الشنطة الخلفية.. مالحل معها؟؟ [الأرشيف]

مشاهدة النسخة كاملة : الشنطة الخلفية.. مالحل معها؟؟

النوخذة الأحسائي

16/03/2008, 11:39 PM

السلام عليكم؛؛
يالله حيهم :)

كيف حالكم ؟؟ !:eek:

ياحبايبي محتار مع الشنطة الخلفية للموتر (( فورتنشر 2008 vx2 )) لما أرفع المراتب الخلفية الثالثة .. بتكون الشنطة واسعة بالنسبة لي فأنا دايم أحط أحيانا حطب أو أغرض صيد للبحر وحافظة للسمك يعني راح تكون حووووووووسه × حوووووسة :mad:

وحرام والله تروح علي فرشة الموتر الأصلية ..

وش الحل ..

أرجو التفصيل في الحل .. فأنا رحت لمحل مكشات عندنا بالحسا .. وقالوا نفصل لك تلبيسة مثل اللاند أو الباثفندر أو هالمواتر اللي تجي لهم تلبيسة خاصة للشنطة من القماش التنزاني طبعا .. وسعر التفصيل 250 تقريبا ويقول لي بعد 6 شهور لأن العامل مساااافر:( ..

قلت أشوف لي أبوعبدالرحمن خ الله يحفظه هو مفصل لموتره .. قالي لا بد من إزالة المراتب الثالثة وأنا ما أقدر أستغني عنها .. فمااااااااااااااااالحل ؟؟؟

بس ابي شي مرتب

تحياتي بو فهد

سيد الجو

17/03/2008, 12:37 AM

لبسها بلاستيك متين عند محلات التنجيد عملي بس لايدخل الماء بين البلاستك والفرش لانه سيسبب رائحه

عاشق السيل

17/03/2008, 02:15 PM

وعليكم السلام ورحمة الله وبركاته ،،

قدامك واحد من هالحلول :
1 ـ تشيل المراتب وتركب تلبيسة تنزاني بمقاس كامل الشنة وتحط فوقها طبق وملبس اسفنج وتنزاني وممكن الأطفال يركبون بالخلف على الطبق بكل اتساع وراحة وأغراضك تحت الطبق ،، ولو جيت للرياض تبي تلقى اللي يرضيك وكله جاهز ..
2 ـ إذا بغيت تطلع للبحر ممكن تشيل الطبق بكل سهولة وتتوفر عندك شنطة واسعة جدا تحط فيها اللي تبي ..
3 ـ إذا قلت مافيه أمل أستغني عن المراتب ، أنصحك تشيل المراتب وتلبس الأرضية بلاستيك وبعدين تركب المراتب فوقه حفاظا على فرش السيارة وتحمل الضيق ..

هذي وجهة نظري الخاصة والله يوفقك وتقبل مروري يالغالي ....

منتعش

17/03/2008, 05:13 PM

حي الله أخوي المحب
يوجد عند محلات الخيام تلبيسه لحماية الأرضية من عددة أنواع ولونها مقارب للون التنزاني
ويوجد عند محلات الرحلات طابق وهذا جيد يساعدك على ترتيب عفشك
وتقدر تستفيد منه أشياء كثيرة منها كسرير خارجي وكجلسة وكطاولة وغيرها
والله ييسر أمرك .

q.8

20/03/2008, 11:33 PM

اخوي لبس الفرشه بلاستك سميك ولاراح يتوصخ بأذن الله

النوخذة الأحسائي

15/10/2009, 11:31 AM

شكر الله لكم ..

فعلا الآن أنا شلت المراتب الخلفية ولبست لي الجراب الخاصة بالشنطة ( التنزاني القوي مع الاسنتفج .. ) متوفر بكثرة في محل الخيام .. بالإضافة إلى شراء طبق برادو مناسب جدا للفورتشنر ..

فبارك الله فيكم عالإفادات .. والتجاوب .. والمعذرة لتأخر الرد

ابوسعودد

15/10/2009, 12:42 PM