ابروح للرياض ابشتري جيب ولاب توب

[الوهم]

مساء الخير
اخر الاسبوع اذا الله احيانا ناوي اروح للرياض علشان اشتري جيب تايوتا فكس ار او جكس ار
بس ماادري وين مكان الجيوب المستعملة النظيفة موديلات 2004 و 2005و2006
قالوا لي بالنسيم بس ماادري باي مكان من النسيم
ياليت تقولون لنا العنوان الدقيق
ووين يمكن فحص السيارة عن الغش ؟

الامر الاخر ابي لاب توب ديل
ياليت تقولون لي المواصفات الزينة ومكانها وين ؟

اخيرا ياليت تدلوني على شقق مفروشة رخيصة وتقبل عزابية

وشكرا

[M o b d a]

حياك الله

أخوي :)


البيت بيتك ..

بدلك على النسيم

على طريق خريص ..

عند جيان .. مقابله بالضبط ..

ولا اذا تعرف مقبرة النسيم خلها يمينك .. وإبتل إبتل يجيك يسارك ..


وصفي مو واضح لأني ما تحظرني أسماء الشوارع هناك .. :)

[العبقري 1]

مواصفات اللاب توب عندي أبشر ...

1 ـ يكون المعالج كور تو دو .
2 ـ الرامات لاااا تقل عن 2 قيقا .
3 ـ الهارديسك 120 قيقا أقل شي .

أما عن الجيب والله ماني من الرياض وأبعد عنها 1200 كلم وياليت كنت أقدر أساعدك .

[قسوره2006]

لاب توب ممتاز فيه جميع المواصفات ويدعم نضام شريحة الجوال


والمعالج : كور 2 ديو خذ من 2 قيقا وطالع لك ولزمن


الموديل : هو (( vostro 1400 ))


هذا الموديل احدث ما نزل في الدل

ويجي شاشة 14 وشاشه 15 حسب راحتك له في المشاهده

وانتبه يجي منه ماليزي ويجي صيني انصحك خذ الفرلندي وبس

والله يبارك لك في مشتراك مقدما

[االديحاني]

مبروك

مره وحده سفره وجيب ولاب توب


























































































































































































هههههههه
امزح

[عاشق الكنود_]

الشقق 100ريال اليله عوائل اما عزابيه اقل بلاش ههههه
سلام

[قسوره2006]

تبي احدث المواصفات : في الدل وغيره



خذ التالي :


الشركات المنتجه للمعالجات هي : intel . . . و . . . AMD


ومادمت مبتداء خلك على : intel لأن الشعبيه عندنا على هذا المعالج


نوع المعالج : من احدث ما توصل له سوقنا = Core 2 Duo


وهذا المعالج يجي منه الكاش (( 2 )) ميقا و (( 4 )) ميقا



خذ = (( 4 )) ميقا



الرامات حاول ان لا تقل عن (( 1 )) قيقا ومستقبل تستطيع تطويرها



الهارد حاول ان لا يقل عن (( 120 )) قيقا



والسيدي يجب ان يكون دي في دي ملتي ميديا


والباقي يفضل ان تكون موجودة في الحاسوب مدمجة به وليست خارجيه


مثل الكارد ريدر


و


البلوتث


والكاميرا



والله يوفقك لما يحبه ويرضاه





.







.

[لهيب الشوق]

احذر من أن تشتري جهاز لاب توب المعالج Amd

لما له من عيوب أنه يسخن بسرعة وبالتالي يقصر عمره وأعطاله تكون كثيرة والسبب هو حرارته

دمتم بود

[Y A S S E R]

أهلا بكـ ..

أولآ وصف معارض النسيم ..

اذا كنت على الدايري الشرقي وجاك مخرج 13ب خذ هالمخرج بيلف بك وينزلك على طريق خريص ,, امش مع طريق خريص الى أن يأتي لك مخرج شرحبيل بن حسنه أدخل معه وخلك بالخدمه بتجيك اشارة تعدها بعد الاشارة بتجيك اشارة أخرى تقاطع خريص مع عبدالرحمن بن عوف انت رح مع عبدالرحمن بن عوف اذا لفيت يمين مع هالطريق بتكون المعارض على يدك اليمين ..

ثانيآ : فحص السيارة

بعد ان تجد لك جيب نظيف مر به على فحص السيارات وافضل واحد يفحص لك فحص دقيق هو البـريـدي .. اساال عن وصفه وتراه قريب مررة عند المعارض ..


ثالثآ : لاب توب :

والله يالحبيب ما انصحك بالديل :( أنا معي ديل ومبتلش به ..
خذ لك توشيبا من جرير ولك من الاسعار الشي الكثير واسعار التوشيبا الجيد في الاستخدام من 2700 ريال الى 5000 ريال ..


رابعآ : شقق عزاب ..

الشقق واجد دور اللي تبي .. بس مشكلتك عزابي .. يعني الله يعينك :)


اي خدمات انا تحت امركـ :)

[مقلع الرمث]

اخوي وشرايك عنديلك جيب ولابتوب ديل بس الجيب باترول اذا بغيت فيتك 2003 سوبر سفاري والسكن علي هههههههههههههههههههههههههههههههههههههههه

[الربذي]

يارجل اكس بي وبس والرام ترى500او واحد قيقا كفايه اما Core 2 Duo فهي نسخه تجريبيه حتى الان وتوشيبا هو الافضل لكنه من اغلى الاجهزة مر مكتبة جرير او العبيكان وب3300 تاخذ شي حلو ويكفيك بس تاكد من ان الرام 1قيقا وهو الافضل وجود لاسلكي اعتقد هاي فاي بالاضافه الى البلوتوث وهو يجي بكل الاجهزة وانتل معالج ممتاز

[الوهم]

الجميع
يعطيكم العافية ولاقصرتوا
اشكركم من الاعماق ...