الباترول يستهلك البنزين بنهم فما الحل؟؟؟

[شمســـان]

السلام عليكم ورحمة الله وبركاته
ايها الأخوة الأعزاء عندي جيب باترول شاص مديل 2001م تانكي واحد كربريتر والحقيقة انه يستهلك البنزين بسرعة عجيبة فما هي الطريقة المثلى لتحسين وضعه هل هو في تغيير الطرمبة او الصفاي وما هو النوع المناسب او اي حل آخر علما انه بالقصيم...وجزاكم الله خيرا

[roo7-al3b]

وعليكم السلام ورحمة الله وبركاته

مرحبا اخوي

بدل المصفي او مايسمى بالفلتر وسعره رخيص مايتعدى 25 ريال

وفي حل ثاني

وهذي الطريقه مجربه

ركب لك كاربيتر كروزر بيك اب اي موديل 92 او 94 وبتلاحظ الفرق الشاسع في العزم والصرفيه

بس لازم تفصل قاعده للكاربيتر

تحيتي

[هويدي]

كم يمشيك التانكي الواحد سواء بالخط او بالديره

علشان نقدر نقارن صرفيته طبيعيه او زايده

لان معي اخو موترك بس سلقه

[m1m]

إذا كان يمشيك فوق 350كم فهو يعتبر شبه جيد .. ولكن في الغالب مشاكل الشاص من الكلبريتر

[راعي البرقا]

أخوي أنت فاك الكربريتر قبل يعني فيه أحد متعبث فيه أخاف إن اللي فاكه متعبث في أبو مذهبه ولاعب في العوامه وترا كربريتر السفاري مهوب كل واحد يعرف له.