جوالين بنزيين فوق السقف

[nooh79]

السلام عليكم
هذه قصة لاحد الخوجات عندنا بالعمل، هاوي طلاعات بر وتماشي كل نهاية اسبوع، يطلع هو وعياله، وكان يحمل معه وقود احتياطي عدد 3 جوالين حديد خاصة بالبنزين او اكثر، على ما اعتقد، المهم رفع 2عدد جوالين بنزين وراح حطهم فوق سقف السيارة ( رانج روفر)على الشبك وربطهم، هذه المرة كان عدد الركاب معه 4 اشخاص ، شغل السيارة وحط رجله، وبعد ما سار ومشى في البر وقرب يوصل لمكان الرحلة لاحظ انه هناك رائحة بنزيين فايحه وهناك سائل ينزل على جميع زجاج السيارة من الخارج استغرب ؟؟؟؟؟؟؟؟؟؟؟؟؟
وأدرك السائق واللي معه أنه جوالين البنزيين اللي فوق سقف السيارة انخرقت وسال البنزيين ، وما ان وقف السيارة ------ الا والسيارة شب بها النار من الخارج وهم داخل السيارة ، تخيلوا نسال الله السلامة كم سرعة اشتعال النار خلال ثواني ، وكم كانت حرجة لمن بداخل هالسيارة واللهب والحرارة من كل صوب، فرن يروحوا مشوي، طبعا كلهم رابطين حزام السلامة، والوقت لفك هالحزام كان طويل بالنسبة لهم، المهم كلهم الاربعة طلعوا مع بعض الحروق البسيطة في الايادي، ولكن السيارة احترقت وراحت فحم.
السلامة :
لا تحمل وقود احتياطي ( بنزيين ) فوق سقف السيارة بتاتا مهم كان الامر.

[Bader-M]

شكرا على هذه النصيحه
.........
وجزاك الله خيرا

[desprado]

مشكوووووووووور على النصيحة

شكل براميله خرطي 1 مل

[معمرها]

......بسم الله الرحمن الرحيم........



السلام عليكم ورحمة الله وبركاته .............
الرسالة الأصلية كتبت بواسطة طايربالعجه
شكرا على هذه النصيحه
.........
وجزاك الله خيرا

[طيـــ بر ـــر]

والله فكرة حلوة ..

<<<<< بايعها

















( مشكور يالغالي ) عالتنبيه

طيـــ بر ـــر

[أيمن]

الحمد لله الذي جعل هالخواجات عبرة لغيرهم (إن كانوا غير مسلمين طبعًا)

تحيتي

[الفرعاوي]

ولله اني شفت الموضوع و قلت في نفسي ولله فكرة

و يوم قلت خواجه اللي مسويها ... قلت اهب اهب قبلهم يستغلون الشئ

و يوم كملت الموضوع ... قلت يا حسافة :cool:

مشكور على هالنصيحة الغالية ..

[Y&Y_4X4]

أخوي nooh79

وش دراك اني والله لي يومين ادور هالجوالين في السوق وكنت افكر احط عدد 6 جوالين فوق الشبك,

فكرت ارهم تانكي فوق الشبك وبعدين خفت لو لا قدر الله وانشق يبي يخر كل التانكي وبعدين يبي يصير ثقيل اثناء التحميل واتنزيل وفكرت في مثل الي حصل للخواجه وقلت يبي يصير صعب تنزيله في الحالات الطارئة الله يحمانا اجمعين آمين وبعدين قلي عقلي جراكل الحديد واخذت المتر ورحت اقايس طلع الشبك يشيل 6 في كل واحد 20 لتر في عرض الشبك البالغ عرضه 105 سم , مع اضافة بعض وسائل الحماية والتثبيت الجيد بعد توفيق الله سبحانه .

وجت مشاركتك هذي بالثمانيات بس خوفتني ياشيخ انا اقول يمكن واحد من الجوالين حقت الخواجه منشق او الشبك حقه فيه مسمار طالع من محله ومع رجة الموتر والحكه انشق واحد منهن او شي من هالقبيل ياليتك تسولف معه وتعرف لنا وش السبب وراء هذا الحادث الله يحمانا والمسلمين اجمعين.

اما وبعد ماتم طرح هذا الموضوع من قبلكم, الرجاء من الاخوة الاعزاء المشاركة بالرأي والتجربة لإثراء الموضوع لما فيه المصلحه وبأنتظار ردودكم على احر من الجمر .

وفقكم الله

وشكرا مقدما لكم اخواني الاعزاء وشكر خاص لخونا nooh79.

[Najd^Prince]

بسم الله الرحمن الرحيم


تلقى هالخواجه طالع للثمامه (( يعني مو بعيد من الديره :D )) وماخذ إحتياطه من البنزين
وحنا نحرك من البيت وندخل لقلب البر والتانكي مافيه غير الربع :p .

بعدين معروف إن البنزين سريع الإشتعال وممكن يشتعل بحرارة الشمس :(
وهالخواجه راز الجراكل فوق التنده :confused: ,بعدين لابد مايكون التانكي مطلي
بماده عازله للحراره .

((^ nooh79 ^))
الله يعطيك العافيه على التنبيه من مثل هذا الأمر .

Najd ^ Prince

[nooh79]

السلام عليكم
شكرا للجميع ( طايربالعجة،desprado، معمرها، طيـــ بر ـــر، أيمن،
الفرعاوي، Y&Y_4X4، Najd^Prince ).
هذا الموضوع قريته في نشرة السلامة بالعمل ، حاولت أدور عليه ما حصلته، وانشاء الله في المستقبل القريب ان وجدته ارسله باسرع وقت. ودمتم

[الحاتمي]

شكراجزيلا على هذه النصيحه..وبالمناسبه سبق ان حصل موقف مشابه لموقف هالخواجات وهو اني كنت مسافر وقدامي راعي موتر واذ كر نوعه د دسن محمل اغراض البر من الخيمه الى الليفه وفجأة اشتب حوض الددسن لاحضت النار وراعي الددسن ماجاب خبر لما اسرعت ووازنته وقلت اصفط على جمب طبعا بلغة الاشاره...صفطوا الربع ونزلنا ركض اللي معه طفاية واللي معه ماء واللي بشماغه المهم لحقنا على الموترقبل يولع كله صار فيه تلفيات مثل الخيمه...وبعض الفرش بعد ماطفينا النار وجلسنا تستريح سألتهم عن سبب اشتعال النار؟؟ قالوا علمنا علمك يالحبيب.......سالت الربع سؤال..احد منكم ياشباب يدخن ؟؟ ومتى اخر زقاره دخنه ؟؟ صار واحد منهم يدخن ويقول اني قبل ماتوقفنا بنص دقيقه رميت الزقاره.............شوفوا سرعه اشتعال النار بدون بنزين بتأثير الهواء........الله يكفينا شر النار..وآمل منكم اخذ الحذر من هذه الناحيه مستقبلا.....وآسف على الإطاله...................

[كايد]

مشكور اخوي 79 :D

[نجمة سهيل]

الحمد لله الذي جعل هالخواجات عبرة لغيرهم (إن كانوا غير مسلمين طبعًا)


جزاك الله الف خير اخوي nooh79 على هالنصيحه ،

[ابومناحي]

اعوذه
يوجد جراكل خاصه بالبنزين وهي حديد وتحطها فوق وتربطها وماعليها الا العافيه

عان صورتها تحت

http://www.trdparts4u.com/ProdImages/wedco-fuel-60534-48043.jpg

[VIP-503]

مشكوووور تحياتي

[raied_qamar]

تلقى هالخواجه طالع للثمامه (( يعني مو بعيد من الديره :D )) وماخذ إحتياطه من البنزين
وحنا نحرك من البيت وندخل لقلب البر والتانكي مافيه غير الربع :p .

الله يسعدك يا حبيبنا بس ترى الاحتياط واجب وفي رحلات طويلة تحتاج بنزين اضافي المهم ما علينا اهم شي تكون توانك خاصة بالبنزين والواحد يشيك عليها من اي تهريب وتانكي البنزين يجي فيه على الجوانب زي علامة اكس بحيث اذا انتفخ الجالون ما ينفجر ويعطي مجال للتوسع وانا الحمدلله عندي جالونين بنزين فوق السقف 40 لتر حديد خاصه للبنزين

[- النشمي -]

بسم الله الرحمن الرحيم


تلقى هالخواجه طالع للثمامه (( يعني مو بعيد من الديره :D )) وماخذ إحتياطه من البنزين
وحنا نحرك من البيت وندخل لقلب البر والتانكي مافيه غير الربع :p .

بعدين معروف إن البنزين سريع الإشتعال وممكن يشتعل بحرارة الشمس :(
وهالخواجه راز الجراكل فوق التنده :confused: ,بعدين لابد مايكون التانكي مطلي
بماده عازله للحراره .

((^ nooh79 ^))
الله يعطيك العافيه على التنبيه من مثل هذا الأمر .

Najd ^ Prince


اي ثمامه وخرابيط شايفهم من حقين التحليه والا التخصصي :D




عندهم صحاري اريزونا ونيفادا مساحتها اكبر من مساحة دول

[الباهر777]

ابو مناحي - طال عمرك الموضوع باين عليه قبل اختراع جوالينك من 2003م:D

[الباهر777]

من ايام ما كانوا الخواجات دلوووووووووخ