المزاز بالداخل ( قصدي الموضوع الداخل )

[قرم العرض]

السلام عليكم ورحمة الله وبركاته
^
^
^
^
^
^
^
^
^
^
^
^
^


كيف حالكم يا أعضاءمنتديات مكشات


عندي مشكلتين في سيارتي وهي على التوالي كالتالي



أولا :-
في البداية نوع السيارة ددسن دفرنسين 2006
شاريه من سنة تقريبا ً أول ما شريته إذا جيت أشغله الصباح أو إذا كان بارد
صوته غريب شوي يعني تحس إن الكنداسه منشقة أو الكزوز فيها تهريب وديته الوكالة فحصوه قالوا مافيه أي شيء وطبيعي قلت ياولد تأكد ورح لورشة وديته الورشة وقال مافيه أي حاجة برضو والصوت مقلقني وش تتوقعون منه إلي عنده إقتراح أو يعرف ورشة فاهمة أو أي معلومة يفيدينا والله يجزاه عني كل خير


ثانيا ً :
إذا جيت اطفي السيارة يرج القير رجة غريبة ويطلع طقطقة غريبة ( للتوضيح) >> كنك ماكل مطب واللحام حق الشكمان منطلق ويطقطق في حديد السيارة إلي تحت << والله يالربع إني مدري وشي منه ناضرت تحت السيارة وديت الموتر ورشة ماش ما فيه أحد برد تسبدي وش السواة


ــــــــــــــــــــــــــــــــــــــــــــــــــ ــــــــــــــ
لاتقولون لي أنت بارد سنه ما وديته وما حرصت بقولكم أن السيارة ما أحركها إلا كل شهر أو شهر ونص
يعني إذا حركته إما بروح البر يعني ما أروح عليه إلا كاني بمشي مع طريق (غير معبد :d )


والله ولي التوفيق ,,,
محبكم
^^^^ قرم العرض ^^^^

[Abu Mnsor]

انا اقول ان الوضع طبيعي
وعادي جداً
خصوصا ارتعاشة القير اذا طفيت السياره

لاني لاحظته بأكثر من سياره خصوصا الددتسن


عموما ننتظرتعليق باقي الاخوان يمكن يفيدونك


اهم شي تطمن يالغالي:)

[مساير الليل]

المشكله الأولى طبيعي مافيها شي صوت كنداسة الموتر كذا


طقطة الشكمان موتري 2005 وعرفة المكان وكل يوم بنزل أربطها لين ملت وراح الوصت من نفسه

لو تنزل تحت موترك شفه مسمار يمسك ماصورة الشكمان في البدي أنزل بمفك واربطها وبس تقريبا مكانه تحت باب السواق والله أني نسيت

[أبو LAMeS]

السلام عليكم ورحمة الله وبركاته

^
^
^
^
^
^
^
^
^
^
^
^
^


كيف حالكم يا أعضاءمنتديات مكشات


عندي مشكلتين في سيارتي وهي على التوالي كالتالي



أولا :-
في البداية نوع السيارة ددسن دفرنسين 2006
شاريه من سنة تقريبا ً أول ما شريته إذا جيت أشغله الصباح أو إذا كان بارد
صوته غريب شوي يعني تحس إن الكنداسه منشقة أو الكزوز فيها تهريب وديته الوكالة فحصوه قالوا مافيه أي شيء وطبيعي قلت ياولد تأكد ورح لورشة وديته الورشة وقال مافيه أي حاجة برضو والصوت مقلقني وش تتوقعون منه إلي عنده إقتراح أو يعرف ورشة فاهمة أو أي معلومة يفيدينا والله يجزاه عني كل خير


ثانيا ً :
إذا جيت اطفي السيارة يرج القير رجة غريبة ويطلع طقطقة غريبة ( للتوضيح) >> كنك ماكل مطب واللحام حق الشكمان منطلق ويطقطق في حديد السيارة إلي تحت << والله يالربع إني مدري وشي منه ناضرت تحت السيارة وديت الموتر ورشة ماش ما فيه أحد برد تسبدي وش السواة


ــــــــــــــــــــــــــــــــــــــــــــــــــ ــــــــــــــ
لاتقولون لي أنت بارد سنه ما وديته وما حرصت بقولكم أن السيارة ما أحركها إلا كل شهر أو شهر ونص
يعني إذا حركته إما بروح البر يعني ما أروح عليه إلا كاني بمشي مع طريق (غير معبد :d )


والله ولي التوفيق ,,,
محبكم

^^^^ قرم العرض ^^^^


بالنسبة للمشكلة الآولى إذا كنت ما تحرك السيارة إلا كل شهر أو شهر ونص يمكن فيه وسخ مجتمع في السلف يعني شيك على السلف

وبالنسبة للمشكلة الثانية إذا كان موترك ديزل فهذا طبيعي وهي موجودة بكل سيارات الديزل اليابانية والله أعلم

[.أبوعبدالرحمن]

اخوي المشكلة الاولى تقول انك رحت للوكالة ورحت لكذا ورشة هنا ما نقدر نقول شيء لانك اكيد رحت لناس فاهمين والسيارة اعتقد ما بها شيء


اما المشكلة الثانية ارفق على الموتر شوي لانك والله اعلم انك اذا مسكت طريق ترابي جلدت الموتر وهذا والله اعلم طبيعي انك تجد السيارة يبي لها تربيط اسفل الموتر ومايمنع انك تشيك على جميييييع حوامل الشكما من بداية السيارة والى نهاية الشكمان وخصوصا من جهة الكنداسة

[الشنه]

من اي محطه تعبي بنزين

اذا محطات عاديه يديرها البنقاليه

فمنزيمك مغشوش

جرب عب من الدريس واستخدم الموتر بشكل يومي
على الأقل لمسافة 1000 كيلو
بتقطعها في اسبوعين

[قرم العرض]

أشكر كل من مر على موضوعي
والله يجزاكم عني كل خير أما بالنسبة للردود
أولاً: الله يعطيك العافية يابو منصور
وأن ما لاحظت الطقة في القير إلا قبل شهرين تقريبا .
ثانيا ً : أشكرك يا مساير الليل
وأنا قد ربطتها والظاهر إني بربطها مره ثانية على كلامك وثالثة
ثالثا ً : يعطيك ألف عافية يابو لميس
بشيك على السلف وشاكر ومقدر تعاونك والموتر بنزين
رابعا ً : شاكر لك يابو عبدالرحمن الصفيان
أنا صحيح رحت لكن ماش ماتوكدت وبالنسبة لجلد الموتر والله إني ما احنه بالحيل يعني أنا فيني عجلة ما هيب يم سنع
خامسا ً : أشكرك كل الشكر يالشنه
وأنا ما اعبي إلا من الدريس وإلا من نفط يعني حريص شوي إذا كنت في الرياض اما برا الرياض متى ما ولعت اللمبة أقرب محطة
وشكرا ً لكل من مر مرة أخرى وبأخذ بكل نصيحة وشكرا مرة أخرى

[alajmi100]

السلام عليكم بالنسبه لمشكله المسمار اللي ينحل دايم فيه وانا اخوك عصار زي الجملكه اسمه لوك تايت(loock tight)هاذا الله سلمك فك المسمار وحطه على السنه وان شاء الله ما عاد ينحل
اما بانسبه للمشكله الثانيه فإذا صوت الرجه ما يطلع الا بعد اان تطفي السياره يعني تسكر السويتش وتجي فشيك على وزنيه الديلكو وحاول انك ما تطفي السياره على طول يعني بعد ما توقف انتضر شوي

[abu hlal]

شيك على كراسي المكينه والقير.....تسبب رجه عند التطفيه!

[راعي البرقا]

ما قصروا الإخوان الله يعطيهم العافيه

[shaheenshah]

اما بانسبه للمشكله الثانيه فإذا صوت الرجه ما يطلع الا بعد اان تطفي السياره يعني تسكر السويتش وتجي فشيك على وزنيه الديلكو وحاول انك ما تطفي السياره على طول يعني بعد ما توقف انتضر شوي

كلام اخوي صحيح
اذا كان توقيت الديلكو مهوب مضبوط اذا طفيت السويتش تحس ان السيارة ما طفت والقير يرج والسيارة كلها ترج

[قرم العرض]

أشكر كل من رد على موضوعي
وجزاكم الله عني كل خير