ياجماعة ... هل هناك عيوب في لاندكروزر 2008 ( المفخرة ) ؟ [الأرشيف]

أبو راشد999

19/03/2008, 11:37 PM

السلام عليكم ورحمة الله وبركاتة

أخواني أعضاء منتديات مكشات

مسيتوا / صبحتوا بالخير والعافية

أخواني أنا متابع منتداكم من فترة طويلة

لكن لم أسجل الا اليومين هذه للظروف التي كانت تحكمني ..

أعزائي

أنا هنا أستشيركم ويقولون هناك مثل ( من أستشارك دخل بذمتك .. )

ولمعرفتي أنكم أن شاء الله ماتخيبون من استشاركم

فأنا هنا بصدد شراء للشايب الله يطول بعمركم وعمره على الطاعة جيب 2008 لاندكروزر

أنا اعرف ان مبلغه غالي لكن مادخلت هنا الا ابي مشورتكم

ومشورة الأخوان اللي يعرفون للمواتر

وهل gxr الست سلندر أفضل من الثمان سلندر أم العكس ؟

وهل هناك فرق في استهلاك البنزين ؟

وهل هناك عيوب أو خلل في الموتر خاصة وانه شكل جديد ؟

وكيفه مع البر والبطناج ؟

وكيفه مع الخط ؟

وكيفه الطعس ؟

وهناك أسئله بالخاطر واجد

وهل الأستبنة المعلقة أفضل من اللي تحت أم العكس ؟

تكفون يالنشاما ...

لاهنتوا

وأعرف انني طولت عليكم بالأسئلة

لكن من استشار ماخاب ان شاء الله

وخاصة مثلكم ؟ أهل خبرة ودراية

لكم تحاياي

أبو راشد البقمي

لن أمل من العطاء

19/03/2008, 11:39 PM

حياك الله

انا لو انوي اخذ لاند كروزر
اهم شيء 8 سلندر
فتحه
دف لوك
ونش
2 اسبير
نافيقيشن

لن امل ن العطاء

رجل كريم

20/03/2008, 01:03 PM

السلام عليكم ورحمة الله وبركاتة

فأنا هنا بصدد شراء للشايبالله يطول بعمركم وعمره على الطاعة جيب 2008 لاندكروزر

وعليكم السلام ورحمة الله وبركاته:

الله يحفظ لك الوالد ويجعلك بار به ..

تحياتي .,

المجمعه

20/03/2008, 03:51 PM

.أبوعبدالرحمن

20/03/2008, 09:28 PM

اخوي المجمعة ما قصر

لكن في الجواب الاول اخالفه الرأي وهو انك تاخذ جي اكس ار 8 سلندر

لان الجي اكس عند البيع بختلف سعره وهو ان عبداللطيف نزل الجي اكس ار

أبو راشد999

21/03/2008, 01:07 AM

حياك الله

انا لو انوي اخذ لاند كروزر
اهم شيء 8 سلندر
فتحه
دف لوك
ونش
2 اسبير
نافيقيشن

لن امل ن العطاء

أخوي / لن امل من العطاء

جزاك الله خير

لكن عندي سؤال ياخوي .. ومعذرةً

لكن

الدف لوك وش هو ؟

ونافيقيشن وش هو كذلك ...؟

أخوك باللغة الأنجليزية صفر على الشمال :)

دمت ودام حضورك الرائع

أبو راشد999

21/03/2008, 01:09 AM

وعليكم السلام ورحمة الله وبركاته:

الله يحفظ لك الوالد ويجعلك بار به ..

تحياتي .,

أخوي داكار

بارك الله فيك ..

نسأل الله ان يرزقنا برهم

ويلٌ لمن ادرك أبويه او احدهما ولم يدخل بهما الجنة !

هم زينة دنياي

بارك الله لنا ولكم

ورزقنا الله رضاهم

محبك

أبو راشد999

21/03/2008, 01:16 AM

وهل gxr الست سلندر أفضل من الثمان سلندر أم العكس ؟

GX -V8 افضل

وهل هناك فرق في استهلاك البنزين ؟
السته سلندر اوفر فى استهلاك الوقود فى حالات محدوده

وهل هناك عيوب أو خلل في الموتر خاصة وانه شكل جديد ؟
الكامل وجه الله

وكيفه مع البر والبطناج ؟
ممتاز

وكيفه مع الخط ؟
ممتاز

وكيفه الطعس ؟
ما جربته

وهل الأستبنة المعلقة أفضل من اللي تحت أم العكس ؟
اللى تحت افضل .. لان المعلقه تعيق الوصول الى خلفية السياره ..ولا عاد هنالك حاجة الى استبنتين بعد ما طلع رقع التيوبلس .. وهى موضه وانتهت

أخوي المجمعة بارك الله فيك

واثابك ربي

لكن هل صرفية البنزبن تفرق عن بعض واجد

وكم يمشيني التانكي كيلو ؟

ارجو ان كان عندك معرفة ان تفيدني

وأصل لنتيجة الآن

بأنه

GXR

بدون استبنة معلقة

8 سلندر

لكن يبقى اللون المناسب والأبيع بالسوق ؟ والأرغب

وهل عبداللطيف جميل أفضل أم البازعي أم البريمي

وما فروقاتهم ؟

ام هل هناك موردين أفضل منهم وأبحث عنهم ؟

ولو كانوا بالخليج

بالربع انا عارف انني هلكتكم بالأستفسارات لكن ترى 165 ألف ماهيب هينة ويمكن تزود !!

وأنتم أعرف مني

محبكم

أبو راشد999

21/03/2008, 01:20 AM

اخوي المجمعة ما قصر

لكن في الجواب الاول اخالفه الرأي وهو انك تاخذ جي اكس ار 8 سلندر

لان الجي اكس عند البيع بختلف سعره وهو ان عبداللطيف نزل الجي اكس ار

هل تقصد الجي اكس ار الثمان أو الست سلندر ؟

ومشكور وانا أخوك

وهل الثمان سلندر من الجي اكس ار نزله عبداللطيف فقط !!

وقيان

21/03/2008, 02:54 AM

خذ له يوكن و ماجاك عندي ..اقوى.. ومطبه ألين..راسي في الخط.. و في الرمل يسوي سواة مايسويها الكروزر.. و اسأل مجرب

لن أمل من العطاء

21/03/2008, 09:02 AM

دف لزك زهي ميزه في الدبل يطاعك اذا كنت مغرز
نافيقشن هي شاشة في الطبلون بها معلومات السيارة ويحدد موقعك في هذه الدنيا
يعني للصحراء يستخدم

الدحبول

21/03/2008, 12:18 PM

z a n h o r

21/03/2008, 12:57 PM

بالنسبه للموصفات ..

فانا افضل وارد اليحيى لحاجتين خليجي ولانه ارخص من البريمي

وانا اقول لا تقرب السعودي ولو صار فيه فرق بالسعر

فارس العمور

21/03/2008, 01:37 PM

ابعد عن السعوووووووووووووووودي نصيحه وارد ابو جميل كله تفيق بتلفيق صيني

وبالتوفيق

أبو راشد999

21/03/2008, 02:28 PM

خذ له يوكن و ماجاك عندي ..اقوى.. ومطبه ألين..راسي في الخط.. و في الرمل يسوي سواة مايسويها الكروزر.. و اسأل مجرب
والله وانا اخوك

شورك طيب ..

ورأيك أن شاء الله ممتاز

لكن بحكم بيئتنا ومنطقتنا الجيب هو أفضل شيئ اللاند كروزر

وكذلك الجيب أبيع وأرغب بالسوق ويمسك قيمته

والا اليوكون ممتاز ومريح ولا أعرف فعله بالبر

لكن اكبر عذروب انه امريكي :)

محبك

أبو راشد999

21/03/2008, 02:29 PM

دف لزك زهي ميزه في الدبل يطاعك اذا كنت مغرز
نافيقشن هي شاشة في الطبلون بها معلومات السيارة ويحدد موقعك في هذه الدنيا
يعني للصحراء يستخدم
ممتاز الآن فهمت

بارك الله فيك

ومشكور على تفاعلك الرائع وشورك الطيب

أبو راشد999

21/03/2008, 02:33 PM

الله يطول عمر
انصحك ب
gxr جيكسار 8 سرندل اسبيرين ونش هذا يسمونه نص فل وسعر 167 ظاهر ( هذا حق بر )
الالون لا تبعد عن الابيض و لؤلؤي و ذهبي هذي أفضل الالوان عن 2008 ومرغوبة جدا ولا تتوسخ بسرعة
انا احب الذهبي

في ملف باوربنت في مواصفات مفخرة الارض بدور عليه و بحطه

راي طيب من وجه طيب

بصراحة

كل من استشرت اشار علي بالسبيرين وال جي اكس آر 8 سلندر ولؤلؤي

وفتحة ودفلوك وارد الخليج

صراحة هذا رأي أكثرهم

وأنت قريب منهم

لكن لازلت أستئنس باراء أحبائي واخواني

ولعلهم ينوروني أكثر

محبكم

أبو راشد999

21/03/2008, 02:35 PM

بالنسبه للموصفات ..

فانا افضل وارد اليحيى لحاجتين خليجي ولانه ارخص من البريمي

وانا اقول لا تقرب السعودي ولو صار فيه فرق بالسعر

اخوي أفهم من كلامك أن البريمي أغلى ؟!

طيب كم الفرق بين اليحيى والبريمي ؟

ومن الأغلى أبو جميل والا البريمي ؟

محبك

أبو راشد999

21/03/2008, 02:39 PM

ابعد عن السعوووووووووووووووودي نصيحه وارد ابو جميل كله تفيق بتلفيق صيني

وبالتوفيق

سبق طلعت للشايب وكالة 2004 عبداللطيف جميل

وكرهته عندما استخدمت 2004 البازعي

بصراحة فرق كبير

ابو جميل بالغربية منتف جنحان اهلها ..:)

البريمي والبازعي واليحى مانعرفهم

بس نسمع بهم سماع

لكن الحين الناس فتحت شوي

محبكم

أبرق الشقيقة

21/03/2008, 02:57 PM

السلام عليكم ورحمة الله

مساكم الله بالخير
انا ياطويل العمر مادري عن التويوتا لكن يالغالي داخلن فزعه
فيه مواضيع كثثيييييييييييييييييييره عن التويوتا الجديد وجلست احووم بصفحات خيمة السياراة أوصلت لحد صفحة 50 ولالقيت الموضوع الي ابي

فيه مواضيع كانت منزله من الأعضاء عن التويوتا اول مانزل كل العيووب والمزايا
لكن الي طلعت به هالرابطين وانشالله تستفيد منهن والبحث جاري انشالله لين احصل المواضيع وادرج روابطهن والله يوفقك والعذر والسموحه يالغالي والله يوطول بعمر الشايب وتلحق بره الهم امين سم هذي الروابط

http://www.mekshat.com/vb/showthread.php?t=112024

http://www.mekshat.com/vb/showthread.php?t=115382
أدري ان الروابط الي حطيت كلهن يمكن تقول سلبيات يعني واحد يحذر من غش ابو جمووووول والثاني مقطع مايشتغل بس ابيك تستفيد انشالله من الردود يذكرون النشاما اشياء كثيره انشالله تستفيد ولي عوده يالغالي ابغوووووص بالصفحات لين احصل الي يكفيك انشالله

z a n h o r

21/03/2008, 04:47 PM

اخوي أفهم من كلامك أن البريمي أغلى ؟!

طيب كم الفرق بين اليحيى والبريمي ؟

ومن الأغلى أبو جميل والا البريمي ؟

محبك

يالغالي البريمي واليحيى كلهن خليجيات بس اختلافات بسيطه بالديكورات

طبعا الحين الخليجي اغلا واظن ان ارخص الخليجي اليحيى والفرق يمكن يوصل حول 5 الاف طبعا خبري قديم الحين مدري كم

صصعفق

21/03/2008, 06:36 PM

مساء الخير
الحقيقه انا توي مطلع واحد GXR بريمي فيه هذي المميزات فتحه هزاز 8 سلندل خطوط جناح اصلي مع القرون الي في الغماره مع دعاسه تحت البيبان اصليه شبك مذهب بلوتوث حساسات مع التحكم بفصلها الى
بخاخات ماء للانواراللاماميه
التحكم في رفع الانوار وانزالها
قزاز ملون شد بلد مسجال اصلي ياباني
انوار زنون
ام من ناحيه البر مافيه كلام مع الراحه التامه في البطانيج
وفي الخط الله يستر عليه مااااااااا تحس انك تمشي مريح مره
ارجو اني اوصلت بعض المعلومااااااات واسف على الاطاله
تحياتي

الربذي

21/03/2008, 09:00 PM

السلام عليكم
اولا الله يخليك لوالدك وابشر بر ابنائك وياربي يسعدكم ثانيا ترا السعودي يسبونه لكن ارخص واجد من البريمي قد ياصل حتى 35 الف والسعودي نفس المكينه بس امور ثانويه ماحطها ولا بدل اليباني مركب صيني يبي اوفر وارخص ونجح بذلك كثيرا 0

القبقب

22/03/2008, 07:19 AM

أفضل لون هو الرصاصي لون له هيبة على الاند الجديد .
بالنسبة للابيض فعلا هو اللون المرغوب في السوق لكن في الوان أفضل منه مثل الاسود ودرجات الازرق والكحلي.. أبعد عن الذهبي .
مع تمنياتي بالتوفيق للوالد .

ابوحماد

22/03/2008, 08:39 AM

البريمي تحصله عند الصقر و الفلاح و السند و معرض عمان

ثم البازعي و بعده جميل تجميع جدة

وخذ للشايب جي أكس ار رقم اثنين 6 سلندر تماتيك لون حليبي لون حلو يميل للنفود و البر

وبعدين الشايب الله يطول بعمرة من الشيبان مايحبون الكماليات الزايدة مثل الفتحة و الهزاز و البلوتوث و الزينون كلها زيادة دراهم

والشايب يستاهل اكثر بس مايحبون الفخفخه الزايدة

راعي الحميّة

22/03/2008, 09:05 AM

الله يعطيكم خيرة ويكفيكم شرة ومبروك مقدما وبما انك عازم على الجيب فأنصحك تاخذ الــ 8 سلندر

Mohammad

22/03/2008, 09:08 AM

وهذا موضوع للاخ وقيان يمكن يفيدك

http://www.mekshat.com/vb/showthread.php?t=114292

أبو راشد999

25/03/2008, 07:29 AM

أعتذر عن الأنقطاع لكن سأعود قريباً ..

للأخوان جميعاً أقول معذرةً

GMC 78

25/03/2008, 07:46 AM

الله يعطي والدك الصحه والعافيه

ونصيحتي لك اهم شي اشترله من الخليج

وافتك من عبداللطيف ويرزقك الله

موادع الشرقيه

25/03/2008, 08:01 AM

الشباب ما قصروا الله يعطيهم العافيه

الهمر

25/03/2008, 11:20 AM

طنجرة الارض

الدحبول

25/03/2008, 08:31 PM

تبي تقتنع إكثر رح لصحاب التاجير وخذ كروزر 2008
ونسم كفراته 20 ودخل به البر وش الفعايله
ويجارها اعتقد 500 ليوم

المجمعه

25/03/2008, 08:47 PM

أخوي المجمعة بارك الله فيك

واثابك ربي

لكن هل صرفية البنزبن تفرق عن بعض واجد

وكم يمشيني التانكي كيلو ؟

ارجو ان كان عندك معرفة ان تفيدني

وأصل لنتيجة الآن

بأنه

GXR

بدون استبنة معلقة

8 سلندر

لكن يبقى اللون المناسب والأبيع بالسوق ؟ والأرغب

وهل عبداللطيف جميل أفضل أم البازعي أم البريمي

وما فروقاتهم ؟

ام هل هناك موردين أفضل منهم وأبحث عنهم ؟

ولو كانوا بالخليج

بالربع انا عارف انني هلكتكم بالأستفسارات لكن ترى 165 ألف ماهيب هينة ويمكن تزود !!

وأنتم أعرف مني

محبكم

- التانكى يمشى الموتر من 650 الى 750 كم حسب الحاله
- اللون الدارج فى السوق الابيض اللؤلؤى
- بالنسبه للوكيل انا افضل عبداللطيف جميل لوجود الورش الخاصه فيه بكل منطقه