 113 تقريبا وحولها
بالمعارض السياحي بـ113 تقريبا وحولها تزيد او تنقص شوي