صدمه بسيطه بسبب ليموزين بس كيف اعدلها بدون سمكره

[المترو]

الاخوان السلام عليكم ورحمة الله وبركاته وبعد
الحمد لله جت سليمه صدمن ليموزين صدمه بسيطه بالرفرف للجيب المشكله ان الموتر جديد ولا ودي اسمكره ممكن تفيدوني كيف اعدل الرفرف بدون سمكره يقولون فيه مكينه تعدل بدون سمكره وبويه
الرجاء من لديه معلومات عن هذا الامر الافاده
وسلمتم جميعاً

[المتنبي]

كانك حول القصيم لا تفوتك ورشة الفريدي ببريده

يعدلون تعديل ممتاز بدون سمكره

[جميل جمال]

ورشة الوفا بالرياض ..

تعديلهم جيد .

[نسيم الليل]

عندك الحسون بعنيزه معروف

بس تراه غالي

[الدبل الثقيل]

السلام عليكم ورحمة الله وبركاته ...
التعديل عن طريق الشفط .. او الطقطقه من الداخل بالشواكيش والمطارق .. لكن الطريقه الثانيه مايسويها الا فنان ...

[المترو]

السلام عليكم شكرا للجميع
الاخ جميل جمال اشكرك بقوه بس وين موقع ورشة الوفاء بأي صناعيه
شكرا الاهل القصيم ودي اني حولكم ولي الشرف يا بعدي بس انا بالرياض شكرا نسيم الليل والمتنبي و الحبيب
الدبل الثقيل
وسلا متكم

[جميل جمال]

اخوي الرحال ..

ورشة االوفا ياطويل العمر بالصناعية اللي بمخرج 17 ..

مكانه بالظبط حاليا ما اذكره وانا اخوك ..

لكن ولا يهمك يبه انا اسال لك واجيبه ..

الا كان احد من الشباب سبقن وجاب لك الوصف ..

[Najd^Prince]

بسم الله الرحمن الرحيم


((^ الرحال 2003 ^))
عزيزي عندك ورشه (( ذرا )) مخرج 14 على نفس الدائري .
وتراهم مقاربين للوفا من ناحية الضمان .

والحمد لله على لسلامه :) .

Najd ^ Prince

[قناص القرائن]

كانك في شقراء ورشة الشويعر لاتفوتك ممتازه