طريقة نصب وسرقة يقوم بها العمالة في ورش السيارات فأنتبهوا منها تفضل لتعرف القصة

[كبسولة2]

بعض الورش نصابين يا أخوان كان معي مرسيدس بنز

خربت عندي المروحة حقت التبريد والسيارة ترتفع حرارتها

قالي روح جيب مروحة من التشليح

رحت أدور تقريباً ساعة حتى لقيتها المهم رجعت للورشة صاحبها تركي الجنسية

ركبنا المروحة وشغلنا السيارة الا هي تطفي تشتغل دقيقة وتطفي

قلت أش فيها السيارة يابو الشباب قال مدري أشيكلك عليها

قعد يحوس ويدوس حول البواجي المهم قال عندك الكويل خربان يبي تغير

قلت يا أخي أنا جايك بالسيارة زي الحلاوة مافيها شئ والحين تشتغل وتطفي

قال والله مادري نصااااااااب

قال شوف عندي كويل قديم بركبه بدل حقك وأشوف المهم جاب الكويل من عنده بداخل الورشة

مسكته لقيته حااار دافي شوي قلت حبيبي هذا حار قال لالا المخزن عليه شمس

ركبنا الكويل القديم أشتغلت السيارة زي الحلاوة قال حق التصليح 100 ريال والكويل المستعمل 50 ريال بس

عشان خاطرك من متى المعرفه ,,,,, الحرامي النصاب فاك الكويل حقي ومركب كويل خربان

ويبي يضحك علي قلت أوكي بجرب السيارة المهم ركبت سيارتي قلت له يا حرامي مافيه ولا ريال

وتبي تبلغ الشرطة هذا رقم اللوحة خذه وبلغ قل لهم فيه واحد سرقني وراح

وأحمد ربك أني ما توطيت في بطنك يا حرامي

والسالفة لها 5 سنوات ولا من شاف ولا من دري

فنصيحة أنتبهوا من العمالة في الورش تراهم نصابين وخلك واقف على شغله بالسيارة

لا يسرق شئ منها

[قسوره2006]

لا حولا ولا قوة إلا بالله



عافاك الله


و


جزاك الله خير


على


التوضيح


و


النتبيه



لا حولا ولا قوة إلا بالله

[ساري المفعول]

عزالله صدقت والضاهر الكلاب مشوووها علينا وواجد

اشكرك على النصيحه

[السرب]

مشكور ويعطيك العافيه

[altheeeb79]

بسم الله الرحمن الرحيم


جزيت خيرا على التنبيه 0 لكن الشق أكبر من الرقعه0 ياأخي هؤلاء العمال شايفين بعض أبناء الوطن(الجميع يعرف المقصود) يسرقون هالمسكين المواطن(المستهلك) 0إذا من باب أولى أن يسرق هوكذلك0 وغن ماطولك ياليل0 الله يصلح الحال ويثبتنا على طاعته0

[Mohammad]

حسبنا الله ونعم الوكيل...اخى الورش بشكل عام بها كثير من الاستنزاف لهذا الشعب الطيب!

وما علينا الا نقول حسبنا الله ونعم الوكيل ونحاول عمل امرين مهمين:

اولا: لا تفارق سيارتك ابدا..وحاول تخليه يجيب القطعه بنفسه وحاول ان تشرط عليه اذا ما صلحت يعيد القطعه القديمه!

ثانيا: سؤال اكثر من ورشه..وانصح بالوكاله فالفحص بلاش بلاش بلاش!! كيف؟ اقلك روح للوكاله وقول عندى مشكله كذا واذا قالك الحل كذا فلك اخيار تصلحها عندهم اوبورشه اخرى! وفى الغالب تويوتا وبعض الوكالات السعر متقارب وليس بعيد مع الفارق وهو ان الوكاله تعطيك ضمان بعد الله

والله اعلم

[.أبوعبدالرحمن]

لا حول ولا قوة الا بالله


حسبي الله عليهم

اما من ناحية الحركات هذي في النصب حدث ولا حرج

[a.الخثلان]

السرقات بالطريقة هذي غالبا تصير من أصحاب ورش المرسيدس والبي أم

[shaheenshah]

ايييييه
ما بعد شفت شي هذا غيض من فيض

[ابوحماد]

خذ هذي القصه أخي الكريم

جااااااااااااني ولد عمتي قال يابو حماد تخبر واحد عنده قير فرد 2006 م ا( الرجال خابرني سكني أعرف كل شي )

وش السالفه يابو ممحمد ...

أبو محمد : سلالمتك يابو حماد واحد من العيال الله يهديه داخل بالفرد كراون فكتوريا للطعوس و القير ماعاد يغير للثاني

أبو حماد : طيب المطلوب يابو محمد

أبو محمد : شالنجر يقولون القير مخبط يبي تتغير و محصل قير بسعر 5000 ريال و عند شالنجر تصليح و توضيب 3500 ريال

أبو حماد : طيب يابو محمد انت تبي شوري

أبومحمد : أجل ليش انا متصل عليك

أبو حماد : أبيك تسوي بعض الشغلات في السيارة ماتكلفك 50 ريال

أبومحمد : أبشر قول

أبوحماد : غير زيت القير و الفلتر وبعد التغيير أسحب أصابع البطارية لمدة يوم وسحب فيش الحساس الذي تحت القير بتحصل تراب في وجه العدو مايوصل للقير الكهرباء وبدونه مايغير الموتر للثاني ويبتل على الاول

أبو محمد : سم سم يابو حماد أبشر بسوي كل شي وماني خسران دام بدفع قيمة قير

اليوم الثاني الصبااااااااااااااااااااااااااح

رن رررررررررررررررن رن

أبو حماد : أرحب يابو محمد

أبو محمد : أبو حماد

أبو حماد : سم يابو محمد

أبومحمد : بيض الله وجهك يابو حماد ياولد خالي تستاهل هربي للثلاجه في بيتك

أبو حماد : وش السالفه

أبومحمد : الموتر مثل الحصااااااان يغير 4 مرات واخف من الريشه تماتيك

أبو حماد الله يبشرك بالخير

_________________________

هذي القصه يا أخوان يوم الثلاثاء الماضي

أقسم بالله العظيم هذا الحاصل

بالحذر من الورش

والحمد الله أفتك من 5000 ريال و انا كسبت الدعاء و جذع نعيمي ثلاجه لحمته بسكوت

[كبسولة2]

هلا وغلا بالجميع الهدف الحذر من أصحاب الذمم الي ماتخاف الله

[رياض الصمان]

تدرون وش السبب اللي يخلي هالورش يلعبون علينا

لأن احدنا اذا جاء للورشة سيارتة فيه خلل يريد اصلاحها

بعد ما يكشف عليها يقول رح وتعال بعد ساعة ولا بكرى

واضبط لك السيارة من إلى يروح المسكين على وجهه

والموضوع تلقاه بسيط اما سلك مقطوع ولا حاجه بسيطة

يقولك رح علشان يضربك بسعر مع العلبات والشغله

كلها بسيطه ما تستاهل هالمبلغ الضخم لكن الشاطر

يقول ابقعد معك ثلاث ساعات موساعة وحده بس يقعد يراقبه وش يسوي هذا اذا وافق العامل


لكم تحياتي

[gsb]

والله تخبرون العمالة ما جو من ديارهم حباً فينا وحنا بايعينه الفيزا (مكاتب الإستقدامربعنا . والي يهدي الفيزا من بعض الكفلا للعمال جبلي عامل والعامل ذا يعرضها للبيع)

جو للكسب المادي عاد بعضهم يخاف الله او انه مخلص اساسا

اما البعض الأخر يضحك على الناس وبسرق ويكذب.

ونحن مشكلتنا كشعب طيب ونحسن الظن دائما ولا نحاسب احد على خطاه ونسامحه ونقول ضعيف مسكين متغرب... إلخ

على العموم اذا كنت حريص على سيارتك وفلوسك انتبه لاتجنب عن العامل او الفني ان صح التصليح (التعبير)

ولوتاخذ ارقام قطع سيارتك الصالحة او تحط عليها علامة مخفية لاينتبه لها للصوص الورش .

[SoweL7]

صدقت والله ... وجزاك الله خير على التنبيه

[الشنه]

بصراحه
فينا طيبه لجد السذاجه
من يقول العامل غير نغير
احرصو على العامل صاحب الذمه
اذا عرفت لك عامل شغله نظيف وراعي ذمه زين
لكن مشكلتنا في العماله الي تلعب لعبتها

[كبسولة2]

هلا وغلا بالجميع

[راعي ابوعراوي]

بالذت البنغالية هذولا دود الأرض
تراهم لا يردهم لا دين ولا أخلاق
اذا شاف السعودي كل تفكيره ... إن هذا كيس ريالات يمشي كيف ياخذه منه
بالدين بالكذب بالحيلة
اللي يجي
والله لو يوكله لحم كلاب على أنه لحم غنم في مطعم...
لو تنفع معه سواها

[مطر مكة]

والله انك صادق يا كبسوله اذكر مره رحت للورشه ابصلح المروحه خربانه طلع فيها كتاوت المهم رحت اشتريه وبعد ما ركبنا الحمدلله كل شي تمام الا اشغل الا السياره ما تشتغل المهم قالي سلف طبعا السلف عنده جاهز يقول انه وكاله غيره راعيه عشان فحمات ناصب عليه الكلب والمشكله سيارتي تماتيك يعني اغير عنده المهم باعنيه مع التركيب 350 الله لايوفقه الحرامي ما قعد شهر الا خرب:mad::mad::mad::mad:
مع الشكر لك

[سطام vip]

حسبنا الله ونعم الوكيل

اكبر غلط انك تترك السياره وتروووح قابلهم ساعه ساعتين ثلاث المهم لا تخليهم

من جد حراميه واذا السياره بتطول اوصيكم كل شوي طيب عليهم يعني روح مشوارك وارجع

وطب عليهم والا خلي احد من اخوانك والا ربعك يمرهم بيخافون

الف شكر لك على التوضيح

وتقبل مروري والرد

دمت بخير

[كبسولة2]

طريقة حلوة سطام vip

أشكرك

[gsb]

على العموم نصيحة اخيرة اذا بغيت تروح وتغادر الورشة لا تروح الا ونتم متفقين على المشكلة والسعر وش راح يغير بالضبط وذا جيت تبي تطلع السيارة تفقدها مضبوط بين القطعة المفكوكة واثر الفك على المسامير والصواميل و تغبيرة الكبوت وغيره. وأي خراب بعد ذالك في قطع سالمة انشب بحلق العامل ولو تشتكيه يتأدب هو وغيره خصوصا اذا كان موترك نظيف ولم تواجه به مشاكل من قبل.

[يازين الجو]

خلوكم زيي مادخلها الورشه غير يوم ما الف اقل شي على خمسه ميكانيكيه

وبعدها بطريقتك تشوف من الافهم والاوثق ولا تخليه يركب قطعه من عنده

رح خذها من قطع الغيار قبل لايفك الموتر واتفق معه من قبل على السعر

كذا تكون ضامن الشغله

<< اخوكم من النوع الي مايحب ينضحك عليه وربي لو حتى بيضحك علي بخمسه ريال عساي ماصلحت الموتر

[راعي المسرى]

الله يكفينا شر من فيه شر .............. والردي ما خلا للطيب شي
الله لا يحدنا عليهم ويكفينا شرهم

[كبسولة2]

هلا بالجميييييييييييييييع

[نفيعي]

لاهنت على الموضوع والله لايوفق كل من دخل ريال حرام بجيبه من العمااله

[الساهر2003]

السلام عليكم
موضوع جدا ممتاز وتشكر عليه ياصاحب الموضوع
اخوي اللي يزيدك قهر انك تنسرق وانت تشوف ويستغفلك وهذا يقهرني اكثر من النشال اللي يسرق بخفية
وبصراحة انا متادب جدا معهم ادخل في الورشة قبل السيارة واوقف فوق روسهم مثل الاطرش في الزفة واسكت كاني ما اعرف شيي وبعض الاحيان استخدمهم انا اقولها فك هذا وركب هذا وهذي القطعة ركبها قبل هذي واغلبهم يرتفع ظغطه من هذه الطريقة واكثر من ورشة لما امرهم يقولون لبعض ان هذا ما يترك السيارة فيصرفوني وبصراحة الفلبينيين مع انهم نصارى لكن ثقة ويعرف شغله فقط مو كل شي يعرفه اللي ما يعرفه يقول ما اعرف
الف شكر للجميع

[كبسولة2]

هلا بلجميييييييع

[وبل نجد]

خذ هذي القصه أخي الكريم

جااااااااااااني ولد عمتي قال يابو حماد تخبر واحد عنده قير فرد 2006 م ا( الرجال خابرني سكني أعرف كل شي )

وش السالفه يابو ممحمد ...

أبو محمد : سلالمتك يابو حماد واحد من العيال الله يهديه داخل بالفرد كراون فكتوريا للطعوس و القير ماعاد يغير للثاني

أبو حماد : طيب المطلوب يابو محمد

أبو محمد : شالنجر يقولون القير مخبط يبي تتغير و محصل قير بسعر 5000 ريال و عند شالنجر تصليح و توضيب 3500 ريال

أبو حماد : طيب يابو محمد انت تبي شوري

أبومحمد : أجل ليش انا متصل عليك

أبو حماد : أبيك تسوي بعض الشغلات في السيارة ماتكلفك 50 ريال

أبومحمد : أبشر قول

أبوحماد : غير زيت القير و الفلتر وبعد التغيير أسحب أصابع البطارية لمدة يوم وسحب فيش الحساس الذي تحت القير بتحصل تراب في وجه العدو مايوصل للقير الكهرباء وبدونه مايغير الموتر للثاني ويبتل على الاول

أبو محمد : سم سم يابو حماد أبشر بسوي كل شي وماني خسران دام بدفع قيمة قير

اليوم الثاني الصبااااااااااااااااااااااااااح

رن رررررررررررررررن رن

أبو حماد : أرحب يابو محمد

أبو محمد : أبو حماد

أبو حماد : سم يابو محمد

أبومحمد : بيض الله وجهك يابو حماد ياولد خالي تستاهل هربي للثلاجه في بيتك

أبو حماد : وش السالفه

أبومحمد : الموتر مثل الحصااااااان يغير 4 مرات واخف من الريشه تماتيك

أبو حماد الله يبشرك بالخير

_________________________

هذي القصه يا أخوان يوم الثلاثاء الماضي

أقسم بالله العظيم هذا الحاصل

بالحذر من الورش

والحمد الله أفتك من 5000 ريال و انا كسبت الدعاء و جذع نعيمي ثلاجه لحمته بسكوت


ماشاء الله تبارك الله

[إبن فيصل]

عز الله نصابين وحرامية...بس وش نسوي محتدين لهم الله يعينا عليهم.

[راعي البرهـ]

نسال الله السلامه 0000وش السوات يالربع

[مقلع الرمث]

اخوي مره صارتلي هذي خرب عندي الدينمو وديت السيارة لم ابو هنود وقعد يحوس ويدوس المهم زانت السياره بعدها بااسبوع خربت رجعلته قال خرب عندك مدري ايش قلتله يالله المهم برضوا خربت السيارة قالي رح جب دينمو قلت ياولد مصخها وبقوه بعد رحت شريت دينمو من التشليح وقلتله ركبه ولا تفكه ولاتقربه قال ابفحصلك الكتاوت ابفحص الفحمات قلت لا تفحص شي ركبه المهم شده وصلح الموتر

[سيف نجد FJ]

نسيتوا شي واحد بسيط وين الشباب السعودي المدرب في المعاهد المتخصصه

وينه لو اشتغلوا بورشه او حتى فتحوا لهم ورشه واشتغلوا بأمانه كامله والله انهم راح يكونون رأس على علم

الشغل مهب عيب العيب ان الواحد يستحي من الشغل كلنا نكمل بعض والله الكامل

[جنوبي صميم]

صدقت والله

واحد من الزملاء اشترى قطع توضيب اصلي من الوكالة كلفته حوالي اربعة الاف ريال تقريبا المهم اخونا بعد فتره راح يغير الزيت قال بالمره نغير الفلتر السياره توها موضبه المهم اول ماشاف الفلتر اللي مركب بالسياره ناظر فيه شويه ورجعت به الذاكره انه مشتري اصلي من الوكاله واللي راكب تجاري تخلبطت اموره وصار كاره للسياره لاعتقاده ان اللي بدل الفلتر بتقليد مستحيل يركب القطع الاصلي بالمكينه !

[كبسولة2]

لا حول ولا قوة الا بالله حراميه ما يخافون الله

[sami2003]

كل ما ذكر فهو صحيح ولدي شاهد على ذلك من احد الاقرباء لدية ورشة تربيط مشهوره بالصناعية القديمة منذ 35 سنة تقريبا ويحذر من النصب والاحتيال على السعودين ويذكر لنا قصص يشيب لها الراس من غش العمالة للسعودين والتزوير للقطع الغيار وعمل الاستكارات ولصقها على كراتين او علب القطعة وبيعاها على انها اصلية ومن ضمن الفصص المشهوره والتي للاسف هي :

يقول انة يعرف احد محلات بيع القطع الغيار المشهورة من الجنسية اليمنية ويحكي لة اليماني نفسة انه في ذلك اليوم كان العمال داخل المحل يقومون بلصق الاستكارات المزوره على كراتين قطع الغيار من نوع (اي سي ديلكو ) وفجاءة جاء مندوب مكافحة الغش من وزارة التجارة وقام بالدخول مباشرة الى داخل المحل واذا به يرى هذا المنظر !!!!!!!! وسط ذهول وخوف العمال !!!!
وقام بعل محضر غش للاقفال المحل الا ان اليماني تدارك الوضع واخذ يحاول به ويساومة على مغريات وخيرا ماذا!!!؟؟؟
تنازل الاخ السعودي الموظف الحكومي !!! عن المحضر مقابل 12.000 ريال شهرياً.
------------
الموقف الثاني :
يقول ان له قريب لدية كابرس موديل 2006 تحت الضمان وجاءه وكانت المشكلة لدية ان ذهب بها الى الوكالة وعملو لها الصيانة الدورية وبعدها امتلى الكبوت بالزيت !!!! وذهب معة الى ورشة متخصصة بالزيوت الهيدورليك فوجودو ان احد الليات او الخرطوش ليس مربوط تماماً وتسبب بخروج الزيت منة الى انحاء الكبوت وتم اصلاحة وحينها بدا اللبناني او السوري يكشر عن انيابة ؟؟؟ ( ياساتر فلم رعب) ويستعد لللاجهاز على (ابو عقال السعودي ) الا ان ارداة الله حالت دون ذلك بلجم الوحش الضاري وقتلة بعشرين ريال فقط !!!! بعد ما قال لة قريبي ان جارك وبضحكة صفراء عرف بعدها انه من اهل الورش وفاهم ان الشغلة ماتستاهل بعد عشرين ريال
شفتو كييييييف رغم ان قريبي قال لو جاءة لوحدة لنصب علية بمبلغ تقربيا 300 او 250 ريال
وعلى العموم شوفو الغرابي وتعرفون السبب لييييش الاجانب بضحكون علينا كله بسبب ( المبزر او الوارعين ) اللي يلعبون بالسيارات والمستفيد الاول والاخير هم !!!!!
-------------
الموقف الثالث
يقول ان تلفي عرض من محل بيع قطع غيار مشهور بالصناعية وخاصة قطع الياباني مقابل 2000 ريال شهري على ان يرسل الية الزبون او عمل التوصيات اللازمة له من مدح واطراء وغيره او يقوم هو بشرائها من عنده ومحاسبة الزبون بعد ذلك !!!! طبعا رفض قريبي والسبب هو ان القطع غير اصلية او مشكوك فيها ا براء لذمة .

طبعا هذا المواقف ماهي الا قطرة من بحر الغش وخاصة من يكون بين العمالة وللاسف لاحياة لمن تنادي
وشكر لكم

[كبسولة2]

يرفع للحذر والفائدة

[ناصرالفهد]

الله يعطيك العافية

[عذب الروح]

لا حولا ولا قوة إلا بالله



عافاك الله


و


جزاك الله خير


على


التوضيح


و


التنبيه

[أبوهادي]

لا حولا ولا قوة إلا بالله


عافاك الله

و

جزاك الله خير

[العتل]

لا حول ولا قوة إلا بالله وش ترجي وراهم لا ذمــة ولا ضمير
المهم عندهم جمع الفلوس باي طريقة والعوده لبلدهم باسرع وقت
الواجب علينا ان نراقب ونحرص على شغلنا
مع تنياتي للجميع بالتوفيق
ومشكور راعي الموضوع
حركة المواجع

[محمد بن سعيد]

يسولف علي واحد يقول أنه شرى شبح من الأردن في منطقة تسمى الحرة اكيد الكثيرين يعرفونها ويوم خلص معهم واتفق على السعر قالوا له رح خلص الأوراق عشان نسلمك السيارة وبعدين وهو في نص المشوار تذكر ورقه نسى ياخذها المهم أن الرجال رجع للي باعة الموتر ولقاه ويا كم واحد فاكين المكينة يبون يبدلونها بمكينة ثانية المهم الرجال نطل عليهم الاوراق ومشى وخلاهم

منقول

[وادي غران]

الله المستعان .. الله يجزاك الجنة أخوي على النصيحة.

بالنسبة لي أجري أعمال الكشف والصيانة بورشة تويوتا .. صحيح أني أدفع أكثر لكن على الأقل أضمن أنه ما ينسرق من القطع أو تتغير القطع السليمة, و على الضمان !!

[ذيب الداهية]

عطني موقع الورشة ... حتى لو صارت قبل خمس سنوات ...

قسم لخلية مثل المسطرة ..

مبقى الا يلعبون على هاشوارب .. والله لا خلية يعاف شي أسمة (( سعودية )) .. لعن الله أصلكم عمالة متخلفة..


تحياتي ..لك اخوي كبسولة2 ....

[الدبل الثقيل]

جزاك الله خير

[abw1122]

يا احبتي انحاشو من الاتراك تراهم اكبر حراميه قطع

وصارت لي معهم اكثر من قصه

[غربي هواوي]

اهل الورش طبعا سلامة الطيبين مو كلهم عنتدهم فن في النصب

انا بعت فورد عللى واحد من اصحابيب قبل كم سنة

وكأن الموتر مو صافي بع\ة فترة قام يقطع المهم الرجال مر على ورشة فيها اتراك قاله الكويلات اللي تجي فوق البواجي في واحد خربان قال خويي طيب والرأي
قاله انا عندي كويلات مستعملة وش رايك اركبيهم بدال اللي عندك قاله تم

ومن بعدها السيارة انواع التقطيع والتشكيل نصب علية اخذ الكويلات الباقية الشغاله اللي عنده وكلها اصلية واعطاه المستعملة الللي ماهي نظيفة

والسبب وش هو ثقتنا الزايدة فيهم وفيها شوية مو كثير قلت شوية دلاخه من بعض ناس

الله يستر على المسلمين

[دله وفنجال]

السلام عليكم...


على طاريهم هذا ولد عمتي معه فورد كراون فيكتوريا المهم ولعت لمبة المكينه وداها لم الصناعية الي برياض القديمه طبعاً جاه السوري قاله خل موترك يبيله شغل بلبخاخات كثير وتعالي بعد العشاء والرجال جاية العصر...

خوينا ماطاعه وقاله لا ابجلس عندك لين اتخلصة انا ماعندي شي المهم السوري حاول يلف يمين يسار يبيه يروح يبي يصرفة ماقدر رفيقنا ناشبله بلأخير جاه وقاله موترك مافية شي ماغير لي هواء منقطع ولفيته لك بشطرطون بس ...

طيب لو خوينا طالع كان لفله لي الهواء بشطرطون وقاله تراني نظفت البخاخات وللا وضبتلك المكينه (نصب عيني عينك)...

الله يجيرنا من اكل المال الحرام والله من يوم دخلو العماله الفاسدة والي همهم العب والنصب وحنا ماحنا ابخير حتى صارو بعض اعيال البلد يقلدونهم الله يهديهم ...

الله يستر...

[lahoob.uae]

مشكور ويعطيك العافيه

[كبسولة2]

الشكر للجميع على إطلاعهم

[كبسولة2]

الشكر للجميع على إطلاع

[كبسولة2]

تدرون وش السبب اللي يخلي هالورش يلعبون علينا

لأن احدنا اذا جاء للورشة سيارتة فيه خلل يريد اصلاحها

بعد ما يكشف عليها يقول رح وتعال بعد ساعة ولا بكرى

واضبط لك السيارة من إلى يروح المسكين على وجهه

والموضوع تلقاه بسيط اما سلك مقطوع ولا حاجه بسيطة

يقولك رح علشان يضربك بسعر مع العلبات والشغله

كلها بسيطه ما تستاهل هالمبلغ الضخم لكن الشاطر

يقول ابقعد معك ثلاث ساعات موساعة وحده بس يقعد يراقبه وش يسوي هذا اذا وافق العامل


لكم تحياتي


كلامك سليم 100 %

[القناص-sniper]

تبون النصيحه يا شباب

اشوف بعض الناس الله يهديهم ينطلون سياراتهم

في الورش ويروحون يقضون مشاوير ولا يجيبون قطع ويرجعون

وتلاقي الي ما عنده ضمير وحرامي مفكك من سيارته ومركب له تجاري

يسوي اي شي بس ياخذ زيادة فلوس

نصيحتي لا حد يخلي سيارته في الورشه اذا كان شغلتها بسيطه حتى لو اجلس 5 او 6 ساعات

[aooa]

والسالفة لها 5 سنوات ولا من شاف ولا من دري

ما شاء الله تنصحنا بعد خمس سنوات

[النجم الطائر]

نصابين على جميع الاصعده يسرقونك سرق ولا فيه من يرد عليك الصوت

[@قرناص@]

الحل ومن اجل سلامتك من النصابين / اجلس فوق راسه لين يخلص من الموتر !

[قايد الشاص]

مشكووووووور على التنبيه ونتمنى في المستقبل كل اللي في الورش سعوديين لوجود الثقه بهم والله يعطيك العافيه

[الاحور]

:good: اخوي الحبيب شف من كفيله:j وانت تعرف ليه ماناخذ حقنا او بالاصح في الاحلام وشاكرك على الموضوع :confused: :confused:

[عكاشه]

السلام عليكم ورحمة الله وبركاته


اكيد ان العامل الاجنبي بيسرق وبيلعب الا من رحم ربي

لكن الحل اللي انا اطبقه على نفسي رغم قلة روحاتي للورش هو اني اروح للورشه اللي فيها سعودي وخاصه اذا صرت اعرفه من قبل
اظمن ان شاءالله انه ماهوب غاشني

عندنا بالدوادمي كذا ورشه فيهن سعوديين من اهل الديره وماشاءالله عليهم شغل نظيف واسعارهم معقوله وامانه وهذا اهم شي
ومستحيل اروح لغيرهم ودي اعطيهم السعر دبل ولا اعطيه لهندي وبنقالي وماجر غصنه :)

[القناص-sniper]

والسالفة لها 5 سنوات ولا من شاف ولا من دري



ما شاء الله تنصحنا بعد خمس سنوات


اجل بعد ما شبعو منا هههههههههههههههههههههههههههههههه

الله يرج ابليسك

[كسير الحظ]

الحذر واجب

[عسير المنال]

مشكور كبسولة
لتنبيهك

كثير مايحد هذا ولكن المشكلة من العملا الذين يوقفون السياره ويودو ليدفع ويأخذها فقط

[عرق رملان]

الى إعضاء وزوار مكشات لا تفوتكم النصائح التي لا تقدر بثمن بخصوص السيارات

ثلاث نصائح لا رابع لهما
اعطيكم خبرتي بالمجان في هالموضوع وبدون مقابل

النصيحة الإولى : استشر اكثر من مهندس في المشكله حاول قد ما تستشير استشر احسن لك عشان تعرف وتتاكد من المشكله اذا كانت غامضة عليك وكمان تطلع فضايحهم وهم ما يدرون .

النصيحة الثانية : حاول بقدر المستطاع انك تصلح السياره عند فلبيني مسيحي يعني ابعد عن المسلم في كل الجنسيات للاسف ما يضحك عليك الا المسلم .( ولا تلوموني لني شفت العجب فيهم ) اما الغير مسلم يكون اكثر صدق للاسف.

النصيحة الثالثة : اذا انت غير متأكد من راعي قطع الغيار انه صادق 100%100 نصيحة خذ شغلك من الوكاله حتى لو فيه زياده افضل من انهم يبيعونك حول سعر الوكاله وهو مخشوش .

تبون نصيحة على الماشي الرابعة :

والرابع الله يجيبة : حاول ان راسك مع راس المهندس في وسط الكبوت اقلط ولا تستحي معه .. حاول بقدر المستطاع انك تودي سيارتك اذا بغيت تصلحها اول النهار عشان تتكي عند ابو الشباب . الخلاصة لا تخليها تمرح الا في الشديد القوي .

تبون الخامسة : اصناف ابو شكيب ابعد عنه اذا قدرت ( فلسطيني _ سوري _ اوردني _ تركي_ مصري هذا الطامه ابو مصير ههههههههه )

تبون السادسة : حاول انك تستشير الاصدقاء والاقارب والشباب في المنتدى حول الورشة او المهندس الجيد .

والله يحفظكم

[هارون97]

ياخوي انا أذا شفت في الورشة سوري او تركي فحطت عليه مشيت معروفي هؤالا اكبر نصابين في العالم الان الحقد مالي قلوبهم علينا معلش هذالحقيقة المخفية

[WAW]

ههههههههه اعجبني انك قلت زين ماتوطيت ببطنه بعد ماركبت السياره ومشيت

[كبسولة2]

والسالفة لها 5 سنوات ولا من شاف ولا من دري

ما شاء الله تنصحنا بعد خمس سنوات


ههههههههههه

وش دراني أحسبكم ذيابه

[كبسولة2]

ياخوي انا أذا شفت في الورشة سوري او تركي فحطت عليه مشيت معروفي هؤالا اكبر نصابين في العالم الان الحقد مالي قلوبهم علينا معلش هذالحقيقة المخفية

فعلا هؤلاء حاقدين على السعودي مدري لييييييييه؟

[مطر وسم]

المشكله بالمراكز الكبيره زي شالنجر وغيرها قسم بالله كل شغلهم نصب وكذب واحتيال وسرق تحصل سلك منفصل او فيوز ضارب يقولون لك لازم فك مكينه او قير توضيب تبي او طلع سيارتك( ينفخ عليك ) والمسئله تصليح اقل من دقيقتين وبعد هذا تعال حاسب 5000 او 6000 والضحيه المواطن انا وانت والرابح ابو شكيمه سوري او تركي او لبناني
المراكز هذي اسم كذا بس الناس معطينهم اكبر من حجمهم
اقول ياحليل ابو هنود ماعمري شفت زيهم امانه واخلاص وشغل صح

[هويدي]

حسبي الله عليه واشكاله

السياره المفروض ماتغيب عن عين الواحد بالورشه
بس احياناً يحدونك ... استودعها الله والله خير حافظ

وجزاك الله خير على التنبيه