لأصحاب الخبره في جيوب اللكزس لاهنتوا . . .

[شبراز]

بسم الله الرحمن الرحيم
في البدايه هذي اول مشاركه لي في منتديات مكشتات الرائعه واتشرف بأنضمامي اليكم

عندي مشكله بسيطه هي اني كنت مسافر للدمام وقبل الوصول وانا ماشي بسرعه 160 فضى القير وصار مايعشق واذا جيت احطه في D يطلع اصوات ولا يتحرك ابي مساعدتك لاني رحت الوكاله وقالوا لي يبي له 15 يوم علشان يقولون لي المشكله بالضبط ؟
اتصلت بمهندس ويقول احتمال القير او الكلتش .
ابي مساعدتكم لاهنتوا

[احب البرواهله]

الله يحييك وجعل انضمامك كعضو مكشاتي فيه خير للجميع ودي والله أفيدك بسى أنا في الميكانيكا لا تتعدى حدود معرفتي تغير البنشر وأحيان كثيره الأسبير ما أعرف أنزله .
وياريتك تذكر نوع سيارتك وموديلها حتى يسهل للمكشاتين مساعدتك .
وبعدين وأنا أخوك ليش السرعه الله يستر عليك

[abu hlal]

اذا القير فيه تهريب ......الصوف يبي لها تغيير!!

واذا مافيه تهريب ...المشكله من الكلتشات!!!

ولا تصلحه في غير الوكاله حتى لو قالوا عقب شهرين.....نصيحه مجرب


بالتوفيق

[مقلع الرمث]

خابرلك ياخي مركز العضيب بالرياض بالصناعيه القديمه فيه مهندسين ممتازين

[صلفيق]

ثلاث حاجات الي تسوي كيذا
1 الكلتش بس الي يدل عليه انه ما يعشق ابد ولا فيه صوت
2 التروس داخل القير يدل عليها الاصوات (قرقعه داخل القير)
3 كمبيوتر القير يدل عليه الشلشه اذا كان من الجديدات او يقفل القير لاكن يمشك
وسلامتك

[شبراز]

الله يعطيكم العـــافيه
الشكر موصول للجميع
لاهنتوووووووووووا