ابي ورشه التعديل ...؟

[البيـــــراوي]

السلام عليكم ورحمه الله وبركاته

يالمكشاتيين ابي منكم خدمه
الوتر بابه معفوط ويبيله تعديل ووزن
وهاذي الصور توضح

http://www.awlup.com/get-3-2008-n9aztzy8.png (http://www.awlup.com)

http://www.awlup.com/get-3-2008-4c5zehe9.png (http://www.awlup.com)

احد يخبر لي ورشه تعديل لاني صراحه ماودي اسمكره والعفطه مهيب كليفه
ياليت لو تكون الورشه بالرياض
وبكم تتوقعون يصلحها
ولكم خالص تحيات البيراوي

[شروكي ربع]

العفط مهوب سهل ..

اذا ما لقيت احد يوزنه صح , سمكر ازين لك ..


لان ممكن احد يعبث ويعذرب فيه و يحوسه اكثر مما هو عليه ..


فيصعب تعديله ..

[البيـــــراوي]

اخوي شروكي ربع اشكرك على ردك
بس تخبر لي احد يوزنه صح بالرياض ااو حول الرياض
على فكره تصويرك بالتوقيع ماشاء الله تبارك الله (جو وموتر ومكان) الله يعطيك من خيره ويكفيك من شره
وبانتظار اراء باقي الاعضاء
مع خالص تحيات البيراوي

[سطام vip]

السلام عليكم ورحمة الله وبركاته

اخوي فيه ورشه المبارك وورشه الوفاء في صناعيه الشفا بالرياض

يمدحونها وانا شفت سمكرتهم على سيارة واحد من الربع ما شاء الله ولا كانها مسمكره

انا اتكلم عن المبارك

ورشه الوفاء سمعت عنها بس يقولون انهم غالين

الله يسهل امرك اخوي

[صحن قلابة]

ورشة الغامدي ـ ماكس ماير
سبق لي وان صدمت في الوجة وانعفط الكبوت ولا طاع يفتح وعدلته عندهم بدون رش وبدون حتى تبان الطقات في الكبوت , وأنا الصراحة معاملهم أربع سنوات أو أكثر
وسعرهم يعتبر جيد جدا
والوصف إذا نزلت من كبري الصناعية القديمة ووقفت عند الاشارة اللي عندها محلات القزاز رح قدام إلين يجيك جسر مشاة بعدها ادخل يمين وابتل إلين يجيك تقاطع المارية فيه بتلقى قطع غيار النهدي على يدك اليسار في الزاوية اللي قدامك , ادخل يسار مع التقاطع وابتل الين يجيك اول تقاطع رح يمين ابتل حوالي خمسمية متر تلقاهم على يدك اليسار..
ويعلم الله إني ماأعرف راعي الورشة ولا بيني وبينهم غير سمكر موتري وأمشي
وعساني افدتك

[البيـــــراوي]

سطام الله يعطيك العافيه
صحن قلابه ياجعلك سالم و بيض الله وجهك
وان شاء الله بروح له
والله يكتب الي فيه الخير
مع خالص تحيات البيراوي