يالربع طريقة الدجاج العجيبة

[الملثم]

السلام عليكم ورحمة الله وبركاته ،،،
يالربع طريقة عجيبة ماتحتاج تعب ولا شي واللي علمنا إياها اقل لنا هذه طريقة عمانية وهي كالآتي :-
1- تأتي بقدر وتجعل أسفل القدر ملح بمقدار 2 سنتمتر يعني القدر المتوسط تكفيه علبة ملح .
2- تجعل على الملح قصدير وتثقب هذا القصدير . وفائدة هذا القصدير أنه يمنع الملح من الإلتصاق بالدجاج
وفائدة الثقوب أنها تجعل زيت الدجاج الخارج من الحرارة يصلا إلى الملح .
3- تأتي بالدجاج وتجعل عليه بعض البهارات إلا الملح ( مايحتاج ) وإذا بتزيد هيل وبصل جيد .
4- تحكم إغلاق القدر بالقصدير ( ضروري تتأكد من الإحكام ) وتضع غطا القدر .
5- تجعله على النار ( الجمر أو القاز ) 50 دقيقة

صراحة يالربع طعم ماتتوقعون وبالهناء والشفاء وادعولي بعد الأكل

[أيمن]

فكرة تستحق التجربة ..
بورك فيك يالملثم ..

تحيتي

[مفتش الريضان]

شكلي با اجرب الطبخة .............. بس اخوي لا تكون مقلب........... طيب كيف يستوي الدجاج بدون مويه ....أخاف يحترق الملح........:D .............. !!

[الملثم]

على فكرة حط الدجاجة كاملة لا تقطعها بعدين يالربع أي واحد يجربها يقول لي رايه :rolleyes:

[الشاقي]

والله يالملثم من الطريقة شكلها زينة لا وبدا سعبولي يقطر

[مشعل]

انا جربتها اعووووووووووذ بالله والله ان ريحته مثل ريحة الكفرات
لالالا تتوهقون بتجربتها الا اذا كانت طبخه ثانويه اي بمعنى خل الكبسه ولحيمت الحاشي هي الكبسه الرئيسيه
وشكراا ،،، هذي مجرد تجربه

[مفتش الريضان]

هذا اول واحد جرب الطبخة ويقول ريحتها مثل الكفرات أجل الثاني وش بيقووووول؟

[KING]

يعطيك العافيه الملثم

بس يالربع وش صار الحين على الطبخه نجربها او مانفكر فيها

[الملثم]

يالربع أنا حتى لو كان ذوقي منتهي إلى هذه الدرجة ما أظن ذوق الكثير مثلي ممن مدح الطبخة . بعدين يمكن تجربتك غلط يالمشعل . الله المستعان حطمتني يالمشعل . تكفون يالربع جربوها وعطوني رايكم .:confused: :(

[قناص القرائن]

احس انها شي لكن ماجربتها وشكرا للمعلومه

[فـ(الجـوف)ـتى]

مشكوووووووووووووور

الله يعطيك العافيه 0

[ع العمرو]

اخوي الملثم انامسويها قبل ماامر علىمشاركتك الصراحه اناجربت اللحم ممتاز جدا ارجولك التوفيق وماقصرت

[almraweg]

اما اللحم مجربه طعم لذيذ

[فل اوبشن]

انا جربتها اعووووووووووذ بالله والله ان ريحته مثل ريحة الكفرات
لالالا تتوهقون بتجربتها الا اذا كانت طبخه ثانويه اي بمعنى خل الكبسه ولحيمت الحاشي هي الكبسه الرئيسيه
وشكراا ،،، هذي مجرد تجربه

هههههههههههه والله اني ارتعت لكن بجرب تهقا الدجاج قام يخمس بالقدر من الحراره

[عرق دقله]

والله مهب شينه مدام رمضان قرب

[ساقان]

بالكاتم ماينفع؟

[مدمن المطر]

جاااااااااري التحميل..عفوا التجربه,,
بس والله بصدق شكلها لذيذه...

[ابوعلوش]

يا أخوان لو سمحتوا ممكن صوره للطبخه .. والله يجزاكم خير