حلولي المشكلة اللي عندي في الباث .... تكفون ...

[الفانوس 123]

السلام عليكم ..



شباب انا عندي باث 2005 وفية مشكلة اذا جاء الطريق غير مستوي يطلع صوت قدام في الكفرات كأنها صوت الركبة ..

انا توقعتها الركبة لكني وديتها الورشة قالي الركبة والمساعدات ما فيها شئ.. احترت كثير .. وغسلتها بالزيت من تحت قلت ممكن الربلات جافة من البرد ..ونفس المشكلة .
قلت ممكن علشان الجو بارد ..
لكن يوم جاء الجو حار المشكلة باقية ما راحت .. ؟؟؟ وش الحل ؟؟

انا في انتظاركم ..

[ابوعقل]

شيك على كراسي القير والمكينه

[z a n h o r]

شف يمكن عندك كراسي المساعدات ..!

المساعدات شلونها دمرانه ولا لا ..؟

وترى غالبا اذا اندمرت المساعدات ولا غيرتها بسرعه تندمر كراسي المساعدات

[alkongrs]

زي ما قالو الشباب كراسي القير وكراسي المكينه

[شطه]

الدعوه عادي اخوي نفس المشكله عندي ....لاكن لاتحرص على البستم لاانه ينشف الجلد عليك بالتشحيم وانشاء الله تروح المشكله

[المنتفش]

يمكن ياخوي الجلب حقات الساعدات متقطعات فيؤدي هذا الى ان المساعد وانت تمشي يضغط على اللي فوقه واللي فوقه جلبه خربانه وبالتلي يخرج الصوت اللي تقول

[راع الطويلات]

اخوي انا كان معي نفس سيارك باثفند صاري نفس الصوت ( تحصله باجد الكفرات ) و طلع مسمار التوازن في احد الكفرات ولايكلف شي تصلبحه

[لن أمل من العطاء]

لا يخرج عن احتمالين اثنين

الاول = جلد مسمار التوازن غيرها (لاحظ هناك فرق بين جلد مسمار عمود التوازن وبين جلد العمود نفسة وبعض السيارات تحتاج تغير المسمار كامل

الثاني = هو اذرعة الدركسون الداخلية والخارجية هذا الصوت يطلع دايم من الخارجية جهة الكفر الايمن والايسر اولا شحم هذه المكانين من جهة الكفر اذا راح الصوت فاعرف انها خربانه والشحم ادى لعدم الحركه وحيرجع الصوت بعد فتره فالافضل تغير اذرعة الدركسون



لن امل من العطاء

[gsb]

الإحتمالات عده

لكن أنا ارجح كراسي البدي (كراسي الغمارة )شيك عليهن عند ميزان او مكانيكي يفهم.

[Y A S S E R]

نفس مشكلتي .,


اذا جاء مطب يجيك زي صوت شي متخلخل ؟

انا عندي بالجهه اليمنى قدام ...

[الفانوس 123]

الله يعطيكم العافية على حرصكم على مساعتدي
ولكن بالنسبة لكراسي المكينه شيكت علية وما فيها مشكلة ... اتوقع انها زي ما قالوا البعض انها في الجلب ؟؟
ابأوديها وابأبلغكم وش صار بإذن الله ..
اكرر شكري لكم ..

[.أبوعبدالرحمن]

اخوي انا اعندي هذا الصوت ورحت وجيت وغيرت جلبة عامود التوازن ونفس الصوت ما راح وهو صوت بسيييييييييط وان شاء الله مايضر علما اني سألت واحد من الاعضاء في مكشات والله اني ناسي اسمه وقالي عندي نفس الصوت وهو طبيعي بالباثفندرات ولكن للاسف ماصدقته ورحت غيرتها وطلع كلامه صحيح

[أبو بندر 2005]

عندي نفس المشكلة

[ابوعبدالله678]

احتمال جلد مقصات

[نمر 33]

الحل عندي

الصوت أمامي حول الكفر يمين أو يسار وتحت
الحل: غير جلب عامود التوازن أثنين (15ريال) موقع الجلب فوق صاجت البلاستيك وراح يضبط الموتر إن شاء الله
وتراها عن تجربه

[اخونوره]

نفس مشكلتكم يالربع , وزود عليها عندي صرصره

لا تنسى تبلغنا وش يصير معك أخي الفانوس ..

[الربذي]

عندي الحل وهو انك تخلي واحد يهز السياره وانت ادخل تحت وسوف تلاحظه وهو عمود صغير طوله حوالى 20 سم قيمة بالوكاله 55 ريال وسبق وان غيرته سعره 55 ريال وشغل اليد انت وشطارتك من 30 وتحت طبعا هو بكل الجهتين 0والحين الجه الاخرى تطلع صوت عندي شفه يجيك عمودي شكل افقي مع كل كفر0 طبعا شافه المهندس حق نيسان وكنت مستعجل ابي اسافر ولاكان عندهم وقالي ان مامنه خطر وسافرت والحمد لله وتصدق ماغيرته الا بعد حوالي 30الف كم من ذلك التاريخ 0

طبعا طريقة الهز انك تهزها يمين ويسار مثلا تاقف بجنب الباب وتدفع السياره وكانك تبي تقلبها وتجرها عكس ذلك وسوف تسمع الصوت وانت تكون تحت وطبقتها ونجحت 0

[escape_man]

يامالك من الاصوات

انا موتري مامشى 50 الف ولا عمره جنب عن المزفلت وفيه مثل ماذكرت

يعني لا تحرص من الطقطقة وانت راكب نيسان

[shaheenshah]

لا يخرج عن احتمالين اثنين

الاول = جلد مسمار التوازن غيرها (لاحظ هناك فرق بين جلد مسمار عمود التوازن وبين جلد العمود نفسة وبعض السيارات تحتاج تغير المسمار كامل

الثاني = هو اذرعة الدركسون الداخلية والخارجية هذا الصوت يطلع دايم من الخارجية جهة الكفر الايمن والايسر اولا شحم هذه المكانين من جهة الكفر اذا راح الصوت فاعرف انها خربانه والشحم ادى لعدم الحركه وحيرجع الصوت بعد فتره فالافضل تغير اذرعة الدركسون



لن امل من العطاء

اتوقع زي ما قال اخوي لن امل من العطاء (أبداً):D

[مشاري2000]

كنت اواجه اصوات طقطقة بالجهة اليمنى واليسرى وبعد خساير وفحص وتغيير قطع مالها سنع آخر شي حصلت

انه من الرمان تحصله فوق المساعد ومغطى بكرسي المساعد وهو دائما يتكسر ع العموم خل المهندس يفك

المساعد ويشوف الرمان وانشاء الله يكون منه لانه رخيص سعره ب60ريال

انشاء الله اكون افدتك