بناشر السيارات وارتفاع الأسعار والصحوة

[ابو ربا]

إخواني ..
السلام عليكم رحمة الله وبركاته ..
أرجو من الإخوة أن لا يتوقعوا أن هذا من باب الحسد والعياذ بالله بس الكل منا يريد الفائدة لأخية المسلم وخاصة السعودي ..
القليل من الناس لا يعرف سعر علبة الزيت ( زيت السيارات ) وأتوقع الكثير منا يغير الزيت والسيفون ويحاسب صاحب البنشر ويالله مع السلامة ... صح ولا ...
لكن المفيد انه لدي سيارة لاند كروزر ومنذ فترة ليست بطويلة قمت بالذهاب إلى محلات بيع الجملة بيع الزيوت وكلكم تعرفونها واشتريت كرتون زيت نوع ( .... ) لا أحب التحديد حتى لا تكون دعاية .. ولكن اشتريت كرتون زيت يحتوي على 24 علبة بسعر 190 ريال وذهبت إلى الوكالة واشتريت كرتون فلاتر ( سيفون) عدد (10) حبات بسعر 200 ريال يعني سعر العلبة 10 ريال بالجملة وأصلية ( لا حظ كلمة أصلية ) ولا حظت الفرق وهو كالتالي :
كنت أغير الزيت بسعر ( 131 ) ريال تقريبا مع السيفون .. صح .. والا ..
والآن أغيره بسعر ( 84 ) ريال تقريباً مع السيفون .
تقول : ( وشلون ) ؟؟؟
أقولك وشلون :
تسعيرة البناشر :
سعر العلبة تقريباً من 12 إلى 14 .. صح
فلنفرض أن سعرها ألادنا 12 في 8 = 96 ريال .. صح
والسفون سعرة من 20 إلى 25 تقريباً = 96 + 25 = 121 ريال تقريباً .. صح
وحق أتعابة بعد كل الزيادات ( 10) ريال ( شغل يده ) = المجموع الكلي (131) ريال تقريباً
أما سعر الزيت مع السيفون من الجملة هو كالتالي :
سعر العلبة تقريباً بالجملة ( 8 ) ريال .. صح
وسعر السيفون 10 ريال من الوكالة بالجملة أي بالكرتون
يعني 8 في 8 = 64 ريال تقريباً + سعر السيفون 10 ريال المجموع = 74
وشغل اليد 10 أو 15 = المجموع الكلي = 84 ريال تقريباً
والفرق عند تغييرك الزيت في كل مرة 47 ريال تقريباً
وهذي تكفي انك تعبيبها بنزين أو توكل عيالك أو تتصدق بها .. والسلام عليكم وعذراً على الإطالة ..
وأرجو من الإخوة أن لا يتوقعوا أن هذا حسد ولكن ( ياما وياما لعب علينا ..... )

[سفير الصمان]

كلامك صحيح 100%

[بوفايز]

أبشرك يا اخوي

أصحاب البناشر ما قصروا عرفوا الشغلة وصاروا ما يرضون بأقل من 25 ريال قيمة اتعاب او بعض الاحيان يرفضون تغيير الزيت اذا مو من عندهم

كل الود

بوفايز

[.أبوعبدالرحمن]

الله يعطيك العافية اخوي ابو رُبا

[×عاشق الجنة×]

كل الشكر لك أبا ربى [ وهذا صواب كتابتها إملاءً ]
والسيفون 10 بـ 200 إذاً الواحد بـ 20 أليس كذلك .
عموماً التوفير نحو 50%
يعني توفير غيار زيت مره مقابل كل مرتين تغيير
شكراً لك على نصح إخوانك
****

[roo7-al3b]

كلام سليم

والله يعطيك العافيه

[عريدان]

فعلا يجب أن نتعاون في إيضاح ما ينفعنا أو يضرنا وجزاك الله خير.

[ابوعبدالله 2]

انا اسوي نفس الشغله وابو يمن يرتفع ظغطه مليون بس المطلوب علينا كلنا نتحد ونتفق على هذا الشي وتشوفون وش يصير بعدين لهم يقولك غير الزيت عندي مره بحقه ومره مجاني

[أبو الحارث 4]

أبا ربا::: بيض الله وجهك يوم تسود وجوه الكفرة والمجرمين، نصيحة مهمة وفي وقتها وقد فعلتُ ذلك جزاك الله خيرا.

[wewe150]

فيه يمني معامله عندنا في الحارة

قاعد أتطاق أنا وياه على السيفون أبيه ينزل خمسة ريالات (طبعا الزيت مسلمين وش نسوي مكتوب على العلبة )

قال هذا السيفون اصلي قلت الوكالة تبيعه بـ 14 قال حق الوكالة مو أصلي !!!!

قلت كيف مو أصلي يقول بلاك ما دخلت السوق صح !!!

عرفت أنه نصاب وقلت له طيب أبي حق الوكالة قال ما نجيبه لانه مو أصلي

ضحكت ومشيت

أحيانا واحد من القهر يضحك


عطونا وصف اللي يبعون زيت بالجملة ؟لو سمحتو

[وبل نجد]

ولكن ( ياما وياما لعب علينا ..... )
والله أنك صادق وأنا ولله الحمد عندي في البيت حفره لغيار الزيت مثل البناشر والسيفون وأشتري كرتون أوثلاثة وتطلع لي العبه بــ 7 ريال تقريبا ومثل ماقلت أنني لاأعرف شي اسمه غيار زيت عند البناشر
أغير زيت موتري وموتر الوالد وأخوي في البيت
تقبل مروري
أخوك : وبل نجد

[كوكب ازرق]

كلامك صحيح 100%

[الساهر2003]

اخوي كلامك صحيح ولا يرضون يغيرون الزيت باقل من 10 ريال وازيدك من الشعر بيت الرقع التيوبلس الداخلية كانت ب15 ريال والان ب 30 ريال والعادية ب15 ريال الى 20 وللمعلومية قيمة الرقعة العادية تيوبلس الخارجية في الغرابي جملة مع الادوات و40 رقعة ب40 ريال وامريكية الصناعة

[القناص-sniper]

طيب يا اخوان فيه استفسار من فين اجيب زيت سوبر شل بالكرتون من سوق الجمله ويكون اصلي اخاف حتى يكون فيه زيوت مقلده

[القناص]

ياعلهم الماحي

اشتكوهم على 940

او على حماية المستهلك

والعيار اللي ما يصبش يدوش على قولة اهل الكنانة

[Magellan]

هالجنسية المشهورة بالعمل في البناشر .......أعتقد يجب وضع حد لإستقدامها ......
أتمنى نتكاتف مثل مايتكاتف هم على رفع الأسعار إننا مانشتري منهم الزيت
إخواني ياليت لو نصعّد المشكلة إعلاميا وعبر الصحف وترى هالغلاء من قبل هالغلاء الحالي، بل قديم جدا والشرهة على مصنعين الزيوت يحطون على العلبة السعر المقترح بقيمة عالية وهم يستغلوننا

[العاااازف]

بيض الله وجهك