من ياصف لي طريق بربك دغيم من دوار التنهاة وله دعوة صالحة بظهر الغيب

[فلاش]

ودي أنصى بكرة بربك دغيم
لا فرقت يمين من الدوار اللي قبل التنهاة
واتجهت للصمان بين نفود الدهناء
كم كيلو يبي لي أمشي على الزفلت
وكم كيلو يبي لي أمشي لها بر
إحداثياتها معروفة عندي
بس ودي أتصورها قبل
الله يجزاكم كل خير

[واثق الخطوة]

هلا بك يا فلاش
من يوم تفرق أحسب من ثمانين إلى خمسة وثمانين كيلاً :D
ثم تفرق يسار إلى دغيم حسب الإحداثية اللي عندك
المسافة اللي تقطعها جلد تقريباً 32 كيلاً :D
إذا ماني واهم لي مدة عن الصمان ما هيب سهلة

الله يوفقك أخي الكريم ولا تنسى وعدك :)

حاجة ثانية:
من يوم تفرق من الدوار حط الإحداثية للفيضة وانت بتشوف المسافة تتناقص
واختر أقرب درب لك إن كنت ما تبي تدوج بالصمان
بس لو معك جيب وربع زقرت افرق قبلها للدهنا وخذ لك حطيبات أرطى حق شبتكم ذاك الليل


إلا أقول ما ودك أجي معكم :j

الله يسعد أيامك
زمان يافن قصدي يا صمان

[فلاش]

يا مال الغناة
وفيت وكفيت يالغالي
وأبرك الساعات رفقتك يالذيب
بس الذبيحة عليك

[راعي البرقا]

يا جماعة الخير هل المطلوب بربك دغيم هي ( أم دغيم ) ولا إسم على إسم لإن أخوي (واثق الخطوه) يوصف (أم دغيم )و توصيفه ما يحتاج تعليق لكن للفائده. لإنه كل يوم يطلع إسم جديد وأنا ما أدري المسميات الجديده من وين طلعت و هل هناك مرجع لهذه المسميات. أرجوا الإفاده.وتقبلوا مروري