علاج (( تنسيم النوافذ )) ...

[طيـــ بر ـــر]

السلام عليكم ورحمة الله وبركاته

يالربع .. موتري من يوم طلعته من الوكالة وفيه (( تنسيم عند النافذة الأمامية اليمنى فقط عندما تكون السرعة 160 كلم \ الساعة )) هل هو عيب في التصنيع ؟!
وكيف علاج هذه المشكلة ؟
# هل هناك ورشة متخصصة لهذا العطل ؟!
# هل أغيّر الربلات .. مع أن التنسيم من يوم طلعت السيارة من الوكالة ؟!
# هل هناك طريقة لوقف هذا التنسيم ؟!
# بعضهم يقول حط ليّات وسط الربلات ؟! وشرايكم ؟!


انتظر الحلول منكم ..



طيـــ بر ـــر

[القناص]

السلام عليكم ورحمة الله وبركاته

اولا وش السيارة
ثانياً 160 كثير جدا على السيارات غير الرياضية

ودمتم سالمين

[Y&Y_4X4]

وشي السيارة و 160 تبي تطير الله يهديك


وبعدين يالقناص الله يعافيك صغر الخط شوي ترى طاح اصبعي من زرار Page Down ,,,,
:p

[المترو]

الاخ طير بر
هلا وغلا اذا كانت سيارتك كامري 2003 فراجع الوكاله لان هذه المشكله موجوده بالكامري راجع الوكاله وهم يقولون انها عيب بالكامري 2003 من المصنع والمشكله معروفه لديهم ولم يجدو لها حل
لانه احد الاخوان عنده هذه المشكله وراجعهم قالو له كتبنا للشركه و لم يردولهم بعد والآن له ثلاث شهور ينتظر الرد الله المستعان على وكالاتنا
واذا كان غير الكامري فتأكد من وزنية الباب الي فيه التنسيم اذا الجلد سليمه وراكبه صح
وانصحك بعدم السرعه ربما ضارة نافعه غديها تمنعك من السرعه
وسلامتك

[Najd^Prince]

بسم الله الرحمن الرحيم


هذا الرد تعقيب على رد الأخ ((^ الرحال 2003 ^))
^7^7^7^7^7^7^7^7^7^7^7^7^

عزيزي الرحال كلامك سليم بخصوص التنسيم في سيارات الكامري 2003
بجميع الفئات لكن كيف الوكاله يقولون لصاحبك إنهم كتبوا للمصنع ومايحلون المشكله أول
(( 3 شهور :confused: )) على شان رد بسبب تنسيم للهواء أجل لو الخطأ المصنعي
في المكينه ولا القير كم يبي لهم ؟؟؟؟؟

على العموم: واحد من زملائي في القصيم معه كامري 2003 وصار فيها تنسيم للهواء
عند 180 كم/ ساعه .
بلغ الوكاله عند التشييك (( وكالة عنيزه )) وطلبوا له ربلات جديده من جده (( أستغرقت يومين بس ))
وركبوها له مجاني والحين موتره ولله الحمد و المنه مافيه أي تهريب أو تنسيم .

آسف على الإطاله في التعقيب ولكم فائق الاحترام و التقدير

Najd ^ Prince

[طيـــ بر ـــر]

هلا والله بالربع ..

ماقصرتوا .. بارك الله فيكم
لكن الى الآن مالقيت الحلّ ؟!

السيّارة ( ايسوزو 2003بكب 4x4)

للدقّة التنسيم من النافذة وليس من الباب .. وإذا ظغطت النافذة على برّا .. راح التنسيم .. فأظنه من الجلد ... لكن وش الحلّ ؟!

# على فكرة السرعة هذي ( نادرة .. يعني وقت الطلعات بس )أو المشاوير البعيدة ..

طيـــ بر ـــر

[المترو]

الاخ طير بر بخصوصه هذه السياره ما عندي عنها اي معلومات ولو تقابلني بالشارع ما عرفتها لكن الظهر من كلامك انها مشكله بسيطه امل من الاخوان افادتك عنها
الاخ NAJD PRINCE اناا ترى ما كتبتلك كامل القصه لاني لا اريد الاطاله وفعلا الوكاله غيروا له الربلات جديه بس ما انحلت المشكله لانه حتى الربلات الاولى كانت جديده بس البلاء حسب كلام صاحب السياره ليس بالربلات بل بوزنية ابواب السياره هندسيا وكثر منها هذه لانه مازال التنسيم بالسياره بعد التغيير ووترى الرجال ماهو سهل هددهم بالشكاوي وطلب يغيرون السياره كلها ويعطونه سياره جديده شفتوا ان صاحبي طماع ويمكن معه حق بس كثر منها يغيرون السياره وين الاخ بأوربا والدول المتغدمه عشان يقبلون بهذا الكلام
وانا صراحه لا اكتب كل القصص اللي اسمعها لان بعضها مبالغ فيه ويبسبب البلبله بين الناس
وكفى بالمرءأن يحدث بكل ما سمع

وسلامتكم جميعاً

[desprado]

عزيزي مشكلتك في القزاز راجع الوكالة يمكن يكون السبب الربلات او عيب في القزازة نفسها او اطار القزاز

[قناص القرائن]

بيني وبينك ود ك مفيه تنسيم بدال التنسيم ينفتحن الدرايش والباب علشان محد يسرع160 وين

[عاشق الصفاري]

الرسالة الأصلية كتبت بواسطة قناص القرائن
بيني وبينك ود ك مفيه تنسيم بدال التنسيم ينفتحن الدرايش والباب علشان محد يسرع160 وين

[nooh79]

السلام عليكم الأخ طيـــ بر ـــر
السرعة قاتلة
اما عن تنسيم الهوى بقزاز النوافذ او الباب فيحتمل من سوء استخدام والسبب هو:
-- بعض اصحاب السيارت يظللون على سياراتهم بوضع منشفه او شرشف بين الباب حلق الباب (البودي)، ويصكون عليه الباب، وكذالك قزاز النوافذ ،طبعا هذه الشراشف تعتبر متينه او سميكة،
فتضغط هذه الشراشف على الربلات او السييل، وبعد ما تزال هذه الشراشف يكون الربلات قد قل سمكها مما كانت اول.
والحل :
1- عمل موقف للسيارة مظلل.
2- ظلل زجاج السيارة بنوع اللي يحبه ( انا افضل تظليل مرايا او قصدير).
3- استخدم شماسة قصدير للزجاج الأمامي.
4- استخدم كذالك شماسة القصدير على الزجاج الجانبي للسواق واللي جنب السواق.ودمتم

[كايد]

شكرا ايها الاخوان على الموضوع

[نجمة سهيل]

اشكر كل من شارك باسمه في هذا الموضوع ،

كما لاانسى الاخ طير بر ، فهو صاحب الموضوع وله جزيل الشكر :)