ياااااااالنشاما تكفون ابي حل للحرارة للبااااااااااااااااااث فاندر ..........

[khalid2003]

السلام عليكم ورحمه الله وبركاته


كيف حالكم ياااااااااشباب ان شاء الله طيبين
شباب انا معي باث موديل 2005 اتوماتيك الحرارة ذبحتني مدري وش فيها ترتفع
وانا ماسك الخط توصل النصف فوق شوي وانامشغل المكيف وفي الديرة فوق الربع بشوي وكذلك مشغل المكيف واذا هديت نزلت على الربع والموية إللي في القربة تطلع على الكبوت وانا امشي وفية بعد ريحة الاديتر طالعه دايم لو اروح للبقالة إللي في الحارة تطلع.
ويالله يااااااااااهل الباث واهل الخبرة عطوني الحال الله لا يهينكم .

[النحيف]

شيك على الرديتر إذا مافيه مشكلة :good:

تأكد من المسمار اللي في المكينة اللي ينطلق بالباث لأنه يظهر نفس الأعراض :( :( :(

[شروكي ربع]

مالك الا الرديتر ..

لان الباث نادر ماترتفع حرارته ..


والطبيعي ان تكون فوق الربع عادي او بمعنى اصح فوق الشرطة الثانية للحرارة ..


واذا انت ماسك خط وفي الظهر طبعا في الصيف ترتفع شوي زود فتكون تقريبا على الثلث او تزيد شي بسيط ..


والله ييسر امورك ..

[القمم]

حبيب قلبي
هذا واحد من العيال صار له نفس الشيء
وشيك على الرديتر بالوكاله
وركبوا له راس رديتر جديد لأن كان فيه تنسيم

بالنسبه لإرتفاع الربع شيء طبيعي

وبعض المرات تصير جاي من مشوار وتوقف السياره
ثم بعد دقايق تشغل السياره فتجد الحراره فوق النص وإذا مشيت شوي ترجع طبيعيه
سألت الوكاله عنها قالوا لي هذا شيء عادي

[باث 2005]

يا أخي انا راح اعلمك الحل الصحيح وان شاْ الله راح يضبط معك

شغل موترك واذهب إلى أي ورشة ويكون متخصص في الرديتر

وخله ييسوي لك تسييخ للرديتر,يفتح أي شي منسد عندك في الرديتر

وراح تضبط بإذن الله.


أنا كان عندي نفس المشكلة وسويت له تسييخ وضبط معي.

[ابوحماد]

قبل كل شي شيك على جلبدة غطاء الرديتر و لي الرديتر الذي يوصل الى المكينه يمكن فيه تنسيم وشيك على اتماتيك المروحة

[جنوبية سدير]

السلام عليكم ورحمة الله وبركاته
انا من رأيي تركب مراوح سوبارو

[راعي البرقا]

حياك الله أخوي وإن شاء الله اللي في موترك شي بسيط وهو طبات الأديتر أكيد إن فيها تنسيم وشيك على الغطاء لانه إن كان فيها تنسيم فهي تضغط الأديتر وعشان كذا يفور الماء. وإسأل مجرب ولو إن اللي معي هو اللي بالتوقيع تحت بس أعتقد نفس الشي .أرجوا ان اكون قد افدتك وتقبل مروري

[باترول 585]

شف اخوي نصيحه
سييييخ اللديتر وان مانفع غيره لان معروووووووووف <<<<وانا متأكد ان دايم مشاكل حراره الباث من اللديتر


وجاك علي

[نمر 33]

الشباب ماقصرو
وأكد على تصيخ الأديتر وتأكد من تهريب الطبه
والطبيعي ماتتعدى الربع حتى لو مسرع 140

وفيه سوال هل ريحة موية الأديتر داخل السيارة أم خارجها ؟

[بواردي الدلم]

ابداء بالسهل اولا ثم الصعب في الاخير عشان ماتخسر دراهمك وفي الاخير تطلع المشكله تافهه

اولا غير غطاء الرديتر ترى له دور كبير في تفويت المويه للقربه

ادخل على الرابط http://www.cdxglobal.com/resources/video.html

شف طريقه عمل غطاء الرديتر تحت على اليمين

وفيه بعد حركات كثيره ( جميع الصور اللي بتطلع لك عباره عن مقاطع فيديو يجب تحميلها للمشاهده )

[ابو صقر 111]

اخي الكريم صار معي مشكلتك في الباث2003وذهبت لورشه وقالوا سيخ الاديتر ومانفع وذهبت به للوكالة وجلس عندهم شهر ونصف وأخذوا حوالي الف ريال وقالوا انهم اختبروا البلف الاول والثاني وركبوا طرمبة ماءوسيروعندما جربته واذا هو لم يصلح ورجعت لهم فقالوا لم يبق الا الرؤوس وقيمتها بدون الشغل ستة الاف ريال وذهبت لورشة اخرى وقالوا سيارتك سليمة والرؤوس سليمة وابحث عن الاديتر بالتأكيد فوجدت المشكلة من الغطاء الذي كانوا يظنونه سليما

[ربيعي1]

انا مثلك صارت معي نفس المشكلة وغيرت الرديتر وزان بس رح لم واحد يعرف ينسم الهوا حق الرديتر

[khalid2003]

يعطيكم االعافية ماقصرتوا شباب
اخوي النحيف وشو مسمار إللي في المكينة
اخوي نمر 33
ريحه الموية خارج السيارة وتطلع في اي وقت حتى والحرارة على الربع تطلع .ويعطيك العافية

[الربذي]

نفس موتري وبلاخير من كثر الضغط صار الماء يطلع مع الاديتر صار فيه شلخ بسيط واشيك على الماء ادخل اصبعي اذا فيه ولا ازيده طبعا سافرت بها مسافات طويله تصدق سفره وحده 3000 الاف كم وهي على هذا الوضع طبعا استعمال امريكي انا اشهد انها صبوره بس رايح اصلحها باذن الله من زين !!! وفعلا مثل ماقال اخوي دائما اشم رائحه ماء الاديتر طبعا الوديل 97 امريكي مانزل عندنا الا موديل 98 عندنا ماشيه فوق 300 الف زين منها

[khalid2003]

يعطيك العافية الربذي
اليوم دخلت الموتر الورشة وحصل المروحة اذا شغلت المكيف ماتشتغل
عاد نبي نشوف عسى يكون منه ويريحني

[الربذي]

يعطيك العافية الربذي
اليوم دخلت الموتر الورشة وحصل المروحة اذا شغلت المكيف ماتشتغل
عاد نبي نشوف عسى يكون منه ويريحني
اي مروحه اخوي لايهمونك بس لاتكون يقصدون الي خلف الشبك وقدام الاديتر الكهربائيه اذا كان كذا فهم ماعندهم سالف ابد اصلا هي تشتغل على درجه الحراره اذا ارتفعت اشتغلت بس واصلا احيانا تستعملها كم سنه ماتشتغل ولا اعتقد ان هذا السبب جرب قبل تعطيهم الفلوس لان نظريتهم هذي خطاء 100 ب100
الا اذا يقصدون المروحه الكبيره حقت المكينه فهي الاساس وبدونها ينفجر الاديتر من الحرارةالشديدة 0

[khalid2003]

ايه إللي خلف الشبك اذا ارتفعت الحرارة ماتشتغل وقال الحساس إللى من المكينة إلى المروحة متعطل وعشان كذا الموية تطلع من القربه على البدي يفور.

[عاشق الغضا]

نصيحتي لك يالحبيب اسأل مجرب ولا تسأل طبيب هذا واحد من الجماعة شرى باثفاندر 2004 قير اتماتيك ومسك طريق القصيم وارتفعت حرارته الى النصف وفوق شوي فلماوصل الى القصيم مرعلى حقين الاديترات وسيخ الاديتر وعباه موية تويوتا الاحمر وثم ضبط 100&#37; ,,, طبعاً نصف جرت الموية ثم تظيف موية مقطر لانه ثقيل موية التويوتا

[khalid2003]

اخوي ربيعي كيف ينسم هواء الاديتر وين مكانه
طيب الحساس إللي من المكينة إلى المروحة كم سعره والمكانيكي يقول افحص كمبيوتر المهم راح شبك المروحه دايركت مع المكيف اذا شغلت المكيف اشتغلت وش رايكم ارجعها مثل اول ولا كيف لان الحرارة ترتفع اذا شغل المكيف ومسكت الخط .

[نمر 33]

نصيحه خلها مثل أول لأنه ليس دايم تبي شغل المكيف قصدي قد ترتفع الحرارة أنت مطفي المكيف مثل (بالشتاء - بالتطعيس - بخط ومسرع - رقيت طلعة طويلة الهدا وغيرها )
نصيحة خلها مثل الوكالة

[a.الخثلان]

مثل موتر واحد أعرفه بعز الشتاء فجأة تقب الحرارة H

ثم لما تطفي السيارة وتبرد وتشغلها مرة أخرى تجلس فترة ممتازة ثم ترجع المشكلة

كان يهرب الماء من خرطوش أسفل الأديتر عن ارتفاع الحرارة

سيخ الأديتر وما نفع

وغير البلف وما نفع


وآخر شيء فك البلف وضبطت الحرارة

[khalid2003]

برجع اجل زي اول بس لو افك البلف يظبط بما ان الصيف جاء
ولا وش اريكم

[ac_khaled]

السلام عليكم ورحمة الله وبركاته
للإخوان أصحاب الباث فايندر
ياإخوان الباث فايندر له بلفين حرارة :eek: واحد عارفينه الناس وواحد خلف الماكينه
وإذا عندك حرارة شيك على البلف اللي خلف الماكينه
وشكرا

[khalid2003]

يعطيك العافية اخوي خالد بس لو تعلمني وين موقعه بضبط عشان اشيك عليه
الله لا يهينك

[المحترف800]

أخوي على حسب علمي أن القربه حقت الرديتر ماتعبئ كلها لها حد معين..
وبالنسبه للريحة أتوقع أنها من المويه أذا طلعت..

[khalid2003]

اخوي المحترف حد القربة وين بضبط لان فية حد فوق وفية حد تحت مرررة تشوفه مع فتحات الصدام الامامي

[ابومنار]

الحين قرب الصيف وتبي ترتفع زياده

صيخ الرادتيتر على وان شاء ترجع الحرارة زي ما كانت ,,,,

[بواردي الدلم]

لاتشيل البلف نصيحه مجرب شلته وصارت ترتفع ودرجه حراره الجو -2

يعني 2 تحت الصفر والحراره يوم دعست على الموتر تطمر فوق النصف وتقارب الh

طبعا رحت لورشتي المفضله بالخرج وقلت له ياخالد وشرايك اركب بلف الحراره

قال اصلا انت مهبول كانك شايله قلت والله شايله قال ترى بينشعر عليك راس المكينه لازم تركبه

قلت طيب اخاف اركبه وترتفع الحراره ايام الصيف قال لا ركبه وماعليك خوف اهم شي صيخ الرديتر وعبه مويه اصليه نسيت اسمها والله

الزبده اني مشيت على كلامه والوضع ماتغير رجعت له وقلت تصدق اني ركبت البلف وعبيت المويه اللي تقول واحس الموتر موب مضبوط الحراره حول النص قال اجل غير غطاء الرديتر واذا ارتفعت اركب لك مكينه من الوكاله على حسابي

وفعلا غيرته والحمد لله الربع بالضبط لاتزيد ولا تنقص

تأكد ان درجه حراره الحساس اللي في بلف الحراره هي 76,5c

[ra7aaal]

أخوي اول شي قم بالخطوات التالية عشان ما تخسر كثير ( بالترتيب )
1- تاكد من الغطاء حق الرديتر ( اهم شي ماتكون الجلدة خربانة أو الغطاء تجاري )
واذا شكيت غير الغطاء
2- تاكد من الخرطوش اللي يوصل بين الرديتير و المكينة ( أحيانا يكون فيه تنسيم خصوصا اذا شميت ريحة الماء طالعة او يبخر على اي جسم ملاصق له ) واذا كان فيه مشكلة او شكيت غيره .
3- اذا لم يكن احد الاشياء اعلاه فان المشكلة لا تخلو من ثلاث اشياء :
أ- اذا كانت ريحة الماء تشمها داخل السيارة فانه احتمال كبير يكون لي السخان ينسم او القفزان اللي تثبته محلوله او خربانه تأكد منها .
ب- قد يحتاج الموتر لتسييخ الرديتر ، لكن لا اعتقد لان الموتر يعتبر جديد ( احتمال بس ) بس قد يكون فعلا محتاج تسييخ لكن قبل ما تسيخ خل الفني يضغطه بالهواء وشف فيه تنسيم والا لا ، لانه احيانا مع البر و المطبات تنكسر او تنشعر طبات الرديتر خاصة اذا انفكت بعض المسامير اللي تثبته بالسيارة
ج- اخر شي التماتيك حق المروحة وهذا ممكن تعرفه من تشغيل المكيف والسماع عند الكبوت ويبين اذا كانت المروحة تشبك و تفصل والا لا ، وذا كان عندك خبره حط يدك فوق المروحة جهة المكينة وشف الهواء ضعيف والا قوي (قلت اذا كان عندك خبره)
ناسف للاطالة لكن زي ماقلت ترى حقين الورش يتعلمون بسياراتنا حاول تكشف المشكلة بنفسك
(انصحك تغير الغطاء و الخرطوش لانه مايكلف ولو كان الخلل من غيره راح يبقى القديم معك بالسيارة مع العدة لانك قد تحتاجه خاصة اذا كنت راعي بر وتسعف نفسك بدل مايعطلك شي بسيط )

[ra7aaal]

بالنسبة للمروحة انا اقصد المروحة الاساسية
وانا انصحك تغير الغطاء و الخرطوش وسيخ الرديتر كلها بساعتين تخلصها ماراح تكلف شي و تضمن ماحد يلعب بموترك و يتعلم فيه واذا بقيت المشكلة جرب الحلول الاخرى
أهم شي لايقولون لك شيل البلف ترا الميكانيكي اللي يقول الكلام هذا اسمح لي اقول ان ما عنده سالفة مرتن ابد
ياما فيه مشاكل تجي بالسيارات و هي بسيطة لكن كثير من الناس لا يكلف نفسه يبذل قليل من الوقت للتأكد من المشكلة يعني لازم تروق وتبحث
زي ماقلت لك الشغلة عند الميكانيكي تخمين فقط او بعضهم و العياذ بالله يستغفل على الواحد عشان يفك و يربط و ياخذ دراهم اكثر و تلقى بعضهم يغير لك حاجات وهو عارف المشكلة طبعا يضبط لك الخلل بدون ماتدري لكن يصقعك بشغله ثانية مالها داعي عشان اما يحسب قيمة القطع وهو ما غيرها وان كانك نشبت له شراها من خويه او حتى ياخذ اجور اكثر

[Bader-M]

اعتقد ان المشكلة في خرطوش الماء

لانه مع السرعه ينقبض و لا يسمح بمرور الماء
لذالك قم بتغير الخراطيش
وان شاء الله تنحل مشكلتك


ملاحظه
اجابتي تحتمل الصواب و الخطاء لانه السمع ليس مثل الشوف

تحياتي اليك

[بن محفوظ]

بالنسبة للأخوان اللي يقولون تركب مراوح سوبارو ..

وين المحل الي يركب هذي المروحه

[الوسيطاء]

اخوي اذا عبيت الرديتر ماء خله واقف وادعس بنزين اصبر خمس دقائق

وشف الخرطوش حق ارديتر اظغطه اذا هو ماسك ولاقدرت تظغط الخرطوش فهو شارب هواء

وش التهريب من وين واذا هوتقدر تظغطه فهو من الرديتر

[الوتر الحزين]

السلام عليكم

أخوي اعرف واحد معة باثفندر 2003 نفس مشكلتك راح غير كل شي الا الاديتر وما تغير شي
لانه مستبعد الاديتر لان تو الموتر جديد المهم اقنعوه الشباب يغير الاديتر وغيره من الوكاله والحمدلله
رجع ولا احسن منه

[ابو حمد 2003]

السلام عليكم
اخوي انا حالتي مثلك من اكثرمن سنه ارتفعت علي الحراره وسيخت الاديتر ولا تغير شي وغيرت الاديتر وشلت البلف الامامي بنفسي ونفس الشي ما تغير اي شي وركبت مراوح كهربائية زي بلده اشتريتها من التشليح ونفس الشي ومن اسبوع قررت اني ما اخليه على حاله يايزين يا ابيعه وسويت للراس فحص بالكمبيوتر وطلع تمام قمت رحت سيخت الاديتر ونضفت المكينه بجهاز التنظيف وغيرت غطا الاديتر وذخلته الوكالة صيانه وفحص للراس ودائرة التبريد والحمد لله الراس طلع تمام والبلف الداخلي حصلوه خربان والا الحين ما اخذته من الوكالة وراح اجربه اذا طلع واقولكم ايش صار

[المحترف800]

هلا بك أخوي معليش تأخرت على الرد...شف على القربه من الجهة اليمنى فيه كتابه بالانجليزي
وعليها خط ــــــ إلى هنا تعبا موية الأديتر((القربه))...وتأكد من غطاء الأديتر...
أي أستفسار حاضرين...