المساعد الشخصي الرقمي

مشاهدة النسخة كاملة : بريك السيارة وامكانية تركيب مانع انزلاق له !!


فارس العمور
22/03/2008, 08:38 PM
السلام عليكم

اخواني هل فيه امكانية لتركيب مانع انزلاق للسيارة ؟

عندي السيارة بريكها لك عليها يعني تزحف على طوووول نفس الهايلكس

وش الحل بنظركم هل اقدر اركب مانع انزلاق وكيف ووين وكم يكلف توقعون وهل هو مجدي ولا ؟

وهل عندكم حلول اخرى لتحسين اداء البريكات السيارة نافارا 2008
فارس العمور
23/03/2008, 04:09 PM
24 ساعه ولا رد ؟


عسى مازعلناكم بشي ياالربع ؟
رجل كريم
23/03/2008, 05:27 PM
وعليكم السلام ورحمة الله وبركاته:

اخوي فارس ما انصحك ابد تركب نظام اي بي اس الا اذا كان الوكيل يركبه ولا اعتقد ذلك حيث ان هذا النظام معقد ويتدخل في عمله كمبيوتر السيارة .. كل ما استطيع نصحك به هو تركيب اطارات ميشلان وبمقاس اعرض من الكفرات الاصلية وسترى نتيجة مرضية ان شاء الله ..

تحياتي ..,
.أبوعبدالرحمن
23/03/2008, 05:35 PM
اخوي لا تركب اي بي اس لانه لا قدر الله اي خلل تحصل لك مشاكل

واشور عليك ركب كفرات فايرستون 225/70/15

واقولها وانا واثق 100% لاني سبق وجربت على هايلكس وضبط ميه على ميه
فارس العمور
23/03/2008, 08:25 PM
بيض الله وجيهكم وانشاء الله اركبها قريبا لان هذا كان رأيي من قبل بس متردد

والحين عزمت 99%

بس خلوا الرويتب بنزل :)
رجل كريم
23/03/2008, 08:59 PM
بيض الله وجيهكم وانشاء الله اركبها قريبا لان هذا كان رأيي من قبل بس متردد

والحين عزمت 99%

بس خلوا الرويتب بنزل :)



وجهك ابيض اخوي فارس بس حاول تركبها قبل 1/ابريل 2008 لان ميشلان اعلنت زيادة اسعارها ابتداء من هذا التاريخ بسبب ارتفاع مشتقات البترول والتي تحوي اطاراتها منه 40%

تحياتي .,
الربذي
23/03/2008, 09:41 PM
وعليكم السلام ورحمة الله
اخوي فارس المعموره اولا اتحدى شركه متسوبيشي عندنا تركب مانع الانزلاق لانه مكلف ولافيه فنيين صح وذا فيه رايح يكلفك اذا ركبوه وبشرط ان تكون الشركه الام مركبته يعني له قطع ورايح يكلفك اقل شي 15 الف ولن تلاحظ اي فرق بالعكس وصدقني يامع المطبات ياهو يوهق والله يستر كم مره وهقني البريك يروح ولاكنك داعس عليه0الحل هو مثل ماقال الاخوان دور اي كفر تماسكه قوي مثلا فاير ستون او ميشلان وليه تحتري الراتب البركه بزين مدبله !!! الله يعين كلا عايش على المعاش الماخوذ!!! وهالبترول صار نقمه مو نعمه اذا ارتفع حنا المنضرين واذا نزل بعد حنا المنضرين وانا اقووووول الله يعين 0
فارس العمور
24/03/2008, 05:19 PM
الله يعطيكم العافيه وبأذن الله اشتريها قريبا

بس وش رايكم بتويو ؟

علما ان مقاس الجنط عندي 16 فماهي المقاسات الي تنصحون بها ؟ والنوعيه الزينه

اهم شي الامان لان تعرفون الكفر مايلعب اذا انفقع :(
رجل كريم
24/03/2008, 11:13 PM
انصحك بالميشلان ثبات ومسكة فرامل عجيبة حتى بعد انتها ثلثين عمره ولا يطلع صفير للكفرات حتى لو جيت مسرع على اللفات من قوة الثبات في اول سنة له طبعا .. وانصحك بالفرنسي منه ,.
والمقاسات اللي تجي للجنط 16

275/ 16 اللاند كروزر
265/16 الباجيرو

واكيد فيه غيرهم بس مايحضرني الان ..

تحياتي .,