وأخيرا وجت حل لمشكلة sub tank في الباترول

[أبو خليفة]

سبق وأن وجدت موضوع للأخ black vtc يشتكي من عدم تحويل التانكي الاحتياطي إلى التانكي الرئيسي واذا بالمشكلة مع أعضاء واجد من جهتي المشكلة لها معي أكثر من سنة ونصف ومو بس مشكلة التحويل المؤشر حق الخزان الرئيسي مايشتغل ومابقى ورشة أو طريقة ماجربناها واذا رحت للولكالة يقولون مانعرف مشكلتها وغيرت أكثر من عوامة ولا مشى الحال العوامة تكون سليمة ودلني أخوي على كهربائي لأن المشكلة شكلها كهرب وفعلا شيك على الفيوزات كل شي سليم قال لي مشينا التشليح يوم رحنا طلب طبلون للسفاري ويوم ركبه رجع كل شي طبيعي العدادات والتحويل وكل شي بس الطبلو ن يفرق شوي لأن حق موتري سوبر سفاري زنون وقيمته جديد عند الجبر بعد الخصم 2950 ريال أرجو إني قد أفدتكم وأي خدمة أنا حاظر.

[abd-107]

أخي الكريم إذا كانت المشكله اللي عندك إنه تولع اللمبه حقت التانكي الثاني كل فتره ولا يحول البانزين للرئيسي فحله بسيط أنت تقدر تزينه بثواني ولا تغير طبلون ولا غيره إفتح الكبوت وإفصل الإصبع وركبه وتطفى اللمبه ويصير يحول التانكي للرئيسي
صارت عدة مرات ورحت لعدة ورش وكل واحد يعطين كلام شكل وأخر واحد زين هالطريقه وضبط الموتر وصار كل ما ولعت اللمبه أزين هالطريقه وتمشي الأمور عدة شهور وترجع مرة ثانيه

[أبو خليفة]

أخي الكريم من كثر مافصلت فيه إصبع البطارية ورجعته صرت أفصله باليومين والنتيجة صفر لأن كذا اختصاصي قالوا المشكلة مش في الكمبيوتر المشكلة كهرب حتى اني لقيت مكسيما متعطلة فيها ساعة البنزين لازم يغير الطبلون كامل وهذي المشكلة في كل السيارات الجديدة.

[عاشق السيل]

أخوي الغالي أبوخليفة ،،

أنت تكلمت عن مشكلتين !!!

الأولى : زر تحويل البنزين من التانكي الصغير للكبير ،،
والثانية : عداد أو أنبير التانكي الكبير لايعمل ،،

أما الأولى فحلها مثل ماقال أخوي abd-107 هي إنك تفصل اصبع البطارية دقيقة أو دقيقتين وبعدين يشتغل معك زي اللوز ،، وبعد فترة قصيرة ترجع المشكلة وهذا عادي لأنك ماراح تستخدم التانكي الصغير إلا بالرحلات الطويلة ،،

أما المشكلة الثانية وهي سالفة الأنبير ولله الحمد ماصارت عندي ويمكن يكون حلها زي ماقلت ( تغيير الطبلون ) والله أعلم ،،،

أرجو أن اكون وضحت انقسام المشكلتين وإن كل وحدة مالها دخل بالثانية وعسى الله يوفقك والجميع وتقبل مروري ومشاركتي يالغالي .....

[راعي كيف]

السلام عليكم
ابو خليفه ماشاء الله عليك على طول الطبيون غيرته شكلك من لنوع الحريص بزيادة
من زمان وانا ودي اكتب عن الموضوع هذا لأني اعتقد اني لقيت الحل بالصدفه
عانيت كثير من اللمبه كل شوي والعه وافصل الأصبع وترجع بعد كم يوم المهم
وفي يوم من الأيام وإذ بي اسمع صوت كأنه صوت الدركسون إذا كان مافيه زيت المهم ولعت معه لمبة التانكي ؟؟؟؟؟؟؟؟؟؟؟ غريبه وشي السالفه المراد وعندي بالورشه ( حقت العمل ) فلبيني جني قلتله شف الصوت وشي قالي بعد الكشف الدينمو خرب فيه الكتاوت الداخلي قلتله زين وغير الدينمو ولي الحين تقريباً شهرين او ثلات والحمد لله والأمور طبيعية ماشتغلت وحتى اني استخدمت التانكي الإضافي عشان اشوف تولع او لا والحمد لله الأمور تمام ولله الحمد والمنه.
بعتقادي فيه علاقه بين الدينمو ( الكتاوت و امور كثيرة في الكهرب) يكون التحكم بها منه ( الكتاوت )
ارجو اني افدت
راعي كيف
ابو ناصر

[أبو خليفة]

أخي الكريم من كثر مافصلت فيه إصبع البطارية ورجعته صرت أفصله باليومين والنتيجة صفر لأن كذا اختصاصي قالوا المشكلة مش في الكمبيوتر المشكلة كهرب حتى اني لقيت مكسيما متعطلة فيها ساعة البنزين لازم يغير الطبلون كامل وهذي المشكلة في كل السيارات الجديدة.
سبق وأن وضحت وجهت نظر الأخوة بأني فصلت إصبع البطارية ولا فاد ومابقى طريقة من اللي ذكرتوا ماجربتها على مدى سنة ونصف يعني سالفة تغييرالطبلون ماتخذتها كإجراء أولي ولاكنت أتوقع بأن المشكلة منها وطرحي للموضوع من أجل أن يستفيد منه الأشخاص اللي جربوا كل شي ومانفع

[عبدالرحمن 11]

سلام عليكم
انا صار معي نفس المشكله الاولى عدم تحويل من التانكي الصغير الى الكبير
غيرت طرنبة البنزين والحمد لله كل شى تمام
ملاحظه... موديل الساره2002

[sameer_1798]

طيب ياخوان أنا عندي الزر يحول البنزين لكن ماتولع لمبة التانكي sub
وش السواة .؟

[عاشق السيل]

طيب ياخوان أنا عندي الزر يحول البنزين لكن ماتولع لمبة التانكي sub
وش السواة .؟


أخوي إذا كنت تقصد اللمبة اللي بالطبلون برضو أنا عندي ماتولع وقت التحويل واعتقد إنه شي طبيعي ،،

أما إذا كنت تقصد اللمبة الخضراء اللي في نفس الزر فأكيد إنها محترقة لكنها ماتضر خلها زي ماهي ،، لأنك لازم تغير الزر كامل وتراه غالي ومايجيك إلا بالطلب من جدة !!!

وبالتوفيق يالغالي ......

[myking]

هل وجد حل لهذه المشكلة ام لازالت
تراها عقدتني؟

[قناص خلاوي]

هل وجد حل لهذه المشكلة ام لازالت
تراها عقدتني؟

موجود حل في بريدة والرياض عند أبوصالح التركي
المشكلة من اي سيات في الطلبون يغيرونها لك بـ 500
احسن من تغير طبلون بـ 3000 ريال
موفق خير

[طحنون]

نفس المشكله هل من جديد
او نستمر في فصل البطاريه

[ابو صالح 4]

السلام عليكم ورحمه الله وبركاته
اعتقد فيه موضوع منزله احد الاخوان عن الاسيات اللي يقول عنها الاخ قناص خلاويابحث في المنتدى عن طريق باحث قوقل مكشات وان شاءالله راح تلاقي حل ...................تحياتي

[الخندريسي]

السلام عليكم ورحمة الله وبركاته ...حصلت معي هالمشكلة قبل كم يوم...ولعبت لمبت الــ sub tank في الطبلون ولونها اصفر ...قمت اضغط الزر حقه وعمك اصمخ ...ولا طفت اللمبه...وطفت شاشة البوصلة والحرارة اللي فوق المراية !!!
وش الحل ؟؟؟ مريت الكهربائي وناظر الفيوز كلها اللي تحت الدركسون واللي فالكبوت كلها سليمه ...قال اكيد ان الجهاز اللي يصب البنزين خربان وقيمته بعاك العده ...قلت بكم قال 1000 او 1200 قلت له فمان الله ....وانا امر كهربائي آخر واقوله المشكله كيت وكيت وترى الفيوز سليمه ...مادريت الا يوم جحر تحت الدركسون ودخل يده ورا شاشة المكيف وقام يحربش الا يوم اشتغلت لمبت التانكي وولعت لمبة البوصلة اللي فوق المراية ...عز الله انه يشفي الخاطر ولا عنده بربسه وكلام واجد...يعني الدعوى كلها في سلك الكهرب والسلام

[ابوسند9]

الله مستعان الموضوع له خمس سنوات

[عابد]

السلام عليكم ورحمة الله وبركاته

بالنسبة للمبة ال SUP TANK ماعندي عنها أي خلفية
أما بالنسبة لإمبير التانكي الرئيسي فحلها في نصف ساعة إذا كنت في الدمام
تفضل هذا الموضوع
http://www.mekshat.com/vb/showthread.php?t=609846

[السنع كله]

السلام عليكم ورحمة الله وبركاته انا عندي فتك شاص 2012 ماشي 1000 كيلو فقط ركبت الفيوز حقت التانكي الاحتياطي وولعت اللمبة وماتنقل بنزين علما ان الوكالة بعيدة جدا اتمنى لو احد واجه نغس المشكلة

[Hrr155]

انا نفس المشكله شاص نيسان ٢٠١٢ جديد ماشي ٢٠٠٠ كيلو من اول ماشبكت الفيوز واللمبه تشتغل ولايحول للاحتياطي القصيم مابه وكيل وديته للعثيم قال بالغالب انه طرمبة البنزين وتكلف مع شغل اليد ٦٥٠ الفيوز غيرته ولا ضبط والاصبع كل شوي فاصله ولا ضبط

[رِجم]

الكتاوت حقت التانكي الثاني ورا المكيف لازم تفك ديكور المكيف وتلقاها وراه

غيرها وتنتهي المشكله إن شاء الله


تم الإرسال بواسطة iPhone بإستخدام Tapatalk

[طحنون]

رجم لو سمحت وين الكتاوك موقعه بالضبط وهل فيه احد يصلحه بالدمام

[حمود الصقري]

الحين جيتكم من الصناعيه ولقيت مشكلة توليع لمبة الصب تانك بجيبي السفاري موديل 2000
ولعت اللمبه الصفراء قبل شهر بعد ماركبت دينمو بسبب خراب الدينمو الاول . وبعدها طلعت المشكله وبدت .
جيت اكثر من كهربائي اجمعوا كلهم باني افك اصبع البطاريه وارجعه وتطفي اللمبه .
فعلا طفت اللمبه وصار يحول للتنك الرئيسي .
وبعدها كل ما عبي الخزان الاحتياطي فل تولع من جديد اللمبه الصفراء الصب تنك ولا يحول البنزين .ﻻزم من جديد افك الاصبع حتى تطفي وتحول .
الزبده طولتها عليكم . ماعجبني الوضع هذا وقلت لازم نحصل السبب .
تفحصت السياره مبدئيا ولقيت ان البطاريه الاحتياطيه ضعيفه جدا . وللمعلوميه مركب منظم رفيق الدرب .
الزبده غيرت البطاريه الاحتياطيه وطفت اللمبه وعبيت بنزيم فل الخزانين
ولا ولعت ورجعت السياره ميه ميه .
واستنتجت ان اي خلل بكهرباء الدينمو تولع اللمبه .
شكرا لسعة صدوركم
هههههه

[حمود الصقري]

تنويه ،،،،
الحاقا لمشاركتي السابقه اعلاه .
رجعت وولعت اللمبه من جديد ههههههه
وسوف نرجع للصناعيه من جديد

[راعي ال gx]

يالغالي فك ديكور المكيف والمسجل من خلال المسمارين اللي فوق فرارات المكيف بدقيقتين وانت عند باب بيتكم

بعد ماتفك الديكور يبقى فرارات المكيف لها مسمارين خاص فيها ,, فكهم بعد وطلع فرارات المكيف

تلقى وراها زي العلبه البيضا حجمها مثل حجم محفظه الفلوس تقريبا او اصغر شوي

افصلها من فيش الكهرب اللي فيها وطلعها ,, انفخ فيها بقوه عند محل الفيش وعطها ظربتين ورجعها ههههههههه

اذا رجعتها وماتغير شي ,,, الله يعينك تروح التشليح وتشتري وحدده جديده ولاتنساني من دعاك :):):):)

موفق يالغالي

[حمود الصقري]

راعي gx
شكرا لك وسوف اقوم بنصيحتك وارد لك خبر

[abood3]

بخصوص من يعاني من مشكله في طبلون الباترول وبالتحديد الليزر لا ترميه او تبدله فك الطبلون وفك غطاه الي وراه ومر اقرب محل الكترونيات وقله يعيد لحام اللوحه من جديد وصدقني بتزين الامور وبيحول وان كان العداد ما يشتغل بيشتغل وبتزين امور واجد بآذن الله اتمنى اكون افدتكم وشكرا