FJ vs YUKON

[أشيقراوي]

بسم الله الرحمن , الرحيم ,,


اخواني اعضاء وزوار منتديات مكشات الغالين ,,


في هذا الموضوع ,, احضرت مقطع فيديو من تصويري واخراجي :D


المقطع عبارة عن قومه بين اف جي ,, ويوكون ,,


طبعا اف جي 2008 بدون اي تعديل ,, 6 سلندر ,, مكينه 4000 ,
واليوكون 2007 بدون اي تعديل ,, 8 سلندر ’’ مكينه 5300 :eek: :)


طبعا ولله الحمد الاف جي قام على اليوكن بفارق بسيط ,,, ولكن يا شباب ,, تكفوووون




تكفووووووووووون ,, ماودنا ينقلب الموضوع الى جد , وعصبيه ,, انا صورت واخرجت واحضرت عشان الجميع يستمتع سواء كانوا من ملاك الاف جي او اليوكون ,,


والمقطع منزله على اليوتيوب وهذا الرابط
اذكروا الله ترا العين حق ,, ماشاء الله تبارك الله


http://www.×××××××.com/watch?v=xLAX9h7pDwE


بدلوا بدل xxxxxx بكلمة .. y o u t u b e بدون مسافات بين الاحرف



والف شكر للجميع ,,


اخوكم اشيقراوي

[نص كم]

ماشاء الله على الاف جي

اعتقد حجمه الصغير له دور كبير في القومه على اليوكن

واشكرك اخوي أشيقراوي على الموضوع الشيق والجميل

[أشيقراوي]

حياك الله اخوي نص كم ,, كلو من ذوقك :) ههه ,,

الاف جي خفته تساعده ومكينته ممتازه على حجمه

[لن أمل من العطاء]

تبقى جنرال موتورز عملاق صناعة السيارات في العالم

[أشيقراوي]

اخوي لن امل من العطاء ..الموضوع ليس للعصبيه جزاك الله خير

احنا نبي نوري الناس الفيديو ولا نبي زعل وعصبيه ,, الله يهديك ,, ويوفقك

[راس الرعيلة]

والله أن الموتر هذا خااااااش مزاجي عرض...

لكن حبيت أسألك:

أثناء المقاومه هل كنت فاصل مانع الإنرلاق ولا كيف؟؟؟

والله يعطي راعيه خيره ويكفيه شره

[أشيقراوي]

لا مب فاصل مانع الانزلاق ,, اصلا يالغالي لو فصله مب من مصلحته

لانه بيفحط محله ,,, ولا يستفيد ,,

والله يحقلك يخش الموتر عرض او طول هههههه

ماشاء الله

[لن أمل من العطاء]

يا خي لا عصبية ولا شيء

بالعكس والله معجب جدا بصناعة تويوتا ولكن البلا في ابو جميل الله يصلحه

وشكرا على الموضوع

[أشيقراوي]

حياك الله اخوي لن امل من العطاء

وعذرا اني فهمتك غلط .. جزاك الله خير
واشكرك على تفاعلك بالموضوع

[ولد وايل]

احس ان موتري طاح عزمه شوي بغير فلتر الهوى لسه ما كمل 20.000كم

[Magellan]

ههههههههه
حلوة المقارنة والسبب فيه إختلافات ، أنا جربت اليوكن وأحسه ثقيل بالحيل ، الأمريكان يحبون يملون سياراتهم اكسسوارات حديد

[Magellan]

على فكرة يبدولي إنها في حي الدوحة بالظهران وإن كاني مانيب واهم فأنا أغرف الشارع زين

[الدحبول]

كانت متوقع من قبل مادخل fj بيقوم ولا براحة بعد لسباب
1) السيارة وزنه خفيف
2) مكينة تغطي وزود بعد
لاكن لفئة تختلف
ودي تجيب لي مقطع ل إكستر و fj
ومشكور على المقطع

[أشيقراوي]

اخوي ولد وايل .. غريبه موترك طاح عزمه انا معي ماشي 20000 وتمام الى الحين ,

..
اخوي ماجلان الشارع مثل ما قلت بالدوحه ,, وبعدين ياخوي المقارنة كانت قويه واللي يدل شف الفرق بسيط بالقومه يعني الاف جي راح عليه بس بفرق بسيط واليوكن مكينته مجنونه ولكن ثقله ,, واحنا نقارن بالقومه ..

..
بالنسبه لاخوي الدعبول, ,, والله هذا اول مقطع قومه اصوره وامنتجه ,, لكن اكستيرا ما اعرف احد يملكها
ولكن توقعاتي بل متأكد ان الاكستير ييفوق الاف جي بالقومه ,, الاكستيرا 291 حصان والاف جي 240 حصان والفرق واضح في الخفه ,,
مشكورين على الردود

[رجل كريم]

مشكور على المقطع الجميل ..

بس مايصلح لنا احنا الشياب .. شكلك صغير سن :) وتحب الحركات هذي ..:no2:


تحياتي .,

[طحنون]

من وجهه نظري سواق اليوكن يبيله يتعلم فنون المطاراحات صدقوني سواق اليوكن لو اعطيه
استون مارتن 12 سلندر ونا اسوق لادا لا اطلع عليه بالريوس
ياجماعه الخير السواق قلب المقارنه وخلاها غير منطقيه
وين راحت قوه المحرك الجبار وين راحت قوه القير حتى لو ان الموتر ثقيل يبقى اليوكن الاقوى مهما كانت الظروف
لا تزعلون مني لاكن المعقول معقول
ها ولا تقولون متعصب
الحق حق

[أشيقراوي]

اخوي داكار ,,, احنا الشباب هذي هواياتنا ,, وانت مريت بمرحلة الشباب ومشكور على المرور ,

اخوي طحنون ,, بالنسبة لليوكون في اكثر من مقطع في اليوتيوب لليوكون القديم والاف جي يجيبه ,,

ولكن الاف جي اخف ,,, والمحرك حق اليوكون 8 سلندر وقوي ولكن المكينه ثقيله والموتر كله ثقيل
والمبدا نسبة وتناسب يعني الاف جي مكينته خفيفه وصغيره ومناسبة لحجمه الصغير ولكن اليووكن مكينته كبيره وثقيله هذا السبب,, واتمنى ما تتكلم واجد على السواق ,, لاني اعرفه ..

وبعدين ان كانك متحمس الله لايهينك جب اوستون مارتن وعطها الرجال وتعال قاوم معه ,,

اعتذر على الاسلوب ,, ولكن عامل الناس كما تحب ان تعامل ,

جزاك الله خير

[طحنون]

اخوي شقيراوي تراني ماتكلمت واجد واذا تبيني اتكلم واجد تراني اعرف اتكلم
واجدا واذا بغيت اتكلب باادب تكلمت واذا بغيت اتكلم من غير ادب تكلمت وانا محترم نفسي كثير ولا تخلي اشياء تافهه تخليني اقل ادبي معك

[سيف نجد FJ]

طبيعي من الfj عموما انا توقعت اكثر من كذا منه

مشكور حبيبي على التصوير و المجهود الجميل من الكل

[MyName]

يلوموني بالـ Fj مشكور أخوي ...

تحياتي لك

[.أبوعبدالرحمن]

اخواني هدو اعصابكم والله العظيم اني متوقع ان فيه زعل


اذكروا الله ترا كلها حديد والله مادرى عنكم

[أشيقراوي]

اخوي طحنون ,, ماودنا توصل الامور الى قلة الادب لأن ان شاء الله بهالمنتدى مافي احد قليل الادب ,, :)

لكن انت الله يهديك قللت من شأن السواق ,, وانا كل اللي ذكرته في ردي ,, ان السواق اعرفه ومالي داعي تقلل من شأنه ,, على العموم ما ودي الموضوع يكبر والسالفه حديد مثل ماقال اخوي ابوعبدالرحمن الصفيان الله يجزاه خير ,,

بالنسبه لمكينة اليوكن معروف انها جباره لكن ثقيله ,, وانت خذ يوكن وجرب ,, وعلى فكرة ان كانك ما جربت قومة الاف جي وانت تسوق او راكب جرب تراه جنون ,, لا يغرك الشكل ,, ترا والله الموتر قوي من جد مب عشانه موتري ,, لكن عن واقع تجربه وبشهادة كثير ,,

الاختلاف بالرأي لايفسد بود القضيه

مشكور على المشاركه والتفاعل ,, واعذرنا اذا صار في قلبك شي , ,
اخوك اشيقراوي ..

---


اخواني سيف نجد و My Name مشكورين على المرور

[.أبوعبدالرحمن]

بيض الله وجهك اخوي اشقيراوي على سماحتك


وطحنون من اطيب الرجال

[أشيقراوي]

وجهك ابيض اخوي بوعبدالرحمن ,, جزاك الله خير

[كاشخ 24 ساعه]

سواق اليوكن لك عليه حتى انه ضرب بريك على طول لما شاف السياره الصغيره موقفه على اليمين بعدين صاحب الfj كان مضايقه شوي وخاش عليه في خطه


على كل اليوكن يبي له سواق وماظنتي يطرحه الfj


شكرا اخوي على المقطع

[أشيقراوي]

اخوي كاشخ ,, اليوكن ثقيل . وقد جربنا اكثر من مره ,, وبعدين ما شاء الله عليك انا عدت المقطع اكثر من مره ولا شفت انه ضرب بريك ,, شوف المقطع مره ثانيه وتأكد ,, وجربنا في شارع وسيع بس ما صورت ,, ونفس النتيجه ,,

اشكرك على المشاركه ,,

[سيف نجد FJ]

انا عن نفسي جربت ايوكون الجديد قومه وخط هو بصراحه ممتاز وفرق عن الي قبله في المركب و الفرامل تحسنت كثير بس قومته هي الشي الوحيج الي لك عليه وفعلا محركه هذي المره جبار وتوفيري بشكل جيد

لكن الfj بعد خفيف وزن وقوي مكينه ومجهز عزم اكثر من خط وهذا لا يقلل من مستواه في الخط لانه هم بعد ممتاز لك شله ما تعودت عليه العين ويعتبر غريب عند كثير من الناس

انا عن نفسي توقعت الفارق اكبر من كذا لل Fj كقومه والموضوع ترى ما فيه اي زعل يكفيك يامحب اليوكون ان اليوكون فيه تجهيزات داخليه كثيره وله استخداماته وحاجاته و الfj له استخداماته وحاجاته

واذا على القومه ترى مجربين مع ارمادا 2007 وقام عليه وعدناها اكثر من مره بتبديل السواقين

ومشكور اخوي اشيقراوي

سؤال وش جديدك في التجهيزات ؟؟؟؟

[أشيقراوي]

كلامك اخوي سيف نجد عين الصواب ,, ولكن اعذرني ,, الارمادا مستحيل يقوم عليه اف جي عادي ,, جربت مع اكثر من ارمادا ,, في اول القومه مع بعض ولكن على طول يعدي الارمادا بفارق واضح ,,

جديدي في التجهيزات ,, تركيب جنوط باترول على الموتر ,, بس كنت اجربها واعجبتني ,, وطبعا تجهيزات سوافي المعتادة من كهرب وبطاريه وفاصل وتوصيل الكنود ,, وان شاء الله ناوي اركب صدام مثل اللي بالصوره اللي بتوقيعك ..