مشكلة واستفسار بخصوص الdiff Lock الباترول((عضو جديد))

[NSS]

السلام عليكم ورحمة الله وبركاته,,اشكر القائمين على الموقع والاعضاء على جهودكم الطيبة في نشر هذي المواضيع النافعة فلكم جزيل الشكر..
عندي مشكلة لاهنتوا في الدف لوك للباترول(موديل 2003) ان يوم اجي اشغله تشب كلمة(diff Lock) وتطفي وتشب وتطفي,, المفروض انها تشب على طول اذا شبك,,,

والاستفسار الثاني:- هل الدف لوك مقتصر على الدفرنس الخلفي فقط؟؟

واسف على الاطالة.

[أشيقراوي]

بالنسبة للاستفسار الاول ,,, اعتقد انه لازم تكون شابك الدبل الثقيل ,, ويشتغل ...

اما السؤال الثاني ,, ان شاء الله ان المعلومه صحيحه ( الدف لوك مقتصر على الدفرنس الخلفي لان الكفرات اللي قدام دايم تدور )

[أسد تميم]

السلام عليكم
استفسارك الأول والله اعلم حسب تجربتي يولع ويطفي اذا ما كان له حاجه بس اذا ثولث ولع يعني شبك لاني يوم شريت سيارتي سوبر سفاري حسبت الدفلوك خربان بس عند سؤالي واخباري عن طريقته انه اذا ثولث وشغلت الدبل الثقيل يقوم بفصل نظام الفرامل اي بي اس توماتيك ثم يشتغل
اما استفسارك الثاني فنعم للخلفي فقط عكس الاند كروزر للامامي والخلفي ولعلي افدتك

[NSS]

لكم جزيل الشكر(اشقيراوي & اسد تميم) على الافادة,,,,

بس قبل فترة حبيت اشيك عليه قمت شغلتة مع الثقيل وشبك وانا واقف في عند البيت؟! يعني مو مثولث

[باترول03]

اخي الكريم
القفل التفاضلي(diff lock) يوزع القدرة بين جانبي المحور(الدفرنس) و مهوب لازم يكون مثولث وانتبه تشغله على الاسفلت ممكن يضره ويستخدم لتجاوز الاماكن الزلقة اي في الضرورة ولا يمكن يعمل الا بتشغيله وليس آلي (في الباترول) ونظامه مختلف عن الموجود في ال fj وممكن تركيبه في الامام و المنتصف، السيارة المزودة ب 3 اقفال توزع 25% من قدرة السيارة على كل عجله.
مفتاح القفل يبين عليه عل هو اماميRR او امامي FFواللاندكروز لم يأتي فيه امامي بعد 97

بالنسبة للباترول القفل ممكن يتعطل لان محرك القفل ضعيف نوعا ما، ويمكن تبديله بمحرك اقوى.

[راعي البرقا]

ماقصروا الإخوان كفوا و وفوا جزاهم الله خير

[NSS]

جزاكم الله كل الخير,,, كفيتوا وفيتوا