رائحة البنزين في السيارة

[@الرحال@]

السلام عليكم ورحمة الله وبركاته
ياشباب رائحة البنزين في سيارتي من الداخل وماني عارف السبب
مع العلم ان سيارتي بترول موديل 91 كماهوواضح بالتوقيع
ارجوا من مر بالتجربة السابقة ان يفيدني ولكم مني جزيل الشكر

[shaheenshah]

معي نفس موترك اللي بالتوقيع بس موديل 95 واروح ريحة بنزين خاصة في المنطقة الخلفية بس اني مطنش

[بدوي جنوبي]

معي نفس موترك اللي بالتوقيع بس موديل 95 واروح ريحة بنزين خاصة في المنطقة الخلفية بس اني مطنش

تقصدون ريحة بنزين ولا كربون
اخوي شاهنشاه لا تنطش ترا خطير جداااا علي الرئتين والدم :(

[alkongrs]

يمكن فيه تهريب من غطاء التانكي شيك

[(((القناص)))]

اخوي هذي صارت مع الوالد شف اللي الي من التانكي ورا يمكن يهرب
ولا قدام جنب الكلبليتر فية علبة للبنزين يمكن الي منشق

[بواردي الدلم]

فيه علبه في الكبوت على اليمين ووجهك في وجه الموتر يقال انها حقت راجع الهواء من التانكي احيانه يرجع معها بنزين واذا صارت ماهيب مضبوطه او فيها تنسيم تطلع لك ريحه بنزين تشق الراس

انا كنسلتها في سيارتين ولاعاد شميت ريحه بنزين

باجيرو 88

جمس قطع عشره 86

ولاهوب شرط ان الريحه منها يمكن يكون شي ثاني

[((الوافي))]

اخوي احب اضيف على كلام اخواني اذا عندك ريحة بنزين من الداخل
وتزيد الريحه اذا فللت التانكي وهذا غالبا يكون من هواية التانكي او هواية البنزين تأتي بلاستك
صارت معي مرتين وطلعت خربانه او متكسره.....في الباترول ما ادري وين موقعها من السياره
وفي التويوتا تاتي في الخلف دائما قريبه من تانكي البنزين

[حمد808]

شف الفرشة اللي ورافية غطا حق طرمبة البنزين تحت الفرشة شيك علية ممكن الوجة يهرب

[@الرحال@]

مشكوووووووووووووورين جميعا
المشكلة رائحة البنزين غير مستمرة يعني فجأة تظهر وتختفيي

[سطام vip]

ماقصروا الاخوان صراحه

ما اقدر اقول الا الله يكون بعونك وان شاء الله تكتشف المشكله وتحلها

بالتوووفيق لك اخوي

دمت بخير

[@الرحال@]

تقصدون ريحة بنزين ولا كربون
اخوي شاهنشاه لا تنطش ترا خطير جداااا علي الرئتين والدم :(
هلا اخوي بدوب رائحة بنزين مش كربون

[د/فهد]

أنا مثلك عندي نفس المشكلة؟
بس فيه أحد يعرف ورشة ممكن تحل المشكلة؟