افضل كفرات للهايلكس؟

[برق نجد]

وش رايكم وش ازين كفرات للهايلكس تصلح للبر وتتحمل (الكرف):D ؟؟

[جميل جمال]

هلا اخوي عاشق الدخل الله حيه ..

بالنسبه لكفرات الهايلوكس ..

انا انصحك باليوكوهاما (( ام خطوط )) ميب حقت الوكاله

بصراحه فيها تحمل موب سهل ..

وبالنسبه للطعوس هي الافضل تقريبا مع الهنكوك ..

لكن فيها مشكله ان جوانبها ضعيفه .. ما تقارن بكفرات شد البلد

انا اذكر العام كنا بالحجره وضربت الكفر حصاة وعلى طول بمكانه انشق ..

وفيها ميزه انها تتحمل المشي والكفرات ناقص هواها يعني لو تشوف اكثر الشباب اللي بالقصيم راعين الهيلوكسات تلقى كفراتهم دايم على 25 او على 20 !! ومع ذلك تلقاه ماشيه معهم مثل الحلاوه وتعيش .


فيه الهنكوك من تالي طايحين بهن .. بس مهما كان الهنكوك كوري وحق استخدام سنه واقل وتجدعه .. يعني بالعربي ما ينظمن .

على العموم اسف على الاطاله .. وارجو اني افدتك .

[برق نجد]

الله يعطيك العافية اخوي جميل جمال على هذا الرد الجميل

[أيمن]

مع الأخ جميل جمال في كلامه :good: ..
اليوكوهاما مقاس 225/70/15 مناسبة ونسبة الاختلاف عن كفرات شد البلد تقريبا 3% فقط ..

تحيتي

[الدبل الثقيل]

المعذرة ياخوي جميل جمال الهنكوك ممتاز بالحيل انا مركبه على هايلكس .. مقاس الكفر 15 / 75 / 205 هنكوك ( جراندي ) ويوميا اداوم وامشي تقريبا 180 كم يعني في الأسبوع الف كم واروح للبر وانسم الى 15 وما اعبي الا في محطه تبعد 3 كم اسفلت .. وما شفت منها الا الخير ...
ونصيحة حول المقاس لا تركب 225 او 215 لأنها تثقل الموتر وتطيح عزمه ويكثر البنشر... نصيحة مجرب ...

[ابو شجاع]

السلام عليكم اخوي عاشق الدخل بالنسبه لسؤلك عن افضل الكفرات( هي في نضري واستخدامي الذي دام مايقارب :8 سنوات مابين السفر على الطرق المزفلته والجلد او الرد ميات والرمل هي & الفايرستون مقاسات 225/70/15 وععليها ضمان 4 سنوات اذا مانيب غلطان بتاءكد من الفاتورة وعلمك وافضل طريقه لستهلاك الكفرات والمحافضة على ليونتهاهى عكس الكفرات بطريقةX اي الكفر الامامي الايمن مكان الخلفي الايسر والخلفي الايسر مكان الامامي الايمن ## # # والامامي الايسر مكان الخلفي الايمن والاخلفي الايمن يكون مكان الامامي الايسر وتعمل هذه الطرقه كل مامشة السيارة مايقارب 50 الف كيلو متر ود متم سالمين انشاءلله اخوكم ومحبكم (ابــــــــــــو شجــــــــــــــاع)$

[مسوي راعي بر]

السلام عليكم ورحمة الله وبركاته



والله يا عاشق الدخل افضل شئ جربته دانلوب كارف ابو ام جابته في البحر في الجو في الأرض وانسم عشره

لا ولي معي في السيارة خفيفين الواحد وزنه ميه تعال عندي بالشركة واسويلك خصم 100% :D

[أبوسليمان]

غير اليوكوهما لا تدور
بالرمل ممتاز بالجواد ممتاز بالخطوط ممتاز
خذ مقاس 225 على 70 خط عريض

أخوي ألوشجاع
أنا كنت مركب فايرستون 225 على 70
وحلوات بالرمل ولا ينمسحن
بس جرب اليوكوهاما بالرمل والخطوط
وتعرف الأن الفايرستون مايسوى سعره

تحياتي
أبوسليمان

[جبله]

السلام عليكم ورحمة الله وبركاته-يا اخون -قبل 3شهور اشتريت هايلكس 2008 -الموتر نضيف الحمدلله بس عندي مشكله -اذا تعديت سرعة 140 اسمع صوت الهو ا يضرب في الغماره ويطلع صوت مزعج زي الصفاره واذا فكيت الدريشه اللي بجنب السواق يروح الصوت واذا سكرتها يرجع -افيدوني الله يجزاكم خير

:j:j

[ددسن2005]

منتب صاحي راد على موضوع قبل عشر سنوات؟؟؟

على العموم هذي مشكله بكل الهايلوكسات الحل انك تصفط المرايه عند المكان اللي يجي منه الصوت