فزعتكم يارجال ... ريحه الكلتش فابحة عندي .. تفضل وعطنا نصيحتك ..

[إعصار]

بسم الله الرحمن الرحيم



يامرحبا بأعضاء ومشرفين مكشات .. نورت الصفحة بوجودكم ..




باشرح لكم الي صار لي وتحملوني على الاطالة ,,


صارت لي مشكلة .. وقالت مالي الا الله ثم .. اخواني في مكشات ..



الموتر : هايلكس 2007 دبل ,, الممشى 15000 كيلو فقط لاغير ..



ندخل في صلب الموضوع ..


في البداية كانت تطلع ريحة الكلتش تطلع له ريحه قويه مررة وانا في النفود خاصة اذا شغلت الدبل على الخفيف .. كنت ااتجاهل الموضوع قلت ممكن جديد وتوه مابعد تعود ..


يوم الجمعة الي فات كان في طلعة القدية حادث مسكر الطريق .. جلست السيارت حدود ساعة ونص ..
وهي تمشي شوي شوي .. يعني الموتر بالاول بس .. اول ماوصل للبيت كانت ريحة الكلتش
قوووية مرررة ..
قلت يمكن عشان الطلعة والحادث خليت الموتر الى الصبح شغلت الموتر وبرضو الريحة مازالت موجودة بس اخف من امس ..


السؤال .. هل اللريحة طبيعية ومافيه مشكلة .. او في مشكلة وتحتاج اصلاح ..



ممكن تدلوني على أفضل ورشة تفحص لي الموتر ويكون شغلهم 100%


،،،،،،،،،،،،،،،،،،


للمعلومية رحت للوكالة قالوا مايتجمله الضمان ومازلت المحاولات عشان يصلحونه على الضمان ,,


...........



الله يجزاكم خير ولايحرمكم الجنة ..
ـــــــــــــــــــــ

[أبوتركي الخالدي]

أخوي إعصار


نفس المشكلة عندي في البرادو طلعت ريحة الكلتش أمس في طلعة القدية عند أذان العشاء


لكنها خفت الصبح اليوم قليلا


والحمد لله على السلامة فقد كان الحادث شنيعا وعسى الله يعينك على تصليح الكلتش

[winchester]

أكيد الكلتش مع الطلعات والنفود ترتفع حرارته

سواقتك مع النفود هي السبب تشد على الموتر بترس ثقيل وتبدل التروس بأستمرار أنا معي هايلوكس ماشيه (400000كيلو) ولله الحمد والمنه قيرها شد بلد لاكلتش ولاغيره

القير هو الوحيد اللي خرابه من سوء الاستخدام

لكن أذا أستمر معك لازم تغير (الدزق والكلتش والفحمه)

وحـاول تمر على أكثر من مهندس لان المهندسين يختلفون بتقاريرهم فيهم الفاهم وفيهم مش حالك

دمـت بود

[ممتر البران]

السلاام عليكم
اللي حصل حصل ما عاد تقدر تعدل شي الا ان كانك بتبدل الكلتش كامل
حصل لي اللي حصلك امس بالقديه وفعلا مشكله ليتنا طالعين مع ديراب عموما اللي صار صار ونصيحه استفد
من وجود الجلنط يعني في الرقيه والموتر واقف اربطه واذا شال الموتر نفسه فكه عشان ما تحمل الكلتش فوق
طاقته ولا تدوس كلتش وبنزيم سوا حاول تعود نفسك ولا تركي رجلك فوق الكلتش والموتر يمشي او واقف
هذي بعض النصايح وتحيتي لكم
ابو سعد

[بدوي جنوبي]

يا اخي الريحه عاديه وما عندك اي مشكله

لان بطانه الكلتش مصنوعه من مادة رائحتها قوية وممكن الريحة تتطول ما راحت
http://www.mekshat.com/pix/upload02/images63/mk32037_1clutch_disc.jpg

اذا السيارة قومتها ممتازه ما عندك اي مشكله ولا تتعب نفسك للوكاله
وللورش ،،، الريحه بسبب الجر كثير علي الكلتش وحاول تخف رجلك شوي :good:

بالتوفيق

[الساهر2003]

اخوي اتوقع انها طبيعية بسبب انك مثبت السيارة بالكلتش يعني رافع رجلك عن الكلتش شوي وهذا خطء يحرق الكلتش بسرعة اذا طولت يعني ساعة ونص كثير جدا احسن شيي بريك او بريك يدوي وريح راسك واهم شيي حاول انك ما تكررها لانه تحرق الكلتش وصارت معي في الجنوب ولكن الحمدلله سليمة وطبيعي تخرج ريحة الكلتش اذا السيارة جديدة ولو كانة قديمة والكلتش قديم فنادر مايطلع له ريحة الا مع الشد عليه بقوة

[إعصار]

winchester


أبوتركي الخالدي


ممتر البران


بدوي جنوبي


الساهر2003


ياهلا وغلا ويامرحبا بالجميع ..



اعتذر عن التاخير في الرد ياجماعة لظروف طارئة اسال الله ان يوفقنا واياكم لما يحب ويرضى ..


الزبدة .. نرجع للموضوع ..



أبشركم الريحة زالت تماما .. واذا شغلت الدبل راحت بس ممكن مع الكرف تطلع شوي ..



الله يعطيكم العافيه ولا يريكم مكروه آآآآمين ..