واسألوا اهل العلم ان كنتم لا تعلمون ,’,’, ؟؟؟

[هوى الشرق]

:confused:الســـــــــلام عليكم ورحمة الله وبركاته...
ابغى مشورتكم في الحقيقه انا اداوم في خشم العان ومعي سيارة محافظ عليها وتوني شاريها ، تعرفون خشم العان ما شاء الله سواقتهم ما عندك ازين منها !!! فقررت اشتري سياره اي كلام وبنفس الوقت للبر ، جا على بالي باثفندر يكون قديم يعني 92 أ 93 وش رايكم تنصحوني فيه ، وكم يسوى تقريبا ؟
عرض علي موديل 92 بس فيه الكارونه خربانه وعامود بــ7000 ريال وش رايكم ؟؟؟

[هوى الشرق]

هذا انتم تحبون تقرون بس ما تفيدون !!!

[بدوي جنوبي]

عليكم السلام ورحمة الله وبركاته

اولا وراك زعلان وليه مستعجل اصبر شوي اغلب الناس مداومين

المهم
انت شف كم يكلفك اصلاح الكرونا والعامود اذا بحدود 500 ريال زين

بالتوفيق

[شمالي]

تصحيح للأيه

{فاسألوا أهل الذكر إن كنتم لا تعلمون "43" }
(سورة النحل)


بالنسبه لسؤالك الله يجيب اللي يفيدك ولا تستعجل

[NissaN 1990]

عزيزي هوى الشرق بأختصار وبدخل بالموضوع على طول أنا ما أنصحك بالباثفندر القديم لأنه كان معي واحد أول شي تبلش بقطع غياره مثل الدبل حقه لأنه عكوس ثاني شي إذا بغيت تبيعه ما أحد يشتريه منك ولا له رغبه عند الناس من ناحية شكله أما بالخط إذا بغيت تسافر عليه عله ما يمشي مثل المواتر الددسن اللي بموديله أقوى وأصبر منه وبالبر الددسن أحسن منه بواجد ولا فيه مقارنه على أن مكاينهم وحده فلاكن الددسن أفضل منه بألف مره هذا كلام إنسان مجرب الفاث القديم
وآسف على الإطاله ولكن هذي وجهة نظر والمثل يقول إسأل مجرب ولا تسأل ؟؟؟؟؟

[بواسامه]

من واقع تجربه للموتر
عملي وصبور ولكن قطع غياره غاليه وغير متوفره
فدايم تلفق له بالددسن
نصيحه عز الدفرنسيين بدبله
واذا دبله خربان اشتر ونيت احسن لك وافضل وارغب ببيعه مستقبلا
ومن مزاياه ان بيعرفك على الورش واهل الترهيم:d
وفقت للخير

[الربذي]

وعليكم السلام ورحمة الله وبركاته

اخوي كان معي واحد 91 نظيف بس دائم يخرب فيه الحذاف حق المكينه والسلف
اما كل من استعمله مايمدحه ثقيل واذا الهوى بوجهك وانت مسافر ومحمل ومشغل المكيف لو تموت مايتعدى 120 وكثير يسبونه لكن دانه ب7000 ومكيفه شغال اشتره لانك ماراح تلقى اي سياره يبانيه دبل بهذا السعر ابد وملاحظه ثانيه مكيفه مايبرد هوا ضعيف مره على رقم 4 وانت عرقان

[عاشق السيل]

ماشاء الله عليك ،، ساعة وحدة بس وتبي تلقى ردود لسؤالك ؟؟؟!!!!


عزيزي هوى الشرق بأختصار وبدخل بالموضوع على طول أنا ما أنصحك بالباثفندر القديم لأنه كان معي واحد أول شي تبلش بقطع غياره مثل الدبل حقه لأنه عكوس ثاني شي إذا بغيت تبيعه ما أحد يشتريه منك ولا له رغبه عند الناس من ناحية شكله أما بالخط إذا بغيت تسافر عليه عله ما يمشي مثل المواتر الددسن اللي بموديله أقوى وأصبر منه وبالبر الددسن أحسن منه بواجد ولا فيه مقارنه على أن مكاينهم وحده فلاكن الددسن أفضل منه بألف مره هذا كلام إنسان مجرب الفاث القديم
وآسف على الإطاله ولكن هذي وجهة نظر والمثل يقول إسأل مجرب ولا تسأل ؟؟؟؟؟


تأييد مية بالمية :good: ،،

خذلك ددسن أفضل بمليون مرة وخاصة إذا بغيت تبيع وعسى الله يوفقك ،،
وتقبل مروري يالغالي ....

[الدحبول]

انتبه من ددسن المصندق ( باثفيدندر ) تراها علة وقت البيع و قت الصيانة والوكيلا ما يجيب له آغراض
خذ شوري
ددسن دفرنشن
أو نيسان ربع 91 إلى 93 يتحصل من 10 إلى 15 تجيبه

[هوى الشرق]

هلا هلا هلا إيه هذا الكلام جو اهل الذكر
مشكور يا المشرف ، وجزاك الله خير يا الشمالي ، والله يطول عمرك يا Nissan
بو اسامه قل آمين الله لايرهملك ولا يغيرلك بجسمك ، اخي الربذي عسى عمرك 120 وفوق انشاء الله
عاشق السيل الله لا يحيجك للمرور قل آمين ، الدحبول اما (انتبه) والله يا هي طالعه من قلب ( تسلم لي)

[هوى الشرق]

.......... إلخ

[هوى الشرق]

شكلكم اول ما تشوفون باثفندر قديم تهجون على طول
يعطيكم العافية

[راعي البرقا]

والله ياخوي أنا من رأيي إنك ترخي ريالك وتدور لك سفاري ربع من 92 إلى 97 وتخلي الباث القديم عنك .وتقبل مروري