وين الاقي كتوف (شد عقرب) لجمس قطع عشرة - صورة بالداخل

[escape_man]

سلام عليكم ورحمة الله

تم اجراء بعض التعديلات على الونيت قطع 10 وباقي تركيب مايسميه البعض كتوف او شد عقرب

عبارة عن بايبات نيكل تركب بالصندوق وتعطي شكل جمالي جيد

المطلوب غفر الله لنا ولكم هو :

وين الاقي مثل هالكتوف .. لاني بحثت عنها ببعض المحلات مثل السليماني والعوبثاني والعلياني ولم اجدها .. حتى اني فكرت اروح للاحساء لان الصورة المرفقة لجمس معروف هناك واعتذر لمنتدى الاحساء عن نقلها بدون اذن ..

ايضا .. كم تتوقعون سعرها ..

ناطر فزعتكم ولكم مني جزيل الشكر والعرفان

http://www.mekshat.com/pix/upload02/images63/mk10578_dsci0053.jpg

[عاشق z71]

هلا والله بالخوي يالله حيه

اولا بشرني كيف الموتر معك بعد الرفعه

ثانيا زين ماخترت فعلا هذي تعطي شكل جمالي للجمس خصوصا القديم وبالنسبه لمكان الي شفتها فيه شفتها بالسليماني بس انت تقول انك مالقيت


وبسال واحد له بهاالاومور وانشالله افيدك يالغالي

[سيد الجو]

عندك الحدادين اللي في الصناعيه القديمه
ترى فيه بعضهم فنانين

[escape_man]

هلا والله بالخوي يالله حيه

اولا بشرني كيف الموتر معك بعد الرفعه

ثانيا زين ماخترت فعلا هذي تعطي شكل جمالي للجمس خصوصا القديم وبالنسبه لمكان الي شفتها فيه شفتها بالسليماني بس انت تقول انك مالقيت


وبسال واحد له بهاالاومور وانشالله افيدك يالغالي

الله يبقيك ويعافيك

ابشرك .. الشكل ممتاز جداً ولكن !! شكلي باكون طماع وكل سنة ارفع الموتر شوي .. لوين ؟ ... مدري

والسليماني عندهم حقت موديلات حديثه على كلام البائع ..

بيض الله وجهك بنور الايمان وطاعة الرحمن وشاكر مرورك ومنتظر اجابتك انت والشقردي خويك اذا في امكان

[escape_man]

عندك الحدادين اللي في الصناعيه القديمه
ترى فيه بعضهم فنانين

ادري فيه فنانين .. المشكلة انها نيكل .. يعني سعر دبل اذا بيشتغلها العامل خصيصاً لي

يامال العافية وشاكر مرورك

[z a n h o r]

بالنسبه لنيكل سهل تسوي له تغطيس و وتضبط

[قناص متقاعد]

تلقاها طال عمرك في نفود ام دكه طايحه من الشباب اللي معهم جموس .

الله يهديك من يركب هذي اللحين ؟؟؟

ولا اقولك تلقاها عند الفلبينيين اهل الزبرقه بتلقاهم مركبينها على مازدا سبورت ولا على التيما 89 .

[escape_man]

أخوي زنهور ..

شاكر مرورك وافادتك وماننحرم شورك .. الحمد لله توفقت ولقيتها عند السليماني فرع المرسلات وركبتها وكان عندهم تقريبا حبتين تخص الموديلات القديمة ..

قيمتها للفائدة 1100 ريال مع التركيب .. نيكل .. صناعة اميركية عليها ختم الشركة



قناص متقاعد ..

مرورك يحلي صفحاتي اذا خلى من النقد .. المجالس الخاصة تختلف عن المجالس العامة والمنتديات .. فخل نقدك وتريقتك بالمكان الاول بارك الله فيك..

[أبو مسفر]

ما يصلحها لك الا ورش الدربزينات
تلقاهم على شارع التخصصي بعد وكالة الطيار امام ساكو

محلات عرض دربزينات الدرج اللي تجي قزاز وكروم

ورهم الصورة والموتر ياخذون مقاساته ويفصلونها لك بالسماكة اللي انت تبيها

ويمكنهم ارخص من غيرهم