يا اهل الخبرة بالباترول

[a11a]

السلام عليكم ورحمة الله وبركاته

كنت ماسك خط وانقطع علي البنزين وبيني وبين المحطة 2كيلو فقمت ادعس على البنزين والظاهر انه شفط الاوساخ اللي في قاع تانكي البنزين وصار الموتربعدها يقطع معي ولا ادري وش الحل في نظركم(لا عدمناكم)

[حمد808]

غيرفلتر البانزين35ريال اصلي ان شاءالله يظبط

[هويدي]

وعليكم السلام ورحمه الله وبركاته


موترك بخاخ ولا كلبليتر ؟

ومبدئياً غير صفاية البنزين

[a11a]

الله لا يهينكم يالربع على التفاعل الجميل
وافيدكم ان موتري كلبليتر مو بخاخ

[.أبوعبدالرحمن]

ابد امسك به خط واستمر على 140 كم يعني مثلا من الرياض الى الخرج

لكن ثبت سرعتك على 140 كم عشان يظهر كل شيء طبعا مع تغيير الصفاية حقت البنزين


وان شاء الله تلقى من يفيدك اكثر مني

[بواسامه]

اشتر بخاخ تنظيف الكلبليتر وبخه فيه
وان شاء بيظبط

[بواسامه]

وكانه من البليتين القديم فغيره هو والبويبينه وبيظبط

[NissaN 1990]

أكيد أنها من الصفاية ولكن التقطيع بسيط جداً أهم شي لا توديه لميكانيكي يلعب بوزينة الكربريتر
ومثل ما قال أخونا بو أسامه أشتر بخاخ التنظيف ونظفه أنت بنفسك وإنشاء الله يظبط معك

[a11a]

مشكورين ياجماعة الخير على هالامدادات من الخبرات التي استفدت منه كثيرا الله يجزاكم كل خير