مشكله حيرة علماء الترصيص والميزان والميكانيكا

[موادع الشرقيه]

السلام عليكم ورحمة الله وبركاته
كيفكم شباب ؟
طيبين ؟



المهم ......,

عندي مشكله في الهلي حيرة العالم
محد عرف لها

مستعدين تحلونها
انزلوا تحت















المشكله هي

رجه بالموتر .
بس مو اي رجه
رجه غريبه

رجه تجي وتروح (يعني مهب على طول )
رجه مهب ثابته (مره قويه ومره خفيف)
وتحس بالرجه في الطاره تشوفها تروح يمين ويسار

اوقاتها

اذا رقيت مطب
اذا ديورت
واحيان بدون سبب

يعني وانا امشي تكون السياره مابها شي تقول وكاله (ماشاء الله)
وفجأة وبدون سابق انذار تقوم ترج فتره من الزمن بعدين ترجع لوضعها الطبيعي
واحيان تبقى على مدار 24 ساعه

طبعاً ما خليت ورشه ولا ميزان ولا بنشر ولا فحص بالكمبيوتر الا رحت له

واخر واحد قالي سيارتك مسكونه:j




واطلب من الله ثم منكم المساعده
لأنها قفلت معي احس اني بشب فيها


علما ان الموتر 2004 غمارتين GLX

[shaheenshah]

اذا كانت الرجه قوية مره تحس ان كفرات قدام بتسبقك ورصصت الموتر ولا راحت فالمشكلة في الكفرات غيرها وان شاء الله تروح
صارت لي نفس المشكلة ورصصت الكفرات وما فيه فايده واخر شي طلعت من الكفرات

[موادع الشرقيه]

مشكور اخوي على الرد السريع
بس الكفرات جديده

ولوانها من الكفرات بتكون الرجه على طول معي

لاكنها مهب على طول يعني مره تجي ومره تروح

[aziz2727]

شفلك احد من خوياك وخذ كفرات القدام وركبها وبيبان معك انكان من الكفرات او الجنوط وان شاء الله تنحل

[جي اكس أر 3]

كان الله في عونك واحتسب الاجر ان شاء الله
اخوي انا بعطيك حلين لاثالث لهما
1- انا اعتقد من الكفرات لانك تمشي بطريق غير مستوي وتجي وتروح معك الرجه !!
2- يمكن يكون من الرمان بلي حق الكفر وفيه فظاوه وسبق ان صارت معي في جيب ربع
عليك بتشييك علي ماذكرت وانشاء الله بتدعي لي
تقبل تحياتي

[قرناس 771]

مساعد الدركسون أو الذراع

[gsb]

جلدة ذراع شاصي

[البعد البؤري]

أكيد تحس انها في احد الكفرات دون الآخر

هذي وانا أخوك بسبب تآكل الركبة او الرمان اللي بالكفر فاسرع حماك الله بتغييرها لئلا تنكسر فتؤدي لحادث لا قدر الله

[هويدي]

ماقصرو الربع بالحلول بس اذا ما نفعت اقرا على الموتر

[سيف نجد FJ]

حمستوني


ها بشر وش صار معك

انا كانت عندي نفس المشكله في موتر ذبحني و بعته و الحين نفس المشكله بس الفرق انها على طول واكتشفت السبب متأخر طلعت من السواق محاكيك ههههههههه

لا تشيل هم تراه حديد ومصيره يصلح ان شاء الله بس انت روق وهد اعصابك هونها وتهون

[عاشق أم القطا]

يمكن من الكفرات تصير محنبلات يعني مصعرر صات معي وغيرتها ورجعت وكاله

[سطام vip]

كان الله بعونك اخوي والله يسهل امرك

ابقول الي عندي وان شاء الله يفيدك

اخوي هالمشكله الي قلتها اما تكون من مساعد الدركسون

او من ذراع الشاص تأكد منها وبالتووفيق لك

[.أبوعبدالرحمن]

اخوي اعتقد انها من الكفرات


ولا تقول انها جديدة لانه تحصل كفرات جديدة وبها عيب مصنعي


وودي لو تشوف احد اخوياك معه نفس السيارة وتتبادل انت واياه بالكفرات الامامية وشف تغيرت والا لا؟؟؟


لانه قد يكون من الكفرات او من الجنوط نفسها



ايضا شيك على الركب و ودودة الدركسون قد يكون بها بها فضاوة ( قد حصل لي )

[الساهر2003]

كان الله في عونك واحتسب الاجر ان شاء الله
اخوي انا بعطيك حلين لاثالث لهما
1- انا اعتقد من الكفرات لانك تمشي بطريق غير مستوي وتجي وتروح معك الرجه !!
2- يمكن يكون من الرمان بلي حق الكفر وفيه فظاوه وسبق ان صارت معي في جيب ربع
عليك بتشييك علي ماذكرت وانشاء الله بتدعي لي
تقبل تحياتي


اخوي ماقصرو الشباب وهذا هو الحل باذن الله وتاكد من الرمان لانه يخرب اذا مشدود عليه بقوة او مرتخي وشيك على الركبة واذرعة الدركسون الخارجية لان المشكلة خطيرة جدا ممكن تسبب تلفيات في السيارة وممكن حوادث الله يكفيك شرها
وشيك على الكفرات ممكن تكون محبلة من جهة الدعسة ولا تبين
وشيك على قفيز الفحمات ومساميرها ممكن تكون غير موجودة فتنزل الفحمة على الهوب وتسبب الرجة

[(((القناص)))]

اخوي بقولك سبب يمكن انك تقول مالة دخل لكن شيك على علبة الدركسون
وشف جلد الاذرعة وجميع الجلد الي قدام

[محترف]

السلام عليكم أنا قد صارت معي نفس المشكلة إذا مشيت 80 وأحيانا 90 تجي وتروح وترج الموتر كني امشي في جواد محرثة وعجز عنها راعي الترصيص .......
وشكيت ان الكفر فيه رمل ويوم فتح الكفر لقا فيه بلااااوي . ماء ورمل ((طالع خلاطه))
المهم انه نظفه وركب الكفر وحط الترصيص وطلع تمام 100%
أنت كانك راعي تطعيس وقد انفصخ عليك كفر فكه وتأكد ... والله يعينك

[موادع الشرقيه]

اشكر كل من دخل على الموضوع وحاول يساعدني
الله يجزاكم خير

بس كل اللي قلتوه سويته
جبت كفرات وركبتها
وشيكت على علبت الدركسون
وشيكت على الدوده
وشيكت على الركب والاذرعه وجلدها
وشيكت وشيكت وشيكت .....
وكل هذا سويته في اكثر من ورشه
وكلهم قالوا لي السياره مابها شي


وشلون ما بها شي وانا امس ما قدرت اتعدى سرعة 40
تشوف الدركسون يروح يمين ويسار بقوه

الله يعين

وانا قررت ان شاء الله ابيع الموتر
ولأن توني مخلص اقساطه بعد عناء دام خمس سنوات

واكرر شكري لكل من دخل الموضوع

[ابو خطاب]

وتحس بالرجه في الطاره تشوفها تروح يمين ويسار


اذا رقيت مطب




تشوف الدركسون يروح يمين ويسار بقوه


السلام عليكم.. ( غير مسمار ذراع الدركسون ) فقط .. ملبس ربل واذا اهتراء الربل من الداخل يسوي فضاوة . طوله لا يتجاوز 10 سم وسعره يتراوح في لسيارات مابين 25 و75 ريال.

ولا تقول بعض الاحيان تروح وتجي .. اذا راحت شفلك حفره صغيره كسر في الزفلت وضربها .. يبدأ يلعب الدركسون يمين ويسار ..
ابدلك على ميزان خبير ورخيص ولا هب مثل موازين الصناعية اللي يحطلك لوحه من الجدار للجدار ولا جيته خلاك تغير كل شي لين مايبقى بجيبك شي واكيد يبي يروح كل شي. ( حيلة الجاهل).
ميزان حديجان (الميزان السعودي الالكتروني)
وانت جاي مع شارع الامير سلمان وجهك غرب اول اشارة بعد ماتطلع من النفق لف مع الاشاره يسار .. ثم اذا جاك تقاطع تشالنجر لف يمين يصير بظهرك تشالنجر وبزاوية اللفه اليمنى البيان للقطع المستعملة عد لك اربع ورش تلقاه على يمينك بيبانه خضر .. فيه معلم فنان اسمه حسين .

[موادع الشرقيه]

السلام عليكم.. وانت جاي مع شارع الامير سلمان وجهك غرب اول اشارة بعد ماتطلع من النفق لف مع الاشاره يسار .. ثم اذا جاك تقاطع تشالنجر لف يمين يصير بظهرك تشالنجر وبزاوية اللفه اليمنى البيان للقطع المستعملة عد لك اربع ورش تلقاه على يمينك بيبانه خضر .. فيه معلم فنان اسمه حسين .
وعليكم السلام
الله يطول في عمرك ويجزاك عنا كل خير

انا موقعي في الدمام

[ابو الفيصل]

اللة ايسلمك امسح الهوبات الامامية

[ذيب صعافيق]

أنا اقترح تبديل عمود كردان والاحسن الترصيص ----بعض الاحيان يدخله ما ء او يكون مطعوج 00--00--00-

[ابوووسعود]

انا عندي في البليزر نفس المشكلة بعض الاحيان تجي اذا ديورت من اي مديور تصير السيارة كانها بقره او كانها ترقص ومن حركتها هذي تكس ان الكفر بيطلع من مكانه واذا مشيت زانت وبعض الاحيان يرج مدري وش العلة ................؟

[رجل كريم]

السلام عليكم ورحمة الله وبركاته

كيفكم شباب ؟
طيبين ؟




المهم ......,


عندي مشكله في الهلي حيرة العالم
محد عرف لها


مستعدين تحلونها
انزلوا تحت






وعليكم السلام ورحمة الله وبركاته :


يالذيب امر موترك سهل باذن الله , بدلك على ورشة في راس تنورة تضبط لك موترك ان شاء الله بدون خساير مالها داعي .. برسلك رقم جوالي ..

تحياتي ..,

[الدحبول]

مساعد الدركسون او صامولتها او قاعدة يلي يركب فيها

[ابو ضميد]

اذاكانت الهلي دفرنسين شيك على كراسي القير والمكينه وان كانت دفرنس واحد غير الصليبات والله ياهي تنفض السياره

[تلسكوب 1]

السلام عليكم أنا قد صارت معي نفس المشكلة إذا مشيت 80 وأحيانا 90 تجي وتروح وترج الموتر كني امشي في جواد محرثة وعجز عنها راعي الترصيص .......
وشكيت ان الكفر فيه رمل ويوم فتح الكفر لقا فيه بلااااوي . ماء ورمل ((طالع خلاطه))
المهم انه نظفه وركب الكفر وحط الترصيص وطلع تمام 100%
أنت كانك راعي تطعيس وقد انفصخ عليك كفر فكه وتأكد ... والله يعينك


اخوي توقعي انك تعاني من هذه المشكلة التي في الاعلى جرب ولن تخسر شي عند اقرب بنشر فك الكفرات وشيك عليها من الداخل ونظفها تنتهي مشكلتك باذن الله ولن تكلف الا 20ريال بالكثير

[ابوشجاع911]

أكيد تحس انها في احد الكفرات دون الآخر




هذي وانا أخوك بسبب تآكل الركبة او الرمان اللي بالكفر فاسرع حماك الله بتغييرها لئلا تنكسر فتؤدي لحادث لا قدر الله


اويد هذا الكلام بقوة وهو الاقرب للصواب باذن الله

ولكن اخي الكريم لم يذكر الاسباب وهي عديدة وكثيرة اقصد الاسباب التي تؤدي لتلف الرمان بالكفر الاماي

ومنها على سبيل المثال لا الحصر الفك اي قد تم فكه من قبل فاحيانا عند اعادة تركيبة لايتم ضبطه وحمايته من الاتربة والماء فيؤدي لتلفه لان هناك غطاء حماية يركب بطريقة الكبس واغلب العمالة لايعرف فائدة ولايهتم بتركيبة وقد رئيت الكثير من السيارات بدون غطاء للاسف او ان السيارة صاير لها صدمة قوية على الكفر او عندك اعوجاج في الشاص بسبب صدمة او ممارسة التفحيط بالسيارة فهي تؤدي لتلف المحاور بشكل خطير او السير في الوحل الكثيف او الغراز في الطين وبشكل متكرر ................. الخ الكثير غير ماذكر والله اعلم

[bader0009]

السلام عليكم ورحمة الله وبركاته
انا كانت معي نفس الحاله في سيارتي وما خليت ورشه وتاليها قالي واحد من العيال عندك الكبوات مرتفع شوي ويدخل هوا فيه بينه وبين الماكينه وفعلا ً صلاحت الكبوات وراحت الرجه مع ان الارتفاع للكبوات لم يتعدا السانتي متر الواحد وهو ناتج عن ضربه تحت السياره من حفره في الشارع

[بواردي الدلم]

اسمع العلم كم تعطيني واصلح سيارتك

حبيبي ترى عامود الكردان اساسي في الرجه وفعلا كما قال اخونا صعافيق

انا يا محاكيك صارت لي مشكله رجه غريبه مثل اللي عندك لا كن مايلعب الدركسون فقط رجه قويه تهز كراسي مخك موب عاد السياره

ماخليت ميزان الا رحت له وكلهم ماعرفو المشكله
اخر شي رحت الحم الكنداسه وانا اسولف مع الهندي قلت له السالفه قال انا معلوم ايش مشكله قلت والله قال والله ياصيخ

قلت وش المشكله قال انت كم يعطي قلت انت كم يبغى المهم ان حنا اختلفنا الى ان صلحنا بعد ماطلب مني 40 ريال

قلت بس اذا زانت هذي خمس زرقاء

فك عامود الكردان وميله على تحت وصبت المويه والطين اللي فيه ثم ركبه وقال رح لهلك واذا رج الحقني بعمود الكردان وفعلا الموتر الحين تحط البياله على كبوته وتروح الرياض وتجي

[موادع الشرقيه]

الله يعطيكم العافيه جميعاً
والله ما قصرتوا معي
وتقريباً سوييت كل اللي قلتوا لي ولين الحين والموتر مازان

[رجل كريم]

الله يعطيكم العافيه جميعاً
والله ما قصرتوا معي
وتقريباً سوييت كل اللي قلتوا لي ولين الحين والموتر مازان




ياخوي ارسلت لك على الخاص كلمني ..

تحياتي ..

[سيف نجد FJ]

همممممم

يعني نقدر نقول اجمالا انه من مشاكل التطعيس

1 - دخول التاب و الماء احيانا داخل الكفر مما يسبب رجه

2 - دخول التراب في عامود الكردان ( ماادري كيف بس ممكن من الفتحات الصغيره ) طيب ليه ما نفكر بتسكيرها لو بلصق ان شاء الله قبل التطعيس ؟؟

اقتراح وفر افلوسك و وقتك ورح ارمه على قلب الوكاله وقول لهم تدبروا سلااااااااااام وخلهم يبحلون فيه واذا ازمت معهم راح يكلمون اليابانين ويجيبون الحل او ببساطه تكون ماره عليهم ويحلونها

وعلى قولت اهل الحجاز اهل مكه ادرى بشعابها

[رجل كريم]

انا في انتظار اتصالك او ارسلي رقم جوالك وان شاء الله تنحل مشكلتك اليوم اوبكرة بالكثير .. كلمني للتنسيق مع الميكانيكي ..

تحياتي ..

[رجل كريم]

تم التنسيق مع الاخ موادع والتشخيص المبدئي يتركز حول دودة الدركسون وجلب المقصات ’ وبكرة تنتهي المشكلة علي خير بمشيئة الله تعالى ..

تحياتي .,

[سيف نجد FJ]

ماشاء الله

الاخ دكار شمر ساعديه وناوي يا قاتل يا مقتول

كفو ذيبان

[رجل كريم]

السلام عليكم ورحمة الله وبركاته:



تم ادخال سيارة الاخ موادع الورشة يوم الخميس عصرا ..27/مارس/2008 وبعد الفحص المستفيض للسيارة من قبل ميكانيكيين مهرة اتضح مايلي :


ان السيارة سليمة 100% ميكانيكيا وقد تم فحص السيارة لمدة يوم كامل تقريبا على جميع قطعها الميكانيكية السفلية ولم يترك شيء للصدفة( الدفرنس كراسي المكينة البرينقات الجلد الكرنك الاذرعة السست الكردان الصليبات الهوبات نظام التوجيه الشاصيه الخ ..) واختبار لمسافة اكثر من 30 كم متقطعة وبسرعات مختلفة وتم قيادتها على مطبات وحفر متوسطة وشديدة الوعورة والقيام بحركات دائرية فجائية مع استخدام الفرملة بدرجات مختلفة وتم استخدام ضاغط هيدروليكي لدى ورشة اخرى لقياس مدى قوة تماسك وصلاحية الركب والمقصات , وكانت جميع النتائج ممتازة بل ان الميكانيكيين اشادوا بنظافة السيارة ماشاء الله تبارك الله , واكد لي الميكانيكي ان هذه الحالة الثانية التي تمر عليه خلال عشرين سنة او اكثر والحالة الاولى كانت السيارة ملك له واصابها احدهم بعين وان سيارة اخونا موادع قد تكون كذلك ايضا , وحيث ذكر لنا الاخ موادع ان السيارة اذا جاءتها المشكلة تختفي بمجرد توجهه الى الورش كما انه سلم اخاه السيارة لمدة يومين ولم يلحظ اي مشكلة عليها ..وهي لا تأتي الا اذا كان يقود سيارته بنفسه وهو مايدل على ان العين مرتبطة بالاثنين معا السيارة وصاحبها فقط ..


وقد قال صلى الله عليه وسلم (العين حق))


لذا يرى اهل العلم ان افضل علاج لمثل هذه الحالات هي قراءة الاوراد والاذكار والادعية الشرعية المنصوص عليها في الكتاب والسنة المطهرة ولا بأس من القراءة والنفث على الماء ومن ثم شرب هذا الماء ورش جزء منه على السيارة من الداخل والخارج وان شاء الله تختفي هذه المشكلة ..


كما ارجوا من الجميع ان يبركوا على انفسهم ومارزقهم الله من نعم فان المرء قد يعين نفسه وولده ..
ورد في مسند احمد أن النبي صلى الله عليه وسلم قال إذا رأى أحدكم من نفسه أو ماله أو أخيه ما يعجبه فليدع بالبركة فإن العين حق .

[الساهر2003]

اخوي ومع ماذكر من العلاج للعين ويفضل ان تذهب بها الى المعارض وتعرضها للبيع وفي قرارة نفسك انك لا تبيعها وتنشر خبر رغبتك في البيع في المحيط القريب منك
او انقل ملكيتها الى احد اقاربك او اخوك
وان شاء الله تظبط امورك والحمد لله على ان العين وصلت الى هذا الحد

[موادع الشرقيه]

السلام عليكم ورحمة الله وبركاته:




تم ادخال سيارة الاخ موادع الورشة يوم الخميس عصرا ..27/مارس/2008 وبعد الفحص المستفيض للسيارة من قبل ميكانيكيين مهرة اتضح مايلي :


ان السيارة سليمة 100% ميكانيكيا وقد تم فحص السيارة لمدة يوم كامل تقريبا على جميع قطعها الميكانيكية السفلية ولم يترك شيء للصدفة( الدفرنس كراسي المكينة البرينقات الجلد الكرنك الاذرعة السست الكردان الصليبات الهوبات نظام التوجيه الشاصيه الخ ..) واختبار لمسافة اكثر من 30 كم متقطعة وبسرعات مختلفة وتم قيادتها على مطبات وحفر متوسطة وشديدة الوعورة والقيام بحركات دائرية فجائية مع استخدام الفرملة بدرجات مختلفة وتم استخدام ضاغط هيدروليكي لدى ورشة اخرى لقياس مدى قوة تماسك وصلاحية الركب والمقصات , وكانت جميع النتائج ممتازة بل ان الميكانيكيين اشادوا بنظافة السيارة ماشاء الله تبارك الله , واكد لي الميكانيكي ان هذه الحالة الثانية التي تمر عليه خلال عشرين سنة او اكثر والحالة الاولى كانت السيارة ملك له واصابها احدهم بعين وان سيارة اخونا موادع قد تكون كذلك ايضا , وحيث ذكر لنا الاخ موادع ان السيارة اذا جاءتها المشكلة تختفي بمجرد توجهه الى الورش كما انه سلم اخاه السيارة لمدة يومين ولم يلحظ اي مشكلة عليها ..وهي لا تأتي الا اذا كان يقود سيارته بنفسه وهو مايدل على ان العين مرتبطة بالاثنين معا السيارة وصاحبها فقط ..


وقد قال صلى الله عليه وسلم (العين حق))


لذا يرى اهل العلم ان افضل علاج لمثل هذه الحالات هي قراءة الاوراد والاذكار والادعية الشرعية المنصوص عليها في الكتاب والسنة المطهرة ولا بأس من القراءة والنفث على الماء ومن ثم شرب هذا الماء ورش جزء منه على السيارة من الداخل والخارج وان شاء الله تختفي هذه المشكلة ..


كما ارجوا من الجميع ان يبركوا على انفسهم ومارزقهم الله من نعم فان المرء قد يعين نفسه وولده ..

ورد في مسند احمد أن النبي صلى الله عليه وسلم قال إذا رأى أحدكم من نفسه أو ماله أو أخيه ما يعجبه فليدع بالبركة فإن العين حق .



اخوي داكار
اشهد بالله انك رجل
وجميلك هذا ما ادري كيف ارده لك وانا خوك
ومساعدتك لي ما انساها ماحييت
واشكر كل من حاول يساعدني دون استثناء
سواء كان من هذا المنتدى الرائع او من الميكانيكيين اللي دلني عليهم اخوي داكار


اخوكم / موادع

[معدي المرقاب.]

اخوي شف الكفرات ممكن محبلة..
وشيك على ذراع الدركسون الي بالشاصي..

[رجل كريم]

اخوي داكار
اشهد بالله انك رجل
وجميلك هذا ما ادري كيف ارده لك وانا خوك
ومساعدتك لي ما انساها ماحييت
واشكر كل من حاول يساعدني دون استثناء
سواء كان من هذا المنتدى الرائع او من الميكانيكيين اللي دلني عليهم اخوي داكار


اخوكم / موادع




اخجلتم تواضعنا اخي الكريم ولم نقم الا بأقل مما كان ينبغي فعله .. واسأل الله ان يبارك لك فيما رزقك وان يعوضك خيرا كثيرا , انه سميع مجيب الدعاء ..

تحياتي ..,

[s3ed]

:D :D :D :D :D :D



انا حصلت معاي نفس المشكلة على نيسان ربع ماخليت ميزان في دولة الامارات مارحت لة



اقولة اذا حليت المشكلة عطيتك دراهم واذا ماحليتها مالك شي عندي


وبعد معاناة استمرت شهر


لقيت الحل في ميزان الفرج في ابوظبي في المنطقة الصناعية



قال لي بحل لك المشكلة وتعطيني 100 درهم قلت لة بعطيك وانا بخاطري اعطة 1000 اذ حلها













الحل


فية عامود يطلع من القير بوكس من الطارة الي القير بوكس هذا العمود فية اعوجاج ركب جديد او اضربة بمطرقة وبتروح المشكلة بأذن الله

[البعد البؤري]

السلام عليكم ورحمة الله وبركاته:




تم ادخال سيارة الاخ موادع الورشة يوم الخميس عصرا ..27/مارس/2008 وبعد الفحص المستفيض للسيارة من قبل ميكانيكيين مهرة اتضح مايلي :


ان السيارة سليمة 100% ميكانيكيا وقد تم فحص السيارة لمدة يوم كامل تقريبا على جميع قطعها الميكانيكية السفلية ولم يترك شيء للصدفة( الدفرنس كراسي المكينة البرينقات الجلد الكرنك الاذرعة السست الكردان الصليبات الهوبات نظام التوجيه الشاصيه الخ ..) واختبار لمسافة اكثر من 30 كم متقطعة وبسرعات مختلفة وتم قيادتها على مطبات وحفر متوسطة وشديدة الوعورة والقيام بحركات دائرية فجائية مع استخدام الفرملة بدرجات مختلفة وتم استخدام ضاغط هيدروليكي لدى ورشة اخرى لقياس مدى قوة تماسك وصلاحية الركب والمقصات , وكانت جميع النتائج ممتازة بل ان الميكانيكيين اشادوا بنظافة السيارة ماشاء الله تبارك الله , واكد لي الميكانيكي ان هذه الحالة الثانية التي تمر عليه خلال عشرين سنة او اكثر والحالة الاولى كانت السيارة ملك له واصابها احدهم بعين وان سيارة اخونا موادع قد تكون كذلك ايضا , وحيث ذكر لنا الاخ موادع ان السيارة اذا جاءتها المشكلة تختفي بمجرد توجهه الى الورش كما انه سلم اخاه السيارة لمدة يومين ولم يلحظ اي مشكلة عليها ..وهي لا تأتي الا اذا كان يقود سيارته بنفسه وهو مايدل على ان العين مرتبطة بالاثنين معا السيارة وصاحبها فقط ..


وقد قال صلى الله عليه وسلم (العين حق))


لذا يرى اهل العلم ان افضل علاج لمثل هذه الحالات هي قراءة الاوراد والاذكار والادعية الشرعية المنصوص عليها في الكتاب والسنة المطهرة ولا بأس من القراءة والنفث على الماء ومن ثم شرب هذا الماء ورش جزء منه على السيارة من الداخل والخارج وان شاء الله تختفي هذه المشكلة ..


كما ارجوا من الجميع ان يبركوا على انفسهم ومارزقهم الله من نعم فان المرء قد يعين نفسه وولده ..

ورد في مسند احمد أن النبي صلى الله عليه وسلم قال إذا رأى أحدكم من نفسه أو ماله أو أخيه ما يعجبه فليدع بالبركة فإن العين حق .



اخوي داكار
اشهد بالله انك رجل
وجميلك هذا ما ادري كيف ارده لك وانا خوك
ومساعدتك لي ما انساها ماحييت
واشكر كل من حاول يساعدني دون استثناء
سواء كان من هذا المنتدى الرائع او من الميكانيكيين اللي دلني عليهم اخوي داكار


اخوكم / موادع

بما أن هذا هو التشخيص النهائي فأنصحك ببيعها (أو على الأقل رح للمعارض ساوم عليها إن جابت لك قيمة وإلا لا تبيع)

يقول بعض الشيبان والعلم عند الله أنك إذا ساومت سلعة مصابة بعين لغرض بيعها انفكت العين... جرب ولن تخسر شيئا.

[موادع الشرقيه]

ان شاء الله بنزلها المعارض

والسياره ناوي بيعتها بإذن الله

خلاص طابت النفس منها

[صقرالعرب2007]

أخوي الحل عنننننننننننننندي و إنشالله إنك راح تدعيلي.... جرب منت خسران
رح لأقرب محل تسجيلات إسلاميه و بـ 3 ريال خذ لك سورة البقره للقارئ سعد الغامدي ولا الي يجوز لك أهم شي البقره...

و كل ما دقيت سلف عى طووووووووووووووول شغل المسجل على سورة البقره بنية إن الله يذهب العين الي في السياره... (لأن العين عباره عن عقد يعقدها الجن في المكان الي تصيبه العين ولا تنفك العقده إلا بقراءة آيات الرقيه وأغلبها من سورة البقره),,,

ونا متأك إنشالله 20000000000%100 لو إن الي في سيارتك عين بتروح العين على طوووووول ـ جرب منت خسران إلا 3 ريال ـ

[تلسكوب 1]

السلام عليكم أنا قد صارت معي نفس المشكلة إذا مشيت 80 وأحيانا 90 تجي وتروح وترج الموتر كني امشي في جواد محرثة وعجز عنها راعي الترصيص .......
وشكيت ان الكفر فيه رمل ويوم فتح الكفر لقا فيه بلااااوي . ماء ورمل ((طالع خلاطه))
المهم انه نظفه وركب الكفر وحط الترصيص وطلع تمام 100%
أنت كانك راعي تطعيس وقد انفصخ عليك كفر فكه وتأكد ... والله يعينك

عطنا وجه
مره ثانية اقول اخوي توقعي انك تعاني من هذه المشكلة التي في الاعلى جرب ولن تخسر شي عند اقرب بنشر فك الكفرات وشيك عليها من الداخل ونظفها تنتهي مشكلتك باذن الله ولن تكلف الا 20ريال بالكثير

[موادع الشرقيه]

عطنا وجه
مره ثانية اقول اخوي توقعي انك تعاني من هذه المشكلة التي في الاعلى جرب ولن تخسر شي عند اقرب بنشر فك الكفرات وشيك عليها من الداخل ونظفها تنتهي مشكلتك باذن الله ولن تكلف الا 20ريال بالكثير
:D :D :D

اخوي تلسكوب
انا غيرت الكفرات خلقه ولافاد


شاكر لك

[Mohammad]

العين حق وللاسف زادت هالايام بشكل كبير ولاحول ولاقوه الا بالله
نعوذ بالله من الشيطان الرجيم ومن نشر انفسنا ومن شر الاشرار