افيدونا يا اهل الاندكروزر

[network]

صبحكم الله بالخير البارح كشتنا مع الربع وكنا موترين لاندين موديل الفين والشغله الي حيرتني والي لاحظتها ان في اللاند الاول الطفايه مالت السجاير موجوده جنب السايق والموتر الثاني كانت الطفايه الناحيه الاخري مع العلم ان الموتر الاول كان من وكالة الامارات والثاني من وكاله الكويت وتناقشنا وقلنا ان في مواتر كان المقود يمين وتحول يسار الي كانو يجيبونها من اليابان يا اهل الخبره شلون تعرف اذا محول ولا لا :confused:

[هويدي]

صبحك الله بالنور

والله كان ودي افيدك بس عندي علم

بس فيه اثنين من الشباب معهم لاند طفايتهم يمين واحد قطري والثاني من اليحيا موديلاته 2005 والثاني 2006

والربع ماهم مقصرين إن شاء الله

[لن أمل من العطاء]

كيف تعرف ان مكان الدركسون متعغير

بطرق
منها اتجاه مساحات الزجاج (ليس بكل السيارات)
مكان الشكمان
الزر الموجود بالقير اذا كان اوتوماتيك
ازرار المسجل (البعض وليس الكل)
مكان الاريل الخاص بالراديو
النظر داخل الكبوت ومشاهدة ما امام الراكب الامامي داخل الكبوت اذا وجد اثار تعديل وتلحيم لانه يكون هناك الباكم الخاص بالفرامل
(النقطه الاخيره واتحدى احد قد سمع عنها او يعرف عنها شيئ الا وهي دايم اذا كان السائق في اليسار يكون النور الامامي الايمن مرتفع قليلا عن اليسار ليعطيه مسافة رؤية اوضح === واذا كان السائق باليمين فالنور الامامي الايسر يكون ارفع من الايمن ليعطية مسافة رؤية اوضح) طبعا هذا لا ينطبق الا على النور شد البلد او الذي لم يصاب بحادث


لن امل من العطاء

[ابو ربا]

الطفاية اللي ناحية السواق إذا صار السواق يتتن والطفاية اللي يسار لا صار الراكب يتتن وقضينا مال الطفاية ومال السواق .

[saad.saud]

السلام عليكم
1- يمكن واحد اسيوي
2- يمكن واحد gxr والثاني vxr

[نوماس1]

يا اخي العزيز اذا كان القير عادي تصير الطفايه يمين واذا كان القير تماتيك تكون الطفايه يسار

[network]

مشكوريين علي المرور وعلي الافاده وبيض الله وجيهكم هههههه علي قولتهم وكاله ولا مو وكاله يسار ولا يمين المهم انه شغال ومافي مكان الا وداني له :) مشكوريين يالربع

[خبراوي]

ياخوي لاتحتار هاي الشغله بسيطه

اذا كان القير عايدي اتكون الطفايه يمين واذا كان القير تماتيك تكون الطفايه يسار هاي موجوده بكل الموديلات

[abu hlal]

يا اخي العزيز اذا كان القير عادي تصير الطفايه يمين واذا كان القير تماتيك تكون الطفايه يسار


صحيح 100%

[عاشق الفكسار]

مثل ما قالوا الاخوان
اذا كان قير عادي فالطفاية يمين أما اذا كان قير اتوماتيك فالطفاية يسار
وتقبل مروري ،،،،