شاهي حكرة...

[الاجودي]

السلام عليكم ورحمة الله وبركاته

مساكم الله بالخير

والله من واقع خبرة الطلعات ومحاولة ضبط مقادير حكرة الشاهي

لقيت ان افضل طريقة لحكرة الشاهي هي

اول شىء بعد مايفوح الماء

واذا جيت تصب من ابريق التفويح لبريق الشاهي

صب ببياله وعد عدد البيالات لين تشوفه يناسبك انت والي معك

على فرض طلعن 20 بيله اقسمهن على 2

يصير عندك 10 زود 2 يصير 12 حط 12 ملعقة سكر

واقسم على 2 يصير عندك5 حط 5 لبتنات كانكم تحبونه خفيف نقص2 وحط 3

وهذا الي عند خويكم الاجودي

ولكم من الاعماق احلى تحيه

[الأكحل]

ماقصرت على هالتوضيح لكن يبقى مثل لازم نستحضره دايم (رضا الناس غاية لاتدرك)
ومتى ماصار الشباب خرمانين شاهي واهتميت بتصليحه عجبهم وانسانهم ماهنا خرمه وفسقانين ابشر بالتعليق والشماته

[سليم]

ماقصرت اخوي الاجودي0

[ابو شكاع]

شكرا لك يالأجودي

كلام الاكحل اعتقد انه فيه شي من الصحه

وماااااااااااااااااا قصرت

[KING]

يعطيك العافيه الاجودي

بس تصدق اني اسوي الشاهي بالبركه .. واحب التلقيمه افضل بكثير :)

وفي الاخير يطلع شاهي 100% .. بس خل البريق واحد وتتعود عليه

يعطيك العافيه وماقصرت

[الجنوبي]

الشاي كيف
لاكن شاي البر مهما كان ردي ....
على القلب زي العسل

[العازمي]

يالا جودي
والله أنها معادلة صعبة جداً ياخوي هالقسمة في سواة هالشاي هذا
ولكن مايمنع أني أجربها .. يعطيك العافية مشاركة مميزة من شخص مميز .. تقبل تحيات أخوك العازمي

[عبار درب]

الأجودي والله انك راعي كيف اجل من يقدر يوزن هالتركيبه ، والله ان البعض واقول البعض القليل (علشان مايزعلون الي انت خابر) اقول ان بعض الناس يجيك بشاهي تقل غسال الله يكرم الجميع ووينه عند روحه ذابح فاطر
على العموم اخوي ماقصرت ويعطيك الف عافية

[فـ(الجـوف)ـتى]

مشكوووووووووووووور

الله يعطيك العافيه 0