المساعد الشخصي الرقمي

مشاهدة النسخة كاملة : إلى الأخ Black_VTC بخصوص Sub_Tank


سفاري نجد
17/03/2008, 02:02 PM
السلام عليكم ورحمة الله وبركاته ،،،

اخوي مدري هل حصلت حلّ لمشكلة لمبة التانكي الأضافي Sub_Tank أم لا ،،،

أنا سويت صيانة 120.000 الف كم عند الحمراني ،
وقابلت المهندس الكهربائي اللي ضبط لي لمبة التانكي الأضافي اللي عمل لي حركة ربط أصبعي البطاريه ،،،

قلت لي زميل عزيز عنده مشكله لمبة التانكي الاضافي معلقه دائما ونسيت طريقتك اللي سويتها بسيارتي ،،،
وما قصر جزالله خير علمني الطريقه وهي :





يقوم بفصل السالب ( الأرضي ) وعمل اتصال مع الموجب بموصل زي المفك
بدون ما يفصل سلك البطاريه الموجب من مكانه ،،،






أتمنى تجرب الطريقه اللي شرحها لي وإن شاء الله تضبط وعطنا خبر ،،،

تحياتي لك أخوي ،،،
عاشق السيل
17/03/2008, 02:20 PM
وعليكم السلام ورحمة الله وبركاته ،،

أخوي سفاري نجد تكفى تحمل لقافتي ودخلتي على الموضوع !!!!!

ودي أسألك هل الطريقة هذي تنفع لنفس الزر حق التحويل لأنه يتعطل عندي وإذا فصلت اصبع البطارية يضبط معي بس لفترة قصيرة وبعدين يرجع يتعطل مرة ثانية ؟؟

وتقبل تواجدي بغير محلي مع خالص الشكر والتقدير .....
سفاري نجد
17/03/2008, 02:27 PM
هلا أخوي عاشق السيل ،،،

أبشر ولا يهمك اذا جيت أستلم السياره من الصيانه بكلم المهندس وأعطيك خبر ،،،
عاشق السيل
18/03/2008, 02:03 PM
بيض الله وجهك يالذيب وهذا العشم ،،

وتراي بانتظارك يالغالي .....
Black VTC
18/03/2008, 10:29 PM
اخوي سفاري نجد السلام عليكم ورحمة الله وبركاته ومساء سعيد جداً عليك وعلى من يعز عليك وعلى كل من يقرأ هذه الكلمات القليلة في حق اخ عزيز حمل هم اخيه..شكري وتقديري في جنبات هذا الرد لا يوفيك حقك وابشر بدعواتي لك في صلواتي ان شاء الكريم .. الله لا يوريك مكروه لا في عزيز عليك ولا في حلالك ...


و ما بعد حصلت حل لهذه المشكلة



صراحة من يوم قريت عنوان الموضوع وقبل لا أطلع على الموضوع قلت في نفسي جاب الحل الذيب والله انك كفوا و ينغزى بك واسمح لي اكتب لك ما فهمت من شرحك و ابوصف لك فهمي خطوة ×خطوة و ابيك تحملني وتراي متوحش من هالطريقة :D بارك الرحمن فيك ...


*اول شي افصل كايبل السالب ( الارضي اللي هو رايح للماكينة )أسود اللون :D


*ثاني شي اوصل كيبل السالب اسود اللون بمفك ( موصل للكهرباء ) للكيبل الثاني الاحمر الموجب وهو مشبوك باصبع البطارية دون فصل .. طبعاً راح يعبي كهرباء ويسوي دائرة كهربائية ... وهذا اللي كان مخوفني قبل... و بعد شرحك و تأكيدك لي ولانك ثقة ابطبق الطريقة هذي بس بعد ما تؤكد لي فهمي هذا وشرحي عشان ما اوسوس :p ساتوكل على الله و اعتمد على الطريقة بعد مشاهدة ردك التأكيدي ...


اكرر شكري وتقديري لك و ما يوفيك حقك الا ان ادعوا لك في صلواتي عسى الله ان لا يحزنك ابداً ويرزقك من حيث تحتسب ومن حيث لا تحتسب وعسى فالك الجنة ...
والله يطلع موترك بالسلامة و يحفظه لك من كل سوء ..
اخوك العزيز والعزيز جداً ابو سليمان ...


ـــــــــ


اخوي عاشق السيل ( مخاوي السيل :p ) مساء سعيد و ش رايك تطبق انت هالطريقة لانك جزووووووم :eek: وماةشاء الله عليك راعي اختراعات الله يحفظك و يخليك :p
عاشق السيل
18/03/2008, 11:21 PM
أخوي الغالي أبو فتك قصدي أبوسليمان !!!!

ياحبك للون الأزرق ( ذابحك الهلال ) ههههههههههههه

بعد التحية لخوي الغالي ،، أبشر أنا مستعد أجرب الطريقة لسببين :
1 ـ لأن أخوي سفاري نجد ثقة وأنا أصدق أي شي يقوله ،،
2 ـ علشان خاطرك أسويها وتفداك السيارة وراعيها ،،

وأبشر بالنتايج قريبا وبالتحديد بعد ماأجي من رحلتي البرية هذا الخميس ( تعرف أخاف تخرب السيارة وأقعد بالبيت ) !!!!!

وتقبل مني أحلى تحية ولا يهون أخوي سفاري نجد ......
Black VTC
19/03/2008, 12:56 AM
أخوي الغالي أبو فتك قصدي أبوسليمان !!!!

ياحبك للون الأزرق ( ذابحك الهلال ) ههههههههههههه

بعد التحية لخوي الغالي ،، أبشر أنا مستعد أجرب الطريقة لسببين :
1 ـ لأن أخوي سفاري نجد ثقة وأنا أصدق أي شي يقوله ،،
2 ـ علشان خاطرك أسويها وتفداك السيارة وراعيها ،،

وأبشر بالنتايج قريبا وبالتحديد بعد ماأجي من رحلتي البرية هذا الخميس ( تعرف أخاف تخرب السيارة وأقعد بالبيت ) !!!!!

وتقبل مني أحلى تحية ولا يهون أخوي سفاري نجد ......


كمان ازرق درجة ثانية عشان الاولومبي اللي تأهل لمربع كأس الاتحاد .. ولعيون الزعيم ولعيون المكشاتيين :D تروح وتجي بالسلامة وفي انتظار تقرير رحلتك يوم الخميس و دربك خضر واذا رجعت تبي تلقان طبقت كلام اخوي سفاري نجد ان شاء الكريم وانا اثق في كلامه وفي نقله فهو ثقة وجزاه الله خير ولا ننسى المهندس حق الحمراني بالدعاء له بالتوفيق لنقله للمعلومة وعدم ترك الفرصة للوكيل لكي يسلب ما تبقى لنا من الراتب :eek: ... ساطبق كلام سفاري نجد فور تأكيده على صحة فهمي للطريقة لانه هو الاستاذ وانا طالب عنده ويجب ان يؤكد لي تطبيقي النظري قبل ان نطبق عملي فهو طبيب مقيم وانا مستجد :) ويجب ان اطبق نظري ومن ثم امسك المشرط و نطبق عملي :cool: ...

واشكر لك مشاعرك الطيبة لي والله اسأل ان يحفظ لك موترك وحلالك وعيالك ومن يعز عليك و يكفيك شر الاشرار و ان شاء الله يكون السفاري ارخص ما تملك و يزرقك من واسع فضله انه جواد كريم ....
سفاري نجد
19/03/2008, 07:29 AM
تحياتي للأخوين عاشق السيل و Black VTC وأشكركم اخواني و الحمد لله على الثقه الغاليه وأنما دل على أخوة الإسلام وحرصنا على نفع بعضنا بعض ،،،
وحرصت أسأل المهندس اللي عمل لي الطريقه عشان اتذكر الحركه اللي سواها لي يوم علقت علي لمبة التانكي الأضافي في موضوع سابق للأخ Black VTC وشكيت بالطريقه
ه وتأكد لي من سؤال المهندس وإن شاء الله تضبط الطريقه ،،
وأكدت عليه إذا ما تنفع الطريقه قال يحتاج تشييك كهرباء التانكي وإن شاء الله تضبط الطريقه ،،،

نعم بالضبط اخوي Black VTC الطريقه هي تفصل الأرضي ( السالب ) وتحاول توصله ( بالموجب ) بموصل زي المفك بدون فصل سلك ( الموجب ) من البطاريه وأكدت عليه بالشي هذا وهذي الطريقه اللي طبقها وسألتها المهندس عنها ،،،

أما اخوي عاشق السيل سألتها عنها يقول طبق نفس الطريقه واذا ما ضبطت سالتها عنها يقول فيه مشكله التانكي الثاني يحتاج تشييك ،،، قلت يمكن زر التحويل فيه مشكله يقول يحتاج فحص بعد ،،،
محاولاتك عاشق السيل هل حاولت تغيير زر التحويل احتمال المشكه منه !!!؟؟

وإذا تبغى شوري تشيك عند الوكاله أضمن يخوي خصوصا شغله مهمه زي كهرباء

تحياتي لك

وأنا بإنتظار تجربه الأخ Black vtc وإن شاء الله يكتب لها النجاح ،،،
عاشق السيل
19/03/2008, 02:15 PM
أخوي بلاك فتك ،،

أشكرك من أعماق قلبي على هذه الدعوات الجميلة وأبشرك إنه فيه ملك يقولك ( آمين ولك مثل ) !!



أخوي سفاري نجد ،،

من ناحية الزر أول مارحت لكهربائي وهالكلام من ثلاث سنين تقريبا قالي غير الزر لأنه خربان وطبعا رحت للوكالة أبي هالزر على بالي إنه محطوط عند المحاسب يحتروني أجي أشتريه !!!!
لكن المصيبة إنه قعد أكثر من شهر علشان يجي من جدة <<< تعرف الوكيل الطيب وحبه لخدمة الزبون !!!!!
ماأطول عليك ،، ركبت الزر ( جديد ) وضبطت السالفة يمكن ست شهور وبعدين رجعت المشكلة ،، وديتها لكهربائي ثاني وقالي صلحتها وماأدري وش صلح بالضبط لكنها زانت بس ماطولت خربت ثاني مرة ،، ومرة من المرات فكيت اصبع البطارية ( ماأذكر ليش ) وانتبهت إن الزر رجع يشتغل وعرفت طريقة تصليحه <<<< بدري !!!
علشان كذا أقولك إن الزر تمام وجديد ومافيه أي مشكلة ،،،،

آسف على الإطالة وتقبلوا فائق تحياتي .....
سفاري نجد
22/03/2008, 07:47 AM
أخوي عاشق بالنسبه لتوفر قطع الغيار عز الله أنها مأساه ،،،

طلبت مساعدات غطاء المكينه " كبوت " وبحثت عنها عجزت يوم حصلتها بدوير الخرج

صارت محجوزه للشرطه ،،،

طال عمرك قطع الغيار توفرها ماهي لي ولك ،،، للمناقصات الكبيره ،،، زي المرور والشرطه والمجاهدين ،،،

وفحمات اماميه اصليه طلبتها من الوكيل ما حصلتها الا بعد اسبوعين ،،،

نفس شد البلد لان السوق فيه نوعين فحمات من نيسان ،،