حسبي الله عليه صدمني وهرب

[saad8794]

السلام عليكم ورحمة الله ...

الحمدلله على قدره وله الحمد على لطفه وله المنة على فضله .. وأعلم والله يقيناً أن ماكتبه علي هو الخير لي سواءُُُ علمتُ ذلك أم لم أعلمه .

اليوم الجمعة الساعة 8 .. طلعت من البيت بشتري بعض الأغراض ويوم تعديت الإشارة والتفت يميني ولا راعي ذيك الماكسيما الظاهر انها ذهبية - ماميزتها من سرعتها- ماسك بريك أو يبي يفحط أو سكران أو أو ...

المهم السيارة جتني زاحفه , وانا اللي أتفاداها بأني رحت لآخر مسار جنب الرصيف .. والى الرجال ناصيني يعني مافيه فكه :no2: ولا أسمع الا ذيك الصدمه وهو اللي يرقيني الرصيف واطلع على السيد الثاني وانا أحاول تمالك الثبات بالسيارة سمعت مكينة سيارته شوي وتنفجر من قوة الدعسة على البنزين واثر الرجال يبي يهرب ..!

المهم إني مالحقت عليه آخذ على الأقل رقم اللوحة وهو اللي يهرب .. ويجي راعي ذاك الفورد الله يجزاه الخير ويلحق راعي الماكسيما ووالله انه كاد ينقلب وهو يلحقه بس ماش راعي المكسيما هرب وجاني الرجال راعي الفورد يعتذر انه ما قدر ياخذ رقم اللوحه أو يمسكه .. وشكرته وقلت بيض الله وجهك فزعتك هذي تكفي ..

المهم اتصلت على المرور وجا وخطط الحادث وقال لي تعال بكره للمرور وخذ الأوراق ..

واتصلت على الرقم المجاني لعبد اللطيف جميل طبعاً لأن اليوم الجمعة فما فيه أي فرع مداومين وخاصة صباح الجمعة فقلت يمكن إن الرقم المجاني يرد علي أحد .. ولكن :o .. المهم رد علي الرد الآلي وقال لي سجل رسالتك وسجلت التفاصيل بنوع السيارة واسمي ورقم اللوحة وانه صاير علي حادث بس مالقيت أحد ..
لأني ماخذ السيارة بالتأجير .. بس ما أدري وشلون يتعاملون مع هذي الحالات وهل يغيرون كل شي حتى لو الخدوش , وهل يعطوني سيارة بديلة في حال كانت سيارتي عندهم ؟

وهذي صور الصدمة....


http://www.mekshat.com/pix/upload02/images64/mk30025_h%20%201.jpg


http://www.mekshat.com/pix/upload02/images64/mk30025_h%20%202.jpg

http://www.mekshat.com/pix/upload02/images64/mk30025_h%20%203.jpg

[ناوي نيه]

الحمدلله على السلامه
وجعل الي صدمك الله لايوفقه

[أبو الحارث 4]

عوضك الله ، ولئن فات عنك في الدنيا فلن يفوت في الآخرة إن ربك لبالمرصاد.

[مافيه مكان]

أولا الحمدلله على سلامتك والله يعين على هالشباب
وندعو لهم بالهداية أما من ناحية موضوعك بسيط
جدا أهم شئ تقرير المرور لأن الشركة عاملين
عليها تأمين ومن الشروط المهمه تقرير الحادث
من المرور والف سلامة عليك ويمكن ياخذون
منك مبلغ 1500 ريال تقريبا خاصة بالتأمين

[سنعوسي111]

الحمد لله على سلامتك والحديد يتعوض
اما هذه الطريقة في صدم المسلمين والهروب من مكان الحادث تكثر في هذه الازمنه ونوجه هذا السؤال الى ادارة المرو عن الكاميرات التيفي الاشارات هل ترصد هذه الحوادث ولا لا !!

[saad8794]

اخواني ( ناوي نية ) ( ابو الحارث ) ( مافيه مكان )

أشكر لكم تفاعلكم والحمدلله على كل حال والله يجعلها دافعة بلاء .

[الخادم]

اخوي
الحمدلله على السلامه
وجعل الي صدمك الله لايوفقه

[saad8794]

تسلم اخوي سنعوسي واخوي الخادم ... والله يسلمكم جميعاً

[المحترف800]

اولا الحمدلله على سلامتك اخوي....
الله يعوض عليك...

[البدر900]

يارجال الحمدلله على السلامه الحديد ينعوض لاكن البشرماينتعوض
انا قبل 6شهور تقريبا كانو الشباب طالعين باستراحه تبعد عنا تقريبا 30كيلو المهم اني وانا بالطريق طبعا سييدين
امشي تقريبا 150 ولا راعي ذيك السياره قدامي ماسك الكتف على اليمين وبعد ان اصبح بيني وبينه 50متر تقريبا وهو يحذف بوجهي يبي يروح للسيد الثاني وامسك عنه بريك مافيه فايده وانا احذف الموتر للسيد الثاني والحمدلله انه كان فاضي وبعد مالامست الكفرات الارض اختل توازن الموتر ويحذف فيني وربك يعدله مره ثانيه طبعا الساعه 8 باليل وادخل بذيك المزرعه والحمدلله ان الموتر ماقلب لاكن ربي سترالمهم ماوقفت الا بعدتقريبا 500 متروالله يااخوان انه هرب الا يومك هذا والحمدلله على كل حال لاكن ياخي افرض ان راعي السياره معاه عائله او معاه احد يبي اسعاف اوشي لـــــــــــــــــــــــــيش تهرب
وسلامتكم

[(الهدد)]

الحمد الله على السلامه

[هايبر]

الحمدلله على سلامتك .وبيني وبينك أبرك لك إنه هرب لو وقف كان المرور بيطالبه يصلح السياره ولا راح يعطونك تقرير لين مايدفع او تتنازل والشركه ما راح تصلحها لين تجيب التقرير من المرور يعني تدخل في دوامه بعد ماتاخذ التقرير روح للوكاله وعطهم الاوراق وبعدها بيرجعونها لك جديده إنشاء الله بتدفع يمكن ألف حسب العقد اللي بينك وبينهم بالنسبه للتبديل ما يصير إلا في حالات نادره مثل التلف الكامل أو السرقه والحالات هذي يبيلها علوم طويله

[saad8794]

الله يسلم كل من تفاعل ومن شاهد الموضوع وأعضاء مكشات والمسلمين أجمعين ..

أنا أعتقد والله العالم إنه سارق السيارة والا معه شي ممنوع والا ماهو بوعيه .. حتى الشرطي اللي جاني قال لي يمكن انه سكران . والا وش اللي يخلي ولد شباب صاحي صباح الجمعة ؟

[alkongrs]

الحمد الله على السلامه اهم شي ما جاك شي والي صدمك جسبي الله عليه تلقاه الحين خايف

ولو انه واقف ومعتذر موب ازبن ؟؟؟؟؟؟؟؟؟؟

[سطام vip]

اولاً الحمد لله على سلامتك

وفي الحديد ولا فيك

والله لا يوفقه على ما سواه فيك

ولا تخاف لو راح منك ما بيروح من ربنا سبحانه

ومن ناحيه الاجراءات ما ادري عنها شي

ولا املك الا ان اقول الله يسهل امرك ويسهل دروبك

[راعي الفروه]

الحمدلله على سلامتك اخوي....الله يعوض عليك...

[ناصح]

الحمد لله على السلامة

والمهم أنك أنت سالم

والذي يضيع في الدنيا تجده في الآخرة

[mohmad]

الحمدلله على السلامه ويعوضك الله و اليا سلم العود الحال تعود

[هويدي]

الحمدلله على سلامتك ولاتخاف حقك ان ما اخذته بالدنيا بتاخذه بالاخره

تحسب الله عليه

التأجير المنتهي بالتمليك كانه على خبري عام 2002 عليه تأمين شامل

تجيبلهم اوراق المرور وتدفعلهم خمسميه ريال والباقي عليهم

وبالنسبه للسياره البديله المفروض يعطونك نفس فئه سيارتك بس خابر استهتار الوكلاء بالناس

بس اذا سويت زحمه ورفعت صوتك بيعطونك سياره وسبق وسوييت الحركه هاذي وعطوني موتر اجدد من موتري بعد (:


موفق خير والله يكون بعونك

[مقلع الرمث]

الحمد لله على السلامه

[ولـد الدوادمي]

الحمدلله على السلامه سهلات فالحديد ولا فيك

والله يهدي شبابنا وشباب المسلمين

[شبح الموت]

الحمدلله على السلامه

ويعوضك الله

[MyName]

الحمدلله على السلامه والله يعوض عليك أخوي سعد ...

الله لايوفقه هاللي صدمك فعلاً فيه ناس تسوق عندنا بكل إستهتار !

تحياتي

[ابوحماد]

الحمد الله على السلامة

وعندي ملاحظة يا أخوان من يتفق معي على ان اللوحات المرورية الجديدة صعب على الواحد

أخذ رقم الوحة و حروفها

[.أبوعبدالرحمن]

الحمدلله على السلامة


والحديد له عوض


وان شاء الله تلقى من يفيدك

[شعيب المسمى]

معوض ان شالله

[المسافر888]

هرب منك ........ لكن ماراح يهرب من ربه :)

والحمدلله على السلامة

اعتقد انهم بيصلحونه لك ... بس حاول انهم يغيرون الرفرف كله وكالة <<< اتوقع افضل من التعديل

[وبل نجد]

عوضك الله ، ولئن فات عنك في الدنيا فلن يفوت في الآخرة إن ربك لبالمرصاد.
اللهم آمين

[ناجز]

انا لله وانا اليه راجعون مشكلة الشباب المتهورين الله يصلحهم
ولاكن للاسف فيه تهاون من رجال المرور

[شقران نجد]

الحمد لله على سلامتك وانا اخوك وبالنسبه للموتر يوم تبداء معاهم ببرنامج الأيجار كان فيه بند ضروري للتأمين وهي شركة المتحده حسب علمي وهي احد شركات عبداللطيف جميل وهم يتحملون السياره اما بالنسبه للبديل فلا علم لدي ....

والحمد لله الدعوي بسيطه ان قدرت يغيرونه لك جديد خير وبركه بغيت تعدله خابر لك سمكري محترف يجيك الى كراج بيتك ويعدله لك بدون معجون وشغله صح اذا بغيت راسلني خاص وابشر وانا اخوك

اما الشاب فلا اقول غير حسبي الله ونعم الوكيل وكفانا الله وايأكم شر من به شر

اخوك
السياري

[شروكي ربع]

يارجال الحمد لله على السلامة ..



وتراها بسيطة رفرف بس , لا يضيق صدرك ..



ترا ضيقة الصدر ما تسوى صح انه صدمك وهج لكن الله عليه ..



والله بيسر امورك ان شاء ..

[اول 111]

الحمد الله علي السلامه

[بدرالبيان]

الحمدلله على سلامتك والله يعين على هالشباب

[saad8794]

الله يسلمكم جميعاً يا أخواني .. ووالله إن ردودكم تثلج الصدر والله يجزاكم الجنة ويجمعنا فيها مثل ما اجتمعنا في مكشات ...

الحمد لله رحت للمرور وعطوني التقرير ورحت لوكالة تويوتا ( الورشة ) اللي في صناعية الدائري عند مخرج 18 وابشركم انهم مايسمكرون يغيرون وكاله وكل شي على التأمين والحمدلله ..

وأشكركم جميعاً يا اخواني ..