وش تنصحوني فيه ياجماعة الخير ابي اشتري سياره

[ابو ليلا]

السلام عليكم

كيف حالكم جميع ان شالله بخير :)

المهم

انا ابي اشتري سياره تكون كويسه للطلعات والكشتات

وقليلة مشاكل وخراب وقطعها متوفره

وتكون عائليه صغيره وصالون ودفع رباعي

وبحدود الـ40 الى الـ50 الف

طبعا مستعملها :D

[باترول للأبد]

وعليكم السلام ورحمة الله وبركاته

السياره اللي أنا اشوفها تناسبك الباترول لأنه موتر كد ومد ويعجبك ويصلح للعائله والشباب

وقطع غياره متوفره وتقدر ترهم له قطع من هنا وهنا والخراب انسا الخراب

والمبلغ اللي عندك يجيب لك 98 او 99 وبالتوفيق ان شاء الله

[قانوني محنّك]

السلام عليكم
أخوي أبو ليلى

وجهة نظري .. بحدود دراهمك شف لك لاندكروزر في اكس آر ... 97 الشكل القديم .. وممكن بعد تلاقي 98 مناسب

ولك وللزمن .. والله ان تنسى طريق الصناعية من وين

والله يسهل امورك

تحياتي

[هايلكس 2001]

أنا أقول مثل ما قال أخوي ( باترول للأبد ) أشترلك باترول وفك عمرك فكل المواصفات اللي تبيها فيه و أهمها رخص سعرها وهي تنفع للعائله أنا أعرف واحد معه باترول 92 صالون ماشي معه تمام أخر مره رايحبه لأبها وهو من المجمعة وما صار له شي ما شاء الله عليه........ وهذا شوري عليك
وشكرا

[.أبوعبدالرحمن]

عندك الباترول واللاند كروزر من 97 وتحت وان شاء الله تلقى اللي يسرك

لكن اشور عليك تدور اللاندكروزر

[ذيب طي]

خذلك باترول ونـــم:o

[ابوعقل]

الله يعينك وتلقا شي زين ولا يتعبك

[الربذي]

انا ارى ان الباث فايندر حلو وخفيف وموتر عائليه ومريح واقتصادي خصوصا بالزيت مقارنه مع ثمان علب للجيب
والمبلغ هذا يجيب لك 2003 او 2004

[باوزير]

بس عيب الباثفندير يصرف بترول

افضل شيء لاندكروزر 96-97
او
بترول 98-99

بس اهم شيء دور النظيف

[ابو ليلا]

الله يجزاكم خير

والله اشوفها كلها على الند كروزر والبترول

بس المشكله احجامها كبيره

وش رايكم في البرادو و الـ أف جي كروزر والـ مورانو <<<مد رجليك على قد لحافك :mad:

والشفر وش وقعه زين ولا

وذا ابي اشتري تنصحوني اشتري من دول الخليج ولا من المملكه


ومشكورين على هالنصايح :)

[شعيب المسمى]

عندك الباث والفورتشنر اقرب شي للمواصفات اللي ذكرتها

[جنوبية سدير]

السلام عليكم انا انصحك بالباترول بس فيه عذروب صغييير
يدخل غبارمن الباب الخلفي ولا تمام

[alkongrs]

باترول موديل 98اووووو 99او 2000:)

او لاندكروزر98اوووووو99 او2000:)

[مكتشف الأمطار]

انصحك لاتأخذ الى ياباني

[راعي هوى]

الله يعينك واخذ على القناعه واستخير والله يوفقك ويسمح دربك وتكسره بالعافيه يارب

[رومل]

شف باترول مثل ماقال اخوي باترول للابد