سؤال عن الهدد

[saad.saud]

السلام عليكم
ياأخوان عندي استفسار بس اللي ما يعرف لا يتفلسف علينا ......
وش الفرق بين Gxr و Gx (الهدد)

[sameer_1798]

و عليكم السلام ورحمة الله وبركاته
المكينة و القير والبدي و احد
الفرق بحرف R و الجنوط و الصدام أسود
أما المواصفات اللي بالهدد الفل كامل تلقاها بالgxr أيضا مثل :
الشنطة - الاسبير- علاقي- الفتحة - الونش- الدف لوك - الثلاجة - تكيف مركزي
لكن ال gx السعودي ستاندر يعني مابه من المواصفات المذكورة شيء إلا بالموديلات الجديدة .

[لن أمل من العطاء]

انا ابغي اعرف اش هو التكييف المركزي هذا

ليه فيه تكييف عادي وتكييف مركزي

[علي عليوه]

تكييف مركزي يعني مكيف أمامي وخلفي

والنوع الثاني يسمونه مكيف واحد يعني ورى ما فيه مكيف

وأنصحك لاتركب ورى ترى حر مووووت إلا إذا كنت مضلل السيارة وماسك خط يمكن تحس بالمكيف

لكن ما عنك وعن عرق الجبهه وطرف مناديلك ..

والمكيف الواحد أو العادي يجي بالـ gx السعودي وجميع أنواع سيارات الديزل من 98 وفوق ...

[سلطان بن محمد]

السلام عليكم
ياأخوان عندي استفسار بس اللي ما يعرف لا يتفلسف علينا ......
وش الفرق بين Gxr و Gx (الهدد)



بعطيكياها مختصرة
الهدد لاند كروزر بري يعني من الداخل مواصفات عالية
ومن الخارج سياحي يعني مافيه اكسسوارات ولا ربلات على البيبان
ولا صدامات مصبوغة ولا جنوط كروم . . . . بالأصح مافيه شي
ينخاف عليه من الخارج



أتمنى ماتفلسفت عليك وأفدتك




انا ابغي اعرف اش هو التكييف المركزي هذا


ليه فيه تكييف عادي وتكييف مركزي




التكييف المركزي هو المكيف الخلفي


إذا قالوا لك تكييف مركزي يعني مكيفين أمامي وخلفي



وبرضه أتمنى ماتفلسفت عليك

[saad.saud]

السلام عليكم
مشكورين علىتجاوبكم معي....
لأني عندي Gxr قير عادي والدبل الصغيرعادي(مهوب زرعند المكيف) وديف لك ومكيفين وثلاجة...
جاني واحد(شريطي) وقالي الهدد أفضل مواصفات من موترك وش رأيكم؟

[z a n h o r]

لا نفسه

مواصفاتك تفرق عن الفل ونش بس

والهدد يجي نفس مواصفاتك ويجي اقل ويجي احسن

عموما هذي المواصفات :

مكيفين ثلاجه ..

مكيفين ثلاجه فتحه ..

ويمكن يجي مكيفين ثلاجه دوف لوك ..

مكيفين ثلاجه فتحه دوف لوك ..

مكيفين ثلاجه فتحه دوف لوك ونش ..

بغض النظر عن الخلفيه و القير

وهذي الموصفات تنطبق على الجي اكس والجي اكس ار الخليجي وارد اليحيى

طبعا فيه اشياء ما تحضرني مثل السيدي و التناتيف الصغيره ذي لكن اهم الاشياء هذي هي الي ذكرتها وهي الي ترفع بقيمة الموتر وتنزله

[z a n h o r]

ولا انسى فرق الصدامات و وربلات الابواب والجناح والجنوط

[القناص 3626]

بعطيكياها مختصرة

الهدد لاند كروزر بري يعني من الداخل مواصفات عالية
ومن الخارج سياحي يعني مافيه اكسسوارات ولا ربلات على البيبان
ولا صدامات مصبوغة ولا جنوط كروم . . . . بالأصح مافيه شي
ينخاف عليه من الخارج



أتمنى ماتفلسفت عليك وأفدتك





التكييف المركزي هو المكيف الخلفي


إذا قالوا لك تكييف مركزي يعني مكيفين أمامي وخلفي




وبرضه أتمنى ماتفلسفت عليك

:good: :good: :good: :good: :good:

[بدوي جنوبي]

يا اخ سعد سعود هذا ماهو اسلوب في طرح
سؤالك ،،، ومفروض ما تكتب (لا احد يتفلسف علينا )
حاول في المرات القادمه الكتابه بأسلوب افضل
هذا اذا اردت ان تبحث عن اجابه
ولكي لا يتعرض موضوعك للحذف .