جاوب : تبي بواردي بالخطر .. وإلا رخمة سالم؟؟

[حفرلوجيا]

سلام يالربع
فلاش باك .......... يعني عود وراك
المشهد الأول :
في يوم من الأيام الأولى من موسم الصيد وأنت بأوسط الطعش من عمرك .. جاي باز(ن) بالخيشة اللي معك مليانة قميري وصفارى ( يرحم زمن القياس بالخياش).. وتدخل البيت وينطلق عليك الشايب .. بالتالي :
(( ياولد عويذا الله من شرك .. ترى مانبي لك هالقميري اللي أنت مدوخنا على شانهن .. تروح من الفجر وما نشوفك إلا آخر النهار .. ماتشوف وجهك الله يكافي تقل طفاية زقاير مليانة قطوف )):(

المشهد الثاني :
في سنة بعدها ويوم مماثل وأيضا خيشة قميري وصفارى .. وكلام الشايب اقل حدة وعلى نفس النمط :
(( ياولد تراك عليتنا .. هالفشق اللي تضيعهن قيمة الوحدة ثلاث تريل .. ( أيام الرخص ) .. نعطيك ثلاثين ريال بس .. رن ( يعني انثبر ) بالدار .. مانبي لك صيد )):(

المشهد الثالث :
وفي سنة أخرى .. يبدأ التراخي :
(( ياوليدي ترى هالصيد اللي تجيبه.. عندنا بعشة الدجاج والحمام اللي أحب لنا منهن .. لاتتعب حالك .. الحافظ الله .. أخاف تخطي وترمي لك رجال .. وبدل ماأنت تسدح عندنا بالبيت تدود بالسجن )):confused:

صدقوني هالمشاهد( اللي مثل الفشق) وحولهن مرن على محاكيكم ( ويمكن بعضكم ) .. لكن كان يبرجلني ذاك اللحين أسمع ( أبو ...... حفرلوجيا ) وهو مايدري إني أسمع .. يقول : ياأم فلان عسى ( .... حفرلوجيا ) جاب صيد اليوم .. عطو الجيران والباقي رقوا لنا عليهن أو طززوا .:looney:
غريبة ... وش هالتناقض ياأبو حفرلوجيا ... بس كنت مبسوط وأعتبر ذا تصريح غير صريح لي بالصيد .:bounce:

لكن على مشارف العشرين كان المشهد يتغير والحوار بثقة أكثر :
(( تعال ياابو ... حفرلوجيا الله يسلمك .. اللحين تهزئني سنين أول على روحاتي للصيد وبنفس الوقت تقاطر سعابيلك وتبي مطازيز على الصفارى ( الفياقرا ) :) ..( وقتها مابعد عرفوا الفياقرا لكن اعتبروا ذي أرنب وخلوها تحت القشع لاتنتقونها ) :p
عاد الأن يتغير الرد :
(( لا ياولدي .. كنت أخاف عليك من نفسك الغرة ومن غيرك .. هذي أسلحة مايقدر التعامل بها إلا العقال .. لكن ماكان يطاوعني قلبي أمنعك .. كنت مثل عمرك مفتون .. أجعل الله يفكك شر هالفتنة )):good:
عاد اللحين يطري علي بعض الأسئلة ألا وهي :
زمان أول ( ماهو بعيد ) الصيادين أقل .. والمخاطر أهون شوي .. والأبناء أشد بأس .. لكن..
لو قال الولد اللحين وهو بأوسط الطعش : أبروح أتصيد .. وأنا مشغول .. هاه ؟؟
... أقول : ألا يامخليه ..
طيب وإذا هو حول العشرين .. هاه ؟؟ ..
أقول : خلك أعقل ..
طيب لو أصر .. هاه ؟؟
كان لحقته الطفاية اللي تشبه وجهي أكاللحين :mad: .. ( إنتقام ) .. :p
طيب .. والحل على شان يتدرب اذا له هواية ويصير بواردي ..
لاأحد يقول أكشت به قريب وجب له نيشان وخله يطعطع .. الشغلة ذي مابها فتنة ويباسة وجه وكسافة من اللي يطرب لها الصياد .. يعني وش لون ؟!
نشجعة يصير رخمة على شان نحافظ عليه ؟! وإلا وش لون ؟؟!!!!.
وسلامتكم

[ابو سلطان العتيبي]

أنت فظيع يا ابو سليمان ومشكور وماقصرت
أنا قرأت كل ماكتبته مره وأثنين وثلاث وماطلعة بنتيجه بسبب حوستك في الكلام المنمق
مأشبهه الا بأثر الحبارى المصنقل ;)

ولكني اسألك ممكن يحصل الأثنين في واحد، بواردي بالخطر وفي نفس الوقت رخمة سالم :what:

جزاك الله الف خير

أخوك/عقاب

[القماري]

بالبداية كان خايف عليك لأنك كنت صغير ، وبعد كذا الحالة المادية كانت غير مستقرة وولده (حفرلوجيا) مراهق وجالس يبذر في الفلوس، وبعد كذا تعدل الحال وصار في البيت والسوق طيور والولد (حفرلوجيا)طول الخط معلق الشوزن على الكتف تقول رامبو .... وبعد كم سنة تشوق الشايب لشبابه وشاف صورته في (حفرلوجيا) ووده بالقنص والمغامرات .
بس
ياخوي هالأيام بالدنيا (رخمات كثيره ، يفكروا حالهم بواردية) وهذا بيت القصيد وهذا إلي يخووف

[صقر]

صدقوني هالمشاهد( اللي مثل الفشق) وحولهن مرن على محاكيكم ( ويمكن بعضكم ) .. لكن كان يبرجلني ذاك اللحين أسمع ( أبو ...... حفرلوجيا ) وهو مايدري إني أسمع .. يقول : ياأم فلان عسى ( .... حفرلوجيا ) جاب صيد اليوم .. عطو الجيران والباقي رقوا لنا عليهن أو طززوا .

والله روعة يا حفرلوجيا.... جبتها بالصميم.... والظاهر ان (ابو حفرلوجيا) و (ابو صقر) من طينة وحدة.


رائع يا حفرلوجيا رائع... تسلم ..... وبارك الله فيك.....

[ابو ســــاره]

والله ما يندرى يا حفرلوجيا تخاف تدرب ولدك على الرمي والصيد ويقلب عليك ويرمي تلفزيون جيرانكم زي ما سواها ولدكم قبل كذا :D :D :D

[عاشق الصفاري]

الرسالة الأصلية كتبت بواسطة oqab
أنت فظيع يا ابو سليمان ومشكور وماقصرت
أنا قرأت كل ماكتبته مره وأثنين وثلاث وماطلعة بنتيجه بسبب حوستك في الكلام المنمق
مأشبهه الا بأثر الحبارى المصنقل ;)

ولكني اسألك ممكن يحصل الأثنين في واحد، بواردي بالخطر وفي نفس الوقت رخمة سالم :what:

جزاك الله الف خير

أخوك/عقاب

[أبو داحم]

الرسالة الأصلية كتبت بواسطة oqab
أنت فظيع يا ابو سليمان ومشكور وماقصرت
أنا قرأت كل ماكتبته مره وأثنين وثلاث وماطلعة بنتيجه بسبب حوستك في الكلام المنمق
مأشبهه الا بأثر الحبارى المصنقل ;)

ولكني اسألك ممكن يحصل الأثنين في واحد، بواردي بالخطر وفي نفس الوقت رخمة سالم :what:

جزاك الله الف خير

أخوك/عقاب

[حفرلوجيا]

أخوي oqab :
شكرا ياراعي الحباري .. المعنى نبي رايك للإفادة مانبيك تقرا ثلاث مرات وتحتار .. لكن عرفنا انك تورطت وتبي ( بواردي .. ورخمة بنفس الوقت ) .. ماودك بعد بـ( ريموت كنترول ) .. وإلا جهاز متابعة الصقور تربطه بحلق الولد وترصد وين يروح :p
أخوي القماري :
شكرا .. أشوى .. اذا كنت تشوفنا أناوأنت وغيرنا ذاك الوقت نفكر بعقلية رامبو .. فهذا أفضل من اللي اللحين قد يفكر بعقلية ( قرندايزر ) ... ويصير مايفرق بين متعة ضرب الفشق .. وبين ( الرصة المزدوجة;) ) .. هنا يصير .. رخمة .. على قولة أخونا شقردي دبل أوفر..
وبعدين ترى صرت أفهم الحياة بأثر رجعي من ( تحليلاتك ) .. الله يسلمك
أخوي صقر :
شكرا .. وتقول ان (ابو حفرلوجيا) و (ابو صقر) من طينة وحدة .......... يعني أفهم ان ثنينهم يبون ( صفارى ) ;) .... لايكونون إلى اللحين ( يبونها ) .:D
أخوي أبو ساره :
شكرا ..إذا الولد يرمي تلفزيون الجيران .. أشوى من ان غيره يرميه:confused: ..
وبعدين كود ماتدري عن شي يا فضيحة .. اللي عندي أبشرك تأدب .. انت افطن للي عندك:( :p
أخوي عاشق الصفارى :
شكرا .. ماقلنا لعقاب ... شرحه
أخوي ابو داحم :
شكرا .. وماقلنا لعاشق الصفارى ... شرحه
وسلامة الجميع

[كايد]

اخوي حفرولوجا [ما عرفت اكتبه ]
المهم الله يسعد ايامك منا الى ان توصل مراويح القطا:D :D :D :D :D

[حفرلوجيا]

أخوي كايد :
شكرا .. قطا شايفها واحد من المكشاتيين :( .. وإلى مرواحها يسعد أيامك:p

[المربد]

" يازين السنينة لو هي بحلقي "

الا اعلمه اجراءات السلامة بقدر ما استطيع مع تعليم الرماية والسواقة والطبخ والعلوم السنعة، واتوكل على الله واتركه يتربى على المراجل، احسن ما يصير رخمة

[حفرلوجيا]

أخوي المربد :
شكرا .. عز الله انك جبته وهذا الصح .. بس نتحسر اذا ذكرنا اننا بوقت الله يكرم من يقرا ( نعال ) .. عيال ( الحلال ) وحقين المخدرات ماخلوا لأحد ( فرصة ) خاصة بالمدن الكبار ..