النيسان والباب الخلفى

[almgwar]

السلام عليكم يا اخوان انا عندي نيسان باترول 2008 وفى صوت بالباب الخلفى صوت قرقعة ورحت للوكالة مرتين يشحمون الباب ويعيرونه ويقولون الشباب ان هذا الصوت فى كل النيسان ؟

[صقر أمه 506]

أنا ماعندي نيسان
لكن الي أسمعه
أنه موجود حتى في الموديلات الي قبله
لكن الشباب مايقصرون يمكن يلقون له حل
والله يكون في العون

[عبدالعزيز_72]

هذا من ايام ال98 وانا اخوك ..
الحل الوحيد فك الاستبنة عشان يخف الباب ..

[مسايف الطعس]

هلا أخوي

الحل

أذا فتحت الأبواب الخلفية بتشوف مفصل تحت ومفصل فوق

حط منديل على المفصل الي فوق والي تحت و اذا صكيت على الباب الكبير بتشوف مفصل ثالث الي يركب عليه

الباب الصغير حط منديل بعد

أذا صلحت معك وراحت القرقعة جب قطع قماش صغيرة وأستبدلها بالمناديل

الطريقة مجربها أنا بنفسي :good: وراحت القرقعة نهائيا

أي أستفسار انا جاهز

تحياتي

[المميـز]

هلا أخوي

الحل

أذا فتحت الأبواب الخلفية بتشوف مفصل تحت ومفصل فوق

حط منديل على المفصل الي فوق والي تحت و اذا صكيت على الباب الكبير بتشوف مفصل ثالث الي يركب عليه

الباب الصغير حط منديل بعد

أذا صلحت معك وراحت القرقعة جب قطع قماش صغيرة وأستبدلها بالمناديل

الطريقة مجربها أنا بنفسي :good: وراحت القرقعة نهائيا

أي أستفسار انا جاهز

تحياتي



اانا مسوي نفس الفكره

بس حاط شطرطون كهرب

وترووووح كل الاصوات

فكره جدا رائعه ومجربه

[مسايف الطعس]

اانا مسوي نفس الفكره



بس حاط شطرطون كهرب


وترووووح كل الاصوات


فكره جدا رائعه ومجربه




أشكرك أخوي فكرتك أفضل وعملية أكثر من القماش

تحياتي

[طحنون]

الحل انك تحط مسحه شحم اللي لونه ابيض على الربله اللي بالباب الايمن مسحه خفيفه راح ينتهي الصوت تماما

[almgwar]

حطولى الوكالة ولا اكو فايدة

[القمم]

شطرطون كهرب ابو ريال
شرطن فيه الحلقه ألي ينصك عليه الباب

وإن شاء الله يروح الصوت

[ابويزيد11]

ربل مثل الشطرطون يحط على شفة الابواب من جوى

[هويدي]

زي ما تفضلو الاخوان شطرطون على المفصلات ويضبط

واذا فتحت الباب الكبير تلقى فوق عند السقف واحد والثاني تحت الباب والثالث على نفس الباب الكبير حق الباب الصغير

سويت الحركه بموتري ولله الحمد ضبظ

ولو ما وضحت الفكره علمنا وابشر بالصور:good:

[NAWAF90]

أخوي هويدي ماقصرت فعلا وكذلك الأخوان كلهم أبدعوا بأفكارهم بس لو يكون فيه موضوع خاص بهالمشكله ومدعوم بالصور يكون أفضل

شاكر ومقدر

[قاصد الصمان]

السلام عليكم
انا عندي باترول وكنت اعاني من هذه المشكله وغيرت الشنكار الخلفي في الباب الخلفي الثابت الغير مغلف بربل الى شنكار مغلف بربل مثل الموجود في الابواب الاماميه وانتهت الشكله ولله الحمد
( ارجو حفظ براءة الاختراع ، ولاتنسونا من الدعاء )

[راعي البرقا]

ماقصروا الشباب علما إنه معي سفاري 2003 ولا شكيت من أبواب الشنطه واللي دايم يقرقع عندي المساعدات علما إنها إستراليه

[ل ع س 499]

انا كمان مسوي نفس الفكرة شطرطون كهرب والحين السيارة لها سنه معي ومقناص شهري وماشاء الله ولى تسمع اي صوت بالباب

[almgwar]

شكرا يا اخوان ولا قصرتو ووصلت المعلومة طيب فى مشكلة ثانية الصوت اللى يطلع اثناء ضرب مطب على غفلة صوتة يقولون من السبرنجات اذا لبستها يختفى الصوت

[مقلع الرمث]

اخوي صاحب الباترول احب اقولك ان المشكله بكل الباترول خاصه النيسان هههههههههههه وانا معي واحد نفس سيارك وحطيت شطرططون بالباب الكبير الي يمسك الصغير يعني لامنك فتحت الباب الصغير تحل مقضابه الي يركب علىها الباب الصغير تحطبه شطرططون بس لاتكثر يعني على ابو خفيف وراح تلاحض ان الصوت راح اسأل مجرب ولا تسأل ,,,

[هويدي]

أخوي هويدي ماقصرت فعلا وكذلك الأخوان كلهم أبدعوا بأفكارهم بس لو يكون فيه موضوع خاص بهالمشكله ومدعوم بالصور يكون أفضل

شاكر ومقدر

ابشربه بإذن الله بس هاليومين مشغول شوي

واسمحولي ابتفلسف شوي <= محامي دفاع للباترول ( لا والله من كثر الحبرشه )



ماقصروا الشباب علما إنه معي سفاري 2003 ولا شكيت من أبواب الشنطه واللي دايم يقرقع عندي المساعدات علما إنها إستراليه


شيك على ربلات المساعدات واجهتني نفس مشكلتك في المساعدات الاماميه رجعت ربلات الوكاله

والمساعدات الخلفيه واحد منهن يطقطق فكيته وحطيت عليه العصار اللي يحطونه على وجيه المكينه وطبقته وضبط ولله الحمد ( والعصار فيه نوعين احمر واسود ) خذ الاسود الامريكي



شكرا يا اخوان ولا قصرتو ووصلت المعلومة طيب فى مشكلة ثانية الصوت اللى يطلع اثناء ضرب مطب على غفلة صوتة يقولون من السبرنجات اذا لبستها يختفى الصوت


السبرنقات تقصد بها اليايات ؟

كانك مركب ياي استرالي الصوت عادي ولو تفك الياي بتلاحظ ان احد الحلقات تضرب بالثانيه ( بتلقاها متمخشه شوي ) حط بينهن لستك او ربل ويمشي الحال


وسامحونا على كثره الهرج والفلسفله بس ما ابي الورش تلعب بسياراتكم ودراهمكم زي ماصاربي قبل فتره خسرت 800 ريال على ربل اذرعه ووزن وحوسه ولعبو بالدوده حسبي الله عليهم وآخرتها طلع من ربل المساعدات الاماميه ونا اللي اكتشفتها بنفسي مع اني درت على كم ميزان من اشهر ورش الصناعيه القديمه ولا هو شطاره بي الا غشامتن بهم

ودمت بود

[غضنفر]

مشكلة الباترول
ان الاستبنة مثبتة على قاعدة حديد والي بدورها مثبتة على الباب مباشرة
بعكس الاند الي له حامل منفصل للاستبنة
والشباب ما قصروا بالحلول
ولو تفك الاستبنة وسط الديرة يكون احسن حتى لا تخلخل الباب

[waleed888]

مممكن شرح بالصور الله لايهييينكم