السياره تخلط زيت وماء الفزعه

[بليزر اسود]

اخواني اعضا مكشات
السلام عليكم ورحمة الله وبركاته

عندي تليربليزر 2005 كانت الحراره ترتفع عندي وديته للوكاله قالوا تخلط الزيت بالماء ما ادري وش السواه اغير المكينه او اوضب او هناك حل ثاني لاتبخلوا علي اخواني بالمشوره
:confused: وبارك الله فيكم

[بواسامه]

هلا باخوي الغالي
اذا الخلط عندك في الاديتر فالامر سهل واظنه من المبرد للقير وبيظبط باذن الله
واذا الخلط داخل المكينه معناه ان السلندر فيه شرخ وهو سبب الخلط فما عنك وعن التوظيب الله يعينك
وللفايده فيه معجون يباع في السوق للشرخ البسيط اللي في السلندر ممكن يسويه لك اي ميكانيكي
يشغل السيار حتى ترتفع الحراره عاليه جدا ثم يصب هذه الماده وان شاء تسد الشرخ وتعالجه لك ويمكن تكرارها اكثر من مره
ومن ثم تغسل الاديتر وتغير المويه وتجرب تحسن الوضع ولا لاء
الله يوفقك ويدلك للخير

[بدوي جنوبي]

كلام ابو اسامه ما عليه غبار
ما شاء الله عليه .
انتبه من تلاعب الوكالات والورش
فيه فرق بين خلط الزيت في الاديتر وداخل المكينه

فكرة انك تغير المكينه هذي كثر منها لانها غاليه حيل
ممكن يكون الخراب بسيط قد يكون من راس السلندر
بين البلوف
لاحظ الصورة

http://www.mekshat.com/pix/upload02/images64/mk32037_aftervvc.jfif

هذي البلوف قد يكون الشعر (الكسر) بينها
ويسبب نزول الزيت الي داخل البساتم
http://www.mekshat.com/pix/upload02/images64/mk32037_486.jpg

ومنها الي الكارتير ويبان معاك في عيار الزيت
نجي لحل المشكله اذا كان الراس فيه شُعر لابد يخرط
وما يكلفك كثير
اما اذا كان من نفس السلندر
لابد يخرط والافضل توضيب


الله يعينك

[بليزر اسود]

الله لايحرمكم الأجر ولا يحرمني من اخواني الأعزاء بو اسامه. بدوي جنوبي إن شاء الله ....
بآخذ بمشورتكم بارك الله فيكم وارد لكم وش صار معي

وتحياتي لكم

[المناعي2]

أذا السيارة ما طفت الامور طيبة أنشالله

[Magellan]

أنا معي 2006 لكن أبسألك من نافلة القول هو مواصفات سعودية أم أمريكية......
ثانيا: أعتقد لو كان يخلط الزيت بالماء فسوف تلاحظ قربةالماء في السيارة تطلع الماء منها كنوع من التصريف تأكد من ذلك قبل أن تتعبث بالسيارة .....
وإنتبه من بعض الميكانيكيين فلامواصفات ولا فنيات تؤهلهم لإصلاح السيارة وحاول ما يشيّك عليها إلا فلبيني

[winchester]

تأكد من راس المكينه أحتمال طرمبة الماء لاحقـها (صـدأ) ويدخل الماء على المكينه
ومثل ماقال أخوي المناعي2 أذا ماطفت السياره الامور طيبه بأذن الله

دمـت بود

[راعي البرقا]

ما قصروا الإخوان الله يجزاهم خير والله يوفقك أخوي

[سندباد الشمال]

السلام اذا خلط الماء بالزيت في الاديتر ويكون لون الزيت احمر هذا الخراب في المبرد داخل الاديترواذا الخلط داخل المكينة فهناك يكون الراس او وجة الراس اذا ارتفعت درجة الحراره فك الروس وتوديهن الى المخرطة للكشف بالكمبيوتر والله يحفظكم

[لن أمل من العطاء]

اخي
عندي تنبيه بسيط
والاخوان سبقوني واوضحوا كثير

التنبيه
هناك بعض السيارات الامريكي لها مبرد لزيت الجيربوكس فقط ويكون المبرد داخل الاديتر
وهناك انواع من السيارات الامريكي لها مبرد لزيت الجيربوكس ومبرد اخر لزيت المحرك .. مبرد الجيربوكس على اليمين ومبرد المحرك على اليسار

اذا كانت سيارتك تحتوي على نوعين من المبردات الاول للجيربوكس والاخر للمحرك
فانظر لنوع الزيت ان كان زيت جيربوكس فالمحرك سليم المشكله 100% ان فيه تهريب في المبرد وحله بيط جد ا جدا
اما اذا كان نوع الزيت الموجود زيت محرك فهناك احتملان
الاول ان مبرد المحرك يهرب وهذا حله بسيط جدا جدا
الثاني اذا مبرد المحرك ليس به اي مشكال فالمحرك فيه كسر او شعر (شرخ) والحل على حسب موقع المشكله

لن أمل من العطاء

[ممتر البران]

اعتقد ان الرجال ما قصرو ولا عندي شي اضيفه
لكن ان كانك لا بد تغير مكينه شيك على التشاليح شي مستخدم ونضيف اطيب من التوضيب
حتى لو الراس منشعر وشعر عميق اتوقع تغير الراس بمستخدم احسن من انك تشريه جديد خذه مستخدم بضمان 15 يوم ورح به لمخرطه جيده وخلهم يكشفون عليه ويازنون بلوفه واغراضه وركبه والله يوفقك
وتحيتي لكم
ابو سعد

[خشم العرمة]

شوف أخوي أفتح قربة الموية اذا لقيت الموية في القربة مثل الكابتشينو بالضبط ارجع شيك عيار زيت المكينة اذا كان الزيت اسود او ذهبي مافية مشكلة ان شاء الله هاذا مبرد زيت القير في الاديتر يغرونة لك ويضبط ان شاء الله
اما اذا كان الزيت اذا سحبت العيار حق المكينة ابيض او مثل لو الطحينة المشكلة تكون من راس المكينة او انشاء الله انها ماتكون من الراس ولو حصل وكان راس المكينة منشعر فنصيحتي لك وانت ابخص لا تخرط الراس لأنهم اذا خرطوة بيحطون لك معجون وعاجلأ اما آجلاً بيجاوب عليك حاول تلاقي راس لو مستعمل والله يعينك