فزعتكمGXR خلفية لكزس(أركب تانكي)

[ميمون]

سيارتي خلفية لكزس وبحثت عن حلول لمكان التانكي ونوعه0 لأني أحتاج للمرتبه الثالثه لأن عندي عائلة كبيرة والإستبنة تحت . (معليش) ولا أريد تحريك الإستبنة من مكانه لأن الشكل يهمن . وأخاف إذا ركبت تانكي داخل السيارة خلف المرتبه الثالثه يسويلي أزعاج من حركة الماء. وش نوع التانكي الزين و أين يركب. وآسف على الإزعاج والإطالة .

[عروان]

شف لك مكان جانبي. بجنب الشاصي وبالتحديد شوف المنطقة اللي تحت السائق والمقعد اللي جنبه.

خبري الجموس " اليوكن والسوبربان " يركب فيهن جنب الشاص وسط السيارة.


تحياتي

[abadee]

شوري عليك لا تحوس الموتر


تانكي ماء بــ30 ريال

ركبه ورا اذا بغيت تطلع
ونزله اذا قظيت من البر

ولا تقعد ترهم في هالموتر الجديد

وانت ادري

[Y&Y_4X4]

للأسف وانا اخوك ولا يهون الاخوان كلهم

مافيه , لا يوجد , مابه , حل البتة

بحثنا في هالموضوع واكثرنا واطلنا البحث وجميع الافكار ما ظبطت

وما فية الا مثل ما قال اخوي جالون 30 لتر او اثنين اذا كنت راعي بربسة بالماء واجد تحمله مع العفش في الشنطة . الله يوفقنا واياك

[المغترب]

أخوي ميمون..
مالك الا انك تفصل له تاكي يكون بشكل طويل تحت السواق والراكب بين الشاص والدعاسه ..
وتعبيه من عند الكفر الأمامي والخلفي على حسب الوقفه ويكون له بزبوز من قدام ورا .
وتشبك بين التانكين بلي علشان يتساوا الحمل ولا يميل الموتر اذا فضا واحد منها ..

وعساني افدتك ..

وللعلم مهو بالضروري يكون ارتفاعه واجد عشان مايبين من تحت الموتر ..

[ذيب البر]

تبي شوري لا تحوس الموتر لان خلفية اللكزس ما فيه طب وان حطيته جوى يبي يضيق


عليك ويحوسك وانا انصح اي واحد راعي بر مايشري خلفية لكزس لان التانكي

ويمكنك ملاحظ الشي هذا انت اغلب الي معهم ذا النوع ماهنا روحات بر تذكر

خذلك جركل يبي يسدك كان برك قريب وماهنا بعد
\

تحيااااااااااااااااااااتي

[مفتش الريضان]

اخوي انا اضم صوتي للأخوان ما فيه علاج ولا طب وقد حاولت ان اجد مكان في الموتر وما قدرت وآخر شي شريت جركل.

[ALMEGNAS]

اخوي هذي طريقه حلوه لتركيب تانكي في الجيب الي خلفيته لكزز صراحه انا ماجربته ولاكن نقول انشأالله انها تضبط
اخوي شف الستبه الي حوليها فراغ صح الان بحطون حول الستبه التحتيهيعني تكون الستبنه وسط التانكي ولاكن يكون صغير بس يفك ازمه وفيه ببريدة محلات يصلحونه على مأعتقد قبل اشارة النجر على اليسار وانا صراحة جربت هذا التانكي وصراحه حلو بس مو بجيب وتراها تجربه ولاتقولون المقناص لعب علينا


وسلامتكم
اخوكم المقناص:D :D

[ابو مساعد]

جراك ماء الصحه 20 لتر 8 ريال وضغاط لسحب الماء اوفر لك واحسن للمرتر .

تحياتي

[ميمون]

بارك الله بجميع من شارك وما قصرتوا . وأرجو ممن لديه أفكار جديدة لا يبخل علينا .
قالي واحد من الشباب ركب تانكي حديد طول 90سم عرض30 ارتفاع 25 . يشيل 65 لتر. خلف المرتبه الثالثة ويكون متنقل. ولو ما صلح أو سوالي ازعاج فقيمته المادية رخيصه مو مثل الستيل أو الألمنيوم الغاليات.
وش رايكم يا أصحاب الخبرة.
وأسأل الله أن لا يحرمكم الأجر بنفع أخيكم .:)

[ميمون]

بارك الله بجميع من شارك وما قصرتوا . وأرجو ممن لديه أفكار جديدة لا يبخل علينا .
قالي واحد من الشباب ركب تانكي حديد طول 90سم عرض30 ارتفاع 25 . يشيل 65 لتر. خلف المرتبه الثالثة ويكون متنقل. ولو ما صلح أو سوالي ازعاج فقيمته المادية رخيصه مو مثل الستيل أو الألمنيوم الغاليات.
وش رايكم يا أصحاب الخبرة.
وأسأل الله أن لا يحرمكم الأجر بنفع أخيكم .

[الحاتمي]

الاخ ميمون في نظري مفيه حل لخلفية الكزس إلا سله خارجيه تستطيع حمل الجراكل والعزبه والحطب والذبيحه وباقي اغراظك بعد!! حتى بعد تحافض على نظافة شنطة السياره وعدم مظايقة الاغراض للركاب اللي مخاوينك بالسياره...............والسلاااااااااااااااااااااا اااااااام.

[Y&Y_4X4]

السلام على الجميع ,,,,,,,,,,,,

اوضح ماذا تقصد بالسلة الخلفية اثابك الله ووفقك لما يحب ويرضى , واجعل الوصف دقيق ,,,,,,,,,,,

[الحاتمي]

الاخوه الاعزاء.السلام عليكم.........موظوع السله الخلفيه للجيوب عموما وخصوصا التايوتا لاني مره طرحت الفكره على واحد من الربع وجازت له وبعد مده ركب السله بجيب vx 97 ودعى لي.............الزبده طريقته انك تدور لك حداد جيد وتخليه ياخذ مقاس عرض السياره عشان ماتصير السله بارزه يمين ويسار ..ويحط لك مواسير بالشاصي تصير كأنه شكامين اثنين متوازيات ولايصيرن طوال مره وبهن خرمين عشان البراغي والصاموله.ويثبتن باللحام اوببراغي بالشاصي........... وكذا تصير جهزت قاعدة السله.......الخطوه الثانيه السله........تخليه ياخذ المقاس اللي يناسبك للطول بس لان العرض يقيدك فيه عرض السياره وحاول ان الطول يصير مناسب بعد لاتصير طويله تتعبك ويمكن ماتتحمل الحموله الزائده....................وبعدين يبدأ بلحام إطار سفلي وعلوي ويلحمهم بست مواسير بشكل افقي تصير هي الاساس مع الاطار العلوي والسفلي ويلحم جوانب السله بشبك مناسب..............عشان ماتطيح اغراظك .................................................. .......وتدخل إظافات إذحبيت مثل معلاق للذبيحه وبزبوز للماء وانوار عاكسه............وتلحم باالسله من تحت مواسير تدخل بالمواسير اللي بالشاسي وتربطه بمسامير بالخروم اللي بمواسير الشاصي.............وكذاتصير ارتحت من مشكله الماء لان السله تكفي لجراكل وحطب وعزبه وتيس حي لوتبي .............زولاتكلفك اكثر من 500 ريال.............وفكه وتركيبه بالسياره مايستغرق اكثر من 5 دقااااااااايق.... ارجو ان اكون وفقت في شرحي ولكم تحياي الحااااااااااااااااااااااااااااااااااااااااااتمي

[Y&Y_4X4]

الحقيقة انها فكرة طيبة وتحتاج التأمل والتفكير ,

واضيف لما ذكرت ولا بك قصور انشاء الله , اقول في هذه الحالة عندك مشكلتين ممكن تفاديهن قبل ما تبداء بالعمل على هذا المشروع وهن :-

اولا_ لابد من ان تكون السلة محور الحديث ارفع شوي من الصدام الخلفي علشان ما تحك بلارض الى منه ارتفع وجة الموتر ونزل ذنبه .

والثاني_ الغبار يبي يلعب بالعفش شرط انـتـلـقـاه في علبة الطماط وهو جديد مانفتح , لاكن الحل سهل فصل طربال بلاستيك يغطي السلة كاملة بسحاب من الداخل او من الخارج ايهما اسهل.

في الحالة هذي الله ولي العلم زود التكلفة على حسابك يبي يتعدى السبع مية اكيد ...

لو واحد من الشباب يقدر يرسم لنا كليشة علشان يضبط التصور .... بأنتظار ردود الشباب على هذه الفكرة بالقبول او الرفض ,,,,,,,,,,,,,,,,,,

ودمتم سالمين .

[الحاتمي]

اخوي الغالي ... كلامك صحيح تراني نسيت اللي نبهتنا له انت واضيف شي ان السله تبي تسكر على الشنطه وتدقررررررر اذا فتحتها بس السله اهم من فتحه الشنطه لان الشنطه تبي تصير مهب ضروريه وانت مركب سله تشيل كل اغراضك ....ولك جزيل الشكر..

[الحاتمي]

الخ الغاليY&Y_4X4 ملاحظاتك 100%100 وتراني نسيت انبه عليهن.....................واذكرك بنقطه ثانيه وهي ان السله تبي تدقر للشنطه بحيث انه ممكن ماتنفتح... وبعدين اللي يبي يركبه يبي يستغني عن الشنطه............ وامس شفت بالثمامه راعي جيب مركب شكل مشابه له ومركب به دباب؟؟ وجركل بنزين!! الدباب ابو اربع كفرات حجم متوسط تقريبا........................والجيب الله العالم انه مركب كل عيال حارتهم يعني بعد ماتركب السله شف كم يبي يشيل الجيب من راكب مع عزبتك وحطبك وجراكلك وفرشك......................... بدون مايظايقك عفشك وتحافظ على نظافه شنطة السياره من الماء والتراب والغبار........................ولك تحيات الحااااااااااااااااتمي

[الحاتمي]

الاخ الغالي Y&Y_4X4شكرا على ملاحظاتك الجيده والمفيده وبارك الله فيك............................اخوكم الحااااااااااااااااااااااااااااااااااااااااااااااا اااااااااااااااااااااااااتمي

[Y&Y_4X4]

السلام عليكم

احسنت الله يعطيك العافية وماقصرت ,,,,,,,,,,,,

لا كن ماندري عن اخونا ميمون صاحب السؤال وش صار علية ؟؟؟؟؟؟؟؟؟؟؟؟؟؟؟؟؟؟؟؟