المساعد الشخصي الرقمي

مشاهدة النسخة كاملة : بعد مرور سنة على اقتناء سيارتك وش يلزمك تغير >>> تعالوا نشوف



متصفح مكشات
23/03/2008, 02:31 AM
السلام عليكم ورحمة الله وبركاته ...


بعد مرور سنة وسيارتك معك وش لازم تسويلها وش تغير فيها وش يبيله تعديل ...


عن نفسي الى الان ولله الحمد معي جكسار 2007 مااعرف الا الزيت والبنزين ماشاء الله ...


بس قبل اسبوعين تقريبا ً غيرت موية الرديتر كااملة ...


وهاليومين طالعة ريحة للمكيف غير مستحبة دقيقتين وتروح لكن حليتها بالمعطر لكن اتوقع انها ليست حل ...


والبطارية قبل يومين وانا اغير الزيت شفت مويتها طالعة برا وانظف البطارية من برا وازودها شوي من الي نقص ...

كذلك زيت الكلتش شوي ناقص مو كثير وشريت الزيت ابو خمسة ريال وزودتها هي وزيت الفرامل ...

ومليت موية المساحات هههههههههههه...


طبعا ً الجميع يتساءل ويقول طيب وين المشكلة ...


اقولكم ...


هنا الجميع يشارك ويقول عن تجربته ...


ومو لازم تجربته يقول وش من وجهة نظره يتغير خلال السنة يعني حده سنة من سيور وكومبرسير ووو غيرها...


ومو شرط تكون سيارات بر ومكشات بس هنا الموضوع مخصص للجيوب ولكن مايمنع نتكلم عن سيارات المدينة لتعم الفائدة لاني املك غير الجكسار هوندا اكورد نفس الموديل ...


حبيت يكون الموضوع محصور في مكان معين لتعم الفائدة ويعرف مكانه ليسهل الوصول اليه ...



ارجو من الجميع يقول وش يشوف وش يبيله تغيير قد يكون السيور تعيش اكثر والكذلك الكومبروسير ...

اللهم وفقنا واهدنا وارزقنا يارب العاليمن ....

محترف
23/03/2008, 02:46 AM
انا اللي اعرفه ان السيارة الجديدة خمس سنوات أو اكثر ما تحط فيها الا زيت وبنزين طبعا الفحمات اذا تسحتت او بعد 80000 كيلو وماء البطارية إذا نقص والفلاتر ... للفائدة اللي يبغى يغير الفريون لا يأخذ صيني اللي بـ 60 لأنه ما يطول يخلص في سنه لا تعبي الا امريكي من الورش الموثوق بها ... وشكرا ...

متصفح مكشات
23/03/2008, 03:08 AM
شكرا اخوي المحترف ويهمنا رايك ...

.أبوعبدالرحمن
23/03/2008, 11:41 AM
اخوي مكشات على حسب اعتقادي السيارة مالها دخل في المدة سنة سنتين اللي لها دخل الممشى يعني اذا مشت السيارة 40 الف كم يتم التشييك على كل شيء والبعض يقول 50 الف كم وهذا التشييك مهم جدا ويدخل فيه

الفحمات والسيور وزيوت السيارة بشكل عام ايضا يدخل في جمع الاماكن التي تحتاج زيادة سواءا من ماء او زيت التشيك على الاستبنة ولو كانت السيارة جديدة والتشييك على هواء الكفرات وغيرها الكثير


وان شاء الله يأتي من هو افهم مني ويذكر لنا المزيد

ابوحماد
23/03/2008, 12:54 PM
بعد سنه

فحمات سير المكينه البواجي الكفرات الاماميه سير المكيف

شيك على زيت الفرامل شيك على البطارية

Democratic
23/03/2008, 03:05 PM
ريح باللك و اي مشكلة تصادفك شيك على السيارة وضبطها بإستثناء الحجات الأساسية مثل الزيوت هذا من وجهة نظري مع احترام وجهات نظر الأخرين

القناص
23/03/2008, 11:14 PM
نصيحه كل 40 الف ودها للبازعي ولا الرشيد ولا ابوجميل يسوون لها صيانة 40 الف رئيسية مهمه

وكد ومد وبالك مطمئن

وفقك الله

سوبر152
23/03/2008, 11:48 PM
vvvvvالزيت بالنسبة للباترول لاتغيره أقل من 12000 شتاء ووو10000صيفا
انا لي الان 10 سنوات والمكينة ماتنقص ولله الحمد
ملا حظة غير السيفون مع الزيت وكل 3تغييرات غير فلتر الهواء
وكد ومد وتكل على الله

متصفح مكشات
01/05/2008, 04:09 AM
شاكر لكم كلكم نصايحكم ,,,,,,,,,,,,

خالد77
01/05/2008, 05:30 AM
والله شغلك بماء الرديتر غريب لكن الحمدلله وكلام الاخوان لابأس وأعجبني راي سوبر من ناحية فلتر الهواء أما أنا موتري الجيب البريمي 2003 وديته للعضيب وغيرت البواجي والسيور وصفاي البنزين حفاظا على البخاخ وشي استفدت منه وكنت غافل عنه ألا وهو تشحيم العمودين وكل عمود له ثلاث مشاحم وبالتوفيق

القبقب
01/05/2008, 10:59 PM
سيارتى الهدد في أول سنة غيرت جميع أنواع السيور عدا التايمر وغيرت شمعات الاحتراق
وفلتر الوقود. أنا مستغرب منك ياخوى مكشات 111 ليه غيرت موية الراديتر وموترك جديد !

aboibrahim74
01/05/2008, 11:47 PM
نصيحة أخواني الأعزاء


البواجي ... البواجي


كل 40 الف كم والله اعلم ...


انشاءالله بدل ما تمشي المكينة 400 الف على شد بلدها


انشاءالله بتمشي 600 الف والله اعلم


الكثير ما ينتبه للبواجي


الاحتراق الغير كامل لخليط الهواء والبنزين ... اكيد ينقص عمر المكينة



كما احب التنبيه الى ضرورة استخدام ماء رديتر اصلي ...


والابتعاد كليا عن ماء الحنفيات


والله شفت منظر مكينة يروع


والسبب حسب كلام المهندس


ماء الحنفيات




لا تنسونا من صالح دعائكم


:good: :good: :good:

متصفح مكشات
30/05/2008, 02:17 PM
البواجي ... البواجي


كل 40 الف كم والله اعلم ...


انشاءالله بدل ما تمشي المكينة 400 الف على شد بلدها


انشاءالله بتمشي 600 الف والله اعلم


الكثير ما ينتبه للبواجي


الاحتراق الغير كامل لخليط الهواء والبنزين ... اكيد ينقص عمر المكينة



لا تنسونا من صالح دعائكم


:good: :good: :good:







يالربع طالبكم طلبة عندي جكسار والتيما لي ولخوي ابي منكم بعد اذنكم الاتي :::

1) علامات البواجي الاصلية للالتيما ,,,

2) افضل من يقوم بتغيير البواجي ويفضل صناعية المدينة او القديمة بالرياض ,,,

3) سعر البواجي للالتيما والجكسار ,,,

4 ) غير البواجي بعد مرور اربعين الف وش يلزمني تغييره ,,,

5) الف شكر لكل من رد على موضوعي وافادنا ولمن بيرد على موضوعي وبيفيدنا ,,,

kk999
30/05/2008, 02:27 PM
الشايب عنده هونداي النترا 2005 ماشيه الحين 120.000 كم اللهم لك الحمد للحين ماغيرنا غير الفحمات الاماميه ثلاث مرات والبواجي مره فقط وزيت القير مره والسياره كانها ذاك اليوم الي طلعناها من الوكاله بصراحه الهوانداي اثبتت جدارتها مع اني كنت معارض شرائها في البدايه بس بعد الي شفته السياره صبوره جدا جدا والله كانها ياباني ولاحتى اي ياباني كانها من السيارات اليابانيه القديمه الي تصبر صح

متصفح مكشات
30/05/2008, 02:36 PM
مشكور اخوي عالمعلومة بس برضو سوالي ينتظر اجابة

يالربع طالبكم طلبة عندي جكسار والتيما لي ولخوي ابي منكم بعد اذنكم الاتي :::

1) علامات البواجي الاصلية للالتيما ,,,

2) افضل من يقوم بتغيير البواجي ويفضل صناعية المدينة او القديمة بالرياض ,,,

3) سعر البواجي للالتيما والجكسار ,,,

4 ) غير البواجي بعد مرور اربعين الف وش يلزمني تغييره ,,,

5) الف شكر لكل من رد على موضوعي وافادنا ولمن بيرد على موضوعي وبيفيدنا ,,,

Magellan
30/05/2008, 02:36 PM
الشايب عنده هونداي النترا 2005 ماشيه الحين 120.000 كم اللهم لك الحمد للحين ماغيرنا غير الفحمات الاماميه ثلاث مرات والبواجي مره فقط وزيت القير مره والسياره كانها ذاك اليوم الي طلعناها من الوكاله بصراحه الهوانداي اثبتت جدارتها مع اني كنت معارض شرائها في البدايه بس بعد الي شفته السياره صبوره جدا جدا والله كانها ياباني ولاحتى اي ياباني كانها من السيارات اليابانيه القديمه الي تصبر صح


الله يعطيه خيرها ويكفيه شرها..
العيب اللي أراه بالهونداي وهو منرفزني ضعف جسم السيارة وعدم قدرة البودي لتحمل الإصطدامات الخفيفة فضلا لا قدر الله عن الحوادث المتوسطة والكبيرة

متصفح مكشات
30/05/2008, 02:41 PM
يالربع طالبكم طلبة عندي جكسار والتيما لي ولخوي ابي منكم بعد اذنكم الاتي :::

1) علامات البواجي الاصلية للالتيما ,,,

2) افضل من يقوم بتغيير البواجي ويفضل صناعية المدينة او القديمة بالرياض ,,,

3) سعر البواجي للالتيما والجكسار ,,,

4 ) غير البواجي بعد مرور اربعين الف وش يلزمني تغييره ,,,

5) الف شكر لكل من رد على موضوعي وافادنا ولمن بيرد على موضوعي وبيفيدنا ,,,

اشكر اخي ماجلان عالمرور المفيد ,,,

بس برضة الاجابة لم تصل ,,,

ابوغلاب
30/05/2008, 02:45 PM
بسم الله الرحمن الرحيم



اخوي مكشات الله يعطيك العافيه ياحبنى لهالمواضيع لانى متشوق لكل ا يتعلق بالسيارة وصيانتها

بما انك قلت سيارتك GX_R لاند

اولا / يجب عليك مراعاة السيارة من ناحية التهريبات ولا تزود الزيت اللى بالعلبة حقت الفرامل او الكلتش لانها اذا ما كانت هناك اي تهريبات فالزيت بطبيعة الحال ينزل مستواه لان الفحمات (الاقمشة يتقلص حجمها) ولكن اذا نزل تحت المستوى السفلى تفقد العبلة لايكون بها تهريب

ثانيا / ماء المشع (الرديتر) بودي انك ما غيرته لان الماء الاصلى توجد به مادة مزلجه (تحسس الماء تحس كنبه زيت)
وهي للرديترات الالمنيوم علشان ما تصدي ولكن حصل خير اذا اضطررت لستبدال الماء فيجب عليك شراء الماء الاصلى من عند الوكيل (سعر الجالون تقريبا 60-45ريال ) وبنفس لون المادة سواء اخضر او احمر

ثالثا / البواجي . الفحمات (الاقمشة). الفلاتر

*يجب الانتباه لهذي النقطة البواجي يجب تغييرها مابين 30000 الى 40000 كيلو متر عمرها الافتراضي

*الفحمات (الاقمشة) طبعا حسب الاستخدام ولا لها مقياس حسابي معين فالسيارة التى دائما في مناطق جبلية (عقبات) ليست مثل السيارة اللى بالمدينة ولا تتحرك الا مشاوير قصير

فيجب فحصها عند البنشري او تقوم بنفسك بفك الكفر وتنظر الى نفس الفحمه وتعرف كم بقى عليها

* الفلاتر

فلتر الهواء يستحسن تغييرة كل 40 الف كيلو
فلتر البنزين (الصفاية) ايضا يستحسن تغييرها مع البواجي
فلتر الزيت(السيفون) بعد ثالث مره تغيير للزيت

طبعا هذي للحاجات التى تعتبر روتين


رابعا / مهم جدا جدا

T-BELT

طبعا هذه الكلمة تأتى تحت عداد الظغط للمحرك وهي مهمه جداجدا ويجب ان ننتبه لها

طبعا عندما يتم المحرك مسافة 150,000 الف كيلو يجب التوجه الى اقرب مركز صيانه وتغيير سير التيمن لان البعض قد يقول السيارة بتمشي عادي ولكن لاسمح الله اذا انقطع المحرك وده اقرب مكان لبيع السكراب لانه يخلف حركة العمودان الداخلية مع البلوف وتتكسر وخاصة رؤس محركات اللاند المنيوم

طبعا ويفضل تغيير اسلاك البواجي عند تغيير السير لعمود التيمن



هذا مالدي

* ملاحظة يستحسن عدم تغيير زيت الجيربوكس الا بعد 8 سنوات اذا كتب الله لنا ولكم العمر اذا لم يكن هناك تهريب


تقبلوا تحياتي

عبدالله ابو
31/05/2008, 02:43 AM
انا اللي اعرفه ان السيارة الجديدة خمس سنوات أو اكثر ما تحط فيها الا زيت وبنزين طبعا الفحمات اذا تسحتت او بعد 80000 كيلو وماء البطارية إذا نقص والفلاتر ... للفائدة اللي يبغى يغير الفريون لا يأخذ صيني اللي بـ 60 لأنه ما يطول يخلص في سنه لا تعبي الا امريكي من الورش الموثوق بها ... وشكرا ...




طيب ممكن تدلنا او تخبر لنا احد من هالورش الموثوق بها ولك جزيل الشكر

قاهر القرقاص
31/05/2008, 01:31 PM
من رأيي كل 30 الف فلتر هوا او اقل والبواجي كل 40 الف والزيت كل 5000 الاف


واعقلها وتوكل

saudiman
31/05/2008, 01:43 PM
* ملاحظة يستحسن عدم تغيير زيت الجيربوكس الا بعد 8 سنوات اذا كتب الله لنا ولكم العمر اذا لم يكن هناك تهريب




تقبلوا تحياتي



اخي ماكن المده مررررررررررره كثيره 8 سنوات اعتقد مشكله كبيره؟؟؟؟؟؟؟؟؟؟؟

مواسي الطعوس
31/05/2008, 08:27 PM
فيه تعقيبات بسيطه على كلام بعض الاخوان منها :
** فيه واحد يقول شيك على الهواء كل 40000 او 50000 الف كثيره المفروض ماتمشي الا شايف الكفرات وذا شكيت فيها تقيس الهواء فيها والافضل تنا ظر الفرات من بعيد شيك عليا كل اسبوعين تقريبا

**سير الماكينه حدد السياره لكي يعرف اللي سيارته فيها سير ام لا ملنا علم بالسيور اخر موديل الفاندر 2002م والسدرك ومقطوعه
** الذهاب للوكاله اذا مشى الموتر 1000 من اجل التسجيل فقط
** اللي يقو تتعدى 10000 الاف ممشى الزيت كثيره الاجوواء ماتساعد خاااااااااصه مع السرعه والنفود المفروض كل 5000 الاف يعني كل شهر تقريبا
** فلتر الهواء يلزم نفخه مع كل تغييرة زيت بعض البناشر مهب حريص على التنظيف الاصح اكثرها مع اني مشيت على الفتك 300000 الف وبعته ماغيرت فلتر الهواء
** صفي البنزين هو اللي احب تغييره خاصة للسيارات الا مريكيه مثل اليوكن للحفاظ على طرمبة البنزين مع انها ( الطرمبه تعلم اذا بغت تخرب الموتر ما يشتغل من اول نقره خلافا للسيارات الامريكيه )

******
الاشياء اللي غيرتها في السفاري خلال اول 200000 الف 1_ السيور عند 126000 الف
2_ الفحمت الاماميه والبواجي عند 149000 الف
3_ الفحمت الخلفيه عند 185000 الف لكن الموتر قير عايدي خذ حسابك ياصاحب التماتيك نقص حوالي 30000 الف للفحمات مع اني صاحب سرعه

بودي ان ازيد لكن ماودي اطول عليكم