محتار ياجماعه بين الجمس 2008 والشاص 2008 ساعدوني

[فيصل السبيعي]

السلام

ياجماعة الخير انا في حيره من امري بين الجمس 2008 حوض غماره فل كامل وبين

محبوب الكل الشاص 2008

انا واحد راعي بر والسياره الي اشتريها مابيعها ابد اخليها ماني راعي بيع يعني لاحد يقولي مانصحك بلجمس

يطيح سعره ادري بس انا من النوع الي مايبيع المواتر ابد لين انطها في جنب البيت هههه

نرجع لموضوعنا انا راعي بر ومكاشيت وعندي غنم بصمان وساكن بلعمانيه اكيد كلكم تعوفونها بجنب شويه

وش تنصحوني فيه الجمس الجديد او الجيب الشاص

مع ذكر الاسباب

وبارك الله فيكم

[cute]

الجمس للخطوط ابداااع
بس أنت تقول راعي غنم يعني اكيد بتحمل شعير ومعالف ....ألخ
يعني مابدهاااش خذ شاص وأنت مغمض لأن الجمس يبي يغثك من ناحيت القرقعه وخرابات الفليورات حقت الدبل وهشاشت البدي ولمبات الطبلون اللي مالها سنع
عكس الشاص موتر تحميل ومابه شي يخرب بأذن الله وموتر المهام المستحيله على ما أقول أنا من واقع تجربه ولا فوق هذا كله به تانكيين موب واحد ويعطيك حيويه بالبر وعز وشموخ والجمس ما اذمه موتر مريح ونشيط بس اول 3 سنين عقبه يبي يعلك بكثر الطلبااات وسلامتك

[بيت طين]

كلام اخوى كيوت صحيح ميه بالميه الجمس حق خط ومريح بس عليك بالشنب حق المهمات الصعبه ولك وللزمن والله يعطيك خير اللي بتشتريه ويكفيك الله شره ..واستخر قبل كل شي فالاستخاره باذن الله تدلك بتوفيق ربي على الصالح لك والله يوفقك للخير ..

[السنع كله]

اشوف اذنك طارخة للجمس وهو اريح واوسع وارخص قطع لكن التحمل وقلة الخراب مع الشاص وهو ماانصحك به وفقك الله للافضل

[قسوره2006]

.



.

انصحك بالشاص

قوي

متين

شعبيه


ركزه


هيبه


شخصيه


قطع متوفره


قطعه رخيصه


متماسك


سعره فيه


لا يقارن بالجمس ابد


لك ولزمن


لا تفكر بغيره


يتحمل المشاق الصعبه


تانكين وقود



يتحمل الحموله الثقيله خلاف الجمس . . . . .؟


والسلام


.



.

[شفر ليه]

السلام عليكم يا اخوي
انا انصحك بالجمس وانا مجربه من موديل 2000 الى يومك هذا ما شفت منه اي مشاكل
يعني له عندي 7 سنوات وقول ( ما شاء الله ) تراه ماشي 380000كم وتوكل على الله
ولا تنسى انه 8 سلندر وابشرك حمولته اكثر من حمولت الشاص وبعدين قارن بينه وبين الشاص
وقبل ما تشتريه او تشتري الشاص استخير ربك وحبيت اقول انه مكينتين (1500) ( 2500) .
والله يكتبلك الي فيه خير لك

[ناوي نيه]

والله اذا بيكون موترك الرسمي انصحك بل جمس لان شكل احسن وارتب من الشاص
واريح واقوى وبعدين لا دخلتبه الديره شكله زين مب مثل الشاص وانا معي 2002 والحمدلله زين

[anas]

اذا انت بتقطع مئات الكيلو مترات في البر وحداني انصحك بالشاص واذا حولك وحواليك وما تبعد عن البشر اشتر لك جمس حوض كشخة ورزة وراحة بالبلد وتحمل بالبر وتحميل لا يستهان به ...

[فيصل السبيعي]

مشكورين كلن بسمه

الشاص اشوف ان الاغلبيه صوتو له وان شاء الله بستخير

[z a n h o r]

شوري عليك

شاص بريمي 11 سسته

نصبه وتحمل وقوه وبسيط من ناحية الخرابات

[شقران نجد]

السلام عليكم جميع
حي الله السبيعي .....

شف يا فيصل ولا يهون الباقين يقولون اسأل مجرب وانا من واقع تجربه مع احترامي للكل اقولك خذ عطي الله الشاص وانت مغمض ياخوي انا كان معاي جمس وربي قطعه نااار طرمبة البنزين بحوالي 800 ريال وتركيبها ب200 ريال ودايم تتعطل والقير من موديلات 2000 وانت طالع لك عليها غير كذا وانا اخوك اذا ضربت به جلد طويل تخرد علي وتفكك وهربد وانا شاريه بعد شاص ادور الراحه صحيح انه مريح لكن عله رجعت من جديد لوارد فطسان الخشوم وبيني وبينك الجمس ماينفع للتحميل ينزل من ورا خصوصاَ انك راعي بهم يعني تبي شعير ويبي لك تطرح كم كيس لكن ذاك رصه للتنده ماعندك مشكله وللعلم فقط السعودي اللحين يجي 11 سسته مو العماني بس وسلامتك

اخوك
السياري

[.أبوعبدالرحمن]

الجمس للخطوط ابداااع
بس أنت تقول راعي غنم يعني اكيد بتحمل شعير ومعالف ....ألخ
يعني مابدهاااش خذ شاص وأنت مغمض لأن الجمس يبي يغثك من ناحيت القرقعه وخرابات الفليورات حقت الدبل وهشاشت البدي ولمبات الطبلون اللي مالها سنع
عكس الشاص موتر تحميل ومابه شي يخرب بأذن الله وموتر المهام المستحيله على ما أقول أنا من واقع تجربه ولا فوق هذا كله به تانكيين موب واحد ويعطيك حيويه بالبر وعز وشموخ والجمس ما اذمه موتر مريح ونشيط بس اول 3 سنين عقبه يبي يعلك بكثر الطلبااات وسلامتك


:good: :good: :good: :good:

[طحنون]

مايبيلها مشاور

الشاص وبس

[فيصل السبيعي]

مشكور ين كلن بسمه وعز الله اخترنا عطي الله الشاص

والله يكتب الي فيه الخير

[شاص&نص]

شكلك صملت على الشاص و أنا أقولك مبروك مقدما و حبيت أقولك أن السعودي في 2008 أفضل من العماني من حيث السعر لأن المواصفات متطابقة و إن بغيت تفصل أكثر فراسلني
أخوك أبو عبدالكريم

[شقران نجد]

شكلك صملت على الشاص و أنا أقولك مبروك مقدما و حبيت أقولك أن السعودي في 2008 أفضل من العماني من حيث السعر لأن المواصفات متطابقة و إن بغيت تفصل أكثر فراسلني
أخوك أبو عبدالكريم



هذا الكلام ومبروك مقدماً والله يطعمك من خيره ويكفيك شره ولا بد نمرك ن شاء الله في المراح ناخذ لنا لفه عليه :D :D

[ابوعقل]

الجمس اريح ؤاحسن الشاص يكسر الظهر

دامك تكد المؤتر

[أبرق الشقيقة]

مسيتو بالخير
والله من وجهة نظري ان الامريكي بالحمول والبر مهب مثل الشاص مثل ماقال اخواني الي قبلي
ورايي

شاص شاص شاص شاص شاص شاص شاص شاص شاص شاص شاص
شاص شاص شاص شاص شاص شاص شاص شاص شاص شاص شاص شاص شاص شاص شاص شاص شاص شاص شاص شاص شاص شاص

والله يطعمك خيره ويكفيك شره

[سيف الظفير]

شااااااااااص 2008 وبسسسسسسسسس

[فيصل السبيعي]

هذا الكلام ومبروك مقدماً والله يطعمك من خيره ويكفيك شره ولا بد نمرك ن شاء الله في المراح ناخذ لنا لفه عليه :D :D

حياك الله يالغالي من ممشاك الى ملفاك

وبيض الله وجهك ووجيه اربع كلهم

[محب النياق]

الشاص ماينفع الا اذا معه سياره ثانيه

[المموه]

انا لي اكثر من عشرين سنه سياراتي كلها جموس . راحه وقوه وسعه بالغماره وبالخطوط الطويله رائع . عيبه انك لا بد تاخذ معك في كل رحله محل قطع غيار تحمله معك وجميع انواع العده وان حصل كهربائي وميكانيكي بالصندوق ما يمنع .
اذا تحمل الفك والربط توكل على الله وخذ جمس . واذا انت سواق طاره عليك بالشاص .

[عبدالمجيد]

انا ارشح الشاص ما له مثيل وبس

[هرى ورى]

الله يعطيك خيره ويكفيك شره مقدما

[الزعـبي]

وانت مغمض شااااااااااااااااااااص

انحشششششششششششش من الجمس

[kk999]

الله يوفقك
وانا لوكان هذا الخيار لي بصراحه اختار الجمس بدون اي تردد واغلب الناس الي ذموه للاسف ماجربوه
اسئل الله العلي القدير لك التوفيق اخي الحبيب

[الخادم]

الغالي
الله يدلك لما فية خير لك
لكن الجمس اجمل و اريح
الشاص يكسر الظهر لكنة شيك بيدك

[وقيان]

كل اللي قالوا شااااااااص...ماجربوا الجمس للأسف....مكينته قوية..رساوة في الخط....و اذا تبي تكده خذ لك حجم 2500...وحمل اللي تبي ولايهمك شي....و اذا تبي موتر تسحب فيه جبال...وتحمل في حوضه فطيع كامل....خذ لك حجم 3500...طع الشور يا الغالي....مــــــــــاعلى الجمس موتر...

[ذيب بلاده]

اذا انت مجرب الشاص و وعورته وعاجبك الله بارك لك اخذه وهو خفيف ونشيط
بس الجمس يطربك صوت الكزوز والخط والتحميل مافي احسن عن الجمس 2500hd

[راكب جمس]

ياناس ياعالم الجمس ما يقارن مع الشاص الجمس اقوى وافضل واحسن شكل المهربين ماخذوا الا الجمس عطي الله والا الشاص حق تبن وبرسيم والله يعين على الخرابات

الله اكبر على من جاب المسرات ~~~ توريد واشنطن من حفيزه جديدي
جمسن للصعايب ينطح جيوش وغارات ~~~ انا اشهد انه للمهمات عضيدي
جمسن لفى من صوب الولايات ~~~ جمسن بين المواتر سيد وهن له عبيدي
لاالفرت ولاالجيب ولا الهافات ~~~ ولاتوريد هتلر عبد المعكوف الحديدي
وارد بهبهاني اشتهر بكل المديلات ~~~ من هيبته ماركبه الا كل شغمومن شديدي
يقطع الدروب ووده ياصل المجرات ~~~ على اللي كن صوته قصف رعيدي
ماصار مع راعين الخفارات ~~~ ولا الشايب قال اعطوه حفيدي
الجمس جمس وش ماتورد الوكالات ~~~ سبعن بعرينه ولاهمه كل تقليدي
قصيدة<<ابـو طــلـب>>


جمممممممممممممممممممممممممممس وبسسسسسسسسسسسسسسسسسسسسسسسسسسسسسسسسسسس

[هاوي البران23]

الشاص لك ولازمن
لاتدور غيره

[حرعلى كف صقار]

الشاص غيييييييييييير

[Island Dreams]

السلام

ياجماعة الخير انا في حيره من امري بين الجمس 2008 حوض غماره فل كامل وبين

محبوب الكل الشاص 2008

انا واحد راعي بر والسياره الي اشتريها مابيعها ابد اخليها ماني راعي بيع يعني لاحد يقولي مانصحك بلجمس

يطيح سعره ادري بس انا من النوع الي مايبيع المواتر ابد لين انطها في جنب البيت هههه

نرجع لموضوعنا انا راعي بر ومكاشيت وعندي غنم بصمان وساكن بلعمانيه اكيد كلكم تعوفونها بجنب شويه

وش تنصحوني فيه الجمس الجديد او الجيب الشاص

مع ذكر الاسباب

وبارك الله فيكم


أ.فيصل السبيعي


مساءكم الله بالخير


قارن بين هذين السيارتين في هذه المواقع وفكر واستشر واستخر قبل شرائها .


http://www.gmc.com/sierra/denali/ (http://www.gmc.com/sierra/denali/)
الجمس تأتي بعده خيارات قارن بينهما بيما يناسب احتياجاتك


http://www.uis.com.sa/UISWebSite/Vehicle_Description_Ar.aspx?Product_ID=19 (http://www.uis.com.sa/UISWebSite/Vehicle_Description_Ar.aspx?Product_ID=19)
الشاص أيضاً تأتي بعده خيارات اضغط على (مواصفات السيارات) لكي تقارن بينهما


ولك حرية الإخيار بينهما بما يناسب احتياجاتك


أخوك:Island Dreams

[أبا مجاهد]

الجمس كله تقنيات وبرمجة كمبيوتر لكل شغله فيه

اما الشاص نظامه مثل السيارات القديمه


ولك الخيار ياراعي الدراهم

[الرحال 2003]

الجمس للخطوط ابداااع
بس أنت تقول راعي غنم يعني اكيد بتحمل شعير ومعالف ....ألخ
يعني مابدهاااش خذ شاص وأنت مغمض لأن الجمس يبي يغثك من ناحيت القرقعه وخرابات الفليورات حقت الدبل وهشاشت البدي ولمبات الطبلون اللي مالها سنع
عكس الشاص موتر تحميل ومابه شي يخرب بأذن الله وموتر المهام المستحيله على ما أقول أنا من واقع تجربه ولا فوق هذا كله به تانكيين موب واحد ويعطيك حيويه بالبر وعز وشموخ والجمس ما اذمه موتر مريح ونشيط بس اول 3 سنين عقبه يبي يعلك بكثر الطلبااات وسلامتك.....
كفيت وفيت

[البرحه]

شاص.........