ياهل الدبلات وش السواة

[ابووتركي]

السلام عليكم ياشباب عندي مشكلة في الدبل موتري اكسبدشن 2000م كان مثل الحصان ما شاء الله
طلعنا البر يوم شغل الدبل ما اشتغل (الدبل سوتش كهرب)
رحت به للورش شيكو كل شي قالوا تمام بس ممكن يبيله برمجة كمبيوتر.
افيدونا يا جماعة الخير جزاكم الله الجنة

[ابوعقل]

شيك الفيوز

والحساس

اتمنا اني افدتك

[عاشق السيل]

وعليكم السلام ورحمة الله وبركاته ،،

فيه حل بسيط جدا وناجح مع أكثر من تجربة في أكثر من سيارة ويمكن ينجح معك :

وهو إنك تفصل اصبع البطارية الموجب لمدة دقيقتين أو ثلاث وبعدين تركبه مرة ثانية وإن شاء الله يرجع معك تمام بس الله يعينك على ضبط قنوات الرادو والساعة وانتبه لعداد الزيت ترى احتمال كبير يصير صفر !!!

هذا اللي عندي وعسى الله يوفقك وتقبل مروري يالغالي .....

[ابووتركي]

ابو عقل و عاشق السيل الله يعطيكم العافيه عالمرور
المشكلة اني شيكة الوايرات والفيوزات ونفس دقمة الدبل وتبين انها سليمة بس المشكلة ان الكهرب مايوصل للدقمة
اخوي عاشق السيل تتوقع طريقتك تتنفع الله يجزاك خير

[عاشق z71]

ممكن في حساس

بالنسبه للجمس فيه حساس احيانا يكون معلق واحيانا يكون خربان بس الارجح انه الحساس

[ابووتركي]

عاشق السيل بيض الله وجهك ومن يسمع
سويت طريقتك واشتغل الدبل ولابه الا العافيه ماشاء الله عليه
الله يجزاك خير انت والشباب جميعا
وهالمنتدى المبروك بالشباب الطيبين جميعا جمعنا الله واياكم ان شاء الله في جناته

[abc-00-abc]

الحمد لله على سلامتك انت و الدبل
جزاك الله خير عاشق السيل
حبيت اشارك في هذه النقطة ( فصل اصبع البطارية )
هذه الطريقة معرفة دائما في السيارات اللي فيها نظام
الكمبيوتر
اي مشكلة تواجهك بعدين قبل ما تروح الورشه او تتعب
راسك حاول بهذة الطريقة
لانها تعيد برمجة الكمبيوتر لوضعة السابق
وانتبه من تلاعب الورش لانهم راح يسوون نفس الطريقة