عندي جيب ربع(عشه) ابي اجدده كيف!!!

[alerter]

السلام عليكم ورحمة الله وبركاته

اولا كلي امل في خبراء واعضاء مكشات

ثانيا : وهي المشكله ...عندي جيب ربع الللي يسمونه العشه
مبطي موقف في البايكه والشمس لاعبه في شراعه والرمل ما خذ حقه في كل شي
موديله 77 ثلاث غيارات.


ابي اول شي رايكم في السياره؟
ثانيا ابي ورشه تقوم بتجديد السياره من الى ؟؟؟


وجزاكم الله خير

[monsixnet]

_

محلك وين؟

[alerter]

_

محلك وين؟

محلي الله يبارك فيك الرياض.
وما عندي مشكله لو ارسله اي مكان.

[لبرتي]

وعليكم السلام ورحمة الله وبركاته

عندك صناعية القديمة طريق الخرج
أو صناعية الحاير

أول شي أبد في البدي جدد البويه ما راح يكلفك اكثر من 2000ريال بأمكانك أنك ترشه بأكثر لكن ما أنصحك بالغالي مو قصور فيك ولا في موترك بس الامر ما يستاهل أنك تخسر أكثر

شيك على محركاته المكينه والقير والدفرنس وأن لازم الأمر غيرها بمكائن أحدث

طقم كفرات جدد مع الجنوط

الكهرباء بشكل عام حاول أنك تغير جميع الأسلك بجديده + الأنوار الامامية والخلفية

الشراع ما عندي خبر فيه لكن اتوقع أنك راح تحصله في الغرابي والله أعلم

بالتوفيق

[alerter]

وعليكم السلام ورحمة الله وبركاته

عندك صناعية القديمة طريق الخرج
أو صناعية الحاير

أول شي أبد في البدي جدد البويه ما راح يكلفك اكثر من 2000ريال بأمكانك أنك ترشه بأكثر لكن ما أنصحك بالغالي مو قصور فيك ولا في موترك بس الامر ما يستاهل أنك تخسر أكثر

شيك على محركاته المكينه والقير والدفرنس وأن لازم الأمر غيرها بمكائن أحدث

طقم كفرات جدد مع الجنوط

الكهرباء بشكل عام حاول أنك تغير جميع الأسلك بجديده + الأنوار الامامية والخلفية

الشراع ما عندي خبر فيه لكن اتوقع أنك راح تحصله في الغرابي والله أعلم

بالتوفيق

بارك الله فيك اخوي لبرتي على النصيحه وقبل
كل شي الرد على موضوعي.

عندي طلب منك ! هل تعرف ورشه عليها الكلام
متخصصه في الجيبوب هذي.
وبارك الله فيك

[escape_man]

1- تغيير البوية وتجديدها (لو يحصل بني غامق شوي مو كثير او على قولتهم كريمي غامق )

2- جنوط 10 انش نيكل مع كفرات شاهين

3- تشييك الكهرباء

المحركات لا تستعجل عليها .. ومن فضل الله سعرها وللاصلي رخيييييص جداً ( بطارية - توضيب ديلكو - كلبريتر جديد بـ 600 ريال - طقم بواجي واسلاك - كويل جديد اصلي )

بعدها ادخل على العكوس وغير رماناتها وباذن الله مايرده شي بعدها.

اقتراح بسيط ... شيل مروحته الميكانيكية وغيرها بكهربائية + ركب بدال دبته الاصلية دبة فريون .. راح تشوف فرق مو بسيط بالنفود.

[شروكي ربع]

1- تغيير البوية وتجديدها (لو يحصل بني غامق شوي مو كثير او على قولتهم كريمي غامق )

2- جنوط 10 انش نيكل مع كفرات شاهين

3- تشييك الكهرباء

المحركات لا تستعجل عليها .. ومن فضل الله سعرها وللاصلي رخيييييص جداً ( بطارية - توضيب ديلكو - كلبريتر جديد بـ 600 ريال - طقم بواجي واسلاك - كويل جديد اصلي )

بعدها ادخل على العكوس وغير رماناتها وباذن الله مايرده شي بعدها.

اقتراح بسيط ... شيل مروحته الميكانيكية وغيرها بكهربائية + ركب بدال دبته الاصلية دبة فريون .. راح تشوف فرق مو بسيط بالنفود.


طيب ممكن بعض الامور زينة بموتره ليش يغير كل هالامور ؟؟


أما المراوح الكهرب لازم يغير الديمنو بواحد جديد وأقوى من الوكالة لان حق الوكالة ما يستحمل ..

[وبل نجد]

أهم شي الكهرب علشان مايحترق الموتر لاقدر الله
ولاتنس ورشة النويصر

[monsixnet]

اخى الكريم

رغم اننى امتلك موديل 78 لكن دائما انصح من يشترى موديل السبعينات ان لا يفعل ذلك مهما تكون السياره الا ان تكون السياره للقتنا وليس للاستخدام وذلك من مبدأ النصيحه والتجربه...... السيارة القديمه مث فم العجوز تصلح من هنا يخرب من هناك

اولا ابدا فى المكانيكا ثم الكهرب ومن ثم البويه واخرا التنجيد وملاحقاته. واحسب حسابك ان التكلفه او الميزانيه اللى انت حاطها سوف تتعداها بحدود 5000 الى 10000 ريال تباعا للكسسوارات والجوده فى الشغل وتوفر نوعية القطع(اصلى \تجارى) الخ....

والله يعينك لى ست شهور وانا اجدد فى وانيت رفرف 78 القطع جمعتها من الصدام الامامى الى الباب الخلفى من الخرج الى النعيريه ومن جده الى الدمام..

وختاما لك منى التحيه

[ابو رشيد]

الغمارة يبيلها تجديد بالكامل+ الشراع(يكون مشدود وغير مرتخي) واهم شي التانكي لانه داخل الغماره تحت المرتبه و يبيلك تنظفه وتتاكد انه خالي من التهريبات ولا راح يبلشك بريحت البنزين
شيك على اسفل السيارة بالكامل
1- اذرعة الدركسون مع المساعد وجلد للركبه اذا كانت تهرب
2- صلبان العمودين مع جلد ملتقاه مع الجربكس والدفرنس +التشحيم للعمود
3- جلد السيست والمساعدات

المكينه يبيلك تبدل وجه للكرتير زائد
1- بواجي مع اسلاك بواجي مع بليتين وبويبينه وكويل
2-الكلبليتر يبيلك جديد+ الفلتر+ الصفايه
3-جميع الليات يبيلها تبديل
4-اسلاك الكهرباء وقاعدة الفيوزات يبيلك تبدلها لانها 80% غير سليمه
5- حساس الرويس اذا عطلان وما تبي تصلحه افصله لانه سبب لي مشكله في الكهرب
4-باكم الكلتش وباكم الفرامل بالاضافه للمواسير يبيلها تبديل بجديد
يعني يبيله تجديد بالكامل وانا انصحك تبدل المكينه والقير بموديل حديث اذا كانت تبي تقنى وتكشت عليه لان المكينه الحالية والقير مافيها عزم بالمرة لانه عندي موديل 79

[راعي البرقا]

الله يعينا وياك وبالتوفيق

[لبرتي]

أسف على التأخر بسبب السفر أخي حرضاوي

أنا أتعامل مع ورشتين في الرياض وشغلهم ممتاز وأسعارهم جداً معقولة

al_shenko@hotmail.com

[تل الخفوق]

ان كانك تبي الراي غير البويه ان كانه تعبانه وكد الموتر وكل ما طاح شي صلح او غيره اما من ناحية مكشات ومطاب فا الموتر ما يصلح بتاتا والله يعين ضهرك عليه

[ناوي نيه]

انا من رااايي انك الحين تنجد وتسوي تصفية مكينه وتصبغ البدي ان لزم
وبعدين على شوي شوي الي تشوفه يشتكي غيره

[محمدالناصر]

نصيحة لوجة اللة
اللة يباركلك فية وتراة بكلفك كثير ولاهو برضيك بعد هذا الشغل كلة فية بتتعب وانت من ورشة الي
ورشة وراح يصدع راسك من الورش ومن التكلفة
نصيحتى لك اذا انك تحب هذى الموديلات دورلك واحد نظيف وصاحبة مشتغل فية واشترة واللة انة ارخص واوفر لك من انك تصلح وامطامر في الورش
زمان النصيحة كانت تشترى بجمل واليوم الحمدللة بلاش
واللة يوفقك بالراى السديد