أهل الخبره نــبي شوركم

[ذيب طي]

يالربع وش رايكم في كفرات هانكوك من ناحية التحميل و الخـــط والتحمل وخاصة اللي قد جربها أو اللي له خبره
(أرجو أن لاتبخلو بارآكم) وشكرا:)

[عاشق السيل]

تتميز كفرات هانكوك برخصها وبالليونة وهذا ميزة مطلوبة في الرمال ومع المطبات والمطناج ،، أما المناطق الوعرة والصخرية فالكفرات القاسية أفضل ،،

ومن ناحية التجربة أكذب عليك إذا قلت إني مجربها لكن كثير من الشباب اللي أعرفهم مجربينها ويمدحونها بقوة وإن شاء الله قريبا ناوي عليها بسيارتي !!!

غيري بيفيدك أكثر وتقبل مروري يالغالي .....

[fusfus]

ميه ميه اذا كانت الاصليه

[ذيب طي]

تتميز كفرات هانكوك برخصها وبالليونة وهذا ميزة مطلوبة في الرمال ومع المطبات والمطناج ،، أما المناطق الوعرة والصخرية فالكفرات القاسية أفضل ،،

ومن ناحية التجربة أكذب عليك إذا قلت إني مجربها لكن كثير من الشباب اللي أعرفهم مجربينها ويمدحونها بقوة وإن شاء الله قريبا ناوي عليها بسيارتي !!!

غيري بيفيدك أكثر وتقبل مروري يالغالي .....
مشكور ويعطيك العافيه على هالمعلومه شرفني مرورك:)

[ذيب طي]

ميه ميه اذا كانت الاصليه
مشكور وماقصرت طمنتني اللحين الله يعطيك العافيه

ننتظر باقي آراء الشباب لانستغني عن خبرتكم:no2:

[فارس العمور]

متاااابع معكم للفائده


للرفع

[أبا مجاهد]

أخوي أنا ركبتها على الفورد تبعي وكلفتني تقريبا 1150 ناسي بالتحديد..

المهم سافرت عليها عدة مرات وممتازه ولافيها مشاكل مع اني كنت متخوف منها بالبدايه..

[سطام vip]

السلام عليكم ورحمة الله وبركاته

كفرات هنكوك ممتازه وعمليه وناعمه على الطريق يعني لينه

واستخدمتها عدة مرات حوالي 3 سنوات وانا ما اغير لسيارتي الا هي

كانت سيارتي فورد ومسكت عليها خطوط من ضمنها خط الامارات وامشي 170 في عز الظهر

والحمد لله تمام بس المشكله يالغالي

1- انتبه هناك نوع كوري صيني اطلب الكوري كوري

2- اسعارها ارتفعت وصارت مقاربه للكفرات اليابانيه على كذا صرت ابدل بكفرات ياباني احسن وأضمن

وسلامتك

هذا ماعندي والي اعرفه

دمت بخير

[قاصد الصمان]

السلام عليكم ورحمة الله وبركاته

كفرات هنكوك ممتازه وعمليه وناعمه على الطريق يعني لينه

واستخدمتها عدة مرات حوالي 3 سنوات وانا ما اغير لسيارتي الا هي

كانت سيارتي فورد ومسكت عليها خطوط من ضمنها خط الامارات وامشي 170 في عز الظهر

والحمد لله تمام بس المشكله يالغالي

1- انتبه هناك نوع كوري صيني اطلب الكوري كوري

2- اسعارها ارتفعت وصارت مقاربه للكفرات اليابانيه على كذا صرت ابدل بكفرات ياباني احسن وأضمن

وسلامتك

هذا ماعندي والي اعرفه

دمت بخير
السلام عليكم
الصحيح انها كفرات مجربه وقوية التحمل ، لكنها اصبحت غا لية الثمن واذا وصلت لقيمتها فا حسن تا خذ كفرات (دنلوب) اللي وكيلها ابن زقر

[.أبوعبدالرحمن]

اذا انت راعي تحميل وخطوط بس فعليك بالميشلان او البرجستون


اما اذا انت راعي بر وتحميل وخطوط فعليك بالدنلوب


اما الهنكوك الميزة الحلوة فيه الليونة بس

ايضا قد تنقلب ضدك لانه اعرف واحد حك في الرصيف حكه بسيييطة ضرب عليه الكفر

[ذيب طي]

الأخوة:
فارس العمور-
أبا مجاهد-
سطامvip-
قاصد الصمان-
ابو عبدالرحمن الصفيان-
مشكورين وجزاكم الله خير على مروركم وعلى معلوماتكم القيمة

[مسايف الطعس]

هلابك أخوي مجروح711

الهانكوك أنا جربتها على سفاري جنوط 17

في النفود حليوه

في الديرة على طول تزحف مايبيلها شي خاصة اذا كان الموتر بدون مانع أنزلاق

في الوعر دمااااااار على طول تنفقع جوانبها ضعيفه مره

التحمل قعدت معي 8 شهور بس كارفها شوي طلعت أسيامها

على طول تتشقق ماتصبر مثل الدنلوب والبرجستون صح أنها أرخص بشوي بس ماتقعد نص المدة الي

تقعدها الكفرات الثانية كالدنلوب

خويي معه باثفندر كل 7 شهور طقم جديد وكرفه عادي

نصيحة لا تقربها خلك على الدنلوب هي أفضل شي وتستاهل سعرها بس تأكد أنها أصلية

تحياتي

[عاشق السيل]

مداخلة مرة ثانية ،،
انا جربت البرجستون رهيبة وقوية لكنها تتقرض مع الأطراف والنقشة تتمسح مع الوقت ،،
وجربت التويو زينة ولينة لكنها مع الوقت تصعرر وإذا انفقع الكفر وأنت مسرع على طول ينسلخ ،،

والحين مركب يوكوهاما من سنتين ونص وماأدري متى اغيرها لأنها لازالت نفس الشكل ،، وبيني وبينك أحلى وأقوى كفرات عرفتها ،، بالرمل ممتازة ،، بالرساوة تمام ،، بألعن أنواع الصخور قوية وماتتأثر ،، فيها ليونة نوعا ما ،، ومرة إنفقع علي واحد وأنا بطريق الحجاز وامشي فوق الـ 140 وتشقق الكفر بس ماشاء الله ماسك نفسه وماتحرك من الجنط !! وعيبها الوحيد فيها ونة خفيفة ( صوت ) وإن شاء الله الجاية تتغير النقشة وتروح الونة وقريبا أبركبها ثاني مرة ..

للفائدة والله يوفق الجميع وتقبل تكرار زيارتي يالغالي .....

[ذيب طي]

اخوي مسايف الطعس
مشكور والله يعطيك العافيه على رأيك وبحكم تجربتك
لكن مأتوقع انها لدرجه هذي من أنها ماتتحمل او انها تنتهي بسرعه -أنا ماأكذبك ولكن يختلف الاستعمال
يمكن خويك راعي الباث يكون راعي خطوط او مشاويره وااجد -وعلى العموم هذي وجهة نظر فقط لاغير
بحكم خبرتي البسيطة في هذا النوع بالذات - لكن للمرة الاخرى اقولك مشكور وماقصرت على نصيحتك وتجربتك

[ذيب طي]

مداخلة مرة ثانية ،،
انا جربت البرجستون رهيبة وقوية لكنها تتقرض مع الأطراف والنقشة تتمسح مع الوقت ،،
وجربت التويو زينة ولينة لكنها مع الوقت تصعرر وإذا انفقع الكفر وأنت مسرع على طول ينسلخ ،،

والحين مركب يوكوهاما من سنتين ونص وماأدري متى اغيرها لأنها لازالت نفس الشكل ،، وبيني وبينك أحلى وأقوى كفرات عرفتها ،، بالرمل ممتازة ،، بالرساوة تمام ،، بألعن أنواع الصخور قوية وماتتأثر ،، فيها ليونة نوعا ما ،، ومرة إنفقع علي واحد وأنا بطريق الحجاز وامشي فوق الـ 140 وتشقق الكفر بس ماشاء الله ماسك نفسه وماتحرك من الجنط !! وعيبها الوحيد فيها ونة خفيفة ( صوت ) وإن شاء الله الجاية تتغير النقشة وتروح الونة وقريبا أبركبها ثاني مرة ..

للفائدة والله يوفق الجميع وتقبل تكرار زيارتي يالغالي .....
الله يعطيك ألف عافيه على مرورك واهتمامك بالموضوع وعز الله انك ماقصرت

[ذيب طي]

لــلـــرفـــــع

[الكيان]

اسوأ كفرات قد جربتها والاسبوع القادم راح اغير كفراتي من هانكوك الى زعيم الكفرات وهي البرجستون

تصدق انها كفرات هانكوك 3 كفرات قد ضربن علي في الخط السريع في اقل من سنة والآن اريد تغييرهن

الى زعيم الكفرات البرجستون بسبب قوة التحمل في الديرة والخط والحمولة والبر والنفود والوعر والصخر

بالاضافة الى طول العمر فهي تقريبا تكون معك 3 سنوات او 65000 كلم والسعر المناسب لقيمة الكفر

وهناك اناس يركبون الكفرات الرخيصة ظنا منهم انهم يوفرون لانفسهم المال الغير المبارك وكم من عائلة

توفيت بسبب كفرات رخيصة وكم من...... وكم من........... وحياتك وحياة عائلتك اغلى من المال

ولكن انصح الجميع ان هناك كفرات برجستون وميشلان وغيرها من الكفرات الممتازة تقليد اما كوري واما

صيني واما اندونيسي ولذلك جرى التنويه

[مكشات شرقاوي]

الصراحة أحلى كفرات جربتها على سيارتي تاهو هي من نوع :
بيرللي Pirelli
غالي حبتين لكنه يستاهل وروعه
لجميع الاستخدامات مريح جداً جداً ، ركبته من الوكيل أصلي ومضمون :good: بإذن الله تعالى

[ذيب طي]

ياليت تذكرلنا كم اسعارها (بيرللي) او اي واحد سبق ان اشتراها