الفزعه يا أهل الخبره بالفرارت

[NissaN 1990]

يا أخوان عندي أستشاره عن هذي الفرارات اللي في الصوره كيف نوعيتها وكيف أستخدامها طبعاً هي معروضه للبيع وأنا سمتها من الرجال 350 ريال وعطاني نية البيع هل سعرها هذا مناسب وأهم شي كيف أستخدامها لأني خفت بصراحه يقولون فيه نوع منها يطلع زيت فما أدري وش رأي أهل الخبره في مكشات
طبعاً أنا مواعد الرجال اليوم على أساس أني أعطيه فلوسه وأخذها منه إنشاء الله
نسيت أقولكم أني بركبها على باترول موديل 1990 يمكن تفيد هذي المعلومه

http://k77b.com/up/uploads/049adc8ba3.jpg

[سفاري فتك]

هذا النوع مجربه على باثفندر بصراحة كويس
من ناحية خروج زيت هذا اصلاً شحم الرمان حق العكس
عند تركيب الفرارات يحط شحم قليل

[راعي العود]

اخوي الفرارات هذي ممتازه جداً جداً جداً ووكيلها السليماني وانا مركبها على موتري باترول ولا فيه احسن منها توكل على الله وخذها كانها سليمه عموما الجديد منها قيمته خمس ميه(500) والله يوفق

[عرق رملان]

يا اخوان وش فايدة الفرارات ؟؟

[راعي العود]

أخوي أول مشاركه لو تلاحظ الصوره الفرارات عددهم اثنين وكل واحد مكتوب عليه 4x4 أو 4x2 وهي تعني فصل الدفرنس الامامي في حال كانت السياره تمشي وهو يخفف من ثقل السياره ويخليها تمشي ويخفف شوي من صرفية البنزين يعني باختصار اذا بغيت تدخل الرمل تحط العلامه على 4x4 واذا طلعت من الرمل ومسكت الخط تحط العلامه على4x2 وهذا موضوع الفرارات بإختصار

[NissaN 1990]

أشكركم يا أخوان اللي علقتو على الموضوع الله يعطيكم العافيه بس يا لربع أنا خذيت الفرارات من الرجال على الشرط أنها تركب على الباترول وهو كان مركبها على سياره أيسوزو دفرنسين وكان شاري مثلها لباترول موديل 2005 وركبها فعلاً على الباترول

لـــــكن الغريب في الموضوع أنها ما ركبت على موتري طلع العكس حق الموتر أوسع سنه من الفرارات

السؤال ؟ هل هذي النوعيه تجي أحجام أو كلها سنتها وحده

ويعطيكم ألف عافيه ومعليش ثقلت عليكم