باترول 2007 فيه مشكله

[مسحب الضبان]

ياجماعه اللي عنده سفاري 2 2007 يوجد فيه مشكلة في كتاوت طرمبة البنزين ضربت معي مرتين واذا ضربت يوقف الموتر وانقله بسطحه للوكاله ويغيرونها على الضمان المشكلة ان السيارة جديده ما لها 8 شهور اللي عنده نفس السيارة وحصلت له المشكلة هذي يفيدني ودي اشوف المشكلة هذي عندي ولا في كل السيارات اللي نفس موديل سيارتي مع جزيل الشكر

[فتى شنه]

والله مدري لكن مره استاجرت 2007 مكينته 4800 لكن جنوطه 16 موب 17

وكانت المشكله انه مايحول للتانكي الثاني

واذا حولت القير من عادي الى تماتيك يطفي ماادري المشكله وش منه

لانها خوفتني من الباترول وانا نفسي بسوبر 2008
انتظر ردكم

[باترول للأبد]

أدخل على هذا الرابط وبتلقا الحل أن شاء الله

http://www.mekshat.com/vb/showthread.php?t=127140

والشكر موصل لأخونا غضنفر على ماقام به لأفادة أهل الباترول

[خشيمان]

واحد من الشباب معه سلقه 2008 وخربت عليه قبل كم يوم

والمشكلة في الباترولات كلهن

[أبو LAMeS]

ياجماعه اللي عنده سفاري 2 2007 يوجد فيه مشكلة في كتاوت طرمبة البنزين ضربت معي مرتين واذا ضربت يوقف الموتر وانقله بسطحه للوكاله ويغيرونها على الضمان المشكلة ان السيارة جديده ما لها 8 شهور اللي عنده نفس السيارة وحصلت له المشكلة هذي يفيدني ودي اشوف المشكلة هذي عندي ولا في كل السيارات اللي نفس موديل سيارتي مع جزيل الشكر

أنت متأكد أنهم يغيرون لك القطعة ؟؟؟؟؟؟؟؟؟؟؟؟؟

[سيف الظفير]

للأســف المشكلة الأولى تعتبر منكم يا ملاك الباترول



قدموا عريضة شكوى رسمية للوكالة في اليابان باللغه الانجليزية او المقر بدبي



وبتجد الرد الوافي الشافي منهم


وهذا رابط موقع مايكروسوفت للترجمه


اكتب مقاله حتى 500 كلمة ويترجمها مرة واحدة وبدقة عالية للأنجليزية


http://translator.live.com/ (http://translator.live.com/)

[مسحب الضبان]

فتى شنه شكرا للمرور
باترول للابد اشكرك
خشيمان شكرا لك
ابو لميس انا كنت واقف عند الكهربائي اللي ركب القطعة حتى انه ركبها خارج الكراج حق الصيانه يعني ان المشكلة معروفه عندهم والسكرتي اللي عند البوابه قال لي لا يضيق صدرك ترى المشكلة مهيب عندك بس
كم واحد نفس موديل سيارتك جابوها في سطحه وغيرو لهم نفس القطعة
سيف الظفير شكرا على مرورك

[خشم العان]

السلام عليكم
انا كان معي 2005وحصلي نفس المشكلة بنقرة وسسط النفود
وعقب 6ساعات اشتغل الموترمن الله وديته للوكالة وغير كتاوت تحت الدركسون
وشريت واحد سبير وحطيتة بدرج السيارةوهذارقم الكتاوت(2523079981)وللمعلوميةخرب معي مرتين
وبعت الموترعلى واحد اعرفه وخرب معه0

[مسحب الضبان]

طيب وش الحل يقعد الواحد على اعصابه ما يدري الا والسيارة طافيه عليه والله مشكلة

[بدوي جنوبي]

اخوي مسحب الضبان

السلام عليكم

تم تثبيت الموضوع لأهميته

تحياتي لك وللجميع

http://www.mekshat.com/vb/images/rating/rating_5.gif

[راعي ساموده]

toyota land cruiser) only)

[ونيس البرق]

انا كان معي 2005وحصلي نفس المشكلة بنقرة وسسط النفود
وعقب 6ساعات اشتغل الموترمن الله

الله يستر عليكم

[ولد البدائع]

اولا السلام عليكم اخواني انا معي سفاري 2 2006 وحصلتي المشكلة قبل 8شهور واخذت الموتر بالسطحة لمن الوكالة وقالولي كتاوت يوم غيرو الكتاوت على الضمان طبعا زانت وقالو اشتر كتاوت طرمبة وخل معك احتياط وفعلااشتريته وانا بالدهناء بعز الشتاء قبل شهرين ابشغل عيا الموتر يشتغل والحمد لله معي وغيرته واشتغل


وسالت انا المهندس الصيانة


الاسباب قال المهندس اذا شغلت الموتر دق سلف وخله يطفي السلف وتسمع صوت الطرمبة طفت ثمن شغل الموتر وهذا فايده للموتر لانه يعطي انذارات وتهية للموتر يشتغل

ثانيا اذا كان البزين اقل من الربع او على اللمبة يعني يعبي وهو فاضي على اللمبة فانه ياثر على الكتاوت والطرمبة البزين

ثالثا الكتاوت تسحب من الكهرب وسريع الاستهاك


ارجو اني ما اطلت عليكم والكلام ماهو مني من مهندس نيسان الرياض بالريان طريق خريص

[مساير الليل]

أخواني الكرام كلمت أحد الأخوان في الأمارات جزاهـ الله خير

وقال راح أكلم وكالة المسعود واسأله عن نفس المشكله وأطرح لكم في المنتدى

ونحن بنتظارهـ على أحر من الجمر


كذلك طلبت منه إيميلات شركة نيسان وأخبرني أنه راح يسجل في المنتدى ويوضح كل شي


فجزاهـ الله خير

[صخر الساحل]

واله مشكلة خطيرة وماينسكت عليها على بالهم انا ما نمشي الا علي الاسفلت تصور ان هذة المشكة حصلت عليك وانت في النفوذ
صدق النيسان غدار وما ينحزم بة الظهر

[ابوحماد]

هذا رابط موضوع واحد من الاعضاء نفس المشكله

http://mekshat.awalnet.net.sa/vb/showthread.php?t=127266

[حجيku]

شكرا علي طرح الموضوع
والمشكله موجوده من موديل 2002 وما فوق
كل اللي اقوله خلي معالك كتاوه


انا صاحب موديل 2003

[aooa]

الحقيقه ان عندي 2006

والحمد لله وما واجهت المشكله لحد الان


ولكن صوت الطرمبه ما زان لي تقل طرمبه مرسيدس

[الفتكي]

السلام عليكم
اتوقع انا يا شباب ان المشكله اغلب الاحيان تحصل للسيارات التي يضعون لها زيادات مثل الريمونت وكذلك كثرت التسليك في السيارات الجديده لأنها حساسه جدا.
مجرد رأي

[محسن اليامي]

السلام عليكم

الحمدلله ماحصلت معي لكن راح أشتري كتاوت وخليه احتياط

بس كم سعره ياولد البدايع

[مسحب الضبان]

حقيقة اشكر الاخ /بدوي جنوبي على تثبيت الموضوع
واشكر جميع الاخوة اللي شاركو باقتراحاتهم وارائهم ولعلنا نجد حل لهذه المشكله

[ابو ليان]

جميع انواع الكتاوت يركب على بعضه بشرط عدد المخارج واتجاهاتها يعني لو فكيت الي بجنبه ولقيته نفس الشكل ركبه وحتشتغل ان شاء الله ودايم تلقى اكثر من كتاوت متشابهه خاصه بالنيسان عطايا الله .

وحتى بدون كتاوت يمكن تشغلها لان وظيفة الكتاوت هو توصيل الكهرب للخط الساخن للقطعة بواسطة كهرب من مفتاح سوا سوتش او مكيف او بوري .

يعني ممكن تتفحص مكان الكهرب ووتسوي كبري بسلك للفتحه الي لا يوجد بها كهرب اوماس .


ملاحظه
لاتسويها الاوقت الضروره ويكون عندك خلفيه شوي بحيث تعرف مكان الكهرب والماس والفاضي وذلك عن طريق لمبة بيان ( اي لمبه حقت اسطب فيها سلك ماس وكهرب ) .

http://www.mekshat.com/vb/images/misc/progress.gif

[Waleed1]

السلام عليكم

الكتاوت هذا عبارة عن ريلية relay
طيب هذا يدل على ردائة صناعتة وطبعاً يأثر على شركة نيسان، عموماً ياأخوان ترى عملة مثل عمل دقمة السلف اللى يستخدمونها الشباب لتركيب بطارية ثانوية، يعنى أذا لاسمح الله كنت فى مقطعة كل اللى تحتاجة قطعة واير صغير وتعملة جنبر أى توصل الكهرب لطرمبة البنزين وشغل موترك وحط رجلك طبعاً وضع الكتاوت علشان أذا طفيت الموتر يقوم الكتاوت بفصل الكهرب عن طرمبة البنزين هذا حسب علمى البسيط وشكراً

[الريان.......]

السلام عليكم
والله يا الربع خوفتونا مع العلم ان معي 2006 ماشي 110000 ولله الحمد ما اعرف وش تحت كبوته ما غير اغير له زيت وسيفون وامشي

[السراب م]

هل السوبر هو الفتك مع العلم ان السوبر و السفاري2 كلهن 4008

[راعي-سفاري98]

السلام عليكم

يا مسحب الضبان انا اعلمك شلون حليت هالمشكله وانا اخوك

من اول طفت علي سيارتي السفاري ولا عرفت وش السبب واشيلها بسطحه قالي الميكانيكي خرابها من مضخة البنزين اللي بالتانكي وعلى اوله قمت وحطيت طرمبة كورفت ضغط عالي والبنزين ما اخليه يوصل الربع وبعدها اترسه بنزين وماشاء الله ما خربت ولا قامت تطفي السيارة علي وعزم السيارة عجبني عدل

هاذي مشكلتي وحليتها والحمدلله

[الفهد11]

الباترول معروف بها الشي انا معي فتك 2004 لكن ماصارت لي ياربي لك الحمد

خربت على اخوي وخربت على واحد من ربعي

الحل انك ماتركب حقت وكاله لانه راح ترجع وتخرب يرهم او بمعنى اصح يركب له طرمبة كابرس كل اغلب اللي تخرب عليهم معهم بواترل يركبون حقت الكابرس ولاتخالف معهم ابد .

[مكثور الخير]

خوفتونا يا اخوان كنت ناوي فتك لكن ننتظر

[جنتلمان نجد]

مشكله وزين وضحتم لنااا عشان نتجنبها

[فلان المنصوري]

والله اقوولك بدل طرمبه البانزين كامله

[ابوعزوز 1]

مرحبا بالنسبه للباترول هذي مشكلته وللحرص خل معك اكثر من كيتاوت بالسياره والله يعين كل ماخرب بدله ولايقولون لك كمبيوتر بدل الكيتاوت وتنتهي ان شاء الله المشكله

[Bader-M]

المشكلة تكمن

ان التيار الواصل عالي جدا او يوجد التماس في التوصيلات الكهرباء

والله اعلم


تحياتي اليك

[يكشت بفورد]

يعني ياأخوان السفاري 2005 وطالع هو فط اللي يخرب لكتاوت حقه؟

[القماري]

بصراحة مثل هذا الموضوع إذا كان منتشر بين الكثير من سيارات نيسان باترول فالأفضل وكما تفضل البعض بإرسال خطاب (شكوى أو إيضاح) للشركة الأم أو لمكتب دبي أو حتى إرسال إيضاح خطي من الوكيل المعتمد لدينا..
أما أن نكتب أو أن نشتري قطع غيار ونخزنها بسياراتنا للإحتياط (فهذا غير منطقي)
سنحاول رفع هذا العنوان لموقع نيسان ونرى ما قولهم
ويعطيكم العافية

[ارحبو]

اخوي مسحب الضبان اقرأ هذا الموضوع وانشاء الله تكون مشكلة انحلت


http://www.mekshat.com/vb/showthread.php?t=133554



ولك خالص تحياتي اخوك ارحبو

[ابو مرعي]

طيب وش الحل يقعد الواحد على اعصابه ما يدري الا والسيارة طافيه عليه والله مشكلة لا حول ولا قوة الابالله

[القناص]

وين راح مساير الليل
ما جاب العنوان

عموما هذا ايميل نيسان الشرق الاوسط
الله الله بالشكاوي
info@nissan-me.ae

[مكشاتي متقدم]

شكلنا هونا عن الباترول

[بدوي جنوبي]

يرفع

رفع الله قدرك اخي مسحب الصبان

واشكرك علي جهدك
ولا تحرمنا من مشاركاتك

بالتوفيق

[ابو خــــالد]

شكرا علي طرح الموضوع
والمشكله موجوده من موديل 2002 وما فوق
كل اللي اقوله خلي معالك كتاوه


انا صاحب موديل 2003
كلام غير صحيح معنا فتك2002 له حوال5سنين ولاقد صارت المشكلة ذي

مرحبا بالنسبه للباترول هذي مشكلته وللحرص خل معك اكثر من كيتاوت بالسياره والله يعين كل ماخرب بدله ولايقولون لك كمبيوتر بدل الكيتاوت وتنتهي ان شاء الله المشكله
المشكلة مهوب من المصنع المشكلة من طريقتنا الخاطئة
الطريقة الصحيحة: تدق سلف همن تبي تجيك كلمه على الطبلونat Check لاتشغل لما تروح الكلمة هاذي إذا راحت شغل وقضينا
(((((((الكلام هاذا من الكتالوج))))))

[راعي الحدود]

طبعاء اذا رفض الجيب لايشتغل اول شي قوم بفتح السويتش وتسمع صوت الطرمبه اذا مالها صوت اقوم بفحص الافيوز الخاص بمضخه الوقود مكتوب عليه في غطاء الافيوز(( ful bomb)) اذا الفيوز سليم على طول افك الديكور الي تحت الدركسون بعدين يطلع عندي 5 كتاوت مكانهاء فوق الركبه اليسرى ويكون كتاوت المضخه هو اول واحد مع اليمين فوق اقوم بالطق عليه وشغل اذا اشتغل زين على زين ولا اقوم بفك الكتاوت ثم اقم بكسر البلاستيكه الي عليه لونها ازرق يطلع ندي ملف و نقاط تلامس اقوم بتوصيل نقاط التلامس مع بعض وربطها بسلك او بشطرطون همن اقوم بتركيب الكتاوت في محله خلاص بيشتغل معك بس من الاحسن انك اذا وصلت الديره تغيره جديد ولا خله ترا مايضر بشي بس بتكون الطرمبه دايم شغاله يعني لو سمح الله انه انقلب الجيب او تعرض لحادث ماتطفى المضخه بتكون تشتغل والسياره طافيه وفيه كتاوت حسن من كتاوت النيسان ممكن انك تركبهاء بالجيب مثل كتاوت الفورد او كتاوت الوميناء انا ماجربتهاء بس بعض الشباب قالولي انهم جربوهاء وشكرا

[راعي الحدود]

يا شباب انا انصح كل اصحاب الباترول انهم لايتوهقون ويدخلون عليه مسافه بالبر لانه والله يوهقهم الى اذا كان عنده خبره بصيطه بكتاوت او بفيوز الباترول وطبعا اتمنا ان شرحي كان واضح وشكرا

[النوء]

شركة الحمراني لاتحترم نفسها اولاً فكيف لها أن تحترم عملائها :mad:
عطل من موديل 2002 والى الآن لم يتم تلافيه :confused:
شركة لادا الروسية تتلافى أخطائها أما نيسان ....؟
شركة نيسان بحاجة لوكيل يحترم نفسه ويرسل ملاحظاته على كل الأخطاء المصنعية

يبقى اللاندكروزر أفضل بكل سلبياته .

[PATROL 2006]

الحل ان تذهب الى ورشة الهبيش بالقصيم بريدة وقل ما ابي تخرب ابد وهو الي يبي يضبطه لك انا مثلكم ورحت لمه وزينه لي ب 200 وخلاص ويقول ما تخرب ابد