جيب برادو 2008- 6سلندر

[م.أبوخلاد]

بسم الله الرحمن الرحيم
مساكم ربي بالخير وصبحكم بمثله..
هذي أول مشاركه لي في منتداكم وإن شاء الله ماهيب الأخبرة..

أخوكم عازم بإذن الله إنه يشتري برادو 2008 VX2 يعني 6سلندر+فتحة+مثبت سرعه
راح يكون بـ123ألف ريال إن شاء الله

وش تقولون في هالجيب؟
فيه أحد لاحظ عليه شي؟

نبي رايكم يالربع ومشورتكم..لكم منا الدعاء بإذن الله..

[بدوي جنوبي]

لو عندي هالمبلغ ما حطيته في سيارة ملفقه
تجميع صيني علي تايلندي
مع احترامي الشديد لك يا اخ ابو خلاد

والله حرااام 123 الف
باجيرو والا فلا :good:http://www.mekshat.com/pix/upload02/images65/mk32037_22.jpg

[alkongrs]

لو عندي هالمبلغ ما حطيته في سيارة ملفقه

تجميع صيني علي تايلندي
مع احترامي الشديد لك يا اخ ابو خلاد


والله حرااام 123 الف
باجيرو والا فلا :good:http://www.mekshat.com/pix/upload02/images65/mk32037_22.jpg




اضم كلامي مع اخوي بدوي جنوبي :D

[بواسامه]

حط هالمبلغ في جعلك تسلم في شيخ مثل الكروزر ولا سفاري
البرادو مب شين بس مايقارن باللي فوق
الله يدلك على الخير

[م.أبوخلاد]

لو عندي هالمبلغ ما حطيته في سيارة ملفقه

تجميع صيني علي تايلندي
مع احترامي الشديد لك يا اخ ابو خلاد


والله حرااام 123 الف
باجيرو والا فلا :good:http://www.mekshat.com/pix/upload02/images65/mk32037_22.jpg





عفواً أخوي...من وين عرفت إن البرادو تجميع صيني على تايلندي؟
ماأبي وكالة يقولون..أبي مصدر أكيد..
أما الباجيرو فوش ميزاته؟

أنتظرك أخوي..

[م.أبوخلاد]

اضم كلامي مع اخوي بدوي جنوبي :D


تقدر تعلمني ليش تضم كلامك مع الأخ بدوي جنوبي؟

[م.أبوخلاد]

حط هالمبلغ في جعلك تسلم في شيخ مثل الكروزر ولا سفاري
البرادو مب شين بس مايقارن باللي فوق
الله يدلك على الخير

ومن كتب يسلم..
يا أبوأسامه -بيض الله وجهك- الكروزر شيخ مابعده شيخ بس إنه غالي..أخوك يسر الله له وله الحمد سبحانه وبعد التحفير يمين وشمال إنه يجمع 100 ألف وال23ألف الباقية أقساط ..

واحد قال رح للإمارات أو قطر واشتر من هناك كروزر مستعمل بحشمه..بس قلت له:السفر صعب علي,والحق يقال إني ماأبخص بالمواتر وأخاف أحد يغشني..

هو فيه رأي راشد تشيرون به علي يالربع لاهنتم؟

[Mohammad]

اخى انا اتعاطف مع وجهة نظر الاخ بدوى جنوبى وعنده نقطه مهمه ولكن والله اخى لم اسمع عن البرادو الا اخبار ممتازه ...وسياره يمدحونها بحق!

وفى اعتقادى السبب ان مكينة 6 سلندر متناسبه مع حجم السياره ولهذا لم نسمع عنها الا انها قويه! واشوف انها افضل من الافجى كروزر الف مره!

عيوبها نسبيه وطبيعيه والانسلن بيشر ما يناسبه ومنها انها غاليه على حجمها فهى اكيد ليست لعائله كبيره كذلك حجمها اعتقد لا يسمح بالسرعات العاليه..واكيد تمسك سعرها افضل بكثير من المتسوبيشى!

اخى للعلم انا احب المتسوبيشى واعتقد انها سياره متينه وجوده ولكن لو بغيت تبيعها اكيد ستخسر الكثير اضف الى ذلك الصيانه وقطع الغيار فلك عليهم!

عندى قاعده عامه اذا وضعك المالى زين فانت حل من كثير من المشاكل وطب وتخير وقد تشترةى متسوبيشى والا جمس او هوندا ولا يجيك منها الا كل خير ولكن عندما تكون مقيد ماليا فانت مجبور تذهب مع السوق والسوق يقول تويوتا للاسف...وبرادو نعم السياره

والله اعلم

[.أبوعبدالرحمن]

اخوي الغالي توكل على الله فنعم السياة البرادو

فإذا اتينا للمقارنة مع الباجيرو فسعة المكينة في الباجيروا 3.8 ولكن في المقابل البرادو 4.0


علما انه الباجيرو كما يقولون انه اقوى من البرادو

ايضا البرادو افضل من الباجيرو بمراحل كثيرة فمنها الوكيل فوكيل تويوتا تجده بكل مدينة وكل حي

بمقابل الميتسوبيشي على ما اعتقد انه ليس له الا فرعين صيانة او فراع واحد فقط

من ناحية سعر قطع الغيار فهذا ايضا من صالح البرادو فقطع البرادو ارخص بكثيييييييييير من قطع الباجيرو


ايضا فيما بعد عند البيع ستجد هناك فرق كبييييييييييير بين البرادو الذي سيسقط منه بعد سبع سنوات 30 الف ريال

بينما الباجيرو سيقط منه 70 الف ريال فالفرق واضح


واتمنى انك تستخير وتتوكل على الله


فعرفت تختار

[khaled99]

اضيف على كلام الاخوان

ان البرادو العزل الصوتي فيه افضل من الباجيرو

واريح مركب..من الباجيرو

واحرص على اللي يكون فيه تانكيين...

اذا كان يهمك الشكل.. فاحتمال يتغير شكل البرادو 2009..والعلم عند الله

لكن الباجيرو توه نازل الشكل الجديد اللي وضع صورته بدوي جنوبي..

والله يوفقك

[الهمر]

البرادو

نعم السيارة .. من واقع تجربة

خفيف + ماله بطناج يعني ما تسمع فيه لقلقه او قربعه
وهو ماشي في الصحراء والجبال كأنه ماشيء على الزفلت ..

من واقع تجربة برادو 2004 فل كامل 6 سلندر وارد البازعي

ولكن ياليت تشتري وارد البازعي او خليجي بشكل عام لأنه يجي فيه تانكيين بنزين
وانا افضل الأسبير علاق حتى تحط تحت خزان ماء مثل اللي عندي ..

وممكن اطلعك عليه .

[بن نويشر]

يا خوي هالقيمة قيمة تاهو 2008 جديد 4×4 . رزه وكشخه ، أو زده شوي وفك يوكن .

وجعله بالبركه في كافة أمورك .

[مرقاب]

اللي اعرفة ان الباجيرو حمار مكدة وجيب فخم واريح من البرادو على الخط وقيره تربنيك والدبل ثلاث تغيرات ذو نظام متطور وتقنيته لا توجد الا في الرنج والكايان -بورش- وياباني ياباني اما من ناحية هبوط سعره في بالبيع فهو مايفرق كثير عن البرادو وقارن المستعمل بالسوق.

[هايبر]

أنا بعطيك رأي من واقع تجربه .عندي برادو 4 سلندر ماشاء الله عليه في بر وسفر .مع العلم إن 6 سلندر بيكون أفضل منه بكثير . بالنسبه للخرابات له معي 5 سنوات أغير كفر وفحمات مع العلم إنه يستخدم إستخدام كثير معدل 150 كيلو في اليوم والحمد لله .وجهة نظري إذا القيمه بتجيب سياره جديده إشتر جديد ولا تشتري مستخدم حتى لو كانت السياره المستخدمه أفضل من الجديده من ناحية الجوده.والله يبارك لك في اللي بتشتريه

[مقلع الرمث]

الله يوفقك وتوكل على الله الصراحه سيارة وذفه جدا وقوي ايضا وقبل كل شي استخر وانا اخوك

[القيعه]

اخوي انا كنت ناوي اشتري برادو 6 سرندل بس الماده ذبحتني
والله يا خوك ما فيه أحد سبه
انا الوالد معه 2006 اربعه سرندل ما عيبه في عيني إلا انه ما يسرع (ماله عزم ) ولا الباقي تمام في تمام
اعزم وتوكل علا الله
الإستشاره و هذاولا الربع ما قصرو ولا باقي إلا تستخير قبل ما قرر
الله يوفقك وين ما تلقي وجهك

[أبوطلال2007]

البرادو

نعم السيارة .. من واقع تجربة

خفيف + ماله بطناج يعني ما تسمع فيه لقلقه او قربعه
وهو ماشي في الصحراء والجبال كأنه ماشيء على الزفلت ..

من واقع تجربة برادو 2004 فل كامل 6 سلندر وارد البازعي

ولكن ياليت تشتري وارد البازعي او خليجي بشكل عام لأنه يجي فيه تانكيين بنزين
وانا افضل الأسبير علاق حتى تحط تحت خزان ماء مثل اللي عندي ..

وممكن اطلعك عليه .

والله أنك صادق ... وأنا أخوك ... معي فل كامل 2004 وارد عبداللطيف جميل ... ولله الحمد .. زيت وسيفون وكفرات ... وأبشر به في كل مكان يبيض الوجه .،،،

[edar]

مساكم الله بالخير
انا بدلي بدلوي وان شاء الله يعجبكم

البرادو سياره رووعه بس انتبه لبعض المواصفات زي المسجل يجي فيه بلوتوث (( اتوقع حق حسن جميل ))

انا تحت يدي سيارة الشركه برادو 2007 ماشي الحين 3000 كيلو
بس قبل لاتشتري احرض على المسجل بلوتوث والمكينه 6 سلندر اما الاربعه ولا تفكر تاخذها يبي يعل قلبك .. زميلي عنده 2007 في القسم الثاني لاكن مسجله عادي جداااا
يعني احرص على الملاحضات وقارن بين عبداللطيف جميل وحسن جميل

[رجل كريم]

السلام عليكم ورحمة الله وبركاته:


سواء اخترت البرادو او الباجيرو فكلهم طيبات ويخدمن ان شاء الله ..

كل ما انصحك به الاستخارة فما خاب من استخار .. والله يبارك لك في مالك واهلك ..,

تحياتي .,

[م.أبوخلاد]

اخى انا اتعاطف مع وجهة نظر الاخ بدوى جنوبى وعنده نقطه مهمه ولكن والله اخى لم اسمع عن البرادو الا اخبار ممتازه ...وسياره يمدحونها بحق!

وفى اعتقادى السبب ان مكينة 6 سلندر متناسبه مع حجم السياره ولهذا لم نسمع عنها الا انها قويه! واشوف انها افضل من الافجى كروزر الف مره!

عيوبها نسبيه وطبيعيه والانسلن بيشر ما يناسبه ومنها انها غاليه على حجمها فهى اكيد ليست لعائله كبيره كذلك حجمها اعتقد لا يسمح بالسرعات العاليه..واكيد تمسك سعرها افضل بكثير من المتسوبيشى!

اخى للعلم انا احب المتسوبيشى واعتقد انها سياره متينه وجوده ولكن لو بغيت تبيعها اكيد ستخسر الكثير اضف الى ذلك الصيانه وقطع الغيار فلك عليهم!

عندى قاعده عامه اذا وضعك المالى زين فانت حل من كثير من المشاكل وطب وتخير وقد تشترةى متسوبيشى والا جمس او هوندا ولا يجيك منها الا كل خير ولكن عندما تكون مقيد ماليا فانت مجبور تذهب مع السوق والسوق يقول تويوتا للاسف...وبرادو نعم السياره

والله اعلم


الله يبيض وجهك يا محمد..

أنا اخترت البرادو لعدة أسباب:
الأول:إن خويي معه واحد موديل 2004 بس 4سلندر ويمدح فيه كل شي ماعدا العزم..سقته ولقيت إن عزمه يجيب النوم :o
الثاني:لأنه تويوتا والتويوتا مايذكر عنه إلا كل خير..سواءً الجودة والصيانة وقطع الغيار ومسكه لقيمته بعد الاستخدام
الثالث:غالب وقتي في السيارة لحالي(عزوبي):j وأحب البر فشفت إن اللاندكروزر كبير وغالي علي والبرادو مناسب لي ولفلوسي
الرابع:أنا رجال راعي سفر وخطوط كل أسبوع أو أسبوعين وموتري إلي قبل في ثلاث سنوات قطع 160 ألف كم(قولوا ماشاء الله) فبغيت موتر لي و للزمن

الله ييسر ويكتب لي ولكم مافيه الخير.

[م.أبوخلاد]

اخوي الغالي توكل على الله فنعم السياة البرادو

فإذا اتينا للمقارنة مع الباجيرو فسعة المكينة في الباجيروا 3.8 ولكن في المقابل البرادو 4.0


علما انه الباجيرو كما يقولون انه اقوى من البرادو

ايضا البرادو افضل من الباجيرو بمراحل كثيرة فمنها الوكيل فوكيل تويوتا تجده بكل مدينة وكل حي

بمقابل الميتسوبيشي على ما اعتقد انه ليس له الا فرعين صيانة او فراع واحد فقط

من ناحية سعر قطع الغيار فهذا ايضا من صالح البرادو فقطع البرادو ارخص بكثيييييييييير من قطع الباجيرو


ايضا فيما بعد عند البيع ستجد هناك فرق كبييييييييييير بين البرادو الذي سيسقط منه بعد سبع سنوات 30 الف ريال

بينما الباجيرو سيقط منه 70 الف ريال فالفرق واضح


واتمنى انك تستخير وتتوكل على الله


فعرفت تختار


حياك ربي يا أبوعبدالرحمن..

صدقت في نقطتك عن الوكيل وعن قطع الغيار وعن سعر مابعد الاستخدام..

كنت بالسوق قبل فترة ولقيت برادو 2006 كحلي VX2 أو VX1 والله نسيت ماشي 60 ألف ومواصفات سعودي ب100 ألف !!!
ولقيت خليجي ماشي 50 ألف نفس الموديل بس اللون فضي بنفس القيمة

سلم الله يمناك

[م.أبوخلاد]

اضيف على كلام الاخوان

ان البرادو العزل الصوتي فيه افضل من الباجيرو

واريح مركب..من الباجيرو

واحرص على اللي يكون فيه تانكيين...

اذا كان يهمك الشكل.. فاحتمال يتغير شكل البرادو 2009..والعلم عند الله

لكن الباجيرو توه نازل الشكل الجديد اللي وضع صورته بدوي جنوبي..

والله يوفقك


هلا وسهلا بك أخوي خالد..
أشكرك على ردك..
بالنسبة للعزل الصوتي وش تقصد به؟
هو الأصوات إلي من جلد الأبواب؟


أما التانكيين فحاطه في بالي..أظنه وارد البازعي


الشكل يهمني أكيد بس أنا مستعجل على الموتر وباستخدم وحاط في بالي إني ماراح أبيع إلا بعد 7سنوات بإن الله..


الباجيرو في النفس منه شي..


سلمت

[م.أبوخلاد]

البرادو
نعم السيارة .. من واقع تجربة
خفيف + ماله بطناج يعني ما تسمع فيه لقلقه او قربعه
وهو ماشي في الصحراء والجبال كأنه ماشيء على الزفلت ..
من واقع تجربة برادو 2004 فل كامل 6 سلندر وارد البازعي
ولكن ياليت تشتري وارد البازعي او خليجي بشكل عام لأنه يجي فيه تانكيين بنزين
وانا افضل الأسبير علاق حتى تحط تحت خزان ماء مثل اللي عندي ..
وممكن اطلعك عليه .


حياك يا الهمر..
والنعم بحالك..
بالنسبة لوارد البازعي ففيه مشكلة بسيطة..
أنا معي 100 ريال فقط و واحد من أخوياي عنده معرض وبيقصد لي الباقي بفوائد بسيطة جداً..
وهو يجيب من أبوجميل..
كان ودي والله بوارد بازعي علشان التانكيين..

الله ييسر لي ولك وللجميع مافيه الخير

[م.أبوخلاد]

يا خوي هالقيمة قيمة تاهو 2008 جديد 4×4 . رزه وكشخه ، أو زده شوي وفك يوكن .

وجعله بالبركه في كافة أمورك .


بارك الله فيك يا بن نويشر

التاهو مايحتاج رزه وكشخه بس كبييير..أما اليوكن لو كنت بآصل لسعره كان طقيت لاندكروزر..

عشت وبارك ربي فيك وفي كل أمورك

[م.أبوخلاد]

اللي اعرفة ان الباجيرو حمار مكدة وجيب فخم واريح من البرادو على الخط وقيره تربنيك والدبل ثلاث تغيرات ذو نظام متطور وتقنيته لا توجد الا في الرنج والكايان -بورش- وياباني ياباني اما من ناحية هبوط سعره في بالبيع فهو مايفرق كثير عن البرادو وقارن المستعمل بالسوق.


ولايهون البرادو..أحمر منه (يعني حمار أكثر منه-تكرمون-) :D

والله يا مرقاب أنت تقول إنه أريح من البرادو و khaled99 يقول العكس؟!

أما بقية المواصفات فعلى العين والراس..
لكن ماأدري ليش في نفسي شي من الباجيرو ؟!!

سلم الله يمناك

[م.أبوخلاد]

أنا بعطيك رأي من واقع تجربه .عندي برادو 4 سلندر ماشاء الله عليه في بر وسفر .مع العلم إن 6 سلندر بيكون أفضل منه بكثير . بالنسبه للخرابات له معي 5 سنوات أغير كفر وفحمات مع العلم إنه يستخدم إستخدام كثير معدل 150 كيلو في اليوم والحمد لله .وجهة نظري إذا القيمه بتجيب سياره جديده إشتر جديد ولا تشتري مستخدم حتى لو كانت السياره المستخدمه أفضل من الجديده من ناحية الجوده.والله يبارك لك في اللي بتشتريه


ماشاء الله تبارك الله
ونعم التجربة يا هايبر..
الله يتمم لك بقية عمر الموتر على خير..

بيض الله وجهك..

[م.أبوخلاد]

الله يوفقك وتوكل على الله الصراحه سيارة وذفه جدا وقوي ايضا وقبل كل شي استخر وانا اخوك


الاستخارة لابد منها أخوي مقلع الرمث..

لاعدمناك..

[حيمور]

انا عندي معلومه عن البرادو انه امريكا ما تستوردها لانه نسبة الامان فيها ضعيفه والسياره قابله للقلب على السرعات بسهوله وهاذا الكلام تاكدت منه عن طريق صديق امريكي اكد لي هذا الكلام

[م.أبوخلاد]

اخوي انا كنت ناوي اشتري برادو 6 سرندل بس الماده ذبحتني
والله يا خوك ما فيه أحد سبه
انا الوالد معه 2006 اربعه سرندل ما عيبه في عيني إلا انه ما يسرع (ماله عزم ) ولا الباقي تمام في تمام
اعزم وتوكل علا الله
الإستشاره و هذاولا الربع ما قصرو ولا باقي إلا تستخير قبل ما قرر
الله يوفقك وين ما تلقي وجهك


بسم الله عليك يا القيعه من الذبح

المادة تروح وتجي بإذن الله..أهم شي العافيه..
الـ4سلندر فيه عزم أصلاً ؟! :D
الله يبارك للوالد في موتره وعقبال مانبارك لك باللي يسرك

[م.أبوخلاد]

والله أنك صادق ... وأنا أخوك ... معي فل كامل 2004 وارد عبداللطيف جميل ... ولله الحمد .. زيت وسيفون وكفرات ... وأبشر به في كل مكان يبيض الوجه .،،،


ماشاء الله تبارك الله..
جعل وجهك أبيض يا أبوطلال..

بالمناسبة..كيف صرفيته؟

[م.أبوخلاد]

مساكم الله بالخير
انا بدلي بدلوي وان شاء الله يعجبكم

البرادو سياره رووعه بس انتبه لبعض المواصفات زي المسجل يجي فيه بلوتوث (( اتوقع حق حسن جميل ))

انا تحت يدي سيارة الشركه برادو 2007 ماشي الحين 3000 كيلو
بس قبل لاتشتري احرض على المسجل بلوتوث والمكينه 6 سلندر اما الاربعه ولا تفكر تاخذها يبي يعل قلبك .. زميلي عنده 2007 في القسم الثاني لاكن مسجله عادي جداااا
يعني احرص على الملاحضات وقارن بين عبداللطيف جميل وحسن جميل


ماشاء الله وش هالدلو الزين يا edar !!
تبيعه؟ :D

عفواً..أنا مافهمت (حسن جميل)!!
هو مورد في الرياض؟
بالنسبة للـ4 سلندر فما أبيه لو هو ببلاش(والله من الصدق)
إن شاء الله 6 سلندر أسود

مشكور

[مسايف الطعس]

الله يكتب الي فيه الخير

[م.أبوخلاد]

السلام عليكم ورحمة الله وبركاته:



سواء اخترت البرادو او الباجيرو فكلهم طيبات ويخدمن ان شاء الله ..


كل ما انصحك به الاستخارة فما خاب من استخار .. والله يبارك لك في مالك واهلك ..,



تحياتي .,



وعليكم السلام ورحمة الله وبركاته

أنت الطيب يا داكار

نصيحتك طيبه وماغابت عن البال..

بارك الله لك في نفسك وأهلك ومالك ورزقك..

[م.أبوخلاد]

انا عندي معلومه عن البرادو انه امريكا ما تستوردها لانه نسبة الامان فيها ضعيفه والسياره قابله للقلب على السرعات بسهوله وهاذا الكلام تاكدت منه عن طريق صديق امريكي اكد لي هذا الكلام


إلي أعرفه أخوي حيمور إن الدفع الرباعي عموماً قابل معرض للإنقلاب..

إذا كنت مخطي أتمنى أحد يصحح لي المعلومة..

الخوف إن خويك يبيني أشتري تاهو أو يوكن ويكسّب ديرته !! :D

بيض الله وجهك

[Alwaily-Q8]

سلام عليكم ...

البرادو من أطيب الجيوب وأنشطهن وأجملهن ...
تبيه سفر وبر وديره وحمل وعائلي وشبابي وأقتصادي كلهن جامعهن...
وسألت أللي جربوه يمدحونه ويثنون عليه..
وسألت اللي ذموه لقيتهم يكرهون شي اسمه تويوتا ولا متعنصرين لجيوب معينه.
ويعلم الله اني نويت اشتريه قبل سنه وسويت مقارنه علميه شامله كل شي مثل المكينه والقير والدبل والتماسك وسعر قطع الغيار مع جيوب كثيره
مثل الاند gx
والباجيرو
الباث
الأف جي
والفورنشر
والنتيفاء
والفيتارا
ولقيته أفضل الموجود بنظري واللي يناسبني وماسك سعره بسوق. بس قدرالله وماشريته..
وما زلت ناوي عليه أنشالله

وأنت استخير والله يبارك انشالله
واذا عزمت خذ 6سلندر اللي فيه خزانين وثبت سرعه..

[الملتمس]

توكل على الله أخوي واشتري برادو بس أنا لقيت سعره في معارض القصيم يوم 23/8/1429هـ الفل كامل ب142ألف ريال .وأن شاء الله ينزل السعر لأني ناوي أشتري واحد بإذن الله . هذا طبعًا سعر المدين .واي مساعده انا حاااااااااااااظر
شكرًا لك .

[جزلا]

السلام عليكم اخوي توكل على الله وخذه انا معي برادوا 2007 vx1 سته سلندر وماشاء الله جربته في البر
وفي الخط ممتاز جدا

[محب التطعيس]

توكل على الله اذا كان جايز لك ومقتنع فيه والله يكتب لك اللي فيه الخير باذن الله

تقبل تحياتي

[برادو]

السلام عليكم

توكل على الله. الموتر شيخ

خفة نفس وعزم يطرب.
اقتصاديه جدا جدا مقارنه بالكروزر والسفاري والعزم افضل مجرب الكل. تانكي تعبيه فل ب 45 ريال بنزين 95 يمشيك 600 كيلو وزياده.
رساوه خياليه بسبب الدفع الرباعي المستمر. ما شاء الله

انا معي برادو 6 سلندر فتحه وثلاجه ومثبت نفس اللي ودك فيه موديل 2004 ولا افكر اغيره واللي يقول انه ملفق ماعنده سالفه لأن البرادو من السيارات القليله عند ابوجميل اللي مايلعب فيها.

[صصعفق]

السلام عليكم
عندي لك اقتراح اسمه ( راشد )
رح لمحل تأجير سيارات وجرب الثنين
وبعدين استخر وقرر
واذا تبي شوري ومعزم على البرادو ترى فيه
v8 ثمانيه سلندر:alarm: يعني اربط الحزام لا تطير:j
وهذا النوع في الخليج واذا انا ماني واهم :confused: فهو عند معرض عمان في النسيم
ارجو من الله ان يوفقك فيما يحبه الله
تحاتي

[بدوي جنوبي]

يعلم الله انه هذا هو المركب


http://www.mekshat.com/pix/upload02/images65/mk32037_22.jpg

لكن ما طيح سمعته الا وكليه ما بعد البيع
خلاص ما اقدر اقول شي
اكثر الاعضاء رشحوا البرادو

لكن ليعلم الجميع ان مواصفات الباجيرو لم يسبق لها مثيل في جميع
الجيوب وهذا الكلام عن موديلات حديثه

طبعا اي شخص بيشتري سيارة ويفكر في البيع مستقبلا
اكيد راح ياخذ تويوتا ،، وامكن غير مقتنع فيها

بالتوفيق للجميع

[شمالات نجد]

الله يوفقك في البرادو

وأنا مع الأخوان سيارة ما عليها كلام

وأصرف من الباجيرو بمراحل مع احترامي لعشاقه

[الدهاس]

ما أقول غير توكل على الله واشتر الموتر خصوصا اذا انت ما تروح مناطق وعره وترى ما مثل الجديد لكن ابحث عن افضل سعر والله يوفقك لما فيه خير لك

[إعصار]

..





البرادو ماعليه كلام ..



الصيانة مايطلب شي يذكر اشياء استهلاكية ولاذكر به عيوب زي غيره من الجيوب ..




العزم مايحتاج يطربك .. وتبي نصيحتي جربه قبل لاتشتريه..



والسعر شيك في مخباك ..



والله يوفقك ويرزقك الي في بالك ..



وعقبال ماتجهز من الى للبر.. تانكي ودعامية وسلة وبطارية كهرب ..

[المميـز]

أنــــا أرشـــــــــــح البـــــــــــاجيـــــــــــــــرو

لهذه الاسباب

سيارة أفخم من البرادو

الفل كامل بـ 133 الف ريال

جلد + فتحة + سيدي + طبلون ليزر + تخشيبة طبلون
مكينة 3.8

من مميزات الباجيرو نااااادرا جدا يطلب قطع غيار

ولو طلب بعد 4 سنوات راح تلقا القطعه غاليه اشوي

ولكن اعرف انك ماراح تغيرها الا بعد 4 سنوات ثانيه ان شاء الله

ومن المميزات ان الباجيرو صناعته 100% ياباني

وجميع القطع اللي فيه يابانيه 100%

ومن المميزات في الباجيرو

ثبات على الطريق يعني ارسى من البرادو

ودبــــــــــل الباجيــــــــرو

فيــــــــــه دفــــــــ لــــــــــــوك
( هـــــــــــــزاز )

غير موجود بالبرادو

باختصار الباجيرو وبس <<< كمقارنه بالبرادو



وعليك اخوي
بالاستخاره بعد الاستشاره

والله يكتب لك اللي فيه الخير


....

[قناص الجزيرة]

لو عندي هالمبلغ ما حطيته في سيارة ملفقه
تجميع صيني علي تايلندي
مع احترامي الشديد لك يا اخ ابو خلاد

والله حرااام 123 الف


شكلك ملخبط بينه و بين الفورتشنر. ممكن مصدرك الله يعافيك عشان تثبت انه تجميع صيني على تايلندي.



انا عندي معلومه عن البرادو انه امريكا ما تستوردها لانه نسبة الامان فيها ضعيفه والسياره قابله للقلب على السرعات بسهوله وهاذا الكلام تاكدت منه عن طريق صديق امريكي اكد لي هذا الكلام


امريكا ينزل عندهم جيب لكزس GX وهو نفسه البرادو و بامكانك تتاكد عن طريق النت.
السبب اللي ما يخلي امريكا تستورده هو نفس السبب اللي ما يخلي الهايلاندر حق تويوتا يجي عندنا او الباترول ما يروح لامريكا, وليس لدواعي الامان.

[بدوي جنوبي]

شكلك ملخبط بينه و بين الفورتشنر. ممكن مصدرك الله يعافيك عشان تثبت انه تجميع صيني على تايلندي.

يا اخ قناص الان الجيوب بكل فئاتها صارت قطعها صيني واسترالي
طبعا اقصد ال GX والVX




امريكا ينزل عندهم جيب لكزس GX وهو نفسه البرادو و بامكانك تتاكد عن طريق النت.
السبب اللي ما يخلي امريكا تستورده هو نفس السبب اللي ما يخلي الهايلاندر حق تويوتا يجي عندنا او الباترول ما يروح لامريكا, وليس لدواعي الامان.

اغلب سيارات تويوتا ما تدخل الدول الاوربيه وامريكا
لانها ما تنجح في اختبار نظام السلامه عندهم

ولو رأيت سيارة تويوتا بتكون مواصفاتها عاليه وحتي نظام التعليق مختلف ،،، لان المفروض تكون اكثر امان
والله يخلف علي مواصفات وكلائنا ,,

[سيف الظفير]

بهالقيمة خذلك فتك 2007 احسن لك


او باجيرو لؤلؤي 2008 فتحة

[saadqc]

الله يوفقك يابو خلاد انصحك اشتر برادو انا معي جيب برادو 2008 فل كامل ومالاحظت منه الى الطيب والله يالربع طبيت وادي كنت اطبه بجيوب ثانية وكنت لابد اشغل الدبل ودخلته بالبرادو وحاولت انه ينشب مانشب وطبعا كان الدبل مفصول والله موتر في بر وفي خط لكن عيبه ان المواصفات السعودية مابها تانكيين وترى عاااادي موب لزوم ( واحد بيقنع نفسه ) هههه

الله يوفقك بالموتر الطيب والله يعطيك من خيره ويكفيك شره

انا بقول للاخ اللي يقول ان التويوتا ماتدخل الدول الاوربية اكثر سيارات بريطانيا تويوتا ومنتشر هناك بكثافة انا طبعا كنت ادرس ببريطانيا والله شفتها كثيره جدا وغااااااااااااالي جدا عندهم البرادو دبل السعر عندنا واكثر وايضا موجود بأمريكا

[أبو ياسر]

السلام عليكم ورحمة الله وبركاتة

اخوي توكل على الله واشتر البرادو

سيارة يابانية وقوية ومتماسكة وجودتها كبيرة مرة

خصوصاً انك بتاخذها كامل المواصفات وسته سرندل

مواصفاتها قريبه مره من الاندكروزر مب مثل الفورتشنر الي صناعته تايلندية

اتمنى التوفيق لي ولك وللجميع المسلمين

[مخاوي الليل 1]

صباح الخير على الجميع
اخوي ابومخلاد تحيه طيبه
من واقع تجربه كان عندي برادو 2006 6سلندر vx واول ماشريته كنت طاير فيه
ويوم سافرت فيه بالعايله لمكه اكتشفت انه مهوب راسي في الخط وخطر على العايله
وبعته على طول

[AL must7eeL]

ان كانك منت راعي بيع خذلك باجيرو !

والله ييسر لك الأمور

[م.ابوسعود]

انا اشوف والعلم عند الله انك تاخذ الفل اللي يجي فيه هيدروليك الظاهر انه رقم 4 والسبب انه يقي من الانقلابات باذن الله عزوجل لانه غير راسي وسريع الانقلاب انت استخر وشف وفيه خيارات ثانيه عندك الباث الجديد ممتاز وسعره مناسب وقليلين اللي اشتكو منه خل خياراتك واسعه وحط ببالك ان البرادو من 2002او2003 ماتغير يعني السنه الجايه يبي يتغير ان شاء الله .
تقبل مرووري .