معي لاندكروزر وخايف ابلش به

[راعي الحميّة]

مساكم الله بالخير جميعا
معي لاند موديل 2001 vxr ماشي 149.300 << بيعلمكم ان موترة ما يمشي :D والحقيقة أني أشوف الوالدة الله يحفظها ودها بمكة وقلت ان شاء الله اوديك الاسبوع هذا بس ذكرت كلامكم عن السير (سير التايمن ) أن اللمبة تولع على الــ 150 ولازم تغيرة بسرعة السؤال هل يولع على ال 150 بالظبط يعني أكنسل الروحة او امحطة لين ارجع للرياض <<< أخاف ارجع على سطحة :D


ولكم جزيل الشكر

[Magellan]

ههههههههه
حلوة ذي أنا غيرت سير التايمن للكامري اللي معي بعد 155 الف .....
يعني على حسبتك باقي 5700 كلم وتاصل لها ....
أقول توكل على الله ورح لمكة ولو تعطلت سطحة ولا يردك إلا الرشيد اللي بجنب السالم للزجاج بطريق الخرج عند الصناعية القديمة...

[al-nashmi]

مساكم الله بالخير جميعا
معي لاند موديل 2001 vxr ماشي 149.300 << بيعلمكم ان موترة ما يمشي :D والحقيقة أني أشوف الوالدة الله يحفظها ودها بمكة وقلت ان شاء الله اوديك الاسبوع هذا بس ذكرت كلامكم عن السير (سير التايمن ) أن اللمبة تولع ولازم تغيرة بسرعة السؤال هل يولع على ال 150 بالظبط يعني أكنسل الروحة او امحطة لين ارجع للرياض <<< أخاف ارجع على سطحة :D


ولكم جزيل الشكر


اخونا راع الحمية

مساء الخير

بالنسبة للسير التأيمن عمرة الافتراضي 150 الف كم

ممكن ان ينقطع قبل هذي المسافة وممكن ان يخدم اكثر منها

وانا ولعت اللمبة معي في الطايف وتمشيت علية هناك وجيت على الرياض وغيرته ماشي 153000كم
والمره الثانية ولعت على 300000كم ولا غيرته اللي على 300002كم


فأنت استخير وشف نتيجة الاستخارة

وتوكل على الله

وبالتوفيق

[راعي الحميّة]

8
8
8
ما قصرتو يمال العافية

[بواسامه]

التغيير فيك فيك وانا اخوك
اربح العافيه وسلامتك وراحة الوالده جعل اعيالك يبرون بك
واللي بتحطه للسطحه خله في تغيرالسير اليوم ولا تأجل
الله يردك بالسلامه ودعاك لاخوك الفقير لعفو ربه

[البعد البؤري]

التغيير فيك فيك وانا اخوك

اربح العافيه وسلامتك وراحة الوالده جعل اعيالك يبرون بك
واللي بتحطه للسطحه خله في تغيرالسير اليوم ولا تأجل

الله يردك بالسلامه ودعاك لاخوك الفقير لعفو ربه




عين العقل،،

[منتعش]

حي الله أخوي الغالي والمحب
وأشكرك على برك بوالدتك وأسأل الله أن يضاعف لك الأجر والمثوبة
ترى السلامة وأنا أخوك ما يعادلها شي
مثل ما قال أخوي الغالي : بوأسامة اربح العافية وسلامتك
وترى ما يأخذ وقت
وحصلت معي وقمت وشريته التايمر من الوكالة بما يقارب 800-900 تقريباً مع كامل أغراضه
وأخذت مني الورشة 200 تقريباً
والوقت كله 2-3 ساعات
فتوكل الله وغيره ورح وأنت مرتاح وخل همك العمرة
ولا تنسى تدعي لأخوك وجميع المسلمين
والله يحفظك ويرعاك في حلك وترحالك

[asd0505]

اسئل مجرب انا عندي ولعت اللمبة عند 330 الف وسافرت عدة سفرات واللمبه مولعه حتى وصل 343 الف وغيرته يعني مشيت عليه تقريبا 13 الف ما شفنا شر الحمدلله اللمبه هي تحذير فقط وليست عند الكيلوا الفلاني غيره وان بغيت تغيره تقريبا 450 ريال 0

[راعي هوى]

ياخوي درهم وقايه خير من قنطار علاج
وانت وراك درب الله يسهل عليك غير وتوكل
ولاتنسانا بالدعاء

[كاشخ 24 ساعه]

اخونا راع الحمية

مساء الخير

بالنسبة للسير التأيمن عمرة الافتراضي 150 الف كم

ممكن ان ينقطع قبل هذي المسافة وممكن ان يخدم اكثر منها

وانا ولعت اللمبة معي في الطايف وتمشيت علية هناك وجيت على الرياض وغيرته ماشي 153000كم
والمره الثانية ولعت على 300000كم ولا غيرته اللي على 300002كم


فأنت استخير وشف نتيجة الاستخارة

وتوكل على الله

وبالتوفيق


ما شاء الله

حللت الجيب صح

[راعي الحميّة]

الغالي بو أسامة الله يجزاك خير ويخلي لك ماعطاك وشورك وهداية الله
الغالي البعد البؤري ماقصرت ولاهنت
الغالي منتعش ما قصرت ودي لاهنت توصف لي الورشة ان كان شغلهم أعجبك ولاهنت يالغالي
الغالي أسد جزاك الله كل خير
الغالي راعي هوى ماقصرت
الغالي كاشخ ماقصرت << اي هو ولا انا :d

[al-nashmi]

ما شاء الله

حللت الجيب صح


اهلين يالكاشخ..

ويوم ابيعه ماشي 330000كم

ويوم شافوه الشريطية طاروا فيه لانه كان نضيف مره من جوا وبرا
مع اني مني مخليت مكان ما رحت له عليه
ولا فيه نوع من الصيد الى طرته عليه الا الغزلان اسمع بها ولا شفتها :j

وسلامتكم

[.أبوعبدالرحمن]

اشوف الاغلبية يقولون غيره وانا معهم وانا اخوك


غيره وفك نفسك من وجع الراس


والله يخلي امك لك ويطول عمرها على الخير والطاعة ويحفظها من كل مكروه

[alkongrs]

وانا مع الخيل يا شقراااااااااااااااااا:D

غير وتوكل على الله ولا تئجل عمل اليوم الى الغد (طلع واجب):p

رح الله يسهل امرك ودعلنا ونخوك ترانا محتاجين لــــدعاء:)

[المناعي2]

مرحبا اعتقد الاندكروزر التايمن صنغل مش سير

[aziz2727]

او عندك حل ثاني
استاجر سيارة اذا خايف لا تروح على سيارتك وتوكل على الله ورح وفرفر الين تم وتعال بالسلامه ان شاء الله ورجعها لهم اذا ما ودك تغير السير الحين
بس خذ في بالك انا سأل الوكاله عن تغيير السير حق المكينه لجيب Vxr بحدود 2000 الى 2500 اما جيوب Gxr ترى ما يتغير بس يطفون اللمبه .
والله يدبرنا وياك وكل مسلم على صلاح العمل .

[VXR.2007]

سير التايمن كم عليه في الوكاله وكم حق التصليح الورشه في الرشيد
ارجو الرد السريع انا عندي مولعه اللمبه

[منتعش]

حي الله أخوي الغالي : راعي الحميةوعذراً على التأخير في الرد
صلحت عند ورشة بالسويدي قريبة لم البيت
ووصفها شارع السويدي العام وأنت متجه للشرق ونزلت مع النفق إذا طلعت من النفق تجيك ورشة على يدك اليسار أسمها ( ورشة المقيبل ) ورح لواحد أسمه ( محي أو عبدالحميد ) وتراهم هنود