التحميل على الشاص الثمان سست ما له وما علي

[ممتر البران]

بسم الله الرحمن الرحيم
السلاام عليكم
يالربع كلنا نعرف الشاص الثمان ريش اللي يجي بجنوط ورفارف تكون اللست عددها ثمان خلاف اللي بدون رفارف
من البديهي ان اغلب اللي يشرون الشاص راعين تحميل لكن منهم من يحب الراحه فايخذ 8 ريش
ومن الاشياء اللي تكسبها الا اخذت 8 ريش
1- الراحه
2- الرساوه في الخط
3- خف المطب
4- الشكل الجميل اللي مضيفته الرفارف والجنوط
لكن من المساوء اللي تواجهها
1- نزوله عند التحميل


ذهبت لاكثر من ورشه منهم ابن مرضاح وشخص سعودي يشتغل على الجيوب في بيته واصاحب لي لهم خبره بهالمجال وعطوني عدة حلول منها
قالو اضف له زود 3 او 2 على حسب تحميلك
ومنهم من قال شل اللي تحت الاميه وبدلهن باكبر منهن وترتاح
ومنهم من قال ركب لعابات
ومنهم من قال ركب البالون الي ينفخ بهواء
ومنهم من قال بدل السست الثمان ب 11 سسته اللي تجي على الجيب الستاندر
فوش رايكم يا اهل مكشات
الصراحه انا اميل ل تركيب الطقم كامل اللي هو اخر حل اركب له 11 سسته سواءا من التشليح او اشتريها وكاله
فياليت من عنده خبره بهالموضوع ان ينورنا وبيض الله وجيهكم مقدما
تحيتي لكم
ابو سعد

[ع العمرو]

ياليت اقدر اخدمك اخوي ممتر البران ولك تحياتي

[ابا الأفلح]

باالنسبه لي ركب البالون او اللعابات علشان ما تفرق على لين المطب(راي شخصي)وشكرااااا

[ابوطاقية]

اذا انت تبي تحمل زود 3 سست وتحصلها بالصناعيه عند محلات السست
فيه يباني واماراتي وهندي والافضل الياباني وقيمت الطقم 700 ريال للطقم (السعر قبل سنتين يمكن زاد والا نقص) الله واعلم

[ممتر البران]

بيض الله وجيهكم يا رجاجيل وما قصرتو
لكن بالنسبه لتزويد السست ما اتوقع يظبط الا ان تسانك مجرب والتجربه مثل ما قيل خير برهان
واتوقع واكيد اللي قد جرب بيفيدنا ان تركيب 11 سسته شده وحده شد بلد احسن ونحتري احد اهل الخبره يرد
وبيض الله وجيهكم
تحيتي لكم
ابو سعد

[mushari-saud]

أخوي ممتر بران
السلام عليكم

مهنا زود خبره ولكن أحبيت اني أدلي بدلوي

أنا من رأي أنك تركب اللعابات
وترى لابد رفع الموتر من قدام شوي لأان يختلف اليايات الأمية في 8 سست عن 11 ريشه يوجد بها فراغات يفضل تركيب كعكات

هذا الي أعرفه مع وجود إحتمالية خطأ في كلامي آمل أني أفدتك

[ممتر البران]

مرحبا بمشاري
لا ابدن ادل بدلوك ولا يردك احد
صحيح تحلتلف اليايات في ال 11 سسته الياي لفاته اكثر من ابو 8 سست
لكن التحميل دايم ورا هذا واحد والشي ثاني الياي قضيته سهله طق ياي ال 11 سسته وركبه قدام لكن المشكله هي وش الحل مع السست
تحيتي لكم
ابو سعد

[ممتر البران]

السلام عليكم
يالربع الموضوع تم له اكثر من اسبوع ولا جانا احدن مجرب لكن نرفعه ونقول لعل وعسى
تحيتي لكم
ابو سعد

[الساهر2003]

اخوي نصيحة اذا انت تحمل كثير والحمولة كبيره فعليك بالطقم كامل واذا التحميل عادي وقليل فزود سسته كبيره تحت الاساسية او زود ثنتين افضل من التغيير كامل ولا انصحك بالبالون او غيره واذا تبي ترفعه فقط اللعابات واسهل طريقة لرفع او زيادة التحميل هو نظام السست ويليت جيوبنا في الخلف سست كان مرتاحين وبسلامة الراحة الزايده لاهل البر لعلي افدتك مع الخبرة في الهايلوكس واللاند القديم وكلها نفس بعض
ويوجد بعض الورش تجيب لهم سست تجارية ويميلونها زيادة بالطرق ويضبط الوضع فترة شهور ثم ترجع السسته طبيعي لكن يرتفع الموتر والراحة تقريبا نفسها

[البارع]

الست سست افضل

[ممتر البران]

اخوي نصيحة اذا انت تحمل كثير والحمولة كبيره فعليك بالطقم كامل واذا التحميل عادي وقليل فزود سسته كبيره تحت الاساسية او زود ثنتين افضل من التغيير كامل ولا انصحك بالبالون او غيره واذا تبي ترفعه فقط اللعابات واسهل طريقة لرفع او زيادة التحميل هو نظام السست ويليت جيوبنا في الخلف سست كان مرتاحين وبسلامة الراحة الزايده لاهل البر لعلي افدتك مع الخبرة في الهايلوكس واللاند القديم وكلها نفس بعض
ويوجد بعض الورش تجيب لهم سست تجارية ويميلونها زيادة بالطرق ويضبط الوضع فترة شهور ثم ترجع السسته طبيعي لكن يرتفع الموتر والراحة تقريبا نفسها
السلاام عليكم
مرحبا بالساهر
صحيح الموت السست التجاريه تحيتي لك ابو سعد

[ممتر البران]

الست سست افضل

مرحبا بالبارع

الست سست للراحه

راجع الموضوع وتفهم قصدي


تحيتي لكم

ابو سعد

[shaheenshah]

طق له طقم الستاندر 11 سسته ان كانك تسمع الشور وتوكل على الله
واحد من العيال راعي قنص معه شاص فطيمي 8 ريش يوم حمل عليه 300 لتر مويه يوم حب القاع
وقام وطقله طقم 11 سستة وصار على كيف كيفك ولا غير لا يايات اماميه ولا غيره

[شقران نجد]

حي الله الجميع ,,,,,

اخوي ممتر البران انا كنت مثلك ناوي على ابو رفارف ولكن بعد عدة مشاورات خذين ابو 11 ولله الحمد والمنه من قبل ومن بعد ,,,,

رايي بارك الله فيك انك تاخذ ابو 11 سسته وان كان على الشكل الرفارف امرها سهل ومتوفره وتركيبها اسهل من تركيب السست والتلفيق اللي انت خابر وقيمتها ب800 ريال الطقم في الوكاله وكلها مسمارين ووانتهى الموضوع ....

نجي للراحه حط في بالك اخوي ان الكفرات تلعب دور كبير يعني انا لما خذيته على طول فكيت الشنابر وركبت دنلوب وجنوط فراشه وعقب ما شاء الله تبارك الله .....

يعني كل ماعليك طقم رفارف وطقم جنوط بالكفرات ومبروك مقدماً لأي واحد فيهم
واي خدمه راسلني خاص وانا حاظر وانا اخوك لأني مريت بمعاناتك
اخوك
السياري

[مزيون بيرق]

انا من رايي انك تركب 11 سسته كامله حقت الاستاندر احسن لك وبالنسبه لتحميلها ماعليها كلام محمل عليها حوالي 1000 لتر وغير العزب
ويتندح تندح بالنفود ما يرده شي

ملاحضه :
اذا انت راعي حمولات زائده ركب كفرات كبار مثل البالون والشواهين لانها تزيد في رفعة الموتر
وتريحك بالتحميل يعني ما تشيل همه

وارجو اني افدتك وشكراً

[ممتر البران]

حي الله الجميع ,,,,,

اخوي ممتر البران انا كنت مثلك ناوي على ابو رفارف ولكن بعد عدة مشاورات خذين ابو 11 ولله الحمد والمنه من قبل ومن بعد ,,,,

رايي بارك الله فيك انك تاخذ ابو 11 سسته وان كان على الشكل الرفارف امرها سهل ومتوفره وتركيبها اسهل من تركيب السست والتلفيق اللي انت خابر وقيمتها ب800 ريال الطقم في الوكاله وكلها مسمارين ووانتهى الموضوع ....

نجي للراحه حط في بالك اخوي ان الكفرات تلعب دور كبير يعني انا لما خذيته على طول فكيت الشنابر وركبت دنلوب وجنوط فراشه وعقب ما شاء الله تبارك الله .....

يعني كل ماعليك طقم رفارف وطقم جنوط بالكفرات ومبروك مقدماً لأي واحد فيهم
واي خدمه راسلني خاص وانا حاظر وانا اخوك لأني مريت بمعاناتك
اخوك
السياري
السلاام عليكم بالنسبه للموتر شاريه
ولي تجربه معهم من زمان
وقد امتلكت مواتر 11 ريشه لكن لا يقارنن بهذا ولذلك حبيت احل مشكلة النحميل بهذا فيصير جامع مزايا الثنين وبيض الله وجهك

[ممتر البران]

انا من رايي انك تركب 11 سسته كامله حقت الاستاندر احسن لك وبالنسبه لتحميلها ماعليها كلام محمل عليها حوالي 1000 لتر وغير العزب
ويتندح تندح بالنفود ما يرده شي

ملاحضه :
اذا انت راعي حمولات زائده ركب كفرات كبار مثل البالون والشواهين لانها تزيد في رفعة الموتر
وتريحك بالتحميل يعني ما تشيل همه

وارجو اني افدتك وشكراً


مشكور على تفاعلك

والظاهر ان اللي بيصير اني ابا اطق له طقم 11 ريشه كامل لكن هالايام جاني شور جديد ولا تهونون الا وهو السست حقت ARB
وهي شركه استراليه غنيه عن التعريف وكيلها بدول الخليج زيد الحسين وتباع بالرمايه
دقيت سلف ولا وقفت الا عند محلهم ودخلت ونشدتهم وطلعت 7 ريش يعني الفرق 4 ريش عن الستاندر وريشه عن ابو رفارف
لكن اللي اذهلني انهم يقولون انها ارفع الصراحه معدنها يختلف وهي كلها تختلف فلاحظت السماكه فيها اكثر من اللي عندي
والشي الثاني مقوسه
لكن مدري عنها الصراحه شفتها 7 ريش ف حسيت بعدم جدواها ولا اعلم وش هي من لحيه
وبالنسبه للسعر رخيصه جدا مقارنه بحقات الوكاله
700 ريال تقريبا للحبه
لكن السوال يا الربع هي ولا طقم ال11 ريشه الي يجي وكاله

تحيتي لكم ولجميع من شارك بالموضوع خاصه
ابو سعد

[ممتر البران]

طق له طقم الستاندر 11 سسته ان كانك تسمع الشور وتوكل على الله
واحد من العيال راعي قنص معه شاص فطيمي 8 ريش يوم حمل عليه 300 لتر مويه يوم حب القاع
وقام وطقله طقم 11 سستة وصار على كيف كيفك ولا غير لا يايات اماميه ولا غيره

مرجبا ب شاهين شاه
طيب وش رايك بحقات الرمايه السبع ريش من انتاج شركة اي ار بي الاستراليه

[شقران نجد]

السلاام عليكم بالنسبه للموتر شاريه
ولي تجربه معهم من زمان
وقد امتلكت مواتر 11 ريشه لكن لا يقارنن بهذا ولذلك حبيت احل مشكلة النحميل بهذا فيصير جامع مزايا الثنين وبيض الله وجهك


هلا ابوسعد.....

كيف لايقارنن يعني اريح بفرق يسوى قصدك ؟

تصدق هذا رابع شاص اخذه ولاحذفت عن ابو 11 ريشه لأاكون نايم على اذاني وابو ثمان احسن :confused: :confused:

[الضاحي]

ابو سعد

الشاص ابو ثمان سست اريح مليونين مرة من العادي ابو 11 سسته

بالنسبة للتحميل فرايي هو:

ان زودت سست بتصير المطاب قاسية وبترجع للمناقز ووجع الظهر ولكن يمكن ان تزود وحدة كبيرة تحت بس
او تستخدم يايات Arb الاسترالية القوية شوي
او تستخدم البوالين وهي مجربة ومربحة
بس اذا بتحط طقم السست كامل فيمكن يبي لك تركب عمود التوازن اللي يجي في العادي ولا يجي في الفل ابو ثمان.

بالنسبة للسست اللي في الرماية اشترط عليهم نجاحها واذا وافقوا فتوكل على الله وركب.

اعتذر عن زيادة حيرتك والله يدلك على الصالح

[ممتر البران]

هلا ابوسعد.....

كيف لايقارنن يعني اريح بفرق يسوى قصدك ؟

تصدق هذا رابع شاص اخذه ولاحذفت عن ابو 11 ريشه لأاكون نايم على اذاني وابو ثمان احسن :confused: :confused:

مرحبا يك واشكرك على اهتمامك
بالنسبه لكيف لا يقارن
مميزاته كثيره
1- اريح
2- ارسى
3- افضل في الممشا حيث انه طامن
4- اجمل شكل
5- جنوطه مهيب شمبر
والله لو ابا اسرد المميزات ابا اتعب
لكن اذا حليت هالمشكله ابا اكون جمعت بين الثنين
وتحيتي لك
ابو سعد

[ممتر البران]

ابو سعد

الشاص ابو ثمان سست اريح مليونين مرة من العادي ابو 11 سسته

بالنسبة للتحميل فرايي هو:

ان زودت سست بتصير المطاب قاسية وبترجع للمناقز ووجع الظهر ولكن يمكن ان تزود وحدة كبيرة تحت بس
او تستخدم يايات Arb الاسترالية القوية شوي
او تستخدم البوالين وهي مجربة ومربحة
بس اذا بتحط طقم السست كامل فيمكن يبي لك تركب عمود التوازن اللي يجي في العادي ولا يجي في الفل ابو ثمان.

بالنسبة للسست اللي في الرماية اشترط عليهم نجاحها واذا وافقوا فتوكل على الله وركب.

اعتذر عن زيادة حيرتك والله يدلك على الصالح

مرحبا بالعافور
بالنسبه لليايات فما تركب الا قدام ما تركب ورا
والبوالين مهيب امنه
وعمود التوازن لا بد منه اذا غيرت السست
لكن السوال هو وش رايكم ب سست الرمايه
مع العلم انها 7 ريش
والوكاله للستاندر 11 ريشه
ف وش الشور يا الربع مع العلم ان السست حقت الرمايه ارخص
تحيتي لكم
ابو سعد

[ممتر البران]

وش العلم يا من جرب السست الاستراليه

تحيتي لكم

ابو سعد

[الخادم]

مايمدحون ابو رفارف للتحميل هو صحيح

[ممتر البران]

السلاام عليكم ابو رفارف مهوب اللي انت تبي بالتحميل فرق حول 500 كيلو عن الستاندر
بس السوال هو وش علم سست الرمايه
تجيتي لكم
ابو سعد